Author: लोकप्रिय समाचार

महिनावारी किशोरी तथा महिलामा हुने प्राकृतिक प्रक्रिया हो । महिनावारीलाई छोइछिटो गर्ने र गलत तरिकाले बुझ्नेहरु अझै छन् । महिनावारी स्वच्छ ढंगले र सम्मानपूर्वक व्यवस्थापन गर्न सक्ने वातावरण बनाउने उद्देश्यसहित हरेक वर्ष मे २८ का दिन “विश्व महिनावारी स्वास्थ्य दिवस“ मनाइने गरिन्छ । सोहि अवसरमा सिन्धुपाल्चोकमा पनि ‘सम्मानित महिनावारी हाम्रो प्रतिवद्धता’ भन्ने नाराकासाथ महिनावारी दिवस मनाएको छ । आदिवासि जनजाति महिला उत्थान केन्द्र संस्था, ग्रामीण सेवा समाज गुठी, फिडम किडव्यागको संयुक्त आयोजना र श्रीकृष्ण रत्नगंगा माविको समन्वयमा विभिन्न नाराको प्लेकार्ड समेत वोकी श्रीकृष्ण रत्न गंगा माविदेखि टुडिखेलसम्मको र्याली सहित कार्यक्रम गरेको थियो । सोहि कार्यक्रमलाई सम्बोधन गर्दै ईर्खु स्वास्थ्य चौकीका इन्चार्ज सविन श्रेष्ठले प्रजनन स्वास्थ्य र स्वच्छ महिनावारीसम्बन्धी किशोरीहरुलाई जानकारी गराउनुभएको ...

स्थानीय स्तरमा नै रोजगारको व्यवस्था गरी स्थानीय स्तरमा खेती गरी उत्पादन मुलक काम गर्ने कृषकको श्रमलाई उच्च सम्मान गर्ने चौतारा साँगाचोकगढी नगरपालिकाका प्रमुख कृष्ण प्रसाद सापकोटाले बताउँनु भएको छ । उहाँले नेत्रज्योती कृषी सहकारी संस्थाद्धारा आयोजित बाँझो जग्गामा खेती गर्ने सम्बन्धी अन्तरक्रीया कार्यक्रमको उद्धघाटन गर्दै उहाँले यस्तो बताउँनु भएको हो । कार्यक्रममा नगर प्रमुख सापकोटाले नगरपालिकाका सबै नागरिक समान हुन केही आफ्नो कोही अर्काको छैनन त्यसैले सबैलाई समान रुपले आफुले सकेको सहयोग गरिरहने बताउँदै चौतारा साँगाचोकगढी नगरपालिकालाई कृषी पकेट नगर बनाउँन लागी पर्नु पर्ने बताउँनु भयो । अनुदान होइन श्रमदान गरौ भन्ने मुल नाराका साथ नेत्रज्योती कृषी सहकारी संस्थाले चौतारा साँगाचोकगढी नगरपालिकाका वडा नं. १४ मा गरेको कार्यक्रममा सापकोटाले अरु क्षेत्र भन्दा कृषी सेवालाई नगरपालिकाकले बिशेष प्राथमिक...

स्वास्थ्य तथा जनसङ्ख्यामन्त्री मोहनबहादुर बस्नेतले एक हप्ताभित्र बिरामीले महसुस हुने गरी र सुधार भएको देखिने गरी वीर अस्पतालको सेवा सुविधा सुधार गर्न नेतृत्वलाई निर्देशन दिनुभएको छ । शुक्रबार वीर अस्पतालको आकस्मिक निरीक्षणपछि मन्त्री बस्नेतले अनलाइन टिकटको व्यवस्था, अस्पतालको सरसफाइ, शय्याबारे वेबसाइटमार्फत जानकारी र सघन उपचार कक्षमा शय्या थप्दै सेवा सहजरूपमा प्रवाह गर्न अस्पताललाई निर्देशन दिनुभएको हो । उहाँले भन्नुभयो, “वीर अस्पताल देशकै उत्कृष्ट अस्पतालको रूपमा चिनिनुपर्छ । एक हप्ताभित्र अनलाइन टिकट, फोहोर व्यवस्थापन, इमरजेन्सी र डाइलासिसमा शय्या थपेर सेवा सुधार गर्नुहोस् । ” मन्त्री बस्नेतले वीर अस्पतालमा सञ्चालनको तयारीमा रहेको नौ शय्याको सघन उपचार कक्ष एक हप्ताभित्रै सञ्चालनमा ल्याउन अस्पताललाई निर्देशन दिनुभयो । उहाँले वीर अस्पतालमा कार्यरत चिकित्सक र स्वास्थ्यकर्मीलाई कार्यालय अवधि...

