बिदेश

काठमाडौँ, २७ चैत : राष्ट्रपति रामचन्द्र पौडेलले संविधानको भावना र जनचाहनाबमोजिम काम गर्न वर्तमान सरकार सफल हुने विश्वास व्यक्त गर्नुभएको छ । सङ्घीय संसद्को संयुक्त बैठकलाई आज सम्बोधन गर्दै उहाँले भन्नुभयो, “वर्तमान संविधान कार्यान्वयनको १० वर्षको अभ्यास र अनुभव हाम्रा लागि महत्त्वपूर्ण छन् । सङ्घीय लोकतान्त्रिक गणतन्त्रका आधारस्तम्भहरू संस्थागत भएका छन् । यही अवस्थाबाट वर्तमान सरकारले जनताका चाहना र भावना पूरा गर्नुपर्नेछ ।” राष्ट्रपति पौडेलले गर्नुभएको सम्बोधनको पूर्णपाठ यसप्रकार छः सम्माननीय सभामुखज्यू, राष्ट्रियसभाका सम्माननीय अध्यक्षज्यू, प्रतिनिधिसभा तथा राष्ट्रियसभाका माननीय सदस्यहरू, १. भर्खरै सम्पन्न प्रतिनिधिसभा सदस्यको निर्वाचनपछि सङ्घीय संसद्को दुवै सदनको संयुक्त बैठकलाई सम्बोधन गर्न पाउँदा मलाई गौरवको अनुभूति भएको छ । २. सर्वप्रथम, म नेपाली जनताले पटकपटक गरेका ऐतिहासिक आन्दोलन,...

काठमाडौँ, १५ चैतः सरकारले शासकीय सुधारका लागि एक सय कार्यसूची सार्वजनिक गरेको छ । शुक्रबार बसेको मन्त्रिपरिषद् बैठकको निर्णयअनुसार शनिबार उक्त कार्यसूची सार्वजनिक गरिएको हो । नेपाल सरकार, मन्त्रिपरिषद्को मिति २०८२ चैत १३ को बैठकबाट स्वीकृत शासकीय सुधारसम्बन्धी एक सय कार्यसूचीहरू विसं २०८२ भदौ २३ र २४ को जेनजी आन्दोलन तथा यसअघि भएका विभिन्न आन्दोलनका क्रममा जीवन उत्सर्ग गर्नुहुने सम्पूर्ण शहीदहरूप्रति नेपाल सरकार भावपूर्ण श्रद्धाञ्जली व्यक्त गर्दछ । साथै, घाइतेहरूको शीघ्र स्वास्थ्यलाभको कामना गर्दछ । २०८२ फागुन २१ गते सम्पन्न आमनिर्वाचनबाट नेपाली जनताले राष्ट्रिय स्वतन्त्र पार्टीलाई अत्यधिक बहुमतका साथ निर्वाचित गरी सरकार सञ्चालन गर्ने महत्त्वपूर्ण अभिभारा सुम्पेकोमा सरकार सम्पूर्ण नेपाली जनतामा हार्दिक आभार र कृतज्ञता व्यक्त गर्दछ । (क) साझा प्रतिबद्धता, समन्वय र जनविश्वास १) संवत् २०८२ फा...

