सिन्धुपाल्चोक जिल्ला नेपाली कांग्रेस क्षेत्र नं. १ ले जिल्ला स्तरीय नेता तथा कार्यकर्ता भेटघाट तथा अन्तरक्रिया कार्यक्रम सम्पन्न गरेको छ। क्षेत्र नं. १ का सभापति बालकृष्ण बस्नेतको सभापतित्व तथा नेपाली कांग्रेसका केन्द्रीय सदस्य मोहनबहादुर बस्नेतको प्रमुख आतिथ्यतामा कार्यक्रम सम्पन्न भएको हो।
कार्यक्रममा बागमती प्रदेशका महामन्त्री राजु श्रेष्ठ विशेष अतिथिका रूपमा सहभागी हुनुभएको थियो। नेपाली कांग्रेसका पूर्वसभापति भूपेन्द्रबहादुर थापालगायत पार्टीका जिल्ला, क्षेत्र तथा स्थानीय तहका नेता–कार्यकर्ता, विभिन्न भ्रातृ तथा शुभेच्छुक संस्थाका प्रतिनिधि र कांग्रेस समर्थकहरूको सहभागिता रहेको थियो।
कार्यक्रममा सहभागी नेताहरूले पार्टी संगठनलाई थप मजबुत र व्यवस्थित बनाउँदै आगामी दिनमा जनतासँगको सम्बन्धलाई अझ घनिष्ठ बनाउनुपर्नेमा जोड दिएका थिए। नेता तथा कार्यकर्ताबीच प्रत्यक्ष भेटघाट तथा अन्तरक्रिया गर्दै पार्टीका गतिविधि, संगठनको अवस्था र आगामी राजनीतिक कार्यदिशाका विषयमा छलफल गरिएको थियो।
कार्यक्रमलाई सम्बोधन गर्दै प्रमुख अतिथि मोहनबहादुर बस्नेतले नेपाली कांग्रेसलाई बलियो बनाउन नेता तथा कार्यकर्ताबीच एकता, सहकार्य र आपसी विश्वास आवश्यक रहेको बताउनुभयो। उहाँले पार्टीको संगठन बलियो भए मात्रै जनताका समस्या प्रभावकारी रूपमा उठाउन सकिने धारणा राख्दै गाउँ–गाउँमा पुगेर जनताको भावना बुझ्न कार्यकर्तालाई आग्रह गर्नुभयो।बस्नेतले कांग्रेसका नेता तथा कार्यकर्ता जनतासँग निरन्तर जोडिनुपर्ने बताउँदै पार्टीलाई केवल निर्वाचनका समयमा मात्रै सक्रिय हुने संगठनका रूपमा नभई हरेक समय जनताका सुख–दुःखमा साथ दिने राजनीतिक शक्तिका रूपमा स्थापित गर्नुपर्नेमा जोड दिनुभयो। जनताका दैनिक समस्या, विकास निर्माण, शिक्षा, स्वास्थ्य, रोजगारी तथा स्थानीय आवश्यकताका विषयलाई प्राथमिकतामा राखेर अघि बढ्नुपर्ने उहाँको भनाइ थियो।
उहाँले पार्टीभित्र देखिएका कमजोरीलाई सच्याउँदै संगठनलाई थप गतिशील बनाउनुपर्नेमा समेत जोड दिनुभयो। नेता–कार्यकर्ताबीचको सम्बन्धलाई मजबुत बनाउँदै सबै तहका कार्यकर्तालाई पार्टीको गतिविधिमा सक्रिय रूपमा सहभागी गराउनुपर्ने उहाँले बताउनुभयो।उँहाले कांग्रेसको संगठन विस्तार र सुदृढीकरणका लागि तल्लो तहदेखि नै पार्टीलाई सक्रिय बनाउनुपर्ने बताउनुभयो। उहाँले नेता तथा कार्यकर्ताबीच नियमित संवाद र छलफल हुन सके पार्टीभित्रको आन्तरिक एकता थप मजबुत बन्ने धारणा राख्नुभयो।श्रेष्ठले पार्टीका नीति, विचार र सिद्धान्तलाई जनतामाझ स्पष्ट रूपमा पु¥याउन कार्यकर्ताको भूमिका महत्वपूर्ण हुने बताउँदै संगठनलाई समयअनुकूल बनाउँदै लैजानुपर्नेमा जोड दिनुभयो। उहाँले युवापुस्ता तथा नयाँ पुस्तालाई पार्टीसँग जोड्दै उनीहरूको क्षमता र ऊर्जालाई संगठन निर्माणमा उपयोग गर्नुपर्ने धारणा पनि राख्नुभयो।
