समाचार

१० बुँदे प्रतिबद्धता जारी गर्दै जुगलले मनायो लैंगिक हिंसा विरुद्धको अभियान जुगल गाउँपालिकाले लैंगिक हिंसा विरुद्धको १६ दिने अभियान १० बुदे प्रतिबद्धता जारी गर्दै भब्य रुपमा सम्पन्न गरेको छ । जिल्ला समन्वय समितिको उपप्रमुख श्री बालकुमारी सापकोटाको प्रमुख आतिथ्यतामा भएको कार्यक्रममा गरिएको प्रतिबद्धता पत्रमा महिला विरुद्धको हिंसा अन्त्य गर्नको लागि घरैदेखि सुरु गर्दछौँ , लैङ्गिक हिंसा विरुद्धको सबै खालको राष्ट्रिय तथा अन्तर्राष्ट्रिय कानुनहरुको पालना गर्दछौँ , महिलाको मानव अधिकार संरक्षण गर्न एकतावद्ध भएर लाग्दछौँ , सार्वजनिक वा निजी जीवनमा रहँदा लैङ्गिक आधारमा कसैप्रति शारीरिक, मानसिक, सामाजिक–साँस्कृतिक, राजनीतिक,आर्थिक, यौनिक , भावानात्मक पीडा वा क्षति पुर्याउने कार्य गर्दैनौँ जस्ता कुराहरु समेटिएको छ । त्यसैगरी प्रतिबद्धता पत्रमा लैङ्गिक हिंसा विरुद्ध सदैव बुलन्द आवाज लियर उभिन्छौँँ , ल...

 दिपीन ढुँगाना मेलम्ची नगरपालिकाले लैङ्गिक हिंसा विरुद्धको सचेतना मुलक कार्यक्रम १३वटै वडामा गर्दै सम्पन्न गरेको छ । कानुनी अन्र्तक्रिया , अनुशिक्षण, बक्तित्वकला, नाटक प्रर्दशनी,विद्यालयमा वक्तित्वकला लगायतका विभिन्न सचेतनामुलक कार्यक्रम गर्दै लैङ्गिक हिंसा विरुद्धको १६ दिने अभियान कार्यक्रम समापन गरिएको नगरपालिकाले जनाएको छ । हरेक बर्ष लैङ्गिक हिंसा विरुद्धको कार्यक्रम नोभेम्बर २५ देखि डिसेम्बर १० सम्म सञ्चालन गर्ने गरिन्छ । यसै अनुरुप मेलम्ची नगरपालिकाले पनि विभिन्न सचेतना मुलक कार्यक्रम गर्दै लक्षितवर्ग लाई आयआर्जन सँग जोड्नका लागि विभिन्न सिपमुलक तालिम देखि सम्मान कार्यक्रम समेत गरेको छ । समाजमा अशक्त, अपांगता भएका ब्यक्ति, एकल महिला लगायतले अझैपनि हिंसाको सिकार हुन परिरहेको छ । त्यस्ता घटनाहरुलाई बाहिर ल्याउन र हिंसा सहेर बस्न हुँदैन भन्ने सन्देश दिनका लागि नगरपालिकाले वडा वडाम...

