विचार

भक्तपुर, २८ वैशाखः राष्ट्रिय परीक्षा बोर्डले यस वर्षको माध्यमिक शिक्षा परीक्षा (एसइई) को नतिजा सार्वजनिक गर्ने तयारी गरेको छ । सरकारले यही वैशाख २९ गतेभित्र नतिजा सार्वजनिक गर्न अन्तिम ‘समयसीमा’ दिएपछि बोर्डले तीव्र गतिमा आवश्यक काम गरिरहेको हो । कक्षा १० का परीक्षा नियन्त्रक टुकराज अधिकारीले भन्नुभयो, “सरकारले वैशाख २९ गतेभित्र एसइईको नतिजा सार्वजनिक गर्न अन्तिम समयसीमा दिएको थियो, त्यो सीमाभित्र नतिजा सार्वजनिक गर्ने गरी तयारी गरेका छौँ, परीक्षार्थीको प्राप्ताङ्क ‘कम्प्युटर’मा ‘इन्ट्री’ गर्ने काम सकिएको छ, कि कतै केही गल्ती छ कि भनेर रुजु गर्ने काम पनि करिब सकिएको छ, कुनै प्राविधिक समस्या नआए मङ्गलबार नतिजा सार्वजनिक गर्छौं ।” बोर्डको परीक्षा नियन्त्रण कार्यालयले सूचना जारी गरी एसइईको नतिजा कसरी हेर्ने भन्ने बारेमा जानकारी दिएको छ । कार्यालयले नतिजा हेर्न ‘एसएमएस’ गरेर वा सिधै ‘वेबसाइट’म...

काठमाडौँ, २७ वैशाखः राष्ट्रिय स्वतन्त्र पार्टी (रास्वपा) का सभापति रवि लामिछानेले जोखिमपूर्ण ठाउँमा बसेका नागरिकलाई सुरक्षित स्थानमा स्थानान्तरण गरी भूमिहीनलाई लालपूर्जा उपलब्ध गराउने प्रक्रिया अघि बढेको बताउनुभएको छ । रास्वपाको पार्टी–संसद्–सरकार समन्वय समितिले आज यहाँ आयोजना गरेको विपद् जोखिम न्यूनीकरण र व्यवस्थापनसम्बन्धी ‘नीति मन्थन’ कार्यक्रममा सभापति लामिछानेले खोला किनारमा बाढी र पहिरोको जोखिममा रहेका नागरिकलाई पहिलो प्राथमिकतामा राखेर व्यवस्थापन गरिएको बताउनुभयो । “सरकारले निकै द्रूत गतिमा भूमिहीनको हकअधिकार प्रदान गर्दैछ, जोखिमपूर्ण क्षेत्रमा रहेका नागरिकलाई त्यहीँ राखिरहेर ठिक गरियो कि, त्यसलाई समाधान गर्न कदम चालेर ठिक गरियो ?” सभापति लामिछानेले प्रश्न गर्नुभयो । जोखिमपूर्ण क्षेत्रका स्थानन्तरण गरिएका नागरिकको व्यवस्थापनलाई चुस्त र मानवीय बनाउन सरकार कटिबद्ध रहेको उहाँले उल्लेख ...

  काठमाडौं —क्षेत्री समाज राष्ट्रिय महासंघको सातौ अधिबेशनले बहादुर सिंह बिष्टको अध्यक्षतामा नया कार्यसमिती समेत निर्बीरोध निर्बाचित गरेको छ । जसमा स अध्यक्ष रबिन अधिकारी र बिदुर प्रशाद अगौलिया,उपाध्यक्षमा इन्द्र रिजाल, ज्वाला बिष्ट, र साबित्रा खडका महासचिबमा ओ म बहादुर रायमाझी सचिबमा तेज कुमार के सि कोषाध्यक्षमा बाबुराम थापा सह कोषाध्यक्षमा कमल खड्का रहनु भएको छ भने उपत्यका उपाध्यक्षमा मधुसुदन खड्कार प्रदेश प्रमुखमा नारायण खड्का केशब थापा सहीत ७६ जना को केन्द्रीय कार्यसमिति निर्बिरोध निर्वाचित हुनु भएको छ । शनीबार काठमाण्डौमा पूर्व प्रधानन्यायधिस प्रकास मान सिहं राउतको प्रमुख अतिथ्यतामा सम्पन्न भएको हो । कार्यक्रममा विभिन्न बौद्धिक व्यक्तित्वहरु पूर्व मन्त्री, न्यायधिवक्ता, सांसद अधिवक्ता वकिल समाजसेवी, पत्रकारहरुको उपस्थिती रहेको थियो । कार्यक्रमको उद्धघाटन गर्दै प्रमुख अतिथी पूर्...

