कृषि

सिन्धुपाल्चोक जिल्लाको जुगल गाउँपालिकाले कृषकहरुलाई मिनी टिलर (हाते ट्याक्टर) वितरण गरिएको छ । परम्परागत कृषि प्रविधिलाई आधुनिकीकरण गर्दै कृषकको लागत घटाउन र उत्पादन बढाउन मिनिटेलर हाते (ट्याक्टर) वितरण गरिएको हो । सोमबार गाउँपालिका भित्रका कृषकहरुलाई ५० प्रतिशत अनुदानमा ८५ थान मिनीटिलर वितरण गरेको गाउँपालिका अध्यक्ष रेशम स्याङबोले जानकारी दिनुभयो । उहाँले गत वर्ष लम्कीस्किन भाईरसले ठूलो पशुधनको क्षति हुँदा खेतबारी जोत्न समस्या भएकाले त्यसको विकल्पमा कृषकहरुलाई मेसिन प्रदान गरिएको बताउनुभयो । हाते ट्र्याक्टरले छोटो समयमा धेरै खेतबारी जोत्न सकिने भएकाले समयको बचत हुने र गोरु पाल्नुपर्ने झन्झट नहुने स्थानीय कृषकहरु बताउछन् । पछिल्लो समय खेती किसानीको काममा परम्परागत रुपमा गोरुले खेतबारी जोत्ने चलन हराएको छ भने हाते ट्र्याक्टरलगायतका यान्त्रिक उपकरणको प्रयोग बढ्दो छ ।...

हेटौँडा (मकवापनुर), १ असार : बागमती प्रदेश सरकारले आगामी आर्थिक वर्ष २०८१/८२ का लागि रु ६४ अर्ब ५४ करोड चार लाख ३१ हजार बजेट विनियोजन गरेको छ । Budget-Baktabya प्रदेशका आर्थिक मामिला तथा योजनामन्त्री जगन्नाथ थपलियाले प्रस्तुत गर्नुभएको वक्तव्यअनुसार आगामी आर्थिक वर्षका लागि उक्त बजेट विनियोजन गरिएको हो । आर्थिक मामिला तथा योजनामन्त्री थपलियाले प्रस्तुत गर्नुभएकोे बजेटमा चालुतर्फ रु २६ अर्ब १० करोड १७ लाख ८२ हजार छुट्याइएको छ । त्यसैगरी पुँजीगततर्फ रु ३६ अर्ब ९३ करोड ८७ लाख ४९ हजार रहेको छ । वित्तीय व्यवस्थातर्फ भने रु एक अर्ब ५० करोड विनियोजन गरिएको मन्त्री थपलियाले बताउनुभयो । कुल बजेटमा चालुतर्फ ४० दशमलव ४४ प्रतिशत, पुँजीगततर्फ ५६ दशमलव २३ प्रतिशत र वित्तीय व्यवस्थातर्फ दुई दशमलव ३२ प्रतिशत बजेट छुट्याइएको मन्त्री थपलियाले जानकारी दिनुभयो । गत वर्ष प्रदेश सरकारले रु ६२ अर्ब र ७० करोड ९० ...

बलेफी गाउँपालिका वडा नंम्वर ६ ले विपन्न दलित महिलाहरुलाई बाख्राको पठी वितरण गरेको छ । बुधबार वडा कार्यालयमा एक कार्यक्रम आयोजना गरि गाउँपालिका अध्यक्ष गंगा बहादुर तामाङ, उपाध्यक्ष सरु लामा, वडाअध्यक्ष तेज बहादुर पराजुली तथा वडाका प्रतिनिधिहरुवीच दश जनालाई पाठी वितरण गरेको हो । चालु आर्थिक वर्ष ०८०÷०८१ म विनियोजित वजेट मार्फत वडाका दश जना विपन्न दलित महिलाहरुलाई बिमा सहित सहयोग गरिएको वडा अध्यक्ष तेजबहादुर पराजुलीले जानकारि दिनुभयो । ‘वडा कार्यालयले विनियोजन गरेको वजेट अनुरुप वडाका प्रतिनिधिहरुले दश जना विपन्न दलित छनौट गरी आयआर्जनमा टेवा पु¥याउने उदेश्यले बाख्राको पाठी वितरण गरिएको हो’, वडा अध्यक्ष पराजुलीले भन्नुभयो, ‘दाईजोमा ल्याएको समपतीको जसरी सदुप्रयोग र विस्तार चेलीहरुले गर्नुहुन्छ त्यसरी नै यी बाख्राबाट उत्पादन गर्नुहुन्छ भन्ने वडाले विश्वस लिएको छ ।’ बाख्राको पाठी बुझ्दै स्थानीय दल...

