ब्रेकिङ न्युज १

  सिन्धुपाल्चोक जिल्लाको सदरमुकाम चौतारा साँगाचोकगढी नगरपालिका वडा नं ५मा होटल र खाजाघरमा अनुगमन गरिएको छ । अनुगमनमा प्राय होटलहरुमा अनुमती बिना मदिरा बिक्री गरेको भान्छा कोठामा सरसफाइमा ध्यान नदीएको पाइएको थियो । दशैं–तिहार र छठ जस्ता ठूला चाडपर्व नजिकिँदै गर्दा सिन्धुपाल्चोकमा बजार अनुगमन तीव्र भएको हो । मंगलबार जिल्ला प्रशासन कार्यालय, चौतारा साँगाचोकगढी नगरपालिका र उद्योग तथा वाणिज्य कार्यालयको संयुक्त टोलीले १९ वटा होटल र खाजाघरमा गरेको अनुगमनमा अधिकांशले बिना लाइसेन्स नै मदिरा बिक्री गर्दै आएको पाइएको थियो ।जिल्ला प्रशासन कार्यालय, चौतारा साँगाचोकगढी नगरपालिका र उद्योग तथा वाणिज्य कार्यालयको संयुक्त टोलीले गरेको अनुगमनमा धेरै होटल तथा खाजाघरले नियमविपरीत मदिरा बिक्री गरिरहेका पाइएको थियो ।उद्योग तथा वाणिज्य कार्यालय, सिन्धुपाल्चोकका प्रमुख त्रिपुरारी बख्रेलले अन...

अन्तरराष्ट्रिय बजारमा सुनको मूल्यमा वृद्धिभएसँगै स्थानीय बजारमा पनि त्यसको असर परेको छ । नेपाल सुनचाँदी व्यवसायी महासङ्घका अनुसार आज सुनको मूल्य प्रतितोला रु दुई लाख पाँच हजार ९०० कायम भएको छ । यो मूल्य हालसम्मकै उच्च हो । सोमबार प्रतितोला सुन रु दुई लाख पाँच हजार ३०० मा कारोबार भएकोमा आज प्रतितोला रू छ सय बढेको हो । चाँदीको मूल्य प्रतितोला रू १५ ले बढेर रु दुई हजार ४८५ पुगेको छ । नेपाल सुनचाँदी व्यवसायी महासङ्घका पूर्वअध्यक्ष माणिकरत्न शाक्यका अनुसार नेपाली उपभोक्ताको मागका कारण नभई विश्व राजनीति र अर्थतन्त्रमा उत्पन्न उतारचढावका कारण सुनको मूल्य बढेको हो । अन्तरराष्ट्रिय सञ्चारमाध्यमहरूका अनुसार आज अन्तरराष्ट्रिय बजारमा सुन प्रतिऔंस तीन हजार ४९४ अमेरिकी डलरमा कारोबार भइरहेको छ ।...

लोकप्रिय रियालिटी शो नेपाल आइडलको छैटौं संस्करणको उपाधि सिन्धुपाल्चोकको गंगा सोनामले जित्नुभएको छ । शनिबार राति सम्पन्न ग्राण्ड फिनालेमा उत्कृष्ट प्रस्तुति दिएर उहाँले उपाधि हात पार्नुभएको हो । यस सिजनको फस्र्ट रनर–अप बबिता थापा मगर बन्नुभएको छ । त्यस्तै, दर्शना गान्धारी सेकेन्ड रनर–अप बन्दै चौथो र पाँचौं स्थानमा क्रमशः अभिनव खाती र मृनल मानन्धर पर्नुभएको छ । गायनमा आफ्नो दमदार आवाज र शैलीका कारण दर्शक र निर्णायकको मन जितेकी गंगा सोनामलाई सामाजिक सञ्जालमा समेत व्यापक बधाई र शुभकामनाको ओइरो परेको छ । शोको यात्रामा उहाँले विभिन्न चर्चित गीतहरू प्रस्तुत गर्दै दर्शकलाई मन्त्रमुग्ध पानुभएको थियो । नेपाल आइडलको यो सिजनलाई दर्शकले अत्यधिक रुचाएका थिए, जसमा देशभित्र मात्र नभई विदेशमा रहेका नेपालीहरूको पनि व्यापक सहभागिता र समर्थन देखिएको थियो । नेपाल आइडलको छैटौँ सिजनको अडिसनमा गंगा सोनामले...

