ब्रेकिङ न्युज २

काठमाडौँ, १२ साउन : पेट्रोलियम पदार्थको मूल्य घटेको झण्डै एक महिना बित्दै लाग्दा पनि बागमती प्रदेश सरकारले प्रदेशभित्र सञ्चालन हुने सार्वजनिक यातायातको भाडा नघटाउँदा सर्वसाधारण मर्कामा परेका छन् । नेपाल आयल निगमले गत असार १७ गते मध्यरातिदेखि पेट्रोलियम पदार्थको मूल्य घटाएको थियो । तर, बागमती प्रदेश सरकार मातहत उद्योग, पर्यटन, श्रम तथा यातायात मन्त्रालयले भने अहिलेसम्म पनि भाडा समायोजन गरेको छैन । अन्तर प्रदेश चल्ने सार्वजनिक यातायातको भाडा घटे पनि प्रदेशभित्र चल्ने सवारीसाधन र काठमाडौँ उपत्यकामा चल्ने सार्वजनिक यातायातको भाडा घटेको छैन । नेपाल यातायात व्यवसायी राष्ट्रिय महासङ्घका अध्यक्ष पुण्यप्रसाद सिटौला (सरोज) ले सङ्घीय सरकारले अन्तर प्रदेश चल्ने सार्वजनिक यातायातको भाडा समायोजन गरेपनि प्रदेश सरकारले आफ्नो प्रदेशभित्र चल्ने सार्वजनिक यातायातको भाडा समायोजन नगरेको गुनासो गर्नुभयो । “हामी...

बार्षीक २ अर्व भन्दा बढी राजस्व संकलन गर्ने तातोपानी नाका आवतजावत गर्ने सडक अवरुद्धबारे सिन्धुपाल्चोक उद्योग वाणिज्य संघले सरकारको ध्यानाकर्षण गराएको छ । सरकाले समयमा सडक खुलाउन पहलकदमी नबढाएको भनि संघले तातोपानी नाकाबारे चासो बढाएको हो । संघका अध्यक्ष बुद्धराज बस्नेतले एक विज्ञप्ती जारी गर्दै शुक्रबार सरकारलाई चासो दिन आग्रह गरेका हुन् । दैनिक लाखौको राजस्व संकलन गर्ने तातोपानी भन्सार कार्यालयले समेत आफ्लो बार्षिक लक्ष्य हासिल गर्न सक्ने अवस्था छैन । गत वर्ष ५० करोड ५२ लाखमा ठेक्का लागेकोमा समेत चीन सरकाले बनाईदिन्छ भन्ने आस्वासन मात्र देखाएको भन्ने कुरा उल्लेख छ । अरनिको राजमार्गमा पर्ने तातोपानी –कोदारी सडक असार ३१ गतेबाट भोटेकोशी गाउँपालिका २ मा पर्ने इको पहिरोको कारण ३ घर क्षति र ७० घरहरु उच्च जोखिममा रहेका छन् । १ सय ५० भन्दा बढी मालबहाक कन्टेनरहरु राजधानी प्रवेश गर्न पाएका छैनन् ।...

स्थानीय कृषि तथा हस्तकला उत्पादनको बजारीकरण तथा प्रवद्र्धन गर्ने उद्देश्यले सिन्धुपाल्चोकको मेलम्ची बजारमा ‘कोशेलीघर’ सञ्चालनमा आएको छ । शुक्रबारदेखि औपचारिक रूपमा सञ्चालनमा आएको कोशेलीघरको उद्घाटन मेलम्ची नगरपालिकाका प्रमुख आइतमान तामाङ, उपप्रमुख उमा प्रधानलगायतले गर्नुभएको हो । कोशेलीघर हरेक दिन बिहान ७ बजेदेखि साँझ ७ बजेसम्म सञ्चालन हुने जनाइएको छ । उद्घाटन समारोहलाई सम्बोधन गर्दै नगरप्रमुख आइतमान तामाङले स्थानीय किसान, महिला उद्यमी तथा साना व्यवसायीले उत्पादन गरेका वस्तुका लागि सहज बजार उपलब्ध गराउने उद्देश्यले कोशेलीघर स्थापना गरिएको बताउनुभयो । उहाँका अनुसार यहाँ ताजा फलफूल तथा तरकारी, घरेलु अचार, मह, भान्साका आवश्यक परिकार, हस्तकला सामग्री, अण्डा, माछा, गेडागुडी, चिया, कफी, हर्बल सामग्रीलगायत स्थानीय तथा रैथाने उत्पादनको प्रत्यक्ष बिक्री–वितरण गरिनेछ । नगरप्रमुख तामाङले आवश्यकताअ...

