Month: २०७८ फाल्गुन १५ आईतवार

सन्तोष सिग्देल नेपाली कांग्रेस सिन्धुपाल्चोक क्षेत्र नं २ का सभापती आइतमान तामाङले खेलाडी राष्ट्रको गहना भएको बताउनुभएको छ । नेपाल सोतोकान कराँते संघले आयोजना गरेको खेलाडीहरूलाई सम्मान कार्यक्रममा उहाँले उक्त कुरा बताउनुभएको हो । कराँतेको खेलाडी, प्रशिक्षक तथा रेफ्रि समेत रहनुभएका तामाङले खेल क्षेत्रमा सहयोग गर्न नेपाली कांग्रेस तयार रहेको समेत बताउनुभयो । ’जहाँ कराँते छ त्यहाँ कांग्रेस छ । मैले खेल बुझेको छु । सबै खेलाडीलाई परेको समस्यामा नेपाली कांग्रेसले साथ दिन्छ ’, तामाङले भन्नुभयो । ’म राजनितिक कर्मी मात्र नभई खेलाडी पनि हुँ , तपाईहरू राम्रो खेल्नुस भविष्य छ । करांतेको सहयोग र संरक्षण गर्न नेपाली कांग्रेस तयार छ साथमा छ’, तामाङले थप्नुभयो । आइतमान तामाङ नेपाल वादोकाई कराँते संघका केन्द्रिय सचिव समेत हुनुहुन्छ । उहाँ जापान कराँते फेडेरेसनका सदस्य समेत हुनुहुन्छ । कार्यक्रममा नेपाल...

नेपाली कांग्रेसको १६ वटा जिल्लामा अधिवेशन हुन बाँकी छ । जसमध्ये सिन्धुपाल्चोक जिल्ला पनि पर्दछ । पटक पटक रोकिएको जिल्ला अधिवेशनको यहि फागुन २६ र २७ गते हुने भएको छ । केही महिनाअघि मात्रै त्रिभुवन विश्वविद्यालयको इतिहास, संस्कृति तथा पुरातत्व केन्द्रीय विभागको उपप्राध्यपक पदबाट राजीनामा दिएर १९ वर्षे प्राध्यापन पेशाबाट पूर्णकालीन राजनीतिमा प्रवेश गर्नुभएका डा. प्रेमध्वज लामाले सिन्धुपाल्चोक जिल्ला सभापतिको उम्मेद्वार घोषणा गरिसक्नुभएको छ । लामा २०४६ सालदेखि नेपाली कांग्रेसको भातृसंगठनदेखि पार्टी राजनीतिमा सक्रिय रहँदै आउनुभएको व्यक्ति हुनुहुन्छ । उहाँ कांग्रेसभित्र विचार र सिद्धान्त र समाज परवर्तनको लागि आफूले जिल्ला सभापित पदमा उम्मेद्वारी दिएको तर्क पेश गर्नुहुन्छ । ५३ वर्षीय लामा सिन्धुपाल्चोकमा बौद्धिक तथा युवा पुस्ताबीच लोकप्रिय नेताका रुपमा चिनिनुुहन्छ । लामासँग लोकप्रिय नेत्रज्योती स...

‘स्वास्थ्यका लागि खेलकूद, राष्ट्रका लागि खेलकुद’ भन्ने मुल नाराका साथ पाँचपोखरी थाङ्पाल गाउँपालिकाको आयोजना गरेकोे २० ओभरको जिल्ला स्तरीय क्रिकेट प्रतियोगिता आजबाट सुरु हुने भएको छ । आज २ खेल सञ्चालन हुनेछ । पाँचपोखरी थाङ्पाल गाउँपालिका र सिन्धुपाल्चोक जिल्लालाई राष्ट्रिय तथा अन्तर्राष्ट्रिय स्तरसम्म चिनाउने उद्देश्यले खेलकुदको आयोजना गर्न लागेको गाउँपालिकाका अध्यक्ष टासी लामाले जानकारी दिनुभयो । गाउँपालिकाले २०७४ सालदेखि निरन्तर रुपमा ‘जितबहादुर खड्का स्मृति पाँचपोखरी सुपर जिल्ला स्तरीय क्रिकेट प्रतियोगिताको ३ वटा संस्करण सफलतापूर्वक सम्पन्न गरिसकेको छ । विश्वमै देखिएको कोरोना महामारीका कारण चौथो संस्करण स्थगित भएकोमा सो प्रतियोगितालाई प्रोत्साहन गर्न पाँचपोखरी थाङ्पाल गाउँपालिकाका ८ वटै वडामा क्रिकेट खेलकूद सामग्री वितरण गरिएको छ । प्रतियोगितालाई निरन्तरता दिँदै चौथो संस्करणका रु...

