समाचार

चौतारा, असोज ३ गते । संविधान दिवस २०८२ को अवसरमा प्रेस चौतारी नेपाल सिन्धुपाल्चोकले आयोजना गरेको विचार गोष्ठीमा सहभागी वक्ताहरूले नेपालको संविधानको संरक्षण सबैको साझा दायित्व भएकोमा जोड दिएका छन् । ‘नेपालको संविधान, वर्तमान राजनीति र अवको गन्तव्य’ शीर्षकमा चौतारामा सम्पन्न कार्यक्रममा प्रमुख राजनीतिक दलका प्रतिनिधि, कानूनविद्, सञ्चारकर्मी तथा नागरिक समाजका प्रतिनिधिहरूको उपस्थित रहेको थियो । कार्यक्रममा नेकपा एमाले स्थायी कमिटी सदस्य शेरबहादुर तामाङले हालै देखिएका जेनजी आन्दोलनका घटनाको निष्पक्ष छानबिन आवश्यक रहेको बताउँदै अनावश्यक देवत्वकरण र दानवीकरण दुवै घातक हुने धारणा व्यक्त गर्नुभयो । उहाँले भन्नुभयो, “संविधान घाइते भएको छ, यसलाई जोगाउनु हाम्रो सामूहिक जिम्मेवारी हो ।” प्रेस चौतारी नेपालका महासचिव हिरामान लामाले संविधानको रक्षाका लागि सही विचार र दृष्टिकोणको आवश्यकता औंल्याउँदै भन्नु...

काठमाडौँ, ३ असोज : गृह मन्त्रालयले ‘जेनजी’ युवाहरूद्वारा भएको प्रदर्शनपश्चात विकसित भएको घटनाक्रम र परिवर्तनसँगै समाजमा घट्ने र घट्न सक्ने उच्छृङ्खल गतिविधिहरू सहजीकरण गर्नका लागि सहायता कक्षा स्थापना गरेको छ । आज मन्त्रालयका सहायक प्रवक्ता एवं सूचना अधिकारी रवीन्द्र आचार्यले ‘जेनजी’ युवाहरूको आन्दोलनपछिको अवस्थामा जनताको समस्या र सुझाव सुन्नका लागि मन्त्रालयले उक्त सहायता कक्षा स्थापना गरेको जानकारी दिनुभयो । “जेनजी युवा पुस्ताद्वारा भएको प्रदर्शनपश्चात विकसित भएको घटनाक्रम र परिवर्तनसँगै समाजमा घट्ने र घट्न सक्ने उच्छृङ्खल गतिविधिहरू भए गरेको देखिएमा अथवा केही समस्या परेमा सोको सहजीकरण गर्न मोबाइल नम्बर ९८५१३६०६०३ सहितको सहायता कक्ष गृह मन्त्रालयमा स्थापना गरिएको हुँदा आफ्ना सूचना, गुनासो, सल्लाह, सुझाव उक्त नम्बरमा फोन, एसएमएस, ह्वाट्सएप, भाइवरमार्फत जानकारी गराउनुहुन सम्बन्धित सबैमा अन...

काठमाडौँ, ३ असोज : राष्ट्रपति रामचन्द्र पौडेलले निर्धारित समयमै निर्वाचन सम्पन्न गर्ने भूमिका खेल्न सम्बद्ध सबैलाई आह्वान गर्नुभएको छ । संविधान दिवस (राष्ट्रिय दिवस), २०८२ का अवसरमा राष्ट्रपति कार्यालय शीतलनिवासमा आयोजित विशेष समारोहलाई सम्बोधन गर्दै उहाँले प्रतिनिधिसभाबाट मन्त्रिपरिषद् गठन गर्ने कुनै उपाय नभएपछि आम सहमतिले उत्पन्न सङ्कटबाट मुलुकलाई निकास दिएको बताउनुभयो । राष्ट्रपति पौडेलले देशमा उत्पन्न भएको विषम परिस्थितिलाई दृष्टिगत गरी छ महिनाभित्र प्रतिनिधिसभाको निर्वाचन गराउनेगरी अहिलेलाई राजनीतिक निकास दिएको प्रसङ्ग उल्लेख गर्दै तोकिएको समयसीमाभित्रै प्रतिनिधिसभाको निर्वाचन सम्पन्न गरी दिगो ढङ्गबाट राजनीतिक निकास दिने पक्षमा चालिएको कदमलाई सहयोग पुर्याउन सम्बद्ध सबै पक्षसँग अनुरोध गर्नुभयो । उहाँले अहिलेको घडीमा सबै राजनीतिक दल, मुलुकको प्रशासन तथा व्यवस्थापनमा आबद्ध निकाय, बौद्धिक...

