ब्रेकिङ न्युज २

कांग्रेस केन्द्रीय समिति बैठकबाट आर्थिक, सांगठनिकसहित ३ प्रतिवेदन पारित भएका छन् । पार्टी केन्द्रीय कार्यालय सानेपामा जारी बैठकमा पेस भएको महामन्त्रीद्वय शशांक कोइराला, पूर्णबहादुर खड्काको सांगठनिक प्रतिवेदन र कोषाध्यक्ष सीतादेवी यादवको आर्थिक प्रतिवेदन पारित भएको प्रवक्ता विश्वप्रकाश शर्माले जानकारी दिनुभयो । उहाँका अनुसार उपसभापति नेतृत्वको नीति अनुसन्धान प्रतिष्ठानको प्रतिवेदन पनि बैठकबाट पारित भएको छ । चौधौं महाधिवेशनअघि बिहीबार बसेको केन्द्रीय कार्यसमितिको अन्तिम बैठकमा वरिष्ठ नेता रामचन्द्र पौडेलसहित अन्य नेताहरू सहभागी हुनुभएन । कांग्रेसको संस्थापन पक्ष पदाधिकारी थप गर्ने प्रस्तावबाट पछि हटेको छ । चौधौं महाधिवेशनअघि कांग्रेसको केन्द्रीय कार्यसमितिको अन्तिम बैठकमा वरिष्ठ नेता पौडेलसहित अन्य नेताहरू सहभागी नभएपछि उक्त प्रस्ताव पेस नभएको एक केन्द्रीय सदस्यले जानकारी दिनुभयो ।...

सिन्धुपाल्चोकको जुगल गाउँपालिका ३, गुम्बाथानमा सोमबार ३९ वर्षका छेवाङ लामाको हत्या गरेको अभियोगमा प्रहरीले निजकी श्रीमती २८ वर्षीय निमा साङ्बो तामाङ र सोही स्थानका ३६ वर्षका कान्छालाल लामालाई पक्राउ गरेको छ । जिल्ला प्रहरी कार्यालय सिन्धुपाल्चोकका प्रहरी उपरिक्षक राजन अधिाकरीका अनुसार अभियुक्तविच अनैतिक सम्बन्ध रहेको हुनसक्ने समेत प्रहरीको प्रारम्भिक अनुसन्धानबाट खुलेको छ । मृतक लामा ६ वर्षदेखि वैदेशिक रोजगारीको सिलसिलामा कतारमा रहेकोमा हालैमात्र घर फर्कनुभएको थियो । घरमा श्रीमतीको मोबाइलमा अत्याधिक फोन आउने गरेको थाहा पाएपछि उहाँले सो फोन समेत एक दिन कब्जा गरेर सिमकार्ड फेरेर पुनः फिर्ता गरेको थाहा भएको प्रहरीले जनाएको छ । श्रीमानले आफूहरूको सम्बन्धबारे थाहा पाउने डरले दुवै मिलेर योजनाबद्ध रूपमै हत्या गरेको प्रहरीको प्रारम्भिक अनुसन्धानबाट खुलेको छ । घटना बारे थाहा पाउनासाथ तत्काल प...

देवराज सुवेदी मेलम्ची भ्याली क्याम्पस हेलम्बुको तेस्रो साधारणसभा सम्पन्न भएको छ । पुर्वमन्त्री एवम् सांसद शेर बहादुर तामाङको प्रमुख आतिथ्यतामा कार्यक्रम सम्पन्न भएको हो । कार्यक्रममा मन्तव्य राख्दै तामाङले मेलम्ची भ्याली क्याम्पस लाई संचालन गर्न आफुले सक्दो सहयोग गर्ने बताउनुभयो । क्याक्पस लाई आवश्यक पर्ने सामाग्रीको माग आएमा पनि आफुले पहल गर्ने उहाँले प्रतिबद्वता समेत ब्यक्त गर्नुभयो । क्याम्पस बाढी, भुकम्प र अन्य कारणबाट समस्यामा रहेको भन्दै स्थानीय प्रदेस र संघीय सरकारको क्याम्पसलाई सहयोग गर्नु पर्नेमा कार्यक्रमका बक्ताहरूले जोड दिनुभएको छ । उहाँहरुले साधारणसभाबाट सक्षम नेतृत्व चयन होस भन्ने शुभकामना समेत ब्यक्त गर्नुभयो । क्याम्पसको १८ बर्ष पछि साधारण सभा भएको हो । साधारण सभामा काग्रेस हेलम्बुका सह –सचिव श्याम शर्मा एलसी, सस्थापक स्वबियु सचीव अर्जुन भण्डारी, इन्द्रावती क्याम्पसका ...

