ब्रेकिङ न्युज २

काठमाडौँ, २७ वैशाखः राष्ट्रिय स्वतन्त्र पार्टी (रास्वपा) का सभापति रवि लामिछानेले जोखिमपूर्ण ठाउँमा बसेका नागरिकलाई सुरक्षित स्थानमा स्थानान्तरण गरी भूमिहीनलाई लालपूर्जा उपलब्ध गराउने प्रक्रिया अघि बढेको बताउनुभएको छ । रास्वपाको पार्टी–संसद्–सरकार समन्वय समितिले आज यहाँ आयोजना गरेको विपद् जोखिम न्यूनीकरण र व्यवस्थापनसम्बन्धी ‘नीति मन्थन’ कार्यक्रममा सभापति लामिछानेले खोला किनारमा बाढी र पहिरोको जोखिममा रहेका नागरिकलाई पहिलो प्राथमिकतामा राखेर व्यवस्थापन गरिएको बताउनुभयो । “सरकारले निकै द्रूत गतिमा भूमिहीनको हकअधिकार प्रदान गर्दैछ, जोखिमपूर्ण क्षेत्रमा रहेका नागरिकलाई त्यहीँ राखिरहेर ठिक गरियो कि, त्यसलाई समाधान गर्न कदम चालेर ठिक गरियो ?” सभापति लामिछानेले प्रश्न गर्नुभयो । जोखिमपूर्ण क्षेत्रका स्थानन्तरण गरिएका नागरिकको व्यवस्थापनलाई चुस्त र मानवीय बनाउन सरकार कटिबद्ध रहेको उहाँले उल्लेख ...

चौतारा बहुमुखी क्याम्पस सञ्चालन समितिको अध्यक्षमा गम्भीरलाल श्रेष्ठ निर्विरोध निर्वाचित हुनुभएको छ । क्याम्पसको १६औ क्याम्पस सभा तथा ८औ साधारण सभाबाट श्रेष्ठको नेतृत्वमा नयाँ सञ्चालन समिति चयन गरिएको हो । समितिको उपाध्यक्ष पदमा श्यामकृष्ण श्रेष्ठ निर्वाचित हुनुभएको छ । निर्वाचन समितिका अनुसार उहाँले १ सय १८ मत प्राप्त गर्दै विजय हासिल गर्नुभएको हो । उहाँका निकटतम प्रतिस्पर्धी सरोजा श्रेष्ठले २६ मत प्राप्त गर्नुभएको थियो भने १८ मत बदर भएको जनाइएको छ । उपाध्यक्ष पदमा दुई जनाको उम्मेदवारी परेपछि मतदान प्रक्रिया अपनाइएको थियो । त्यसैगरी सदस्य पदमा ईश्वरीप्रसाद श्रेष्ठ, तुल्सीप्रसाद दंगाल, प्रभात श्रेष्ठ तथा राजेन्द्रप्रसाद प्रधान चयन हुनुभएको छ । महिला सदस्यतर्फ रीना श्रेष्ठ चयन हुनुभएको छ । निर्वाचन समितिले निर्धारित कार्यतालिका अनुसार सम्पूर्ण निर्वाचन प्रक्रिया शान्तिपूर्ण तथा सफलतापूर्वक ...

सिन्धुपाल्चोक — आदिवासी जनजाति महिलाहरूको हक–अधिकार, संघर्ष र पहिचानलाई कलाको माध्यमबाट उजागर गर्ने उद्देश्यले आयोजित “हाम्रो आवाज, हाम्रो अधिकार” फोटो प्रदर्शनी भव्य रूपमा सम्पन्न भएको छ। आदिवासी जनजाति महिला उत्थान केन्द्र, सिन्धुपाल्चोकको आयोजनामा सम्पन्न उक्त कार्यक्रमले समाजमा पछाडि पारिएका महिलाहरूको आवाज र अनुभवलाई तस्विरमार्फत प्रभावकारी रूपमा प्रस्तुत गरेको हो। केन्द्रकी अध्यक्ष पानमाया तामाङको सभापतित्वमा सम्पन्न कार्यक्रममा प्रमुख अतिथि पदम प्रसाद नेपाल हुनुहुन्थ्यो। उहाँले कला र अभिव्यक्तिमार्फत उठाइने यस्ता विषयले दबिएका आवाजलाई नीतिगत तहसम्म पुर्‍याउन महत्वपूर्ण भुमिका खेल्ने बताउनुभयो। विशेष अतिथिहरू  चौतारा साँगाचोकगढी नगरपालिकाको उपमेयर सीता थापा र मेलम्ची नगरपालिकाको उपमेयर उमा प्रधानले महिला सशक्तीकरण, नेतृत्व विकास र सामाजिक समानताविना समृद्ध समाज सम्भव नभएको धारणा व्यक...