काठमाडौँ, १४ चैतः गृहमन्त्री सुधन गुरुङले कानुनभन्दा माथि कोही पनि नरहेको बताउनुभएको छ । गत भदौ २३ गतेको जेनजी आन्दोलनका बारेमा छानबिन गर्न गठित आयोगले दोषी ठहर गरेका तत्कालीन प्रधानमन्त्री केपी शर्मा ओली र तत्कालीन गृहमन्त्री रमेश लेखकलाई अनुसन्धानका लागि नियन्त्रणमा लिइनु प्रतिशोध नभएको स्पष्ट पार्नुभयो । “कानुनभन्दा माथि कोही छैन । पूर्वप्रधानमन्त्री केपी शर्मा ओली र निवर्तमान गृहमन्त्री रमेश लेखकलाई नियन्त्रणमा लिएका छौँ, यो कसैप्रति प्रतिशोध होइन, केवल न्यायको सुरुआत हो”, मन्त्री गुरुङले फेसबुकमा लेख्नुभएको छ । उहाँले अब देशले नयाँ दिशा लिने विश्वाससमेत व्यक्त गर्नुभएको छ । राष्ट्रिय स्वतन्त्र पार्टीका वरिष्ठ नेता वालेन्द्र शाहको नेतृत्वमा गठित सरकारको पहिलो मन्त्रिपरिषद् बैठकले जेनजी आन्दोनलको छानबिन गर्न गठित पूर्वन्यायाधीश गौरीबहादुर कार्कीको संयोजकत्वको आयोगले दिएको सिफारिस कार्या...

काठमाडौँ, १३ चैतः नेपालको ४३औँ प्रधानमन्त्रीमा बालेन्द्र शाह (बालेन) नियुक्त हुनुभएको छ । राष्ट्रपति रामचन्द्र पौडेलले राष्ट्रिय स्वतन्त्र पार्टी (रास्वपा) का संसदीय दलका नेता शाहलाई प्रधानमन्त्रीमा नियुक्त गर्नुभएको हो । नेपालको संविधानको धारा ७६ (१) अनुसार बहुमतप्राप्त संसदीय दलको नेताका रुपमा राष्ट्रपति पौडेलले केहीबेरमा शाहलाई पद तथा गोपनीयताको शपथ गराउँदै हुनुहुन्छ । नवनियुक्त प्रधानमन्त्री शाह गत फागुन २१ गते सम्पन्न प्रतिनिधिसभा सदस्य निर्वाचनमा झापा क्षेत्र नं ५ बाट निर्वाचित हुनुभएको थियो । उहाँले त्यस निर्वाचनमा नेकपा (एमाले) का अध्यक्ष केपी शर्मा ओलीलाई ठूलो मतान्तरले पराजित गर्नुभयो । नवनियुक्त प्रधानमन्त्री शाह आयुर्वेदिक चिकित्सक डा रामनारायण शाह र धु्रवादेवी शाहका सुपुत्र हुनुहुन्छ । उहाँको जन्म विसं २०४७ वैशाख १४ गते काठमाडौँको नरदेवीमा भएको हो । उहाँको पुख्र्यौली घर महोत्त...

काठमाडौँ, १३ चैतः राष्ट्रपति रामचन्द्र पौडेलसमक्ष नवनियुक्त प्रधानमन्त्री बालेन्द्र शाहले पद तथा गोपनीयताको शपथ लिनुभएको छ । राष्ट्रपति पौडेलले राष्ट्रपतिको कार्यालयमा आज आयोजित विशेष समारोहमा राष्ट्रिय स्वतन्त्र पार्टी (रास्वपा)का वरिष्ठ नेता शाहलाई शपथ गराउनुभएको हो । राष्ट्रपति पौडेलले आजै बिहान नेपालको संविधानको धारा, ७६ को उपधारा (१) बमोजिम प्रधानमन्त्री पदमा नियुक्त गर्नुभएको थियो । समारोहमा उपराष्ट्रपति रामसहायप्रसाद यादव, प्रधानमन्त्री सुशीला कार्की, प्रधानन्यायाधीश प्रकाशमानसिंह राउत, राष्ट्रियसभाका अध्यक्ष नारायणप्रसाद दाहाल, पूर्वप्रधानमन्त्रीहरु उपस्थित हुनुहुन्थ्यो । समारोहमा संवैधानिक निकायका प्रमुख, सरकारका विशिष्ट श्रेणीका अधिकृत, सुरक्षा निकायका प्रमुख, यहाँस्थित विभिन्न कूटनीतिक नियोगका पदाधिकारीलगायत उपस्थित हुनुहुन्थ्यो । प्रधानमन्त्रीको शपथ पहिलोपटक वैदिक–सनातन परम्परा...

