समाचार

एमसिसि संसदमा टेबुल भएपछि मात्रै एमालेको आधिकारीक धारणा सार्वजनिक हुने नेकपा एमालेका महासचिव शंकर पोखरेलले बताउनुभएको छ । बुधवार सिन्धुपाल्चोकमा आयोजित पत्रकार सम्मेलनमा बोल्दै पोखरेलले आफ्नो पार्टीको माग पुरा नहुञ्जेल संसद चल्न नदिने र संसद नचलुञ्जेल संसदमा पेश हुने कुनै पनि विषयमा आधिकारीक धारणा सार्वजनिक नगर्ने बताउनुभयो । गठबन्धन सरकारकै नेतृत्व भएको बेला यो सम्झौता भएकोले अहिलेको सरकारले नै यसको विषयमा जवाफ दिनुपर्ने महासचिव पोखरेलको धारणा छ । अहिलेको सरकारका मन्त्रीहरु एक पछि अर्को गर्दै जनतासामु नाङ्गीदै जाँदा पनि सरकारले लाचार भएर कार्वाही गर्न नसकेको बताउँदै उहाँले गौर हत्याकाण्डको विषयमा मन्त्री रेणु यादवको भनाइ, आफुले खोप किनेर लगाएको स्वास्थ्यमन्त्री विरोध खतिवडाको अभिव्यक्ती र प्रेम आलेको अश्लिल शब्दका विषयमा सरकार मौन रहनु नै गलत रहेको बताउनुभयो ।...

जिल्ला प्रहरी कार्यालय सिन्धुपाल्चोक कार्यसम्पादन मूल्याङ्कनमा बागमती प्रदेशभरबाट प्रथम भएको छ । कार्य सम्पादन सम्झौताको ‘मासिक मूल्याङ्कन मापदण्ड– २०७८’ अनुसार २०७८ श्रावणदेखि पौष महिनासम्मको मूल्याङ्कनमा जिल्ला प्रहरी कार्यालयतर्फ ८४.६७ अंकका साथ जिल्ला प्रहरी कार्यालय सिन्धुपाल्चोक उत्कृष्ट भएको हो । प्रथम हुन सफल जिल्ला प्रहरी कार्यालय सिन्धुपाल्चोकलाई बागमती प्रदेश प्रहरी कार्यालय हेटौँडाको तर्फबाट प्रशंसा पत्र प्रदान गरिएको छ ।...

मेलम्ची खानेपानी आयोजना पुर्ने ढुँगा, माटो, बालुवा गिट्टीसहितको गेग्य्रान हटाउने काममा नेपाली सेनासँग पनि सहयोग मागेको छ । ठेकदार चिनियाँ निर्माण कम्पनी सिनो हाइड्रो परिचालन भएर काम सुरु गरेलगत्तै साइटमा ठूला–ठूला ढुङ्गाहरु भेटिएपछि आयोजनाले सेनासँग सहयोग मागेको हो । मेलम्ची खानेपानी आयोजनाका प्रवक्ता राजेन्द्रकुमार पन्तका अनुसार ठेकदारसँग उपलब्ध यन्त्र उपकरणले ठूला ढुँगा फुटाएर हटाउन सक्ने अवस्था नदेखिएको बताउनुभयो । ‘निकै ठूला ढुँगा भएकाले त्यसलाई फुटाउन विष्फोटक पदार्थ नै चाहिन्छ,’ उहाँले भन्नुभयो ’त्यसैले सेनासँग हामीले आवश्यक पर्ने विष्फोटक पदार्थ मागेका हौं ।’ वर्षायाममा बाढी र पहिरोका कारण पुरिएर रहेका संरचना खुलाएर मर्मत गरेर नयाँ वर्षसम्ममा काठमाडौं उपत्यकामा खानेपानी ल्याउन सेनाको सहयोग अपरिहार्य देखिएको पन्तले बताउनुभयो । आयोजनाबारे यअसघि असोजमा भएको समन्वय बैठकमा सेनाले आवश्य...

