ब्रेकिङ न्युज २

सिन्धुपाल्चोकको चौतारा सागाँचोक गढी नगरपालिका १० सुकुटे स्थित अरनिको राजमार्ग सडक खण्डमा बस एक आपसमा ठक्कर खादा २१ घाईते भएका छन् । खाडीचौरबाट बन्देउतर्फ जादै गरेको बा ३ ख ४८३४ नम्बरको बस र बिपरित दिशाबाट आउदै गरेको प्र.३–०१–००५ ख ९९३३ न.को बस एक आपसमा ठक्कर खाई दुर्घटना हुँदा दुबै बसहरुमा सवार २१ जना मानिसहरु घाईते भएको जिल्ला प्रहरी कार्यालयका प्रहरी नायव उपरिक्षक तथा सुचना अधिकारी दक्षकुमार बस्नेतले जानकारी दिनुभयो । प्रनाउ वस्नेतका अनुसार घाईतेहरुलाई तत्काल उद्धार गरि उपचारको लागि विभिन्न अस्पतालहरुमा पठाईएको र घाईतेहरु मध्ये ७ जनाको अवस्था मध्यम रहेको छ भने अन्य १४ जना घाईतेहरु सामान्य रहेको छ । घटना सम्बन्धमा थप अनुसन्धान कार्य भई रहेको उहाँले बताउनुभयो...

सिन्धुपाल्चोकको नेपाली कांग्रेस सिन्धुपाल्चोक प्रतिनिधिसभा क्षेत्र नम्बर २ को क्षेत्रिय सभापतिमा आईतामान तामाङले उम्मेदवारी घोषणा गर्नुभएको छ । कांग्रेसको १४ औं महाधिवेशन अन्तर्गत मंसिर १० र ११ गते हुने अधिवेशनमा सभापति उम्मेदवार घोषणाा गर्नु भएको हो । यस अघि पनि सभापति रहनु भएका तामाङले पुनः उम्मेदवार बन्ने आज घोषणाा गर्नु भएको हो । अघिल्लो कार्यकालमा पनि सभापति बनेका तामाङले संगठन सुदृढीकरण र सवल कांग्रेस निमार्णका लागि उमेद्वारी दिएको बताउनुभयो । युवाहरुलाई समेटेर राजनितीमा होमिएका तामाङले यो अधिवेशनमा क्षेत्रिय सभापतिमा आफुलाई जिताउन आग्रह गर्नुभएको छ । पार्टीका अग्रज नेता र पार्टीका कार्यकर्ता तथा शुभेच्छुकको आग्रहमा उम्मेदवारी घोषणाा गरेको उहाँले बताउनुभयो । तीनै तहको निर्वाचनमा पार्टीलाई विजयी गराउने गरी संगठन निर्माण गर्न आफुले उम्मेदवारी दिएको तामाङले बताउनुभयो ।...

नेपाली कांग्रेस सिन्धुपाल्चोकले स्थानीय तह अन्तर्गतको निर्वाचन सकेर आज प्रदेश तहको अधिवेशन गर्दैछ । प्रदेशको नेतृत्व लिनका लागी सिन्धुपाल्चोकमा तिब्र प्रतिस्पर्धा हुने देखिन्छ । १ नं. क्षेत्रको प्रदेश ‘क’मा आङ्दोर्जे शेर्पाले सभापतिमा उम्मेदवारी घोषणा गर्नुभएको छ । उहाँ संस्थापन पक्षका हुनुहुन्छ । शेर्पा अहिले पनि प्रदेश सभापतिको जिम्मेवारीमा हुनुहुन्छ । पौडेल पक्षबाट कसले उम्मेदवारी दिने निश्चित भएको छैन । यता प्रदेश ‘ख’मा देबेन्द्र खड्का र चन्द्र सिलवालबीच प्रतिस्पर्धा हुने देखिएको छ । दुबैले उम्मेदवारी घोषणा गरिसक्नु भएको छ । संघीय क्षेत्र नं. २ को प्रदेश ‘क’मा देवप्रसाद बानियाँ, देव कोइराला र केशब गिरीबीच त्रिपक्षीय भिडन्त हुने सम्भावना छ । त्यसैगरी प्रदेश ‘ख’मा सिके चौलागाइँ, सुनील दोङ, खेतनाथ घिमिरेमध्ये एकजना पौडेल पक्षबाट र संस्थापनबाट लेखा लामा र रमेश भण्डारीमध्ये एकले उम्मेदवारी...