सिन्धुपाल्चोक जिल्लामा प्रतिनिधि सभाको निर्वाचन सफल बनाउन अहोरात्र खटिएका तिनै तहका सुरक्षाकर्मी, सञ्चारकर्मी तथा निर्वाचनसँग सम्बन्धित जिम्मेवार व्यक्तित्वहरूलाई सम्मान गरिएको छ। जिल्ला प्रशासन कार्यालय सिन्धुपाल्चोक र निर्वाचन आयोग सिन्धुपाल्चोकद्वारा आयोजित कार्यक्रममा उनीहरूलाई सम्मानपत्र प्रदान गरिएको हो। उक्त कार्यक्रममा निर्वाचनका क्रममा देखिएका सहज तथा असहज अवस्थाहरू, भोग्नुपरेका चुनौतीहरू तथा कठिन परिस्थितिमा पनि निर्वाह गरिएको जिम्मेवारीबारे छलफल गरिएको थियो। सहभागीहरूले भविष्यमा यस्ता चुनौतीहरूलाई अझ प्रभावकारी रूपमा व्यवस्थापन गर्ने विषयमा समेत धारणा राखेका थिए। कार्यक्रममा प्रमुख जिल्ला अधिकारी रामकृष्ण अधिकारीद्वारा सम्मानपत्र वितरण गरिएको थियो। साथै निर्वाचन आयोगका प्रतिनिधि, सुरक्षाकर्मी, सञ्चारकर्मी तथा अन्य सरोकारवालाहरूको बाक्लो उपस्थिति रहेको थियो।  ...

अरनिको राजमार्गअन्तर्गत धुलिखेलदेखि खावा खण्डसम्म सडक कालोपत्रे गर्ने कार्य सुरु हुने भएकाले उक्त सडक मा चैत्र ७गते बेलुका ६बजे देखी बिहान ५बजे सम्मका लागी सबारी साधन सञ्चालनमा रोक लगाइएको छ । सडक डिभिजन कार्यलय भक्तपुरले एक सुचना जारी गरी उक्त सडक खण्डमा सवारी सञ्चालनमा अस्थायी प्रतिबन्ध लगाइएको जनाएको छ।कार्यालयले जारी गरेको सार्वजनिक सूचनाअनुसार जिल्ला प्रशासन कार्यालय काभ्रेपलाञ्चोकमा बसेको बैठकको निर्णयका आधारमा २०८२ चैत ७ गतेदेखि २०८२ चैत २० गतेसम्म सो सडक खण्ड प्रयोग गर्ने सवारी साधनका लागि विशेष व्यवस्था गरिएको छ।सो अवधिमा ठूला चारपाङ्ग्रे सवारी साधन (बस सहित) साँझ ६ बजेदेखि बिहान ५ बजेसम्म सञ्चालन गर्न पाइने छैन।त्यस्तै टिपर र ट्रकहरू (पास लिएका समेत) लाई भने २४ घण्टै सञ्चालनमा पूर्ण प्रतिबन्ध लगाइएको छ।कार्यालयले सडक मर्मत तथा कालोपत्रे कार्यलाई सहज बनाउन यस्तो व्यवस्था गरिएको भन...

  प्रतिनिधि सभा निर्वाचन भब्य र सब्य रुपमा सम्पन्न गराउँन सञ्चार कर्मीहरुले खेलेको भुमिकाको प्रती खुशी लागेको जिल्ला प्रमुख निर्बाचन अधिकृत रिता क्मरुी बख्रेलले बताउँन् भयो । जिल्ला समन्वय समितिको कार्यलयमा रहेको जिल्ला नर्बिाचन अधिकृतको बार्यकक्षमा जिल्ला स्थित सक्रिय सञ्चार कर्मीहरुको उपस्थितीमा निर्बाचन समबन्धी समिक्षा कार्यबmममा उँहाले यस्तो बताउँनु भएको हो । मुख्य निर्वाचन अधिकृतको कार्यालयद्वारा आयोजित उक्त कार्यक्रममा नेपाल पत्रकार महासघंका सभापती ध्रुब दङ्गाल सहित विभिन्न रेडियो, टेलिभिजन, अनलाइन तथा पत्रपत्रिकामा आबद्ध सञ्चारकर्मीहरूको उपस्थिति रहेको थियो।कार्यक्रममा बोल्दै मुख्य निर्वाचन अधिकृत बख्रेलले निर्वाचनको अवधिभर सञ्चारकर्मीहरूले निर्भीक, निष्पक्ष र जिम्मेवार ढङ्गले सूचना सम्प्रेषण गरी लोकतान्त्रिक प्रक्रियालाई मजबुत बनाउन ठूलो योगदान दिएको बताउनुभयो। निर्वाचनको स...