सिन्धुपाल्चोक जिल्लाको भोटेकोशी गाँउपालिकामा पर्ने माथिल्लो भोटेकोसी पावर कम्पनी हाइड्रोपावरको बिबादका कारण भोटेकोशी गाँउपालिकाको भवन समेत क्षेती हुन पुगेको छ । स्थानीयहरुले हाइड्रेपावरले स्थानीयहरुको माग बमोजिम शेयर नदीएको र स्थानीयहरुको माग सम्बोधन नगरेको भन्दै १० दिनदेखि पावर हाउस बन्द गरेर विद्युत् उत्पादन रोकेका थिए । उत्पादन सुचारु गराउन कम्पनीले गाउँपालिका अध्यक्ष पासाङ नुर्पु शेर्पासहित जनप्रतिनिधिसँग मात्र छलफल गरेको जानकारी पाएपछि आन्दोलित स्थानीय आक्रोशित भएको स्थानीयहरुको भनाइ रहेको छ ।स्थानीयको असहमतिकाबीच कम्पनी र जनप्रतिनिधिबीच भएको बैठकप्रति आपत्ति जनाउँदै उनीहरू पालिका भवनमा जम्मा भएर विवाद हँुदा ढुंगामुढा तथा तोडफोड भएको हो । पालिका भवनमा जनप्रतिनिधि र कम्पनीका अधिकारीहरू बैठक भइरहेको थाहा पाए पछी स्थानीयहरु पालिका भवनमा जम्मा भएका थिए । ४६ मेगावाट क्षमताको माथिल्लो भोटेक...

सिन्धुपाल्चोकको भोटेकोसीमा स्थानीय र माथिल्लो भोटेकोसी पावर कम्पनीबीचको विवाद चर्किँदै गएको छ । ४६ मेगावाट क्षमताको यस हाइड्रोपावरले करिब दुई दशकअघि उत्पादन सुरु गरे पनि वाचा गरिएको सेयर स्थानीयले अझै नपाएपछि असन्तोष खुलेआम आन्दोलनमा परिणत भएको हो । करिब १० दिनदेखि पावरहाउस बन्द गरेर आन्दोलन गरिरहेका स्थानीयलाई संवादमा सहभागी नगराई कम्पनीले जनप्रतिनिधिसँग मात्र बैठक गरेको थाहा पाएपछि स्थिति थप तनावपूर्ण बनेको छ । बिहिबार आक्रोशित समूहले गाउँपालिका कार्यालयमा तोडफोड गर्दा दुई जना सामान्य घाइते भएका छन् । प्रत्यक्षदर्शीका अनुसार, ढुंगामुढासहितको घटनाक्रममा जनप्रतिनिधि र कम्पनीका अधिकारीहरू स्थानीयको रोषबाट जोगिन भाग्न बाध्य भएका थिए । स्थानीयको आरोप छ, विकासका नाममा ठूलो आशा देखाइए पनि प्रतिज्ञा पूरा नभएको वर्षौँको पीडा अब सहन नसक्ने अवस्थामा पुगेका छन् । उनीहरूको माग छ, “वाचा गरिएको सेयर ...

शुक्रबारको साँझ, राजधानीको बानेश्वर केही क्षणका लागि युद्धभूमि जस्तै बन्यो । शान्तिपूर्ण प्रदर्शनको आवाज गुँजिरहेको थियो, युवा पुस्ता आफ्नो भविष्यमाथि उठेको प्रश्नको उत्तर खोज्दै संसद् भवनअगाडि उभिएको थियो । त्यही भिडको अग्रभागमा थिए बाह्रबिसे नगरपालिका–६, गातीका श्रीकृष्ण श्रेष्ठ । त्यसै दिन, अर्को कुनामा थिए चौतारा साँगाचोकगढी नगरपालिका इर्खुका उमेश महत – जिन्दगीको नयाँ अध्याय सुरु गर्न लागेको, तर आफ्नो माटो छाडेर होइन, त्यही माटोमा केही गर्न खोज्दै । तर, नियतिले दुवैको सपनालाई सडकमा रोकेको छ । श्रीकृष्ण श्रेष्ठले आन्दोलनमा जानुअघि आफ्ना दाइ रामकृष्णसँग यस्तै केही शब्द साट्नुभएको थियो । काठमाडौँमा स्नातक अध्ययन गर्दै हुनुहुन्थ्यो उहाँ । परिवार सामान्य कृषक पृष्ठभूमिको । माल्टा जान सबै तयारी भइसकेको थियो । तर देशको अवस्था देखेर चुप बस्न सक्नुभएन । “उहाँले सधैं भन्नुहुन्थ्यो – यो देश बनाउ...

सिन्धुपाल्चोक, बाह्रबिसे–७ डाँडागाउँका हरि खत्रीको परिवारसँग पुनर्मिलन भएका छन् । ‘बिचारी’ उपनामले चिनिने खत्रीलाई सामाजिक अभियन्ता अर्जुन भुसालले परिवारसँग भेट गराउनुभएको हो । गरिबी र कठिन जीवनका कारण परिवार टुटेका खत्रीका छोराछोरी आश्रममा हुर्केका थिए । उहाँहरूले १८ वर्षपछि बाबुसँग भेट्ने अवसर पाउनुभएको छ । आर्थिक र सामाजिक कठिनाइ झेलिरहेका खत्रीलाई बाह्रबिसे नगरपालिकाका प्रमुख बालकृष्ण बस्नेतले घर निर्माण, तत्काल दुई लाख रुपैयाँ सहयोग, रोजगारीको व्यवस्था, खाद्यान्न तथा लत्ताकपडालगायतका सहयोग गर्ने प्रतिबद्धता जनाउनुभएको छ । यससँगै नागरिकता नहुँदा समस्या झेलिरहेका खत्रीका सन्तानलाई पनि नगरपालिका आफैंले नागरिकता उपलब्ध गराउने भएको छ ।...