कार्यक्रममा नेपाली कांग्रेसका पूर्वसभापति भूपेन्द्रबहादुर थापाले पार्टीको लामो राजनीतिक इतिहास, योगदान र वर्तमान अवस्थामा कांग्रेसले निर्वाह गर्नुपर्ने भूमिकाका विषयमा धारणा राख्नुभएको थियो। उहाँले पार्टीको आन्तरिक एकता कायम गर्दै लोकतान्त्रिक मूल्य, मान्यता र सिद्धान्तलाई व्यवहारमा उतार्नुपर्ने बताउनुभयो।कार्यक्रममा मेलम्ची नगर सभापती बसन्त गुरुङ पुर्ब मन्त्री मसिना खड्का, महासमिती सदस्यहरु बिकास तामाङ, बिष्णु खत्री , रामकुमार थापा लगाएतका नेता हरुले आआफना भनाइ राख्नु भएको थियो ।कार्यक्रमका सभापति तथा क्षेत्र नं. १ का सभापति बालकृष्ण बस्नेतले क्षेत्रभित्रका नेता तथा कार्यकर्ताबीच निरन्तर संवाद र समन्वय कायम गर्ने उद्देश्यले कार्यक्रम आयोजना गरिएको बताउनुभयो। उहाँले पार्टीका गतिविधिलाई प्रभावकारी बनाउन सबै नेता तथा कार्यकर्ताको सक्रिय सहभागिता आवश्यक रहेको उल्लेख गर्नुभयो।बस्नेतले पार्टी संगठनलाई वडा तहसम्म थप व्यवस्थित र चलायमान बनाउँदै जनताको घरदैलोसम्म पुग्ने अभियानलाई प्राथमिकता दिइने बताउनुभयो। नेता तथा कार्यकर्ताबीचको भेटघाटले आपसी सम्बन्ध बलियो बनाउनुका साथै पार्टीका गतिविधिलाई थप प्रभावकारी बनाउन सहयोग पुग्ने उहाँको भनाइ थियो।
कार्यक्रममा सहभागी विभिन्न नेता तथा कार्यकर्ताले पनि पार्टी संगठन, स्थानीय राजनीतिक अवस्था र आगामी दिनमा कांग्रेसले लिनुपर्ने रणनीतिबारे आफ्ना धारणा राखेका थिए। सहभागीहरूले पार्टीभित्र व्यापक छलफल र अन्तरक्रियाको वातावरण निर्माण गर्नुपर्ने तथा कार्यकर्ताको सुझावलाई नेतृत्वले प्राथमिकताका साथ लिनुपर्नेमा जोड दिएका थिए।नेता तथा कार्यकर्ताहरूले स्थानीय तहमा जनताले भोगिरहेका समस्या समाधानका लागि कांग्रेसका जनप्रतिनिधि तथा पार्टी संगठनले समन्वयात्मक भूमिका निर्वाह गर्नुपर्ने बताएका थिए। विकास निर्माणका कामदेखि सामाजिक तथा आर्थिक विषयसम्म जनताको आवाजलाई सम्बन्धित निकायसम्म पु¥याउन पार्टी सक्रिय हुनुपर्ने उनीहरूको भनाइ थियो।कार्यक्रममा नेपाली कांग्रेसका विभिन्न तहका नेता तथा कार्यकर्ताको उल्लेख्य सहभागिता रहेको थियो। कार्यक्रममा देखिएको सहभागिता र उत्साहले क्षेत्र नं. १ मा पार्टी संगठनलाई थप सक्रिय बनाउने प्रयासका रूपमा समेत कार्यक्रमलाई लिइएको छ।नेता तथा कार्यकर्ता भेटघाटसँगै पार्टीभित्रका समस्या, आगामी कार्यदिशा र संगठन सुदृढीकरणका विषयमा खुलेर छलफल गर्ने वातावरण बनेको सहभागीहरूले बताएका छन्। कार्यक्रमले क्षेत्र नं. १ का कांग्रेस नेता तथा कार्यकर्ताबीच थप समन्वय, सहकार्य र एकताको सन्देश दिएको आयोजकको भनाइ रहेको छ।कांग्रेस क्षेत्र नं. १ ले आगामी दिनमा पनि नेता तथा कार्यकर्ताबीच नियमित भेटघाट, अन्तरक्रिया तथा संगठनात्मक गतिविधिलाई निरन्तरता दिने जनाएको छ। पार्टी संगठनलाई वडा तहदेखि नै बलियो बनाउँदै जनताको विश्वास कायम राख्ने र जनताका सवालमा कांग्रेसलाई थप जिम्मेवार बनाउने विषयमा कार्यक्रम केन्द्रित रहेको बताइएको छ।