हिरा खड्का,सिन्धुपाल्चोकको बाह्रबिसे क्षेत्रमा निर्माणाधीन कालिका हाइड्रोपावर क.लिमिटेड विरुद्ध बाह्रबिसे आसपासका स्थानीय तथा युवाहरूले अनौठो शैलीमा विरोध जनाएका छन्। बाह्रबिसेको खुर्सानीबारी देखि भंगेरी सम्म भोटेकोसी नदीमा र्याफ्टिङ गर्दै नदीबाटै “खबरदारी कार्यक्रम” यहि बैशाख २२ गते सप्पन्न गरेको छ। कार्यक्रममा सहभागीहरूले लाइफ ज्याकेट र हेल्मेट लगाएर  (र्याफ्ट) मार्फत नदी यात्रा गर्दै ब्यानर प्रदर्शन गर्दै हाइड्रोपावर  विरुद्ध नदीमा र्यफ्टिङमा यात्रा गर्दै नाराबाजी गरेका थिए। “Go Back Kalika” लेखिएको प्लेकार्ड सहित उनीहरूले आयोजना तत्काल रोक्न र स्थानीय सरोकारलाई सम्बोधन गर्न माग गरेको स्थानिय प्रभावित क्षेत्रका युवा स्याङ्बो तामाङले बताउनु भयो । स्थानीयहरूको आरोप अनुसार हाइड्रोपावर निर्माणका कारण वातावरणीय असर,नदीको प्राकृतिक बहावमा परिवर्तन तथा पर्यटन व्यवसायमा नकारात्मक प्रभाव पर्नुका...

शिक्षा, सम्मान र सांस्कृतिक उत्सवको अनुपम संगम चौतारा साङ्गाचोकगढी नगरपालिका वडा न ९क्षेत्रमा स्थापित शैक्षिक संस्था श्री आदर्श विद्या मन्दिर को २८औँ वार्षिकोत्सव तथा अभिभावक भेला भव्य, सभ्य र उल्लासपूर्ण वातावरणमा सफलतापूर्वक सम्पन्न भएको छ। विद्यालय परिसरमा आयोजित उक्त कार्यक्रममा विद्यार्थी, अभिभावक, शिक्षक-शिक्षिका, स्थानीय जनप्रतिनिधि, समाजसेवी, शिक्षाप्रेमी तथा विभिन्न संघसंस्थाका प्रतिनिधिहरूको उल्लेखनीय सहभागिता रहेको थियो। कार्यक्रमले विद्यालय र समुदायबीचको सम्बन्ध अझ सुदृढ बनाएको सहभागीहरूले बताएका छन्। कार्यक्रमको सभापतित्व विद्यालय व्यवस्थापन समितिका अध्यक्ष श्री समिर तामाङज्यू ले गर्नुभएको थियो। प्रमुख अतिथिका रूपमा चौतारा साङ्गाचोकगढी नगरपालिका वडा नं. १३ का वडा अध्यक्ष तथा सामाजिक विकास समितिका संयोजक श्री राम प्रसाद गौतमज्यू को गरिमामय उपस्थिति रहेको थियो। प्रमुख अतिथिको उप...

काठमाडौँ, २० वैशाख : विश्व प्रेस स्वतन्त्रता दिवसका अवसरमा आज नेपाल पत्रकार महासङ्घले ऐक्यबद्धता पदयात्रा (र्याली) आयोजना गरेको छ । ‘शान्तिपूर्ण भविष्यको निर्माणः मानव अधिकार, विकास र सुरक्षाका लागि प्रेस स्वतन्त्रताको प्रवर्द्धन’ को नारासहित आयोजित पदयात्रा बिहान माइतीघर मण्डलाबाट सुरु भई नयाँ बानेश्वर पुगेर कोणसभामा परिणत भएको थियो । सभामा राष्ट्रिय मानव अधिकार आयोगका सदस्य मनोज दुवाडीले प्रेस स्वतन्त्रता अवस्था वार्षिक प्रतिवेदन सार्वजनिक गर्नुभयो । उहाँले प्रेस तथा अभिव्यक्ति स्वतन्त्रता मानव अधिकारकै अङ्ग भएकाले त्यसको हनन् भएमा आयोग रक्षार्थ उभिने बताउनुभयो । महासङ्घका अध्यक्ष निर्मला शर्माले प्रेस तथा अभिव्यक्ति स्वतन्त्रता संवैधानिक हक भएकाले कुण्ठित नहुने धारणा राख्नुभयो । नेपाल बार एसोसिएसनका अध्यक्ष प्रा डा विजयप्रसाद मिश्रले प्रेस तथा अभिव्यक्ति स्वतन्त्रतामाथि कुनै अवरोध वा अड...