पृथ्वीजंग पाण्डे / पिस्कर त्रिपुरासुन्दरी गाउँपालिकाको विभिन्न विद्यालयमा हेल्प संस्थाद्धारा शैक्षिक सामग्री वितरण गरेको छ । बिहिवार वडा नं. १ घोर्थलीको सेतिदेवी आधारभुत विद्यालय टुङ्गाथलीका ७५ जना विद्यार्थी र वडा न २को गणेश आधारभुत विद्यालय लाटुका ७५ जना विद्यार्थीहरुलाइ शैक्षिक सामग्री वितरण गरिएको थियो । गाउँपालिका अध्यक्ष भक्तध्वज बोहराको प्रमुख आतिथ्यतामा शैक्षिक सामग्री सहितको झोला वितरण गरिएको हो । कार्यक्रममा गाउँपालिका उपाध्यक्ष गिताकुमारी नेपाल ,वडा नं. १ का वडा अध्यक्ष सिताराम थापा ,नेपाली काङ्ग्रेस त्रिपुरासुन्दरीका सचिव लालबहादुर श्रेष्ठ लगायत विद्यालय व्यवस्थापन समितिका पदाधिकारीहरु र स्थानीयको उल्लेखनीय उपस्थित रहेको थियो।हेल्पका डाइरेक्टर जिमि लामा सहितको उपस्थितिमा शैक्षिक सामग्री सहितको झोला वितरण गरिएको थियो । हेल्पका अध्यक्ष जिमि लामाको अनुसार त्रिपुरासुन्दरी गाउँपालि...

बागमती प्रदेशमा छोटो दूरीमा चल्ने सार्वजनिक गाडीको भाडा घटेको छ । बागमती प्रदेशको श्रम रोजगार तथा यातायात मन्त्रालयले आज सार्वजनिक गाडीको भाडा घटाएको हो । नेपाल आयल निगमले डिजलको भाउ घटाएको नौँ दिनपछि बागमती प्रदेशमा छोटो दूरीमा चल्ने गाडीको भाडा घटाइएको हो । मन्त्रालयले घटाएको भाडा दर आजै राजपत्रमा प्रकाशित भएको छ । काठमाडौँ उपत्यकाभित्र ५ दशमलव ९ प्रतिशतले तथा उपत्यका बाहिर छोटो दूरीका सार्वजनिक गाडीमा ४ दशमलव १८ प्रतिशत र मालवाहक गाडीमा ५ दशमलव ६९ प्रतिशतले भाडा घटाएको मन्त्रालयका सचिव अस्मान तामाङले बताउनुभयो । उहाँले भन्नुभयो, “नयाँ भाडा दर आजै राजपत्रमा प्रकाशित भइसकेकाले आजदेखि नै घटेको भाडादर लागू हुनेछ ।” यसअघि डिजेलको भाउ बढेको बेला लामो दूरीको गाडीभाडा बढेर छोटो दूरीको नबढेपछि व्यवसायी आफैँले भाडादर तोकेका थिए । नेपाल आयल निगमले अघिल्लो हप्ता बुधबारदेखि लागू हुने गरी डिजेलको भाउ...

पिस्कर त्रिपुरासुन्दरी गाउँपालिकाको आर्थिक सहयोगमा बहुक्षेत्रिय पोषण कार्यक्रम अन्तर्गत आय आर्जनका लागि बाख्रा वितरण बुधबार गरिएको छ । तौथलीका दलित तथा विपन्न परिवारलाई स्थानीय तथा बोयर जातका बाख्रा ५५ घर परिवारलाई पालिका अध्यक्ष भक्तध्वज बोहराले बितरण गर्नुभएको हो । विपन्न बर्गका महिलाहरुको आयआर्जनमा टेवा पुगोस् भनेर बाख्रा वितरण गरिएको स्वास्थ शाखा प्रमुख चन्द्रनारायण शाहले वताउनुभयो।सुनौलो हजार दिनको महिलाहरुलाई बाख्रा पालन तालिम सहित बाख्रा वितरण गरिएको । कार्यक्रममा वडा नं. ५ का वडा अध्यक्ष यादप श्रेष्ठ वडा नं. ६ का वडा अध्यक्ष तथा पालिका प्रवक्ता रमेश बोहरा लगायत जनप्रतिनिधि र स्थानीयको उल्लेखनीय उपस्थिति रहेकोे थियो। त्यसैगरी बुधबार नै त्रिपुरासुन्दरी गाउँपालिका वडा नं. ४ अवस्थित जलजले सामुदायीक स्वास्थ्य इकाई जलजलेमा वडा नं. ४ का वडा अध्यक्ष टेकबहादुर गुभाजुको प्रमुख आतिथ्यतामा स्...