सरकारले नयाँ शैैक्षिक सत्रको पढाइ स्थानीय तहको चुनावपछि मात्रै सञ्चालन गर्ने तयारी गरेको छ । यस विषयमा शिक्षा विज्ञान तथा प्रविधि मन्त्रालयले सरोकारवालासँग छलफल गर्न लागेको छ । चालू शैक्षिक सत्रको पढाइ चैतसम्मै सञ्चालन गर्ने र परीक्षा सञ्चालन, नतिजा प्रकाशन, नयाँ विद्यार्थी भर्ना तथा पाठ्यपुस्तक वितरणलगायतका काम आगामी वैशाखभित्र सम्पन्न गर्ने मन्त्रालयको योजना छ । मन्त्रालयको तयारी अनुसार नै शैक्षिक सत्रको व्यवस्थापन भयो भने निजी विद्यालयमा अध्ययनरत विद्यार्थीको शुल्क व्यवस्थापनमा समस्या आउने देखिन्छ । यो वर्षको शैक्षिक सत्र सकेर नयाँ शैक्षिक सत्रमा विद्यालय परिवर्तन गर्ने विद्यालयले पुरानो विद्यालयमा कुन महिनासम्मको शुल्क तिर्ने भन्ने अन्योल देखिन्छ । “वैशाखमा परीक्षा सञ्चालन हुने भयो भने मैले छोरालाई ६ कक्षा पढाउन अर्को स्कुल लैजाँदा जेठ लाग्ने भयो । यसो हुँदा पुरानो स्कुललाई पनि वैशाखस...

खानेपानीमन्त्री उमाकान्त चौधरीले सोमबार बिहानै सिन्धुपाल्चोक जिल्लाको हेलम्बु गाउँपालिकास्थित अम्बाथानमा रहेको मेलम्ची खानेपानी आयोजनाको स्थलगत निरीक्षण गर्नुभएको छ । गत असार १ गते र त्यसपछिको बाढीबाट क्षतिग्रस्त भएको मेलम्ची खानेपानी आयोजनाको बाँध स्थलको स्थालगत निरीक्षण गर्न सोमबार बिहान ७ बजे नै मन्त्री चौधरी पुनर्निर्माणस्थल पुग्नुभएको हो । चिनियाँ निर्माण कम्पनी सिनो हाइड्रोले गरिरहेको पुनस्र्थापनाको काम गर्दै छ । काठमाडौँबाट बिहानै स्थलगतमार्गबाट काभ्रेको धुलिखेल, पाँचखालबाट मेलम्ची बजार पुगेपछि मात्र मेलम्ची खानेपानी आयोजनाका कर्मचारीले मन्त्री आएको सुइँको पाएका थिए । झिसमिसे बिहानै मन्त्रीको आवागमन होला भन्ने नसोचेका मेलम्ची आयोजनाका कर्मचारी, ठेकेदार कम्पनीका श्रमिक र स्थानीयले सोचेका पनि थिएनन् । मन्त्री चौधरी बाँधस्थल पुग्दा पछि–पछि सुरक्षाकर्मीको सवारी र सिन्धुपाल्चोकका प्रमुख...

नावालिका छोरीलाई जर्वजस्ती बलात्कार गरी फरार रहेका एकजनालाई जिल्ला प्रहरी कार्यालय सिन्धुपाल्चोकले १५ वर्ष पछी पक्राउ गरेको छ । २०६३ साल वैशाख १९ गते दिउसो २ वजेको समयमा सिन्धुपाल्चोक साविक ठुलोसिरुवारी वडा नं.१ को हाल चौतारा साँगाचोकगढी न.पा. वडा नं.१३ स्थित सल्लाघारी जंगलमा सानोसिरुवारी १ (क) को वर्ष १३ कि नाबालिका छोरीलाई जवरजस्ती करणी गरि फरार रहेका वर्ष ४३ का विनोद दुलाललाई प्रहरीले पक्राउ गर्न सफल भएको हो । घटना पश्चात भागी फरार रहेकोमा विशेष सूचनाको आधारमा यही २८ गते जिल्ला प्रहरी कार्यालयबाट खटिएको प्रहरी टोलीले निजलाई फरार भएको १५ वर्ष वर्ष पछि साँगाचोक बजारबाट पक्राउ गर्न सफल भएको जिल्ला प्रहरी कार्यालयका सुचना अधिकारी प्रनाउ दक्षकुमार बस्नेतले जानकारी दिनुभयो । निज अभियुक्तलाई सिन्धुपाल्चोक जिल्ला अदालतमा पेश गर्दा अदालतको सोमबारको आदेशले पुर्पक्षको लागी जिल्ला कारागार कार्याल...