सिन्धुपाल्चोक – सिन्धुपाल्चोकको पाँचपोखरी थाङ्पाल गाउँपालिकामा महिलाहरूको प्रजनन स्वास्थ्य, नसर्ने रोग तथा क्षयरोग पहिचान लक्षित तीनदिने वृहत् निःशुल्क स्वास्थ्य शिविर सफलतापूर्वक सम्पन्न भएको छ। गाउँपालिकाको स्वास्थ्य शाखाको आयोजनामा सञ्चालन गरिएको उक्त शिविरबाट कुल ३५३ जना स्थानीय नागरिक लाभान्वित भएका छन्। शिविर वैशाख १८ गते वडा नं। ५ स्थित गुन्सा स्वास्थ्य चौकीबाट सुरु भएको थियो, जहाँ ७६ जनाले सेवा लिएका थिए। त्यसैगरी, वैशाख १९ गते वडा नं। ३ को भोताङ स्वास्थ्य चौकीमा सञ्चालन गरिएको शिविरमा १५० जनाले सेवा प्राप्त गरे भने अन्तिम दिन वैशाख २० गते पाँचपोखरी प्राथमिक अस्पतालमा आयोजना गरिएको कार्यक्रममा १२७ जनाले सेवा लिएका थिए। शिविरबाट सेवा लिएकी स्थानीय देवकी खड्काले यसपटकको कार्यक्रम अघिल्ला शिविरहरूको तुलनामा अझ व्यवस्थित, प्रभावकारी र सेवामुखी भएको प्रतिक्रिया दिएकी छिन्। स्वास्थ्य शाख...

सिन्धुपाल्चोक। सुनिता फाउण्डेशनद्धारा सिन्धुपाल्चोक जिल्लाको मेलम्ची नगरपालिका वडा नं ६, तालामाराङमा मानब बेचबिखन बिरुद्धको सबालमा एक बिशेष जनचेतनामूलक कार्यक्रम सम्पन्न भएको छ । समुदायमा बढ्दै गएको मानवबेचबिखनको जोखिमलाई मध्यनजर गर्दै उक्त कार्यक्रममा स्थानीय महिला, पुरुष तथा किशोर–किशोरीहरुको उल्लेखनीय सहभागिता रहेको थियो । कार्यक्रममा मानब बेचबिखनको परिभाषा, मानब बेचबिखनको बद्लिदो स्वरुप,यसको परिभाषा र यसका कारणहरुबारे विस्तृत छलफल गरिएको थियो । विशेषगरी लैङ्गिक असमानता,भेदभाब, हिंसा र अवसरको अभावका कारण मानिसहरु कसरी जोखिममा पर्छन् भन्ने विषयमा सहभागीहरुलाई जानकारी गराइएको थियो । साथै त्यसबाट बच्ने उपायहरुका बारेमा पनि सचेत गराइएको थियो । सुनिता फाउण्डेशन संस्थाका उपाध्यक्ष तोकमाई तामाङले समुदायमा मानब बेचबिखनका घटनाहरु न्यूनीकरण गर्न सबै सरोकारवालाहरु सचेत हुनुपर्नेमा जोड दिनुभयो । उह...

काठमाडौँ, १५ वैशाखः गैरीगाउँ क्षेत्रमा अतिक्रमण गरी निर्माण गरिएका सबै ठूला घर तथा स्थायी संरचना पूर्ण रूपमा भत्काइएको छ । काठमाडौँ महानगरपालिका–९ अन्तर्गत सञ्चालन गरिएको उक्त अभियान सोमबार रातिसम्म निरन्तर जारी राखी ठूला संरचना हटाउने कार्य सम्पन्न गरिएको महानगरले जनाएको छ । यसअघि शनिबार र आइतबार रातिसम्म सञ्चालन गरिएको भत्काउने कार्य अपूर्ण रहेपछि सोमबार दिउँसोदेखि पुनः अभियान तीव्र पारिएको थियो । गैरीगाउँमा मात्रै स्थायी प्रकृतिका ठूला घरको सङ्ख्या बढी भएकाले भत्काउने कार्य चुनौतीपूर्ण बनेको महानगर प्रहरी बलका प्रमुख विष्णु जोशीले बताउनुभयो । उहाँले भन्नुभयो, “दिउँसोदेखि सुरु गरिएको अभियान रातिसम्म निरन्तर चलाइयो र सबै ठूला संरचना हटाउन सफल भयौँ ।” उक्त अभियानमा दुईवटा ठूला डोजर तथा अन्य हेभी मेसिन प्रयोग गरिएको थियो । लामो समयदेखि नदी किनार तथा सार्वजनिक जग्गा अतिक्रमण गरी बनाइएका संरच...