राष्ट्रिय जनगणना–२०७८ को जनगणना गर्ने कार्य अन्तिम चरणमा पुगेको छ । सोमबारसम्म ८५ देखि ९० प्रतिशतजति जनगणनाको काम सम्पन्न भएको केन्द्रीय तथ्याङ्क विभागले जनाएको छ । गत कात्तिक २५ देखि सुरु भएको जनगणना सोमबारसम्म १२ दिन मुख्य गणना गरिएको छ । केन्द्रीय तथ्याङ्क विभागका निर्देशक ढुण्डिराज लामिछानेले सोमबारसम्म मुख्य गणनाको ८५ देखि ९० प्रतिशत काम सम्पन्न भएको जानकारी दिनुभयो । सुपरिवेक्षकले नियमित रूपमा गणकसँग समन्वय गरिरहेको र सुपरिवेक्षकले जिल्ला जनगणना कार्यालयमा जनगणनाको प्रगतिबारे विवरण दिने गरेका उहाँले बताउनुभयो । उहाँले भन्नुभयो, “केही छिटफुट भए जिल्ला जनगणना, स्थानीय जनगणना कार्यालयबाट सच्याउने काम भइरहेको छ । अब जनगणना सम्पन्न हुन दुई दिन मात्र बाँकी भएकाले कोही व्यक्ति जनगणनामा छुटेको भए आफैँले पनि चासो राखेर गणक, सुपरिवेक्षक, वडा कार्यालय, पालिका र जिल्ला जनगणना कार्यालयमा सम्प...

नेपाली काँग्रेस सिन्धुपाल्चोकको पालिका अधिवेशनमा संस्थापन पक्षको वर्चस्व रहेको छ । १० पालिकाको निर्वाचन सम्मपन्न हुँदा पार्टी सभापति शेरबहादुर देउवा प्यानलको वर्चस्व देखिएको हो । १० मध्ये ६ पालिकामा देउवा प्यानल विजयी भएका छन् । दुई पालिकामा जिल्ला सभापति विकास लामा निकट सभापति भएका छन् भने दुई पालिकामा दुवै प्यानलमा नपरेका उम्मेदवारले जितेको छ । चौतारा साँगाचोकगढीको अध्यक्षमा इन्द्र धिताल सर्वसम्मत सभापति भएका छन् । सोमबार भएको पालिका अधिवेशनमा धिताल सर्वसम्मत सभापति हुनुभएको छ । उहाँ पहिले लामा निकट मानिएपनि पछील्लो चरण संस्थापन निकट भएपछी सभापतिमा सर्वसम्मत चयन हुनुभएको हो । भोटेकोसी गाउँपालिका सभापतिमा देवीबहादुर बुढाथोकी विजयी हुनुभएको छ । बुढाथोकीले ५५ मत ल्याई जित हात पार्नुभएको हो । उहाँका प्रतिद्वन्दी मुके शेर्पाले २२ मत र साङ्बो शेर्पाले १३ मत ल्याउनुभएको छ । केन्द्रीय सदस्...

सिन्धुपाल्चोक काँग्रेसको १२ वटै स्थानिय तहमा आज भएको अधिवेशनमध्ये ७ मा नयाँ नेतृत्व चयन भएको छ भने अन्यमा हुँदै छ । जुगल गाउँपालिकामा सगुन श्रेष्ठ सभापतिमा निर्विरोध चयन हुनुभएको छ । उपसभापतिमा राजेन्द्र लामा र साङ्बो शेर्पा , सचिवमा सुवास तामाङ र गौरब श्रेष्ठ चयन हुनुभएको छ । सह– सचिवमा भने निमा छिरिङ दोङ र रविन्द्र अधिकारी चयन हुनुभयो । जुगल गाउँपालिकामा ४३ सदस्यीय कार्यसमिती निर्विरोध चयन हुनुभएको छ । बाह«विसे नगरपालिकाको सभापतिमा शम्भु तिमल्सीना निर्वाचित हुनुभएको छ । तिमल्सीनाले रेशम तामाङलाई पराजित गर्नुभएको हो । चौतारा साँगाचोकगढी नगरपालिकाको सभापतिमा भने ईन्द्रलोचन धिताल सर्वसम्मत चयन हुनुभएको छ । कार्यसमितिको उपसभापतिमा कमलराज गिरी र आईडिवि लामा , सचिवमा भगवान खड्का र विकास कुमार सापकोटा, सहसिचवमा ईन्द्रवहादुर बस्नेत कोषाध्यक्षमा कृष्णबहादुर बोगटी निर्विरोध चयन हुनुभएको छ ।...