इन्द्रावती गाउँपालिकाको आर्थिक सहयोग तथा रेडियो मेलम्चीको आयोजनामा तीनदिने आधारभूत पत्रकारिता (समाचार लेखनसिप) तालिम सुरु भएको छ । गाउँपालिकाको ऐतिहासिक,धार्मिक,सांस्कृतिक, पक्षको उजागर तथा गाउँपालिकाका उपलब्धि तथा गतिविधि सम्प्रेषण गर्ने उद्देश्यले आयोजना गरिएको तालिममा गाउँपालिका भित्रका १२ वटै वडाका प्रतिनिधि हरुको सहभागीता रहेको इन्द्रावती गाउँपालिकाका अध्यक्षका सल्लाहकार सुनिल तामाङ्ले जानकारी दिनुभयो । तालिमको रेडियो मेलम्चीका अध्यक्ष पत्रकार डम्बर रसिक भारती , धुर्व दंगाल, लगायत रेडियो मेलम्चीका अन्य प्रतिनिधिले सहजीकरण गर्ने रेडियोका स्टेशन म्यानेजर देवराज सुवेदीले जानकारी दिनुभयो । कार्यक्रमको उद्घाटन गर्दै गाउँपालिकाका अध्यक्ष झम्क नेपालले जिल्लामा क्रियाशिल पत्रकार हरुको उदाहरण दिदै सक्रिय हिसाबले यस क्षेत्रमा लाग्न आग्रह गर्नुभयो । उहाँले वडामा रहेर पालिका तथा वडा मार्फत भएगरेक...

यस वर्षको मनसुन सुरु हुनै लाग्दा सम्भावित जोखिम हुनसक्ने भएकाले सिन्धुपाल्चोकमा विपद् व्यवस्थापनको पूर्व तयारीमा जुटेका छन् । जिल्ला समन्वय समिति सिन्धुपाल्चोकको आयोजनामा बुधबार जिल्ला बिपद् ब्यबस्थापन समिति, स्थानीय बिपद् ब्यबस्थापन समिति, सरोकारवाला पक्षलाई अभिमुखिकरण कार्यक्रम गर्दे बिपद् पूर्व तयारी र प्रतिकार्यका काम शुरु गरिएको जिल्ला समन्वय समिती प्रमुख बालकृष्ण श्रेष्ठले जानकारी दिनुभएको छ । विगतका दिनहरुमा बाढी पहिरो, भूकम्प, आगलागी लगायतका बिपद्बाट सिन्धुपाल्चोकमा ठूलो जनधनको क्षति भईरहेको श्रेष्ठले बताउनुभयो । सिन्धुपाल्चोकमा २०७१ साल साउन १७ गतेको जुरे पहिरोदेखि हालसम्मको बिपद्मा परेर तीन हजार ७९० जनाको निधन भएको थियो । अझै ३७ जना बेपत्ता भईरहेका छन् । अबौं रुपियाँको भौतिक क्षति भईसकेको छ । त्यस्तै मेलम्ची बाढी, लिदी पहिरो, घुम्थाङको नागपुजे पहिरो, जम्बु बाढी पहिरो, खाग्दल बाढी...

बहुविवाह मुद्दाका फरार प्रतिवादी ८ वर्ष पछि पक्राउ परेका छन् । सिन्धुपाल्चोक भोटेकोशी गाउँपालिका – ५ अन्थली टोल बस्न ४१ बर्षीय दोर्जे तामाङलाई मंगलबार बार पक्राउ गरेको जिल्ला प्रहरी कार्यालय सूचना अधिकारी प्रहरी नायव उपरीक्षक राम कुमार यादवले जानकारी दिनुभयो । उहाँलाई सिन्धुपाल्चोक जिल्ला अदालतको मिति २०७१ माघ १८ गतेको फैसलाले बहुविवाह मुद्दामा कैद १ बर्ष र जरिवाना रु ५०००।– सजाय सुनाएको थियो । ईलाका प्रहरी कार्यालय वाह्रविसेबाट खटिएको प्रहरी टोलीले पक्राउ गरी जिल्ला अदालत पेश गरिएकोमा सम्मानित अदालतले लागेको कैद÷जरिवाना सजाय असुल उपरका लागि बुधबार जिल्ला कारागार चौतारा चलान गरेको जिल्ला प्रहरी कार्यालयले जनाएको छ ।...

नेपाल लेखापढी कानुन ब्यवसायी एसोसिएसन बागमती यातायात इकाइ समितीको तेश्रो अधीबेशन तथा नवौ साधरण सभा हालै सम्पन्न भएको छ । सम्पन्न अधीबेशनले राम कृष्ण बस्नेतको अध्यक्षतामा नँया कार्य समितीको समेत निर्वाचन गरेको छ । निर्वाचित पदाधिकारी हरुमा उपाध्यक्ष फणेन्द्र ओझा, सचिब राम कृष्ण पौडेल,सहसचिब मदन लामा, कोषध्यक्ष बिनोद प्याकुरेल सह कोषध्यक्ष किसोर भट्टराइ,सदस्य हरुमा पार्बती कुमारी निरौला, हसना श्रेष्ठ, किरन महर्जन,महेन्द्र बस्नेत, ज्ञानेन्द्र श्रेष्ठ,पुर्ण श्रेष्ठ,नरेन्दै अर्याल रहनु भएको निर्वाचित सदस्य पार्बती कुमारी निरौलाले जानकारी दिनु भयो । यातायात कार्यलयमा लेखापढी गर्ने इजाजत प्राप्त भएका लेखापढी व्यवसायीहरुको हक हित र संरक्षणका लागी स्थापीत भएको यस सस्थाको सभा जेष्ठ ६ गते शनीबार भएको हो ।...