Month: २०७९ जेष्ठ १७ मंगलवार

कृषि ज्ञान केन्द्र काभ्रेपलाञ्चोकले काभ्रे र सिन्धुपाल्चोक जिल्लाका ७ उत्कृष्ट कृषकलाई सम्मान गरेको छ । नगद १५ हजार, दोसल्ला र प्रमाणपत्र सहित मंगलबार कृषि विकास निर्देशनालयका प्रमुख रविन्द्र प्रधान, कृषि ज्ञान केन्द्र काभ्रेका प्रमुख तेजप्रसाद दवाडी लगायतले सम्मान गर्नु भएको थियो । सात वटा प्रदेश मध्ये बागमगती प्रदेश अन्र्तगतका जिल्लामा मात्रै यो कार्यक्रम लागु भएको छ । उत्कृष्ट राष्ट्रपति कृषक सम्मानका लागि आवेदन माग गरिएका ३८ वटा आवेदन मध्ये ७ वटा आवेदन छनौट गरी स्थलगत अध्ययन पश्चात सम्मान गरिएको कृषि ज्ञान केन्द्र काभ्रेका प्रमुख तेजप्रसाद दवाडीले बताउनु भयो । काभ्रेपलाञ्चोकबाट २८ कृषकको आवेदन परेको थियो भने सिन्धुपाल्चोक जिल्लाबाट १० वटा आवेदन दर्ता भएका थिए । काभ्रेपलाञ्चोक जिल्लाका ४ र सिन्धुपाल्चोक जिल्लाका ३ जना उत्कृष्ट कृषक सम्मानित भएका छन् ।कृषकहरुलाई उत्साहित गर्न सम्मान कार्...

मेलम्ची खानेपानीको मुखढोका बन्द गरिएको छ । सिन्धुपाल्चोक स्थित मेलम्ची खानेपानी आयोजनाको मुहानमा वर्षा शुरू भएकाले टनेलभित्र बालुवा गेग्रान सहित धमिलो पानी प्रवेश भएको भन्दै मंगलबार बिहान ८ बजेदेखि मुल ढोका बन्द गरिएको हो । बालुवा गेग्रानसहितको धमिलो पानी टनेलभित्र प्रवेश गरेको भन्दै टनेलको सुरक्षार्थ मुल ढोका बन्द गरिएको मेलम्ची खानेपानी आयोजनाले जनाएको छ । मुल ढोका बन्द गरिएसँगै महाँकालचौर पानी भण्डारण पोखरीमा पानी आउन बन्द भएको छ । आजैदेखि मेलम्ची खानेपानी बितरण समय तालिकासमेत हेरफेर गरिएको छ । नेपाल सरकार, खानेपानी मन्त्रालयले मेलम्ची मुहान जलाधार क्षेत्रको भौगोलिक अध्ययन गरि प्राप्त हुने प्रतिवेदनको आधारमा दिगो रूपमा मेलम्ची खानेपानी व्यवस्थापनको लागि प्रयास भइरहेको आयोजनाको भनाइ छ । बन्द गरिएको सुरूङमार्ग अब वर्षापछि मात्रै खोलिनेछ । गत वर्षको १ असारमा आएको बाढीका कारण मेलम्चीको मुहा...