लैंगिक हिंसा विरुद्धको १६ दिने अभियान समापनको अवसर पारेर सिन्धुपाल्चोकमा विविध कार्यक्रमहरु गरिएको छ । जिल्ला समन्वय समिती सिन्धुपाल्चोकको आयोजना तथा गैर सरकारी संस्था महासँघको समन्वयमा चौतारामा ७३ औं अन्तराष्ट्रीय मानव अधिकार दिवस तथा लैंगिक हिंसा विरुद्धको १६ दिने अभियान समापन तथा अन्तर्क्रिया कार्यक्रम गरिएको छ । जिल्लामा रहेका गैर सरकारी सँस्थाहरुको सहकार्यमा भएको कार्यक्रममा ईन्सेक प्रतिनिधी नातिवावु धिताल, गैर सरकारी सँस्था महासँघका जिल्ला अध्यक्ष गोविन्द प्रसाद सापकोटा र एनसी नेपालका जिल्ला अध्यक्ष हर्क तामाङले मानवअधिकार उलँघन र महिला हिंसाको वर्तमान अबस्थावारे कार्यपत्र प्रस्तुत गर्नुभएको थियो । कार्यक्रममा मन्तब्य राख्दै जिल्ला समन्वय समितिका प्रमुख तथा कार्यक्रमका प्रमुख अतिथी कृष्णगोपाल तामाङले यस्ता अभियानहरु अभियानमा सिमित नभएर उपलब्धीमूलक हुनुपर्नेमा जोड दिनुभयो । तामाङले ...

जिल्ला प्रशासन कार्यालयको आयोजना र सामुदायिक सारथीको सहयोगमा चौतारामा अन्तर्क्रिया कार्यक्रम सम्पन्न भएको छ । अन्तर्राष्ट्रिय भ्रष्टाचार विरुद्धको दिवस २०२१ को अवसरमा उक्त छलफल कार्यक्रम आयोजना गरिएको हो । नेपालमा भ्रष्टाचार सामाजिक रोगका रूपमा देखापरेको छ । भ्रष्टाचार नियन्त्रण गर्न आवश्यक कानुन निर्माणका साथै कार्यान्वयन गर्ने निकाय पनि स्थापना गरिएको छ । भ्रष्टाचार नियन्त्रणमा सरकार, राजनीतिक दल र प्रशासनले प्रतिबद्धता पनि देखाएसंगै भ्रष्टाचार गर्नुहुँदैन भन्ने विषयमा आम नागरिकबीच एकमत पनि छ । आम नागरिकले स्वतःस्फूर्तरूपमा भ्रष्टाचारविरुद्ध खबरदारी पनि गरिरहेका छन् । सञ्चारमाध्यमले पनि भ्रष्टाचारविरुद्धको अभियानमा सकारात्मक भूमिका खेलिरहेका छन् । यी सबै हुँदाहुँदै पनि समाज भ्रष्टाचारको फैलँदो रोगबाट पीडामुक्त हुन सकेको छैन । बरु यो झाँगिँदै, बाक्लिदै र मौलाउँदै गएको छ । यसै सन्र्दभलाई ...

शिक्षा तथा मानव स्रोत विकास केन्द्रले बालबालिकालाई विद्यालयमा दिइने दिवा खाजाको ब्यवस्थापन गर्नुपर्ने भन्दै स्थानिय तहहरुलाई अनुरोध गरेको छ । केन्द्रका शाखा अधिकृत पद्या शर्मा सापकोटाद्धारा हस्ताक्षरित पत्रमा नेपाल सरकारले आ.ब. ०७७÷ ०७८देअी देशभरका सबै सामुदायिक विद्यालयका प्रारम्भिक विद्यालयदेखी कक्षा ५ सम्मका बालबालिकाहरुलाई दिवा खाजाको ब्यवस्था गरिएको छ । स्थानिय स्तरमा उत्पादन भएका खाद्य बस्तुहरुको उपयोग गरी विद्यालयले साप्ताहिक रुपमा खाजा मेनु तयार गरेर मापदण्ड बमोजिम पकाएर ताजा सफा र सन्तुलित खाजा खुवाउने ब्यवस्था रहेको सन्र्दभमा कतिपय स्थानिय तहभित्रका केही विद्यालयहरुले बजारबाट तयारी प्याकेटको खाजा खरीद गरी खुवाउने जानकारी आएकाले यस्ता कार्य नगर्न पत्रमा आग्रह गरिएको छ । सरकारको निति विपरित र बालवालिकाको स्वास्थ्य सँवेदनशिलता असर पर्ने भएकाले साथै स्थानिय कृषकको आय स्तरमा सुधार गर...