नेपालका महान राष्ट्रनिर्माता पृथ्वीनारायण शाह का विश्वासिला, साहसी तथा कुशल सेनापतिमध्येका एक तत्कालीन  सेना जनरल    काजी केहरसिंह बस्नेत नेपाली इतिहासमा राष्ट्र एकीकरण अभियानका एक वीर योद्धाका रूपमा अमर रहनु भएको छ ।  ऐतिहासिक तथा राष्ट्रभक्त व्यक्तित्व काजी केहरसिंह बस्नेतको पूर्णकदको सालिक ऐतिहासिक एवं पर्यटकीय महत्व बोकेको रमणीय स्थल नगरकोट मा स्थापना गरिएको छ।  प्रेमसिंह बस्न्यात को विशेष पहल, अथक प्रयासमा निर्माण गरिएको उक्त सालिकको भव्य अनावरण नेपाली सेनाका प्रधान सेनापति अशोकराज सिग्देल बाट शनीबार सम्पन्न गरिएको हो।...

सिन्धुपाल्चोक — आदिवासी जनजाति महिलाहरूको हक–अधिकार, संघर्ष र पहिचानलाई कलाको माध्यमबाट उजागर गर्ने उद्देश्यले आयोजित “हाम्रो आवाज, हाम्रो अधिकार” फोटो प्रदर्शनी भव्य रूपमा सम्पन्न भएको छ। आदिवासी जनजाति महिला उत्थान केन्द्र, सिन्धुपाल्चोकको आयोजनामा सम्पन्न उक्त कार्यक्रमले समाजमा पछाडि पारिएका महिलाहरूको आवाज र अनुभवलाई तस्विरमार्फत प्रभावकारी रूपमा प्रस्तुत गरेको हो। केन्द्रकी अध्यक्ष पानमाया तामाङको सभापतित्वमा सम्पन्न कार्यक्रममा प्रमुख अतिथि पदम प्रसाद नेपाल हुनुहुन्थ्यो। उहाँले कला र अभिव्यक्तिमार्फत उठाइने यस्ता विषयले दबिएका आवाजलाई नीतिगत तहसम्म पुर्‍याउन महत्वपूर्ण भुमिका खेल्ने बताउनुभयो। विशेष अतिथिहरू  चौतारा साँगाचोकगढी नगरपालिकाको उपमेयर सीता थापा र मेलम्ची नगरपालिकाको उपमेयर उमा प्रधानले महिला सशक्तीकरण, नेतृत्व विकास र सामाजिक समानताविना समृद्ध समाज सम्भव नभएको धारणा व्यक...

सिन्धुपाल्चोकको बाह्रबिसे क्षेत्रमा निर्माणाधीन ४६ मेगावाट क्षमताको भोटेकोशी–५ जलविद्युत आयोजनाले स्थानीयवासीलाई प्रमोटर सेयरमा सहभागी गराउने घोषणा गरेको छ । आयोजनाका कार्यकारी अध्यक्ष मोहनविक्रम कार्की ले आयोजना प्रभावित नागरिकलाई सहज रुपमा लगानी गर्न सक्ने वातावरण मिलाईने जानकारी दिएका हुन् । उनका अनुसार आयोजनाको ७० प्रतिशत निर्माण कार्य सम्पन्न भएपछि प्रभावित स्थानीयबाट प्रमोटर सेयर वापतको रकम संकलन गरिनेछ । यस व्यवस्थाले स्थानीयवासीलाई आर्थिक रुपमा प्रत्यक्ष लाभ पुग्ने अपेक्षा गरिएको छ । आयोजनाबाट बाह्रबिसे नगरपालिकाका वडा नम्वर ३,४,५,८ र ९ प्रत्यक्ष प्रभावित क्षेत्रका रुपमा रहेका छन् । ती वडाका स्थानीयले आयोजनामा लगानी गर्ने अवसर पाउनेछन् भने आयोजना सञ्चालनमा आएपछि लाभांशमार्फत पनि लाभ लिन सक्नेछन् । यद्यपि, आयोजना पक्षले केही बाहिरी व्यक्तिहरुले आयोजनाबारे नकरात्मक प्रचार गरिरहेको भन...

हिरा खड्का,सिन्धुपाल्चोकको बाह्रबिसे क्षेत्रमा निर्माणाधीन कालिका हाइड्रोपावर क.लिमिटेड विरुद्ध बाह्रबिसे आसपासका स्थानीय तथा युवाहरूले अनौठो शैलीमा विरोध जनाएका छन्। बाह्रबिसेको खुर्सानीबारी देखि भंगेरी सम्म भोटेकोसी नदीमा र्याफ्टिङ गर्दै नदीबाटै “खबरदारी कार्यक्रम” यहि बैशाख २२ गते सप्पन्न गरेको छ। कार्यक्रममा सहभागीहरूले लाइफ ज्याकेट र हेल्मेट लगाएर  (र्याफ्ट) मार्फत नदी यात्रा गर्दै ब्यानर प्रदर्शन गर्दै हाइड्रोपावर  विरुद्ध नदीमा र्यफ्टिङमा यात्रा गर्दै नाराबाजी गरेका थिए। “Go Back Kalika” लेखिएको प्लेकार्ड सहित उनीहरूले आयोजना तत्काल रोक्न र स्थानीय सरोकारलाई सम्बोधन गर्न माग गरेको स्थानिय प्रभावित क्षेत्रका युवा स्याङ्बो तामाङले बताउनु भयो । स्थानीयहरूको आरोप अनुसार हाइड्रोपावर निर्माणका कारण वातावरणीय असर,नदीको प्राकृतिक बहावमा परिवर्तन तथा पर्यटन व्यवसायमा नकारात्मक प्रभाव पर्नुका...