बिनोद नेपाल स्मृति फाउण्डेसनको छात्रवृत्तिमा मेलम्ची नगरपालिका ११ स्थीत श्री ईन्द्रेश्वरी माध्यमिक विद्यालयमा इन्जिनियरिङ्ग अध्ययन गरेका २ जना विद्यार्थीलाई सम्मानपत्र द्धारा सम्मान गरिएको छ । कक्षा ९ देखि १२ सम्मको प्राविधिक संकाय अन्र्तगत सिभिल इन्जिनियरिङ्ग तर्फको सव इन्जिनियर कोर्ष सफलतापुर्वक सम्पन्न गरेका विद्यार्थीलाई थप सफलताको कामना सहित आज सम्मान गरिएको फाउण्डेशनका संस्थापक अध्यक्ष डा. गंगादत्त नेपालले जानकारी दिनुभयो । सम्मानित हुनेमा मेलम्ची १०का राजु दनुवार र मेलम्ची ६की निरुता आचार्य रहेको फाउण्डेशनका सचिव रोहिणिराज नेपालले बताउनुभयो । फाउण्डेशनले अहिले इन्द्रेश्वरीमा ईन्जिनियरिङ अध्ययन गर्दै गरेका पाँच जना छात्रछात्रालाई पुर्ण छात्रवृत्ति उपलब्ध गराएको छ । भने आगामी बर्षबाट कक्षा ९मा अध्ययन गर्नेलाई समेट्न नसकिने उल्लेख गरिएको छ । समाजसेवी गंगादत्त नेपालको छोरा बिनोद नेपालक...

नजिकिँदो चाडपर्वमा उपत्यका बाहिर जाने यात्रुको सहजतालाई लक्षित गरी ट्राफिक प्रहरीले काठमाडौँ उपत्यकाको १५ स्थानमा यात्रु सहायता कक्ष स्थापना गर्ने भएको छ । ट्राफिक प्रहरीले सिप्रदी र नाडाको सहयोग तथा काठमाडौँ महानगरपालिकाको सहकार्यमा काठमाडौँ उपत्यकाभित्रका यात्रु सहायता कक्ष स्थापना गर्न लागेको उपत्यका ट्राफिक प्रहरी कार्यालयका प्रमुख, प्रहरी वरिष्ठ उपरीक्षक नवराज अधिकारीले राससलाई जानकारी दिनुभयो । उहाँका अनुसार नयाँ बसपार्क, नागढुङ्गा, कलङ्की, स्वयम्भू, हलचोक, माछापोखरी, चावहिल, तिलगङ्गा, कोटेश्वर, जगाती, सातदोबाटो, बल्खु, दक्षिणकाली, सुन्धारा र साँगामा यात्रु सहायता कक्ष स्थापना गर्न लागिएको हो । उक्त स्थानको यात्रु सहायता कक्ष भोलिदेखि सञ्चालनमा आउनेछ । “यात्रुको सहज आवतजावत, सवारी चाप व्यवस्थापन तथा चाडपर्वलाई दुर्घटनारहित बनाउने उद्देश्यले यातायात व्यवसायीको सहभागितामा यात्रु ...

काठमाडौँ, १ असोज : सरकारले ‘जेनजी’ प्रदर्शनका क्रममा ज्यान गुमाउनेको सम्मानस्वरूप राष्ट्रिय शोक मनाउन आज देशभर सार्वजनिक बिदा दिएको छ । गृह मन्त्रालयका प्रवक्ता आनन्द काफ्लेका अनुसार मन्त्रिपरिषद्को यही भदौ ३० गतेको निर्णयअनुसार असोज १ गतेलाई सार्वजनिक बिदा घोषणा गरिएको हो । जारी विज्ञप्तिमा भनिएको छ, “यही भदौ २३ र २४ गते जेनजी पुस्ताद्वारा भएको प्रदर्शनका क्रममा ज्यान गुमाउने मृतकहरूको सम्मानस्वरूप राष्ट्रिय शोक मनाउन असोज १ गते बुधबार नेपालभरका सरकारी कार्यालय, विदेशस्थित नेपाली दूतावास र नियोगहरूमा सार्वजनिक बिदा दिने र राष्ट्रिय झण्डा आधा झुकाउने नेपाल सरकार (मन्त्रिपरिषद्) बाट निर्णय भएको बेहोरा सबैको जानकारीका लागि यो सूचना प्रकाशित गरिएको छ ।” रासस...