विश्व स्वास्थ्य सङ्गठन (डब्ल्यूएचओ) का एक अधिकारीले कोभिडविरुद्धका खोपले नयाँ भेरिएन्ट ओमिक्रोनसँग लड्न सक्षम भएको बताएका छन् । दक्षिण अफ्रिकाको प्रयोगशालामा गरिएको परीक्षणमा नयाँ भेरिएन्टले फाइजर खोपलाई आंशिक रूपमा छल्न सक्ने देखिएपछि डब्ल्यूएचओका डा. माइक रायनले यस्तो प्रतिक्रिया दिनुभएको हो । ‘हामीसँग धेरै प्रभावकारी खोपहरू छन् जुन अहिलेसम्म गम्भीर बनाउने र अस्पतालमा भर्ना गराउने सबै प्रकारका भेरिएन्टविरुद्ध प्रभावकारी सावित भएका छन् । ती खोपको प्रभाव ओमिक्रोनमा कम हुनेछ भनेर चिन्ता लिनुपर्ने कुनै कारण छैन’, डा. रायनले एएफपी समाचार संस्थालाई भन्नुभयो । प्रारम्भिक तथ्याङ्क अनुसार ओमिक्रोनले मानिसलाई डेल्टा भेरिएन्टभन्दा बढी बिरामी नपार्ने देखिएको उहाँको भनाइ छ । भर्खरैमात्र दक्षिण अफ्रिकामा गरिएको एक अध्ययनले फाइजर÷बायोएनटेक भ्याक्सिन अन्य भेरिएन्टको तुलनामा ओमिक्रोनमा ४० प्रतिशत क...

पाँचपोखरी थाङपाल गाउँपालिकाको वडा नम्बर २ बरुवामा बाँस निगालो प्रसोधन तालिम सुरु भएको छ । गरिबी निवारणका लागि लघुउद्यम विकास कार्यक्रम अन्तर्गत बाँस,निगालो सम्बन्धी हस्तकला सिप विकास तालिम बुधबार सुरु भएको छ । पाँचपोखरी थाङ्पाल गाउँपालिका उद्यम विकास शाखाको आयोजनामा भएको सो तालिममा आठ जना सहभागी छन् । वडा नं. २ बरुवाको विकट गाउँ डालेमा सञ्चालित तालिम एक महिना सञ्चालन हुने उद्यम विकास शाखा प्रमुख दिपेन्द्र पौडेलले जानकारी दिनुभयो । ‘आफ्नै ठाउँमा पाइने बस्तुको प्रयोग गरेर व्यापार गर्नु नै सबैभन्दा राम्रो व्यवसाय हो,’ पौडेलले भन्नुभयो,‘सधैंभरी परनिर्भर भएर बस्नाले हाम्रो गाउँको विकास हुन सक्दैन । सबैले यहीँ ठाउँको विकासका लागि लाग्नुपर्छ । त्यसका लागि यस्तै सानोसानो कुराले समेत गाउँको मुहार फेरिन्छ ।’ तालिमको उद्देश्यबारे जानकारी गराउँदै पौडेलले सिप सिकाएर आत्मनिर्भर बनाउन तथा खेर गइरहेको बाँ...