दशैं, तिहारलगायत चाडपर्वलाई लक्षित गरी नेपाल राष्ट्र बैंकले यही भदौ २९ गतेदेखि असोज १० गतेसम्म सुकिला नोट साट्ने व्यवस्था मिलाएको छ । बैँकको मुद्रा व्यवस्थापन विभागले थापाथलीस्थित काठमाडौँ बैंकिङ कार्यालय, राष्ट्र बैँकका प्रदेश कार्यालय र सबै बैँक तथा वित्तीय संस्थाका शाखाबाट नोट साट्न पाइने आईतबार एक सूचना जारी गरेर जनाएको हो । राष्ट्र बैंकको मुद्रा व्यवस्थापन विभागका अनुसार थापाथलीस्थित काठमाडौँ बैंकिङ कार्यालय, प्रदेश कार्यालयहरू (विराटनगर, जनकपुर, वीरगन्ज, पोखरा, सिद्धार्थनगर, नेपालगन्ज र धनगढी) तथा देशभरका सबै बैंक तथा वित्तीय संस्थाका शाखाबाट नोट साट्न सकिने छ । चाडपर्वमा पाँच, १०, २०, ५० र १०० दरका नोटको माग बढी हुने भएकाले केन्द्रीय बैंकले मेला र फाटेका नोट संकलन गरी नयाँ नोट वितरण गर्दै आएको हो । आर्थिक वर्ष २०६७/६८ मा ‘सफा नोट नीति’ लागू गरेपछि राष्ट्र बैंकले कारोबारमा सफा नोट मा...

काठमाडौँ, १२ भदौ : नेपाल पत्रकार महासङ्घले अनलाइन सञ्चारमाध्यम दर्ता र नवीकरणको काम तत्काल खुलाउन सरकारसमक्ष अनुरोध गरेको छ । महासङ्घका अध्यक्ष निर्मला शर्मा नेतृत्वको प्रतिनिधि मण्डलले सञ्चार तथा सूचना प्रविधिमन्त्री पृथ्वीसुब्बा गुरुङ समक्ष ज्ञापनपत्र बुझाउँदै नवीकरणको काम तत्काल खुलाउन अनुरोध गरेको हो । महासङ्घका महासचिव रामप्रसाद दाहालद्वारा हस्ताक्षरित ज्ञापन पत्रमा अवरूद्ध दर्ता, नवीकरण सुरू नभए महासङ्घ आन्दोलनमा उत्रने उल्लेख छ । ज्ञापनपत्र बुझ्दै मन्त्री गुरूङले अनलाइन सञ्चारमाध्यमलाई परेको असहजता अन्त्य गर्न सङ्क्रमणकालीन व्यवस्था गरिने र तत्काल नयाँ नियमावली पनि ल्याउने आश्वासन दिनुभयो । मन्त्रालयका सचिव राधिका अर्यालले सञ्चारमाध्यम दर्ता र नवीकरण सहज बनाउन पहल गरिने बताउनुभयो । छापाखाना तथा प्रकाशन सम्बन्धी ऐन, २०४८ संशोधन गरी अनलाइन सञ्चारमाध्यम दर्ता र नवीकरण स्थानीय प्रशासनमा...

नगरिककलाइ सेवा दिनका लागी चौतारा सॉंगाचोकगढी नगरपालिका वडा नं. १० को वडा कार्यलयले घरघरमा गएरसामाजिक सुरक्षा भत्ता बितरणका साथै परिचय पत्र नबीकरण गर्दे आइरहेकोमा अहीले वडा कार्यलयबाट हुने सबै काम टोलटोलमा गएर गरिदिन थालेको छ । १०÷२०,रुपैया बुझाउँन पनी २÷३शय खर्च गरेर दिनभरीको काम माँया मारेर वडा कार्यलयमा आइरहन पर्ने समस्याबाट मुक्त दिनका लागी यो अभियान चालेको वडा अध्यक्ष निल बहादुर तामाङ (सुमन)ले बताउँनुभयो ।  उँहाका अनुसार स्यान्डी बिज रिसोर्ट सुकुटेमा भएको वडा शिविर कार्यक्रममा सम्पन्न भइ सकेको छ । उक्त कार्यक्रममा स्थानीयहरुको सेवाको निमित्त स्यान्डी बिज रिसोर्ट सुकुटेमा व्यवसाय नवीकरण जग्गाको तिरो वडाबाट हुने सबै पञ्जीकरणको कामहरु पनि भएको थियो । उक्त दिन मात्र ४९ हजार ६ सय १२ रुपैया राजस्व सङ्कलन भएको थियो । र्भिारि कार्यक्रम अनुसार १३गते साठीमुरे १७गते कार्कीटार पिपलबोट,१९गते खत्र...

रोमन लिपीको इम्बोस्ड नम्बर प्लेट बहिष्कार गर्न जाग नेपाली अभियान सँगै पुर्ब सुरक्षाकर्मी परिषद ,नेपाल यातायातब्यवसायी राष्ट्र्यि महासंघ,सार्वजिनिक यातायात ब्यवसायी महासघं,प्रेटोलियम पदार्थ ढुवानी व्यवसायीहरु लगाएतका यातायात सँग सम्बन्धीत सस्थाहरुले सबै सँग अनुरोध गरेको छ ।देवनागरी लिपीको नेपाली भाषालाई समाप्त पार्ने खेलअन्तर्गत सरकारले इम्बोस्ड नम्बर प्लेट जडानको लागि उर्दी जारी गरेको भन्दै जाग नेपाली अभियानले आपत्ति जनाएको छ । काठकमाण्डौमा पत्रकार सम्मेलन गर्दै जाग नेपालीका संयोजक डा.दिपेश केसीले देवनागरी लिपीलाई मेटाएर जात, जाति, भाषा भाषी समुदायलाई छिन्नभिन्न पार्ने र एकआपसमा लडाएर देशलाई रगतको आहालमा परिणत गर्ने खेल भइरहेको बताउँनु भयो । पत्रकार सम्मेलनमा केसीले ‘देवनागरी लिपी यो देशको एकताको प्रतीक हो । तराईको एउटा मधेशीले पनि यो लिपी बुझ्छ, पहाडको पहाडीले पनि यो लिपी बुझ्छ र हिमालको ...