बैंक इन्स्योरेन्स माइक्रोफाइनान्स क्लब चौताराले नयाँ कार्यसमिती चयन गरेको छ । मेगा बैंक चौतारा शाखाका प्रबन्धक रामकृष्ण पराजुलीको अध्यक्षतामा नयाँ कार्यसमिती चयन गरेको छ । बैंक इन्स्योरेन्स माइक्रोफाइनान्स क्लबको २४ जना रहने गरि नयाँ कार्यसमिति चयन गरेको हो । त्यस्तै वरिष्ठ उपाध्यक्षमा रिलायबल इन्स्योरेन्सका प्रबन्धक लक्ष्मण बिष्ट , उपाध्यक्षमा नेपाल बैंकका प्रबन्धक बिनिता नेपाल , अर्का उपाध्यक्षमा लक्ष्मी बैंकका प्रबन्धक पवन सापकोटा ,सचिबमा स्वाबलम्बन माइक्रोफानान्सका प्रबन्धक उमेश भण्डारी,सहसचिबमा युनियन इन्स्योरेन्स का सुजन श्रेष्ठ ,कोषाध्यक्षमा ग्लोबल बैंकका प्रबन्धक नवीन श्रेष्ठ र सह कोषाध्यक्षमा ज्योती लाइफबाट रिना श्रेष्ठ गरि २४ कार्यसमिति चयन भएको हो । सदरमुकाम चौतारामा आठ वटा बैंकहरु तथा इन्स्योरेस छ वटा र माइक्रोफाइनान्स नौ गरि सहकारि बाहेक जम्मा २५ वटा बित्तीय सस्थाहरु रहेका छन्...

नेपाल पत्रकार महासंघ केन्द्रीय समितिको बैठक सम्पन्न भएको छ । महासंघका अध्यक्ष विपुल पोख्रेलको अध्यक्षतामो काठमाडौंमा उपलब्ध पदाधिकारी तथा सदस्यहरूको बैठकले हालै सम्पन्न स्थानीय तहको निर्वाचनमा महासंघका सदस्यता लिएका करिव २०० जना पत्रकारले उम्मेदवारी दिएका र तीमध्ये ८१ जना निर्वाचित हुन गएको सन्दर्भमा व्यापक छलफल गरी विभिन्न निर्णयहरू समेत गरेको छ । बैठकले महासंघको सदस्य रहेका संघीय, प्रदेश र स्थानीय तहका जनप्रतिनिधिहरूको महासंघको सदस्यता स्वतः खारेज हुने बैठकले निर्णय गरेको छ । त्यसैगरी स्थानीय तहको निर्वाचनमा उम्मेदवार बनेका केन्द्र, प्रदेश र शाखाको पदाधिकारी तथा कार्यसमिति सदस्यहरू स्वतः पदमुक्त हुन गएकोले विधानको व्यवस्थाअनुसार गर्न गराउन बैठकले केन्द्र, प्रदेश र शाखालाई सूचित गर्ने निर्णय गरेको छ । बैठकले स्थानीय तहको निर्वाचनमा उम्मेदवारी दिनका लागि महासंघको विभिन्न तहबाट राजीनामा दिए...

आगामी आर्थिक बर्षको बजेटमा नेपाल सरकारले मेलम्ची खानेपानी विकास समिति र ग्रामीण खानेपानी तथा सरसफाइ कोष विकास समिति खारेज गर्ने घोषणा गरेको छ । अव यी दुवै समितिहरूबाट सम्पादन हुँदै आएका कामहरु खानेपानी तथा ढल व्यवस्थापन विभाग मातहतबाट सञ्चालन गरिने भएको छ । सरकारले मेलम्ची खानेपानी विकास समिति र ग्रामीण खानेपानी तथा सरसफाइ कोष विकास समिति खारेज गरेसँगै राजधानिवासीले मेलम्चीको पानी प्रयोग गर्ने मितीसमेत अनिश्चित भएको छ । सरकारले आगामी आवमा सबै स्थानीय तहको सरसफाइ गुरूयोजना तयार गर्ने नीतिअनुरूप आगामी आर्थिक वर्ष थप १०० वटा स्थानीय तहको सरसफाइ गुरूयोजना तयार पार्ने घोषणा गरेको छ । सरकारले आगामी आवमा एकीकृत खानेपानी तथा ढल व्यवस्थापन आयोजना अन्तर्गत देशका विभिन्न १२ वटा शहरहरूमा एकीकृत खानेपानी तथा फोहोर पानी प्रशोधन आयोजनाहरूको विस्तृत अध्ययन गरेर सक्ने घोषणा गरेको छ ।  ...

