![धुलिखेलद्वारा एक हजार आठ सयलाई रोजगारमूलक तालिम](https://lokpriyasamachar.com/wp-content/uploads/2024/07/dhulikhel-780x440.jpg)
धुलिखेलद्वारा एक हजार आठ सयलाई रोजगारमूलक तालिम
काभ्रेपलाञ्चोक, ११ साउन: धुलिखेल नगरपालिकाले सीपमूलक तालिमपछि रोजगारको अवसर प्रदान गर्न थालेपछि युवाको आकर्षण बढ्न थालेको छ । नगरले वैदेशिक रोजगारयोग्य सीपमूलक तालिम एवं स्वरोजगारसहित उद्यमी बनाउन थालेपछि स्थानीयको आकर्षण बढ्न थालेको हो । नगरले युवालगायतका परिषद्मार्फत नियमित रुपमा विभिन्न तालिम प्रदान गर्दै आएको छ । हालसम्म एक हजार आठ सय ४० लाई सीपमूलक तालिम, पाँच सय ३० लाई स्वरोजगार उपलब्ध गराउनुका साथै एक सय ३० लाई उद्यमी बनाइसकेको छ । नगर रोजगार संयोजक सम्झना नेपालका अनुसार दुई सय ४० युवालाई वैदेशिक रोजगारयुक्त सीपमूलक तालिम प्रदान गरिएको छ । नगरप्रमुख अशोक ब्यञ्जुले युवालगायत परिषद् गठनगरी नगरले बेरोजगारीलाई रोजगार, सीप, उद्यामशीलता तथा क्षमता अभिवृद्धि तालिममा संलग्न गराई रोजगार उपलब्ध गराउने उद्देश्यले नियमित तालिम आयोजना गरिएको बताउनुभयो । उहाँका अनुसार तालिम लिएकालाई पनि घ...