दामन पोष्ट २० औं वर्षमा, ग्रामीण समुदाय र केन्द्रबीच सूचना आदान–प्रदानको सेतुको भूमिका निर्वाह गर्दै २०६४ साउनबाट शुरु गरिएको दामन पोष्ट पत्रिकाले आफ्नो १९औ बर्ष पुरा गरि २०बर्षमा प्रबेश गरेको छ । मकावनपुर जिल्लाको प्रसिद्ध पर्यटकीय स्थल दामनलाइ थप पहीचान दिदै राखीएको दामन पोष्ट २० बर्षमा प्रबेश गरेको अबशरमा शुभकामना तथा अझ प्रगतीमा जाओस भन्ने कामना गरिएको छ । दामन क्षेत्र उत्तरी मकवानपुरको थाहा नगरपालिका स्थित नेपालकै उत्कृष्ट हिमाली दृश्यावलोकन स्थलमध्ये एक मानिन्छ । यही क्षेत्रको पहिचान, संस्कृति, सम्भावना र समस्यालाई देशव्यापी रूपमा उजागर गर्ने उद्देश्यले दामन पोष्ट नाम रुाखेर पत्रिका सञ्चालन गरेको पत्रिकाका प्रधान सम्पादक शान्ताराम बिडारीले जानकारी दिनु भएको छ । दामानपोष्टले आफु २०बर्ष पुगेको अबशरमा बिशेष प्रकाशकीय मा यो कुरा उल्लेख गरेको छ । आफ्नो प्रकाशकीयमा दामनपोष्टले दामन पोष्ट ...

सगुन बस्नेत चौतारा, साउन ४ । निरन्तरको वर्षासँगै सिन्धुपाल्चोक जिल्लामा बाढी, पहिरो र डुबानको जोखिम बढ्दै गएको छ। जल तथा मौसम विज्ञान विभागले आगामी केही दिन जिल्लाका विभिन्न स्थानमा भारीदेखि अति भारी वर्षा हुन सक्ने पूर्वानुमान गरेपछि सम्बन्धित निकायले सर्वसाधारणलाई उच्च सतर्कता अपनाउन आग्रह गरेका छन्। जिल्ला प्रशासन कार्यालय सिन्धुपाल्चोक, स्थानीय तहहरू तथा सुरक्षा निकायहरूले जोखिमयुक्त क्षेत्रमा बसोबास गर्ने नागरिकलाई विशेष सावधानी अपनाउन अनुरोध गरेका छन्। पहाडी भू–भाग बढी रहेको जिल्लामा वर्षायामका बेला पहिरो खस्ने, सडक अवरुद्ध हुने तथा नदी–खोलामा आकस्मिक बाढी आउने सम्भावना उच्च रहने भएकाले अनावश्यक यात्रा नगर्न सुझाव दिइएको छ। विशेषगरी भोटेकोशी, सुनकोशी, इन्द्रावती, मेलम्ची लगायतका नदी तथा खोलाको तटीय क्षेत्रमा बसोबास गर्ने नागरिकलाई सतर्क रहन भनिएको छ। साथै रातिको समयमा नदी किनार, प...

यस वर्षको साउनको पहिलो सोमबार आज बिहानैदेखि पशुपतिनाथलगायत देशभरका शिवालयमा भक्तजनको घुइँचो लागेको छ । बिहान ३ः०० बजेदेखि नै पशुपतिनाथ मन्दिरका चारै ढोका खोलिएको पशुपति क्षेत्र विकास कोषका सदस्य सचिव तीर्थ श्रेष्ठले राससलाई जानकारी दिनुभयो । साउने झरीको पनि वास्ता नगरी भक्तजन बिहानैदेखि मन्दिरमा दर्शनका लागि आएको उहाँले सुनाउनुभयो । पशुपतिनाथको दर्शनमा आउने श्रद्धालु भक्तजनको सहज, सुरक्षित तथा व्यवस्थित दर्शन तथा विशेष पूजा व्यवस्थापनको व्यवस्था गरिएको छ । पदाधिकारीको नियुक्ति नै ढिला भएकाले र कोषमा जनशक्ति पनि कम भएकाले आवश्यकताअनुसार भने काम गर्न नसकिएको पनि उहाँले स्वीकार गर्नुभयो । दर्शन व्यवस्थापनलाई थप प्रभावकारी, सुरक्षित र व्यवस्थित बनाउन कोषका सबै पदाधिकारी, कर्मचारीका साथै मन्दिर पहरा गण, नेपाल प्रहरी, सशस्त्र प्रहरी बल, नेपाली सेना, ट्राफिक प्रहरी, काठमाडौँ महानगर प्रहरी र विभिन...

जिल्ला प्रशासन कार्यालय सिन्धुपाल्चोकले मनसुन सक्रिय बाढीपहिरो, डुवानको जोखिम बढेको जनाउँदै जिल्ल बासीहरुलाइ यात्रामा विशेष सतर्कता अपनाउन आग्रह गरेको छ । जल तथा मौसम पूर्वानुमान महाशाखाले आज र भोलि अति भारी वर्षाको सम्भावना रहेको सूचनालाई आधार मान्दै सिन्धुपाल्चोक जिल्लाको अरिनको राजमार्ग लगाएतका राजमार्गहरुमा बेलूका ७बजे देखी बिहान ५बजे सम्म सवारी आबत जावतमा रोक लगाएको छ । प्रमुख जिल्ला अधिकारी शशीधर घिमिरे ले सिन्धुपाल्चोक जिल्लाका राजमार्गहरुमा पहीरोको जोखीम र सानातिना खोल्सा तथा खोलाहरुमा समेत बाढीको सम्भावना रहेकोले रात्रीको समयमा समस्या हुन सक्ने भएकाले सवारीसाधन हरुलाइ रोक लगाइएको बताउँनु भयो । यो सँगै कुनै समस्या भएमा तत्काल हटलाइन नम्बर १२३४ नेपाल प्रहरीको१००फोन गर्न समेत अनुरोध गर्नु भएको छ ।  ...