काठमाडौँ, २६ फागुनः प्रहरी महानिरीक्षक दानबहादुर कार्कीले प्रतिनिधिसभा सदस्य निर्वाचनलाई शान्तिपूर्ण, भयरहित तथा निष्पक्ष वातावरणमा सफलतापूवर्क सम्पन्न गराउन सम्पूर्ण प्रहरी कर्मचारीद्वारा निर्वाह गरिएको भूमिका प्रशंसनीय रहेको बताउनुभएको छ । काठमाडौँ उपत्यका प्रहरी कार्यालय तथा मातहत कार्यालयका प्रमुख, प्रहरी अधिकृत तथा जवानहरूका लागि नेपाल पुलिस क्लब भृकुटीमण्डपमा सोमबार आयोजित कार्यक्रममा प्रहरी महानिरीक्षक कार्कीले निर्वाचनका समयमा प्रहरीले निर्वाह गरेको भूमिकाले प्रहरी सङ्गठनको समग्र श्रीवृद्धिमा महत्वपूर्ण योगदान पुगेको उल्लेख गर्नुभयो । प्रहरी महानिरीक्षक कार्कीले सीमित साधनस्रोत, भौतिक पूर्वाधारको अभाव, पछिल्लो समय प्रहरी कर्मचारीहरूको मनोबल र क्षमताको विषयलाई लिएर व्यक्त भएका अभिव्यक्तिलगायत कारणका बाबजुद पनि निर्वाचनलाई ऐतिहासिक रूपमा शान्त र व्यवस्थित तवरले सम्पन्न गराउन सम्पूर्ण...

काठमाडौँ, २४ फागुनः प्रधानमन्त्री सुशीला कार्कीसमक्ष भदौ २३ र २४ को घटनासम्बन्धी जाँचबुझ आयोगले एक हजार पृष्ठको प्रतिवेदन प्रस्तुत गरेको छ । पूर्वन्यायाधीश गौरीबहादुर कार्कीको अध्यक्षतामा गठित आयोगमा नेपाल प्रहरीका पूर्वप्रहरी अतिरिक्त महानिरीक्षक विज्ञानराज शर्मा र कानुनविद् विश्वेश्वरप्रसाद भण्डारी सदस्य हुनुहुन्थ्यो । प्रधानमन्त्रीसमक्ष प्रतिवेदन पेस गरेपछि आयोगका सदस्य शर्माले करिब २०० जनालाई सोधपुछ गरिएको र विज्ञहरुसँग पनि राय लिएर तयार गरिएको प्रतिवेदनमा दोषीमाथि कारबाहीको सिफारिस गरिएको जानकारी दिनुभयो । आयोगका अध्यक्ष गौरीबहादुर कार्कीले आफूहरूले इमानदारीसाथ काम गरेको र बिनाकुनै पूर्वाग्रह जे देख्यो त्यही कुरा प्रतिवेदनमा राखेको जानकारी दिनुभयो। भविष्यमा यस्तो घटना नहोस् भनेर सुझाव पनि प्रतिवेदनमा राखेको उहाँले बताउनुभयो। उहाँले भन्नुभयो, ‘कुशासनका कारण यो घटना भएको छ। नियमनकारी नि...