सिन्धुपाल्चोक जिल्ला बाह्र्बिसेनगरपालिकाका प्रमुख बालकृष्ण बस्नेतले नगर पालिकाका सहयोगी भुवन प्रसाद भट्टराईलाइ रु ८,८८०००। (आठ लाख अठासि हजार) नगद सहयोग गर्नु भएको छ । भट्टराइ लामो समय देखी दमको रोगले थल पर्नु भएको थियो । बिगत लामो समय देखि बिरामी हुनुभएको भुवन प्रसाद भट्टराईलाई भेट्नु भई उहाँले यस बाह्रबिसे गा बि स हुँदै नगरपालिका सम्म आइपुग्दा ३२ बर्ष सेवा गर्नु भएको हुनाले उहाँलाई सहयोग तथा कर्मचारी सेवा भत्ता बापत रु ८,८८०००। (आठ लाख अठासि हजार) रुपैयाँ बराबरको चेक हस्तानन्तरण गरिएको सचिबालयका राजकुमार बस्नेतले जानकारी दिनु भएको छ । उँहाका अनुसार नगर प्रमुख बालकृष्ण बस्नेत ले भट्टराइकै निवासमा गएर उँहाको स्वास्थ्य लाभको कामना गर्दै उक्त चेक हस्तान्तरण गर्नु भएको हो । चेक हस्तानन्तरण गर्दै नगर प्रमुख बस्नेतले उपचारका लागी नगरपालिकाबाट गर्न सक्ने सहयोग गर्ने बताउँनु भयो । नगरप्रमुख बालकृ...

गोल्मादेवी कृषक समुह चौतारा साँगाचोकगढी नगरपालिका वडा नं.७ सानोसिरुवारीले सार्वजनिक सुनुवाई कार्यक्रम सम्पन्न गरेको छ । ग्रामिण उद्यम तथा आर्थिक विकास आयोजना (REED) पार्खिबास धनकुटासँगको साझेदारीमा संचालन हुन गईरहेको गोल्मादेवी व्यवसायीक तरकारी उत्पादन तथा बजारीकरण उप–आयोजनाको बारेमा स्थानीय सरोकारवालाहरुलाई जानकारी दिने उदेश्यले मंगलबार सार्वजनिक सुनुवाई कार्यक्रम सम्पन्न भएको हो । सार्वजनिक सुनुवाई कार्यक्रमलाई सम्बोधन गर्दै प्रमुख अतिथि तथा चौतारा साँगाचोकगढी नगरपालिका उपप्रमुख सिता थापाले नगरपालिकामा स्रोत र साधनहरु सिमीत रहेको छ तर समुह, कृषक र स्थानीयहरुको आवश्यकता धेरै रहेको हुँदा नगरपालिकाले चाहादा चाहादै पनि सहयोग गर्न नसकिएको बताउनुभयो । धेरै जस्तो समुह सहकारी र कृषकहरुले प्रक्रिया पुरा नगरी कार्यक्रमहरु माग गर्ने हुँदा सहयोग गर्न नसकिएको समेत बताउनुभयो । कार्यक्रममा चौतारा स...