सिन्धुपाल्चोकमा भएको छुट्टाछुट्टै सवारी दुर्घटनामा परी दुई जनाको मृत्यु भएको छ । मेलम्चीबाट काठमाडौं तर्फ आईरहेको हेलम्बु यातायातको जन्तीबसले मोटरसाइकल चालकलाई ठक्कर दिँदा नुवाकोट घर भएका बासु बस्नेतको मृत्यु भएको हो । सोमबार बिहान ८ बजे सिन्धुपाल्चोकको बाहुनेपाटीमा बा ४ छ ७७६६ नम्बरको बसले ०२०२० बा.प्र. २११४ नम्बरको मोटरसाइकललाई ठक्कर दिएको प्रहरीले जनाएको छ । बसको ठक्करबाट मृत्यु भएपछि स्थानीयले बसमा तोडफोड गरेका छन् । घटनास्थलमा प्रहरीले अनुसन्धान सुरु गरेको छ भने बसका चालक फरार भएका छन् । मृतक बस्नेत मेलम्चीमा रहेको मेरो फाइनान्स कम्पनीका कर्मचारी हुनुहुन्छ । त्यसैगरी ईन्द्रावती गाउँपालिका वडा नं. ५ कोईरालाटार स्थित कच्ची सडक खण्डमा कोईरालाटारबाट धुसेनी तर्फ जादै गरेको लु २ त ८३०४ नम्बरको ट्याक्टरको टायरले नयाँबस्ती बस्ने पुर्ण बहादुर माझीको छोरा बर्ष ३५ को श्याम बहादुर माझीलाई किच...

सिन्धुपाल्चोक जिल्लाको जुगल गाउँपालिकाले सिंहदरबारको झझल्को गाउँमै दिएको छ । गाउँपालिकामा हुने योजना सम्झौताको काम वडाबाटै हुँदा स्थानीयलाई निकै सहज भएको छ । वडामा सञ्चालन हुने योजनाहरुको सम्झौता र बैंक खाता वडा कार्यालयबाटै खोलेर जनतालाई सुविधा दिएको प्रमुख प्रशासकिय अधिकृत लोकबहादुर बिकले बताउनुभयो । गाउँपालिकाको आ.व. ०७८÷७९ को स्वीकृत कार्यक्रम मध्ये उपभोक्ता समिति मार्फत कार्यान्वयन गरिने योजना सम्झौता प्रक्रिया निरन्तर चलिरहेको उहाँले बताउनुभयो । वडा नं २ गोल्चे मा १६ , वडा नं ३ गुम्बामा १८ , वडा नं ६ हगाममा १३ वटा, वडा नं ७ याङलाकोटमा १४ वटा गरि ६१ योजना सम्झौता सम्पन्न भएको समेत उहाँले जानकारी दिनुभयो । एनसिसि बैंकसंगको साझेदारीमा बैंक खाता समेत फिल्डमै खोलिएको छ । सम्झौता पश्चात उपभोक्ता समितिलाई अभिमुखिकरण समेत गरिएको छ । गाउँमै सबै किसिमको सेवा पाउँदा स्थानीय खुसी भएको बताए । स...

बागमती प्रदेशका नवनियुक्त स्वास्थ्य तथा जनसँख्या मन्त्री निमा लामाले स्वास्थ्य क्षेत्रमा सबैको पहुँच पुग्ने काम गर्ने प्रतिबद्धता ब्यक्त गर्नुभएको छ । नेपाली काँग्रेस मेलम्ची नगरपालिका – ७ को पार्टी कार्यालयको उदघाटन गर्दै लामाले वागमती प्रदेशका १३ वटै जिल्लाका अस्पतालहरुलाई स्थलगत भ्रमण गरेर आबश्यक पर्ने स्वास्थ्य सामग्री, जनशक्ती र पूर्वाधारको विकास गर्ने प्रतिबद्धता ब्यक्त गर्नुभयो । मन्त्री लामाले सिन्धुपाल्चोकको विकास निर्माण , खानेपानी, स्वास्थ्य आफुले सकेको सम्बोधन गर्ने समेत बताउनुभयोे । प्रत्येक जिल्लाका अक्सिजन प्लान्ट र मागअनुसारको काम गर्न आफु तयार रहेको समेत बताउनुभयो । कार्यक्रम वडा सभापती दिप वशादुर तामाङको सभापतित्वमा भएको थियो । पार्टी कार्यालयको उटघाटन पछी लामा वडा समितिको सम्मान कार्यक्रममा सहभागी हुनुभएको थियो ।...

नेपाली काँग्रेस सिन्धुपाल्चोकको अधिवेशन भोलीदेखी हुने भएको छ । पार्टी सभापती विकास लामा र केन्द्रीय सदस्य मोहनबहादुर बस्नेतबिच भएको छलफलमा वडा, गाउँ , नगर , प्रदेश, क्षेत्र र जिल्लाको अधिवेशन गर्ने सहमति भएको हो । मँसिर ४ गते बाँकी रहेका वडा अधिवेशन गर्ने सहमती भएको छ । सिन्धुपाल्चोकमा २ वटा वडामा अधिवेसन हुन सकेको छैन भने २ वटा वडामा विबाद छ । सुनकोशी गाउँपालिका वडा नम्बर ३ र जुगल गाउँपालिका वडा नम्बर ३ को अधिवेशन अझै हुन सकेको छैन । नगरपालिका र गाउँपालिकाको ५ गते , सँघिय क्षेत्र नम्बर प्रदेशको निर्वाचन ८ गते , क्षेत्रिय निर्वाचन १०÷११ गते र जिल्ला अधिवेशन १३÷१४ मा निर्वाचन हुने भएको छ ।  ...