काठमाडौंबाट सिपाबडहरे जाँदै गरेको यात्रुवाहक बस ईन्द्रावती गाउँपालिका १२ भिमटारमा दुर्घटना भएको छ । काठमाडौंबाट सिन्धुपाल्चोक इन्द्रावती गाँउपालिका सिपाबडहरे जान छुटेको गरेको बा २ख ६५८८ नम्बरको हेलम्बु यातायातको यात्रुवाहक बस इन्द्रावती गाँउपालिका १ २ नम्बर वडाको इन्द्रावती वगरमा दुर्घटना भएको हो र दुर्घटनामा परी १२ जना घाइते भएका छन् भने ३ जनाको अवस्था गम्भीर रहेको जिल्ला प्रहरी कार्यालय सिन्धुपाल्चोकका सुचना अधिकारी दक्षकुमार बस्नेतले जानकारी दिनुभययो । यात्रुवाहक बस घुम्ति बाटोमा बालुवामा चिप्लिएर दुर्घटना भएको हुनसक्ने प्रारम्भिक अनुसन्धानबाट खुल्न आएको समेत बस्नेतले जानकारी दिनुभयो । घाइतेहरु ३ जनालाई धुलिखेल अस्पताल रिफर गरिएको र अन्यको बोडगाउँ मेडिकल सेन्टर, इन्द्रावती ११ मा उपचार भइरहेको स्थानिय शिक्षक प्रताव तामाङले जानकारी दिनुभयो ।...

सिन्धुपाल्चोक नेपाली काँग्रेसको जिल्ला अधिवेशन यहि फागुन २६ गते उम्मेदवारी दर्ता र २७ गते मतदान हुने निर्णय भएको छ । २६ गते उम्मेदवारी दर्ता संगै अन्तिम नामावली प्रकाशित हुने र २७ गते मतदान हुने जिल्ला सह–सचिब अनुप न्यौपानेले जनाएको हो । आज नेपाली काँग्रेस केन्द्रिय सदस्य मोहनबहादुर बस्नेतको सम्पर्क कार्यालयमा बसेको काँग्रेस सिन्धुपाल्चोक शिर्ष नेताहरुको बैठकबाट सो निर्णय गर्नुभएको हो । बैठकमा नेता बस्नेत, जिल्ला सभापति बिकाश लामा, बागमती प्रदेश सह–महामन्त्री हरिशरण श्रेष्ठ, जिल्ला सह–सचिब अनुप न्यौपाने, इन्द्रावती गाउँ पालिका अध्यक्ष बंशलाल लामा, क्षेत्र नं. २ का सचिब केशव श्रेष्ठ, प्रदेश प्रतिनिधि रामेश्वर आचार्य र नेविसंघ क्षेत्र नं. २ का अध्यक्ष दिपेश राज खनाल उपस्थित रहनुभएको थियो । बैठक निर्वाचन अधिकृत देवबहादुर महतको समन्वयमा भएको थियो । काँग्रेस सिन्धुपाल्चोकको शिर्ष नेताहरुको बैठ...

सिन्धुपाल्चोकको बलेफी गाउँपालिकाको सहयोगमा वार्ड नम्बर ४ र ८ मा सीप बिकाश तालिमहरु तिब्र रुपमा अघि बढदै गएको छ । बलेफी गाउँपालिकाको उपप्रमुख कमला श्रेष्ठ कायस्थको भनाइ अनुसार बलेफी गाउँपालिकाभित्र बसोबास गर्ने महिलाहरुको आयआर्जन र घरमै बसेर रोजगार गर्न सक्ने गरी सिलाइकटाई, गलैंचा बुन्ने तालिमहरु सन्चलन गर्दै आएको छ । तालिमपश्चात् गलैंचा बुन्ने तान र सिलाइ सम्बन्धी मेसिनहरु बितरण गरिएको छ । उद्यमशील तालिमहरु सन्चालन भैरहेको सो सीप सिकेर सम्पुर्ण महिला दिदीबहिनीहरु आत्मानिर्भर स्वरोजगार बन्नसक्ने उद्देश्यका साथ यो योजना उपप्रमुखकै पहलमा सन्चालन भैरहेको कुरा बताउनु भएको छ । जनताको साथमै रहेर जनताको सुखदुखमा जनताको हरेक समस्यमा जनप्रतिनिधिको हैसियतमा रहदाको अवस्थामा होस या जनप्रतिनिधिको हैसियतमा नरहदाको अबस्थामा होस सदैब जनतालाइ परेको समस्यमा पहल गर्दै जाने कुरा बताउनुभएको छ । बलेफी गाउँपालिका...

चौतारा साँगाचोकगढी नगरपालिकामा अपाँगता भएकाहरुलाई जिविकोपार्जनका लागी वाख्रा वितरण गरिएको छ । चौतारा साँगाचोकगढी नगरपालिकाको आर्थिक सहयोग र नगर अपाँग समन्वय समितिको आयोजनामा एक कार्यक्रमका विच वडा नम्बर ४, ५ , ८, १० र १३ मा अपाँगता भएका ३६ जनालाई वाख्रा वितरण गरिएको नगर अपाँग समन्वय समितिको अध्यक्ष शुशिला श्रेष्ठले जानकारी दिनुभयो । अपाँगता भएकाहरुलाई आयआर्जनमा लागि आत्मनिर्भर बनाउन बाख्रा वितरण गरिएको श्रेष्ठले बताउनुभयो । नगरपालिका भित्रका ५४ अपाँगता भएकाहरुलाई वाख्रा वितरण गर्ने लक्ष्य भएको र हालसम्म ४३ जनालाई वितरण गरिसकेको छ । बाख्रा वितरण ४ र ५ को वडा अध्यक्ष नरमान श्रेष्ठले ,वडा नम्बर ८ को वडा सचिव सिम्रन नेपालले , वडा नम्बर १३ मा वडा अध्यक्ष रामप्रसाद गौतमले र वडा नम्बर १० मा वडा सदस्य कृष्ण तामाङ गर्नुभएको थियो । वडा नम्बर १३ का वडाअध्यक्ष रामप्रसाद गौतमले किसानहरु समृद्धि भए म...