नेपाली काँग्रेस बागमती प्रदेशको मतदान सुरु भएको छ । नेपाली काँग्रेसका प्रभावशाली नेता पुर्व सूचना तथा संचार मन्त्री मोहन बहादुर बस्नेतले पहिलो भोट हाल्नु भएको छ । १३ जिल्लाबाट राजधानी हेटौंडामा जम्मा भएका अधिवेशन प्रतिनिधिहरुलाई फरक जिल्लाका लागि फरक लाईनको व्यवस्था मिलाएका छन् । प्रदेश सभापतिका लागि इन्द्रा बानियाँ, जगदिश्वर नरसिं केसि र भिमसेन दास बिच निर्वाचन हुने भएका छन् । ३ प्रतिस्पर्धी बिच कडा प्रतिस्पर्धा हुने देखिएको छ । मतदानका लागि काँग्रेस केन्द्रिय नेता प्रकाशमान सिंह पनि हेटौंडा पुग्नु भएको छ । प्रमुख निर्वाचन अधिकृत केशव काफ्लेका अनुसार राती १० बजे सम्ममा लाईनमा बस्नेलाई मतदान गर्न पाउने समय तोकिएको छ । त्यस्तै मतदान गर्न जाने प्रतिनिधिले मोबाइल फोन निशेध गरिएको र मतदान स्थल भित्र भोट माग्न पर्चा, पम्प्लेट ल्याउने नपाउने नियम राखिएको जनाएका छन् ।...

हाल देशमा पश्चिमी वायुको सामान्य प्रभाव रहेको छ। मौसम पूर्वानुमान महाशाखाका अनुसार हाल प्रदेश १ र प्रदेश २ लगायत अन्य प्रदेशका पहाडी भूभागमा आंशिक बदली र बाँकी भूभागमा मौसम सामान्यतया सफा रहेको छ। बंगालको खाडीमा बनेको जवाद नामको सामुन्द्रिक चक्रवातको प्रभाव आजबाट हटेर जाने भएको छ। बंगालको खाडीको मध्य पश्चिम भु–भागमा हिजो शुक्रबार बनेको चक्रवात आज बिहान ओडिसाको तटीय क्षेत्रमा पुग्ने र तत्पश्चात उत्तर पूर्वतर्फ सर्ने देखिएको जल तथा मौसम विज्ञान विभागले जनाएको छ। उक्त चक्रवातका कारण नेपालमा खासै ठूलो प्रभाव पर्ने सम्भावना नरहे पनि यसको अप्रत्यक्ष प्रभावले प्रदेश नं १, प्रदेश नं २ र बाग्मती प्रदेशमा आंशिकदेखि सामान्य बदली हुनेछ। यस्तै प्रदेशका उच्च पहाडी तथा हिमाली भु–भागहरुका थोरै स्थानमा हल्का हिमपातको सम्भावना रहेको छ भने सो प्रदेशका एक–दुई स्थानहरूमा हल्का वर्षाको सम्भावना रहेक...

महिनावारी स्वास्थ्य, सरसफाइ तथा स्वच्छता सम्बन्धी भ्रम र अन्धविश्वासहरुलाई चिर्दै स्वस्थकर व्यवहार र मर्यादित सामाजिक वातावरण सजना गर्नका लागि विद्यालयलाई प्रवेश विन्दुको रुपमा लिइन्छ । यसैलाई आत्मसाथ सिन्धुपाल्चोकको पाँचपोखरी थाङपाल गाउपालिकाका सम्पुर्ण विद्यालय तथा स्वास्थ्य चौकीमा सेनिटरी प्याड उपलब्ध गराइएको छ । विद्यालयका छात्रा तथा अन्य महिलाहरुलाइ महिनावारी हुँदा समस्या नहोस् भनेर पालिकाका हरेक विद्यालय र स्वास्थ्य संस्थामा पर्याप्त सेनेटरी प्याड उपलब्ध गराइएको गाउँपालिकाका विद्यालय निरीक्षक उत्तममणी पौडेलले जानकारी दिनुभयो । गाउँपालिकाले विद्यालयमा अध्ययन गर्ने छात्राहरुको लागि सेनिटरी प्याड बितरण गर्न थाले पछि विद्यार्थीहरुलाइ राहत मिलेको छ । महिनावारी हुदाँ देखा पर्ने समस्याका कारण छात्राहरुको विद्यालयमा उपस्थिती न्यून हुन्थ्यो विद्यालयकै समयमा महिनावारी भइ हालेमा बिभिन्न बाहाना...

“हाम्रो प्राथमिकताको आधार ः अपाङ्गता भएका व्यक्तिको अधिकार“ भन्ने मूल नाराका साथ ३०औं अन्तरास्ट्रिय अपाङ्गता दिवसको अवसरमा मेलम्ची नगरपालिकाले अपाङ्गता समन्वय समितिको पुनर्गठन गरेको छ । पुनर्गठित समितिको अध्यक्षमा सोम तामाङ उपाध्यक्षमा बिनोद चौलागाईं सचिवमा गोमा चालिसे र कोषाध्यमा पाल्देन लामा चयन हुनुभएको छ । पदाधिकारी सहित समितिमा १५ सदस्य रहेको नगरपालिका अधिकृत इच्छाराम सापकोटाले जानकारी दिनुभयो । पुनर्गठित समितीको पदाधिकारीहरुलाई उप प्रमुख भगवती नेपालले बधाई तथा शुभकामना दिनुभएको थियो । लैङ्गिक हिँसा बिरुद्धको १६ दिने अभियान अन्तर्गत अपाङ्गता दिवसको अवसरमा हिजो र आज सन्चालित यो कार्यक्रमको प्रमुख अतिथि नगर प्रमुख डम्बर बहादुर अर्यालले हुनुहुन्थ्यो ।...

