“स्थानीय विकासका लागि नवीकरणीय ऊर्जाको आवश्यकता, चुनौती तथा अवसरहरू” विषयक अन्तरक्रिया मेलम्चीमा
सञ्जय तामाङ मेलम्ची
सिन्धु पाल्चोक जिल्लाको मेलम्ची नगरपालिकामा प्रकृति रिसोर्सेज सेन्टरको आयोजनामा तथा मेलम्ची नगरपालिकाको सहकार्य र समन्वयमा “स्थानीय विकासका लागि नवीकरणीय ऊर्जाको आवश्यकता, चुनौती तथा अवसरहरू” विषयक एक दिबशीय अन्तरक्रिया कार्यक्रम भएको छ।मेलम्ची नगरपालिकाका प्रमुख आइतमान तामाङको अध्यक्षतामा आयोजित कार्यक्रममा नवीकरणीय ऊर्जा प्रवद्र्धन, ऊर्जा पहुँच विस्तार, ऊर्जा दक्षता तथा स्थानीय स्तरमा दिगो विकासका लागि अपनाउन सकिने उपायहरूबारे छलफल गरिएको थियो। कार्यक्रममा सहभागीहरूले नवीकरणीय ऊर्जाको प्रयोगलाई बढावा दिन स्थानीय सरकार, समुदाय तथा सरोकारवाला निकायबीच प्रभावकारी सहकार्य आवश्यक रहेको धारणा व्यक्त गरेका थिए। कार्यक्रमका अवसरमा आफ्नो धारणा राख्दै मेलम्ची नगरपालिकाका प्रमुख आइतमान तामाङले यस्ता महत्त्वपूर्ण कार्यक्रममा सहभागी हुन पाउँदा खुसी लागेको बतउनुभयो । उहा...