आफुले जानेको सिप आफ्नै गाउँ घरमा प्रयोग गर्नपर्छ र आफ्नो जग्गा जमिन बाँझो राखेर बिदेशमा गएर दुख गर्नुको सट्टा आफ्नै गाउँमा उत्पादनमुखी काम गर्नका लागि प्रोत्साहन दिदै आएको सिन्धुपाल्चोक जिल्लाको त्रिपुरासुन्दरी गाउँपालिका विस्तारै कृषि पकेट क्षेत्र बन्ने योजनाका साथ अगाडी बढीरहेको छ । यसै योजना अनुसार गाँउपालिकाका अध्यक्ष भक्त ध्वज बोहोराले मङ्गलबार एक समारोहका बिच वडा नं. २ लाई सुन्तला पकेट क्षेत्र घोषणा गर्दै सुन्तलाको बिरुवा बितरण गर्नु भएको छ । मंगलबार आ.व. २०८०÷०८१ को कृषि विकास कार्यक्रम अन्तरगत बाँझो जग्गामा पकेट क्षेत्र विकास कार्यक्रम का लागी वडा नं. २ कान्लेमा सुन्तला खेतीको पकेट क्षेत्र घोषणा तथा बिरुवा हस्तान्तरण गर्दै गाउँपालिका अध्यक्ष भक्तध्वज बोहराले आफ्नै घरको खाना खाएर घरमा परिबारका साथ बसेर आफ्ना खेति योग्य जमिनको सदुपयोग गर्न र आयआर्जन बढाउँनका लागी गाँउपालिकाले अनुदा...

  सिन्धुपाल्चोक जिल्लाको जुगल गाउँपालिका वडा नंम्वर ३ ले आगामी आर्थिक वर्ष ०८१÷०८२ को योजना छनौट गरेको छ । सोमबार वडा कार्यालयमा आयोजित चालु आर्थिक वर्षको समिक्षा, सार्वजनिक सुनुवाई तथा आगामी वर्षको योजना छनौट कार्यक्रम भएको हो । जुगल गाउँपालिका वडा नंम्वर ३ का स्थानीयले शिक्षा, स्वास्थ्य तथा पूर्वाधारका क्षेत्रमा विकास गर्नुपर्ने माग राखेका छन् ।सिन्धुपाल्चोक जिल्लाको विकट हिमाली क्षेत्र गुम्वामा तुलनात्मक रुपमा विद्यार्थीको चाप कायम रहेको, विद्यालयमा पूर्ण भौतिक संरचना नभएको, विद्यालय शिक्षामा अभिभावकको चासो कम रहेको, शिक्षकहरुमा समयसापेक्ष तालिम अपर्याप्त रहेकोले उक्त विषय समेटेर आगामी वर्षको वजेट निर्माण गर्न शिक्षक तथा विद्यालय प्रतिनिधिले सुझाव पेश गरेका छन् । विद्यालयमा शैक्षिक सामाग्री, खेलकुदका सामाग्री, चमेनागृह, खानेपानी, शौचालय र विद्यालयमा स्वास्थ्य परीक्षणको समेत राम्...

काठमाडौँ, २४ जेठः उद्योग, वाणिज्य तथा आपूर्तिमन्त्री दामोदर भण्डारीले खाद्य व्यवस्था तथा व्यापार कम्पनी लिमिटेडको संरचनागत सुधार गर्न निर्देशन दिनुभएको छ । मन्त्रालयका उद्योग सचिव कृष्ण राउत र वाणिज्य सचिव दिनेशकुमार घिमिरेसहित आज अनुगमनका लागि पुग्नुभएका मन्त्री भण्डारीले नेपाल सरकारको ठूलो लगानी रहेको खाद्य व्यवस्था तथा व्यापार कम्पनी लिमिटेडको सुधार गर्न कर्मचारीलाई निर्देशन दिनुभएको हो । उहाँले भन्नुभयो, “सरकारको स्वामित्व छ, निजी क्षेत्रसित प्रतिस्पर्धा गरेर जनताको सेवा गर्नु छ, परम्परागत रुपले कम्पनी चलाउन सकिँदैन, संरचनागत सुधार गर्नुस्, कर्मचारीले इमान्दार भएर काम गर्नुस्, काखापाखा कसैलाई गरिँदैन मन्त्रालयबाट, काम गर्ने नियत नहुनेले मार्गप्रशस्त गरिदिनुस् ।” तत्कालीन नेपाल खाद्य संस्थान र नेशनल ट्रेडिङ लिमिटेट एकापसमा गाभिए पनि कानुनी रुपमा देखिएको समस्या समाधानमा मन्त्री ...