ल्हासा, २०८२ भदौ ११ ल्हासा स्थित नेपाली महावाणिज्यदूतावासका महावाणिज्यदूत लक्ष्मीप्रसाद निरौला र चीनको सिचाङ स्वायत्त क्षेत्रका वैदेशिक मामिला कार्यालयका महानिर्देशक पाओ तिङबीच आज महावाणिज्यदूतावासमा भेटवार्ता सम्पन्न भयो ।महावाणिज्यदूत निरौलाले महावाणिज्यदूतावासमा महानिर्देशक तिङको स्वागत गर्दै महानिर्देशकको पहिलो पटक भएको महावाणिज्यदूतावास भ्रमणका लागि धन्यवाद ज्ञापन गर्नु भयो । उँहाले नेपाल चीनबीचको ऐतिहासिक संबन्ध बारे प्रकाश पार्दै चीन सरकारका तर्फबाट हालसम्म पु¥याएको साथ र सहयोगका लागि समेत धन्यवाद दिनु भयो । सो अवसरमा उँहाले यो वर्ष नेपाल र चीनबीच कुटनैतिक संबन्ध स्थापना भएको ७० औं वार्षिकोत्सव भएकाले विविध कार्यक्रमहरु आयोजना भइरहेका उल्लेख गर्दै पारस्पारिक सद्भाव, एकअर्काको सार्वभौमिकताको सम्मान र आन्तरिक मामिलामा अहस्तक्षेपमा आधारित भई दुबै देशबाट भइरहेका कार्यले संबन्धमा थप बल ...

भोटेकोशी गाउँपालिका–४, हिन्दी नजिक मंगलबार दिउँसो बोलेरो गाडी दुर्घटना हुँदा दुई जना बेपत्ता भएका छन् । प्रहरीका अनुसार तातोपानीबाट बाह्रबिसेतर्फ गइरहेको बा २१ च ७५४४ नम्बरको बोलेरो करिब ३ः३० बजे अरनिको राजमार्गबाट अनियन्त्रित भएर करिब २० मिटर तल भोटेकोशी नदीमा खसेको हो । सर्लाहीको बरहथवा नगरपालिका–२ का २३ वर्षीय चालक राजेश कुमार कुसहवाले चलाएको उक्त गाडीमा रौतहटको बौधिमाई नगरपालिका–१ का २५ वर्षीय राम प्रवेश महतो सहचालकका रूपमा सवार थिए । दुर्घटनापछि उद्धारका क्रममा नदीले एक पुरुषको शव बगाएको र हाल दुवैजनाको खोजतलास भइरहेको जिल्ला प्रहरी कार्यालयले जनाएको छ । घटनास्थलमा प्रहरी चौकी हिन्दीका प्रमुख प्रहरी सहायक निरीक्षक नवराज नेपालको कमाण्डमा खटिएको टोलीसँगै इलाका प्रहरी कार्यालय बाह्रबिसेबाट प्रहरी निरीक्षक सुमेस पाण्डेको नेतृत्वमा अर्को टोली पनि उद्धार तथा खोजीकार्यमा संलग्न रहेको प्रहर...

सिन्धुपाल्चोकको भोटेकोशी गाउँपालिकामा निजी क्षेत्रको लगानीमा निर्माण भइरहेको ४० मेगावाट क्षमताको भोटेकोशी–१ जलविद्युत् आयोजनाको सुरुङ सोमबार सफलतापूर्वक ब्रेकथ्रु गरिएको छ ।इलेक्ट्रो पावर कम्पनीको लगानीमा अगाडि बढिरहेको यस आयोजनाले २०८० फागुनमा सुरुङ निर्माण सुरु गरेको थियो । करिब २.६३८ किलोमिटर लामो सुरुङ २.५ मिटर चौडाइ र उचाइको रहेको छ । सुरुङ निर्माणमा संलग्न भूगोल इन्फास्ट्रक्चर कम्पनीका अनुसार फिनिसिङ कार्य पूरा गर्न ६ देखि ८ महिना लाग्ने अनुमान छ । आयोजनाअन्तर्गत भोटेकोशी गाउँपालिका–३ र ४ मा बाँध तथा वडा नम्बर ५, चाकुमा विद्युत् गृह निर्माण भइरहेको छ । मुख्य लगानीकर्ता इलेक्ट्रो पावरका अध्यक्ष मोहनविक्रम कार्कीले आगामी फागुनसम्म आयोजना उत्पादनमा ल्याउने लक्ष्यसहित अन्य काम तीव्र गतिमा भइरहेको दिनुभएको छ । करिब ९ अर्ब ५६ करोडको लागत अनुमान गरिएको यस आयोजनामा सम्पूर्ण लगानी नेपा...