नेपाली कांग्रेस सिन्धुपाल्चोक जिल्लाको जिल्ला अधिवेशन अनिश्चित भएको छ । पछिल्लो समय मंसिर १४ र १५ गतेको लागि तय भएको अधिवेशन सोमबार साँझ जिल्ला निर्वाचन अधकृत देबवहादुर महतले एक सूचना प्रकाशन गर्दै स्थगित भएको जानकारी दिनुभएको छ । नेपाली कांग्रेस जिल्ला निर्वाचन अधिकृतले एक सुचना जारी गर्दै क्षेत्रिय अधिवेशनमा महाधिवेशन प्रतिनिधीको मतपरिणाम ढिला आउनु , प्रदेश अधिवेशन १६ र १७ गते तोकिएकाले अधिवेशन स्थगित गर्नुपरेको जनाउनुभएको छ । सुचनामा अधिवेशन स्थगित भएको जनाएतापनि अधिवेशनको अर्को मिति भने तोकिएको छैन । प्रदेश अधिवेशन पश्चात जिल्ला कार्यसमिती, केन्द्रीय निर्वाचन समितीसँग छलफल गरी निर्वाचन तालिका सार्वजनिक गरिने जिल्ला निर्वाचन अधिकृत महतले बताउनुभयो । चौतारामा १३ र १४ गते हुने भनिएको अधिवेशन आइतबार मात्रै चौताराबाट मेलम्चीमा गरिने सुचना प्रकाशन भएको थियो ।  ...

पाण्डब अधिकारी मेलम्ची नगरपालिका–९, ज्यामिरेमा रहेको ज्यामिरे साना किसान कृषि सहकारी संस्थाको तरकारी संकलन केन्द्र भवन बन्ने भएको छ । मेलम्ची नगरपालिकाको आर्थिक सहयोगमा बन्न लागेको भवनको सोमबार बिहान शिलान्यास गरिएको छ । शिलान्यास भवनका जग्गादाता मध्यका गोपालबहादुर खड्काले गर्नुभयो । भवन निर्माण गर्न सहकारीको लागि गोपाल सहित उहाँका छोरा नवराज, भतिजहरु किरणदीप र प्रकाशले जग्गादान गर्नुभएको थियो । भवन बनाउन खड्का परिवारका ४ घरपरिवारले सहकारीको लागि १२ आना जग्गादान दिनुभएको हो । तरकारी संकलन केन्द्र निमार्णको लागि मेलम्ची नगरपालिकाको २० लाख आर्थिक सहयोग रहेको सहकारीका अध्यक्ष केशव बिष्टले जानकारी दिनुभयो । केन्द्र भवन निमार्ण फाल्गुन १५ गतेसम्म सम्पन्न गरिसकिने सहकारीले जनाएको छ ।...

मङ्सिर ९ गतेदेखि फिल्डबाट सुरु गरिएको राष्ट्रिय जनगणना सम्पन्न भएपछि केन्द्रीय तथ्याङ्क विभागले छ महिनाभित्र डाटा इन्ट्री गरी एक वर्षभित्र अन्तिम नतिजा प्रकाशन गर्ने गरी तयारी थालेको छ । तथ्याङ्क प्रशोधन गर्न आन्तरिक तयारी शुरु गरिएकाले २०७९ कात्तिकभित्र जनगणनाको अन्तिम नतिजा प्रकाशन गर्ने विभागका निर्देशक डुण्डीराज लामिछानेले जानकारी दिनुभयो । विभागले २०७९ जेठ महिनाभित्रमा सबै डाटा इन्ट्री गरिसक्ने छ र त्यसपछि विभिन्न शीर्षकका नजिताहरु क्रमश सकेर कात्तिकभित्रमा राष्ट्रिय जनगणना २०७८ को अन्तिम नतिजा सार्वजनिक प्रशासन गर्नेछौं, लामिछानले भन्नुभयो । विभिन्न चुनौतीका साथ फिल्डबाट जनगणनाको तथ्याङ्क सङ्कलन गर्न सफल भएको विभागले जनाएको छ । विभागले कात्तिक २५ गतेदेखि मङ्सिर ९ गतेसम्म गरी १५ दिनमा फिल्डमै पुगेर तथ्याङ्क सङ्कलन गरेको थियो । विभागले सातवटै प्रदेश कार्यालय, ८७ वटा जिल्ला जनगणना का...