सिन्धुपाल्चोक जिल्लाको सुनकोशी गाँउपालिकाले आफ्ना पालिकाका कृषकहरुलाइ १४४०० जम्मा गरेपछी नपुग १४२०० पालिकाले थप गरेर कृषकलाई मिनिटेलर(हाते ट्याक्टर) दिएको छ । कृषिमा यान्त्रिकरण गर्दै कृषिमा सुधार ल्याउने उदेश्यले सुनकोशी गाउँपालिकाले ५० प्रतिशत अनुदानमा गाउँपालिकाका कृषकहरुलाई मिनिटेलर(हाते ट्याक्टर) उपलब्ध गराएको हो ।  गाउँपालिकाका अध्यक्ष टपिन्द्र तिमिल्सिना ले गाउँपालिकाको बार्षिक कार्यक्रम अनुसार कृषकहरुका लागि सहुलियतमा २ सय १० कृषकहरुलाई मिनी टेलर उपलब्ध गराएको बताउँनु भयो । उाहाका अनुसार गाउँपालिकाले मिनि टेलर खरिदका लागि विद्युती प्रणाली मार्फत इ–बिडीङ गरेको थियो । सबैभन्दा कम रकममा मिनि टेलर उपलब्ध गराउने स्मार्ट एग्रो सेलुसन प्रालि लाई मिनि टेलर उपलब्ध गराउन दिने गाउँपालिकाले निर्णय गरेको थियो ।कुल २८ हजार ८ सय रुपियाँमा मिनि टेलर उपलब्ध गराएपछि गाउँपालिकाले त्यसको ५० प्रतिशत १४...

काठमाडौँ, १५ जेठ : अर्थमन्त्री वर्षमान पुनले सङ्घीय संसद्को संयुक्त बैठकमा आज आगामी आर्थिक वर्ष २०८१÷८२ का लागि रु १८ खर्ब ६० अर्ब ३० करोडको बजेट प्रस्तुत गर्नुभयो । बजेटमा कूल विनियोजनमध्ये चालुतर्फ रु ११ खर्ब ४० अर्ब ६६ करोडअर्थात् ६१ दशमलव ३१ प्रतिशत, पुँजीगततर्फ रु तीन खर्ब ५२ अर्ब ३५ करोडअर्थात् १८ दशमलव ९४ प्रतिशत र वित्तीय व्यवस्थातर्फ रु तीन खर्ब ६७ अर्ब २८ करोडअर्थात् १९ दशमलव ७४ प्रतिशत रहेको छ । यो खर्च अनुमान चालु आवको विनियोजनको तुलनामा छ दशमलव दुई प्रतिशतले बढी र संशोधित अनुमानको तुलनामा २१ दशमलव ५६ प्रतिशतले बढी हो । बजेट हेर्न यँहा थिच्नुहोस Budget-2081.082 कूल विनियोजनमा प्रदेश र स्थानीय तहमा वित्तीय हस्तान्तरणतर्फ रु चार खर्ब आठ अर्ब ८७ करोड विनियोजन गरिएको छ । आगामी आवका लागि अनुमान गरिएको खर्च व्यहोर्ने स्रोतमध्ये राजस्वबाट रु १२ खर्ब ६० अर्ब ३० करोड र वैदेशिक अनुदानबाट...