सिन्धु पाल्चोक जिल्लाको मेलम्ची नगरपालिकामा निर्माण ब्यवसायी र निर्माण ब्यबसायी हरु बिच कामका पारदार्सीताकाबारेमा छलफल भएको छ । नगर भित्र विकास निर्माणका कामको गति र गुणस्तरबारे चासो राख्नु हुँदै नगरप्रमुख आइतमान तामाङ ले निर्माण व्यवसायी हरु सँग मंगलबार छलफल भएको हो । नगर प्रमुख तामाङको अध्यक्षतामा सम्पन्न छलफलमा दुवै पक्षले आफ्ना धारणा स्पष्ट राख्दै समाधान गर्ने प्रतिवद्वता गरेका छ। नगर प्रमुख तामाङले पछिल्लो समय विभिन्न योजनामा देखिएको ढिलासुस्ती र गुणस्तरसम्बन्धी जनगुनासो प्रति गम्भीर असन्तुष्टि व्यक्त गर्नु भयो। जनताको करबाट सञ्चालित योजनामा ढिलाइ र कमजोर गुणस्तर कदापि स्वीकार्य हुँदैन, वहाँले स्पष्ट शब्दमा भन्नु भयो, “तोकेको समयसीमा र सम्झौता अनुसार गुणस्तरीय काम सम्पन्न गर्नु निर्माण व्यवसायीको दायित्व हो। अन्यथा, कानुनअनुसार कारबाही गर्न नगरपालिका बाध्य हुने बताउनु भयो । छलफलमा स...

भक्तपुर, २१ वैशाखः काठमाडौँ उपत्यकाका विभिन्न सुकुमवासी बस्तीबाट विस्थापित भएकाहरुलाई भक्तपुरको दुई ‘सेल्टर’मा आश्रय दिएको छ । भक्तपुरको खरिपाटीस्थित चाँंगुनारायण नगरपालिकास्थित नेपाल विद्युत् प्राधिकरणको तालिम केन्द्र र मध्यपुरथिमि नगरपालिकास्थित कृषि विकास तालिम केन्द्रको भवनमा सेल्टरका रुपमा अस्थायी बासस्थनको व्यवस्था गरिएको जिल्ला प्रशासन कार्यालयका प्रमुख जिल्ला अधिकारी उमेशकुमार ढकालले जानकारी दिनुभयो । यहाँ ल्याइएका सुकुमवासीलाई खाने र बस्ने निःशुल्क व्यवस्था गरेको छ । खरिपाटीस्थित तालिम केन्द्रमा १४० जना सुकुमवासीलाई राखिएको छ भने यहाँ राखिएकाहरुलाई होस्टेलमा परिवार–परिवार छुटाएर फरक कोठामा राखिएको छ । यसअघि कोरोना भाइरसको महामारीमा पहिलो पटक चीनबाट ल्याइएका नेपाली विद्यार्थीलाई सोही स्थानमा ४५ दिनसम्म राखिएको थियो । त्यसपछि कोरोना सङ्क्रमितलाई पनि राखिएको यस केन्द्रमा २५० जना अट्न...

शिक्षा, सम्मान र सांस्कृतिक उत्सवको अनुपम संगम चौतारा साङ्गाचोकगढी नगरपालिका वडा न ९क्षेत्रमा स्थापित शैक्षिक संस्था श्री आदर्श विद्या मन्दिर को २८औँ वार्षिकोत्सव तथा अभिभावक भेला भव्य, सभ्य र उल्लासपूर्ण वातावरणमा सफलतापूर्वक सम्पन्न भएको छ। विद्यालय परिसरमा आयोजित उक्त कार्यक्रममा विद्यार्थी, अभिभावक, शिक्षक-शिक्षिका, स्थानीय जनप्रतिनिधि, समाजसेवी, शिक्षाप्रेमी तथा विभिन्न संघसंस्थाका प्रतिनिधिहरूको उल्लेखनीय सहभागिता रहेको थियो। कार्यक्रमले विद्यालय र समुदायबीचको सम्बन्ध अझ सुदृढ बनाएको सहभागीहरूले बताएका छन्। कार्यक्रमको सभापतित्व विद्यालय व्यवस्थापन समितिका अध्यक्ष श्री समिर तामाङज्यू ले गर्नुभएको थियो। प्रमुख अतिथिका रूपमा चौतारा साङ्गाचोकगढी नगरपालिका वडा नं. १३ का वडा अध्यक्ष तथा सामाजिक विकास समितिका संयोजक श्री राम प्रसाद गौतमज्यू को गरिमामय उपस्थिति रहेको थियो। प्रमुख अतिथिको उप...