जिल्ला प्रहरी कार्यालय सिन्धुपाल्चोकका प्रमुख तथा प्रहरी उपरीक्षक रामेश्वर प्रसाद यादव पुरस्कृत हुनुभएको छ । स्थानिय निर्वाचनलाई शान्तिपुर्ण एवं त्रुटी रहितढंगबाट सम्पन्न गराउन प्रभावकारी भुमिका निर्वाह गर्नुका साथै समग्र जिल्लाको शान्ति सुव्यवस्था कायम राख्ने कार्यमा आफुलाई सुम्पिएको जिम्मेवारी ईमान्दारीपुर्वक एवं प्रशंसनीय ढंगबाट निर्वाह गरेकोले एसपी यादव सम्मानित हुनुभएको छ । उहाँलाई बागमती प्रदेश प्रहरी कार्यालय हेटौँडाका प्रहरी नायव महानिरीक्षक पुजा सिंहले नगद पुरस्कारद्धारा पुरस्कृत पुरस्कृत गर्नुभएको हो । प्रहरी संगठनको निति निर्देशन अनुरुप उच्च अनुशासनमा रहि ईमान्दारी, अनुशासित र कर्तव्यनिष्ठ तवरले बिभागिय अडर आदेशको पालना गर्नुका साथै आफुलाई दिईएको जिम्मेवारी बफादारीका साथ त्रुटीरहित ढंगबाट आफ्नो बुद्धी बिबेकले भ्याए सम्म कर्तब्यनिष्ठ भई काम गरेको भन्दै उहाँ सम्मानित हुनुभएको हो ।...

भर्खरै सम्पन्न स्थानिय तहमा निर्वाचित मेलम्ची नगरपालिकाका प्रमुख ,उपप्रमुख र वडा नम्बर ११का जनप्रतिनिधिलाई मेलम्ची नगर उद्योग वाणिज्य सघंले बधाई तथा शुुभकामना प्रदान गरेको छ । एक कार्यक्रमका बिच सघंका तर्फबाट कानुनी सल्लाहकार विष्णु प्रसाद धितालले नगर प्रमुख आइतमान तामाङलाई अब समृद्ध नगर मेलम्ची बनाउनका लागि मेलम्ची उद्योग वाणिज्य सघं सँग समन्वय गर्दै काम गर्न आग्रह गर्नुभयो । उहाँले बजार ब्यबस्थापन, सार्वजानिक शौचालय, पार्किङ ,खानेपानी, फोहोरमैला ब्यबस्थापन लगायतका काम गर्नुपर्नेमा नगरको ध्यानाकर्षण गराउनुभएको थियो । नगर प्रमुख तामाङले उद्योग वाणिज्य सघंसँग सहकार्य गर्दै आगामि दिनमा काम गर्ने प्रतिबद्धता जनाउनुभयो । उहाँले बाह्रै महिना चल्ने सडक निर्माण, बर्खाको समयमा ह्युम पाइप निकालेपछि वैलल्पिक सडक ब्यबस्थापन,मख्य सडक सञ्चालनको लागि तयारी तथा ब्यापारीको हकहितका काम गर्ने प्रतिबद्धता ज...