देवराज सुवेदी मेलम्ची नगरपालिकाले नगरपालिकाभित्रका व्यापारी, व्यवसायी, उद्योगी लगायतका व्यक्तिहरुका लागि करदाता शिक्षा तथा अन्तरक्रिया कार्यक्रम सम्पन्न गरेको छ । मेलम्ची नगरपालिकामा सम्पन्न कार्यक्रममा कर सम्बन्धी विभिन्न जानकारीका साथै कर तिर्नुका कारणबारे जानकारी गराइएको छ । कार्यक्रममा वन तथा वातावरण मन्त्रालयका उपसचिव उमेशराज रिमालले राष्ट्रको विकासमा करको योगदान रहेको बताउनुभयो । कार्यक्रममा अर्थ मन्त्रालयका सहायक अधिकृत रघुनाथ पराजुलीले कारोबारको लेखा कसरी राख्ने, बिल, बिजक कसरी जारी गर्ने, कति कारोबार हुनेले कस्तो विवरण पेश गर्ने, विवरण तथा कर दाखिला कहिले गर्ने लगायतका विषयमा प्रस्तुतीकरण दिनुभएको थियो । प्रशिक्षकद्वय रिमाल र पराजुलीले सहभागीहरुको जिज्ञासाको जवाफ दिँदै कर तिर्नुको फाइदा तथा कर सम्बन्धी विभिन्न नियमहरुको बारेमा जानकारी गराउनुभएको थियो । कार्यक्रममा उद्यमी ...

सिन्धुपाल्चोकको जुगल गाउँपालिका ३, गुम्बाथानमा सोमबार ३९ वर्षका छेवाङ लामाको हत्या गरेको अभियोगमा प्रहरीले निजकी श्रीमती २८ वर्षीय निमा साङ्बो तामाङ र सोही स्थानका ३६ वर्षका कान्छालाल लामालाई पक्राउ गरेको छ । जिल्ला प्रहरी कार्यालय सिन्धुपाल्चोकका प्रहरी उपरिक्षक राजन अधिाकरीका अनुसार अभियुक्तविच अनैतिक सम्बन्ध रहेको हुनसक्ने समेत प्रहरीको प्रारम्भिक अनुसन्धानबाट खुलेको छ । मृतक लामा ६ वर्षदेखि वैदेशिक रोजगारीको सिलसिलामा कतारमा रहेकोमा हालैमात्र घर फर्कनुभएको थियो । घरमा श्रीमतीको मोबाइलमा अत्याधिक फोन आउने गरेको थाहा पाएपछि उहाँले सो फोन समेत एक दिन कब्जा गरेर सिमकार्ड फेरेर पुनः फिर्ता गरेको थाहा भएको प्रहरीले जनाएको छ । श्रीमानले आफूहरूको सम्बन्धबारे थाहा पाउने डरले दुवै मिलेर योजनाबद्ध रूपमै हत्या गरेको प्रहरीको प्रारम्भिक अनुसन्धानबाट खुलेको छ । घटना बारे थाहा पाउनासाथ तत्काल प...

सिन्धुपाल्चोकको पुरानो र ऐतिहासिक स्थल त्रिपुरासुन्दरी गाउँपालिकाको तौथली बजारस्थित एक हजार वर्ष पुरानो त्रिपुरासुन्दरी देवीको मन्दिरबाट मूर्ति र कलश चोरी भएको छ । त्रिपुरासुन्दरी गाउँपालिका वडा ५ तौथलीका अध्यक्ष विष्णुभक्त श्रेष्ठका अनुसार करिब सय वर्ष पुरानो भगवतीको मूर्ति र कलश साथै १० वर्ष पुरानो विष्णूको दुईवटा कलात्मक मूर्ति चोरी भएको हो । साथै तीनवटा तामाको कलश पनि चोरी भएको बताइएको छ । मंगलबार करिब २ बजे मध्यरातमा दुईजना अन्जान युवक तीव्र वेगमा मोटरसाइकलमा मन्दिरमा आएको स्थानीयहरूले देखेको बताएका छन् । ’बेलुकी बालेको बत्ती निभाउन जाँदा पूजापाठ सुरु गर्दा मन्दिरको ढोका खुला देखेको र हेर्दा मूर्ति कलश नरहेको स्थानीयहरूले बताएका छन् । ‘प्राचीन महत्व बोकेका दुईवटा मूर्ति ढलोट र एकमा सुनको मन्त्र र जलप लगाइएको थियो, मूर्ति हराएपछि स्थानीय दुखी भएका छन्, स्थानीय र प्रहरी मिलेर चोरको...