काठमाडौँ, १ साउनः सौरमासअनुसार प्रत्येक वर्ष साउन १ गते मनाइने साउने (कर्कट) सङ्क्रान्ति पर्व आज देशभर स्नान, दान गरी मनाइँदैछ । सूर्यले मिथुन राशिको भोग पूरा गरी कर्कट राशिमा प्रवेश गर्ने पहिलो दिन आज देशभर साउने सङ्क्रान्तिका रूपमा मनाउने प्राचीन परम्परा छ । साउनदेखि सूर्य दक्षिणतर्फ गमन गर्ने भएकाले आजैदेखि दक्षिणायन सुरु हुन्छ । माघ १ गते सुरु हुने उत्तरायण र साउन १ गते सुरु हुने दक्षिणायनलाई वैदिक सनातन परम्परामा विशेष महत्वका साथ मनाइन्छ । अधिकांश नेपाली खेतीपातीमा संलग्न हुने भएकाले असार महिनाभर कृषिकर्ममा व्यस्त हुन्छन् । त्यसक्रममा हिलोमैलोका कारण लाग्ने छालासम्बन्धी रोगबाट बच्न लुतो फाल्ने परम्परा रहेको प्रा डा देवमणि भट्टराई बताउनुहुन्छ । परम्पराअनुसार काग भलायो, कुकरडाइनो, लुतेझार, पानीअमला, कागती, अम्बा, नासपातीलगायत औषधीय गुण भएका वनस्पति राखी कण्डारक नाम गरेको राक्षसको पूजा ...

माधब कार्की,नेपालगञ्ज डुडुवा गाँउपालिकाको आयोजना तथा बास नेपालको सहजीकरणमा आज गाउँपालिकाको सभाहलमा आयोजित सार्बजनिक सुनुवाई कार्यक्रमबाट ५ बुद्धे साझा सार्बजनिक प्रतिबद्धता जाहेर गरिएको छ ।जाहेर गरिएका साझा सार्बजनिक प्रतिबद्धताहरुमा, वडा नम्बर ५ को बाटो अधुरो रहेकाले सो बाटो आगामी आर्थिक बर्षमा निर्माण गर्ने, आवागमनका लागि बाटो सहज बनाउन ग्राभेल खसाउने, डुडुवा गाँउपालिका वडा नम्बर ६ हिरमिनियाको मुनासिपुरको सडकमा आगामी आर्थिक बर्षमा ग्राभेल गर्ने, पालिका सँग सम्बन्धित सार्बजनिक सुचना प्रक्रियागत रुपमा माग भएमा आम नागरिकलाई सुचना उपलब्ध गराउने, गाँउपालिकाको सेवा सुबिधा र बिकास निर्माणको गुणस्तरियता थप अभिबृद्धि गर्ने, बिगतमा पालिकामा भएको आगजनीका बिषयमा छानबिन गर्ने लगायतका रहेका छन् । २५० बढि सहभागीहरुको उपस्थिति रहेको उक्त सार्बजनिक सुनुवाईको खुल्ला छलफलमा सुकुम्बासी समस्याको बारेमा, पाल...

सुनिता रखाल,चौतारा । जिल्ला प्रहरी कार्यालय सिन्धुपाल्चोकले नियमित मासिक कार्यक्रमअन्तर्गत पत्रकार भेटघाट तथा अन्तरक्रिया कार्यक्रम सम्पन्न गरेको छ। कार्यालयको सभाहलमा आयोजित कार्यक्रममा जिल्लामा सम्पन्न भएका प्रहरी गतिविधि, शान्ति सुरक्षा अवस्था तथा अपराध नियन्त्रणका प्रयासबारे जानकारी गराइएको थियो। प्रहरी नायब उपरीक्षक तथा सूचना अधिकारी जेसी शाहको संयोजकत्वमा सम्पन्न कार्यक्रममा चालु आर्थिक वर्ष २०८२÷०८३ को असार महिनामा प्रहरीले सम्पादन गरेका प्रमुख कार्यहरूको प्रस्तुतीकरण गरिएको थियो। कार्यक्रममा समुदाय–प्रहरी साझेदारी, लागुऔषध नियन्त्रण, साइबर अपराध न्यूनीकरण, फरार प्रतिवादी पक्राउ, राजस्व संकलन, ट्राफिक व्यवस्थापन तथा विभिन्न आपराधिक घटनाको अनुसन्धानलगायतका विषयमा जानकारी दिइएको थियो। अन्तरक्रियाका क्रममा सहभागी सञ्चारकर्मीहरूले जिल्लाको पछिल्लो सुरक्षा अवस्था, अपराध नियन्त्रणका चु...