गत असार १ गते आएको बाढीले मेलम्ची खानेपानी आयोजनामा पुर्याएको क्षति र त्यहाँको भौगर्भिक अध्ययन गर्न गएको एडिविको टोलीले त्यहाँको अध्ययन गर्न एक महिना अघि टोली भ्रेमाथाङ गएको थियो । उक्त टोलीले त्यहाँको भौगर्भिक अध्ययन गरेर फर्किएको थियो । मेलम्ची खानेपाननी आयोजनाले भने यहि चैत्र अन्तिम साता सम्म मेलम्ची नदीको पानी काठमाडौँ ल्याउने भन्दै नदीको मुहानमा सरसफाइ गरिरहेको छ । अध्ययन गर्न गएको टोलीले तयार पारेको प्रतिवेदन सार्वजनिक नहुँदै र मेलम्चीको शिरमा पुन पहिरो जाने नजाने वा कुन रुपमा कस्तो पहिरो जान सक्छ भन्ने कुनै वैज्ञानिक आधार बिनानै मेलम्ची खानेपानी क्षेत्रको मुहान सफाई गर्दा सो क्षेत्रमा फेरि बढी नआउला भन्ने कुनै आधार नभएको भूगर्भविदको भनाइ छ । अध्ययन टोलीले बाढीले बगाएको माटोको थिकनेस,अहिले रहेको माटोको अवस्था र भित्रको चट्टानको बारेका अध्ययन गरेर फर्किएको थियो । अहिले उक्त टोलीले स...

पाँचपोखरी थाङपाल गाउँपालिका वडा नम्बर ४,थाङपालकोटमा रहेको थाङपालकोट कृषि सहकारी संस्था लि.को पाँचौ बार्षिक साधारणसभा सम्पन्न भएको छ । सहकारीकर्मि एबम समाजसेवी निर्मल बन्जाराको प्रमुख आतिथ्यतामा सम्पन्न भएको भएको साधारणसभा गाउंपालिका अध्यक्ष टासि लामाले पठाउनु भएको शुभकामना मन्तव्य बाचन गरिएको थियो । सो साधारणसभामा आफ्नो शुभकामना मन्तब्य राख्नु हुंदै प्रमुख अतिथि बन्जाराले सहकारी क्षेत्र अर्थतन्त्रको तीन खम्बे निति अन्तर्गत रहेको एउटा खम्बा रहेको बताउनुभयो । उहाँले अर्थतन्त्रमा महत्वपूर्ण योगदान गर्ने क्षेत्र भएकोले सबै नेपाली कुनै न कुनै एक सहकारीको सदस्य बनेर राज्यको अर्थतन्त्रमा योगदान दिंदै आफ्नो आर्थिक हैसियत उठाउनु पर्नेमा जोड दिनुभयो । करिब २०० जना सदस्य रहेको सो संस्थाको बार्षिक कारोबार ९५लाख ५५ हजार ५ सय ७५ रुपैंया रहेको छ । संस्थाका अध्यक्ष टेकलाल श्रेष्ठको अध्यक्षतामा सम्पन्न ...

सिन्धुपाल्चोकको बलेफी गाउँपालिका –८ स्थित लामोसाँघुमा स्थानीय किसानले पालेका ब्रोईलर कुखुरामा बर्डफ्लु पुष्टि भएको छ । बलेफी गाउँपालिका पशु सेवा प्राविधिक दिपेन्द्र दंगालका अनुसार एक किसानले पालेको चार हजार कुखुरामा २५ सय कुखुरा धमाधम मरेपछि फागुन १० गते स्याम्पल त्रिपुरेश्वर स्थित ल्याव लगिएको थियो । बर्डफ्लु पुष्टि भएसँगै शुक्रबार उक्त फार्मलाई शिल गरिएको छ । अन्य पोल्ट्रीफार्मका कुखुरामा पनि बर्डफ्लुको लक्षण देखिन थालेकाले परीक्षणका लागि पठाइसकिएको दंगालको जानकारी दिनुभयो । बलेफी गाउँपालिका उपाध्यक्ष कमला कायस्थले बर्डफ्लु प्रभावित क्षेत्रका कुखुरा फार्ममा चुना र ‘भिर्कोन’ छर्ने काम भइरहेको बताउँदै किसानलाई सतर्कता अपनाउन अनुरोध गर्नुभएको छ ।...