नेपाल सरकारका अर्थ मन्त्री जनार्दन शर्मालो आर्थिक वर्ष २०७९÷८० का लागि १७ खर्ब ९३ अर्ब ८३ करोड रुपैयाँको बजेट सार्वजनिक गर्नु भएको छ । अर्थमन्त्री जनार्दन शर्माले आइतबार संसदमा उक्त आकारको बजेट सार्वजनिक गर्नु भएको हो । budget fullआगामी आर्थिक वर्षका लागि सार्वजनिक भएको बजेटमा चालु खर्च ७ खर्ब ५३ अर्ब ४० करोड, पुँजीगत खर्च ३ खर्ब ८० अर्ब ३८ करोड वित्तीय व्यवस्थातर्फ २ खर्ब ३० अर्ब विनियोजन भएको छ ।बिनीयोजित बजेटमा सिन्धुपाल्चोक जिल्लाका स्थानीय तहहरु बाह्रबिसे नगरपालिकालाइ३७ करोड ७२ लाख चौतारासागढी नगरपालिकालाइ ६५ करोड ६८ लाख मेलम्ची नगरपालिकालाइ ६२ करोड ५ लाख भोटेकोशी गाउँपालिकालाइ २६ करोड ८ लाख त्रिपुरासुन्दरी गाँउपालिकालाइ२७ करोड २४ लाख लिसंखुपाखर गाउपालिकालाइ ३० करोड ८३ लाखसुनकोशी गाउँपालिकालाइ ३६ करोड ३१ लाख बलेफी गाउपालिकालाइ ३३ करोड ९५ लाखजुगल गाउपालिकालाइ ३३ करोड ८२ लाख ईन्द्रावती ...

पोखराबाट जोमसोमका लागि उडेको जहाज सम्पर्कविहीन भएपछि खोजीका लागि हेलिकप्टर परिचालन गरेको छ । पोखरा विमानस्थलबाट बिहान ९ बजेर ५५ मिनेटमा जोमसोम उडेको जहाज सम्पर्कविहीन भएको पोखरा विमानस्थलका प्रमुख विक्रमराज गौतमले जानकारी दिनुभयो । सम्पर्कविहीन भएको जहाजमा १३ नेपाली, चार भारतीय र दुई जर्मनीका नागरिक गरी १९ यात्रु तथा चालक दलका तीन सदस्य सवार रहेको जनाइएको छ । जहाजको खोजी कार्य तीव्ररुपमा भइरहेको र हालसम्म कुनै जानकारी प्राप्त हुन नसकेको मुस्ताङका प्रमुख जिल्ला अधिकारी नेत्रप्रसाद शर्माले जानकारी दिनुभयो । जहाज खोजीका लागि फिस्टेल एयरको हेलिकप्टरसँगै स्थलगतरुपमा पनि खोजी भइरहेको त्यहाँका प्रशासकीय अधिकृत देवेन्द्रराज पाण्डेले जानकारी दिनुभयो । घटनाको विस्तृत विवरण आउन बाँकी छ ।...

राष्ट्रिय परीक्षा बोर्डले यस वर्ष कक्षा १२ को परीक्षाको सम्पूर्ण तयारी पूरा गरेको छ । सोमबारदेखि देशभर एकैसाथ सुरु हुने परीक्षाको सम्पूर्ण तयारी पूरा गरेको बोर्डका अध्यक्ष डा महाश्रम शर्माले जानकारी दिनुभयो । सोमबार बिहान ८ बजेदेखि सुरु हुने परीक्षा यही जेठ २५ गतेसम्म सञ्चालन हुनेछ । परीक्षामा करिब चार लाख १५ परीक्षार्थी सहभागी हुने जानकारी दिँदै बोर्डका अध्यक्ष डा शर्माले देशभरका एक हजार २९२ केन्द्रमा परीक्षा सञ्चालन हुने बताउनुभयो । उहाँका अनुसार ७७ जिल्लाकै सबै केन्द्रमा परीक्षा सुरु हुनुभन्दा आधा घण्टा अगाडि अनलाइनबाट प्रश्नपत्र पठाइनेछ । परीक्षा केन्द्रले प्रश्नपत्र फोटोकपी गरेर परीक्षार्थीलाई वितरण गर्नेछ । विगत दुई वर्ष कोभिड महामारीका कारण विद्यार्थीले अध्ययन गरेकै विद्यालय (होम सेन्टर)मा परीक्षा सञ्चालन गर्दा अनलाइनबाटै प्रश्नपत्र पठाउने व्यवस्था गरेपछि यस वर्ष पनि प्रश्नपत्र अनला...