मेलम्चीको इन्द्रेश्वरी माध्यमिक विद्यालयले ओमिक्रोन भाइरसको संक्रमणलाई मध्यनजर गर्दै अन्र्तक्रिया कार्यक्रम गरि ४८ औं वार्षिकोत्सव आईतबार मनाएको छ । अन्र्तक्रिया कार्यक्रममा उठेका विभिन्न प्रश्न तथा जिज्ञासाको पूर्व प्रधानाध्यापक राधाकृष्ण श्रेष्ठ, वडा अध्यक्ष रुद्र प्रसाद दुलाल लगायतले जवाफ दिनुभएको थियो । कार्यक्रममा मेलम्ची नगरपालिकाका शिक्षा शाखाका अधिकृत सुधिनराज बुढाथोकिले शिक्षा क्षेत्रका नितिगत कुराहरुको बारेमा जानकारी गराउनुभएको थियो । विद्यालयका प्रधानाध्यापक देवि श्रेष्ठले श्रेष्ठले विद्यालयको वार्षिक प्रगति प्रतिवेदन प्रस्तुत गर्नुभएको थियो भने अन्य बक्ताहरुले आधारभुत तहमा अंग्रेजी माध्यमबाट पठनपाठन गर्नुपर्नेमा जोड दिएका थिए । इन्द्रमणि दाहालको अध्यक्षतामा कार्यक्रम सम्पन्न भएको थियो ।...

सिन्धुपाल्चोकमा आईतबारबाट ई –पासपोर्ट (विद्युतीय राहदानी) वितरण गर्न सुरु गरिएको छ । यसअघि मेसिन रिडेवल पासपोर्ट वितरण गर्दै आएको जिल्ला प्रशासन कार्यालय सिन्धुपाल्चोकले आईतबारबाट ई –पासपोर्ट वितरण थालेको हो । जिल्ला प्रशासन कार्यालय सिन्धुपाल्चोकका प्रमुख जिल्ला अधिकारी बेधनिधि खनालले अनलाइनबाट आवेदन भरेका मध्य सिता रघुलाई ई–पासपोर्ट वितरण गर्नुभएको हो । अनलाईन फारम भरेको बढिमा १५ दिनमा ई–पासपोर्ट आइसक्ने प्रमुख जिल्ला अधिकारी खनालले बताउनुभयो । ई–पासपोर्ट बनिसकेका ब्यक्तिको मोवाइलमा म्यासेज आएपछि प्रशासनमा लिन जान सक्ने छन् । जिल्ला प्रशासन कार्यालय सिन्धुपाल्चोकका नायव सुब्बा हरिराम न्यौपानेका अनुसार सिन्धुपाल्चोकमा अनलाइनबाट आवेदन भरेका ३४ जनाको ई–पासपोर्ट बनिसकेको छ । उहाँका अनुसार माघ ९ गतेबाट सिन्धुपाल्चोकमा पनि अनलाइनबाट ई–पास पोर्टका लागि फारम भर्न सकिने ब्यवस्था गरीएको थियो । अ...

मेलम्ची खानेपानी आयोजनाले चैत्र अन्तिम सातासम्म उपत्यकामा अस्थायी रुपमा पानी ल्याउने तयारीका साथ काम गरिरहेको छ । गत असार १ गते आएको बाढीले मेलम्ची खानेपानी आयोजनाको हेडबक्समा क्षति पुयाउनुका साथै सुरुङमा पनि क्षति पुर्याएको थियो । अहिले मेलम्ची नदीको मुहान सफाइको काम भइरहेको आयोजनाका सूचना अधिकारी राजेन्द्र प्रसाद पन्तले जानकारी दिनुभएको छ । अहिले सरसफाइका क्रममा ठूला ढुँगा फेला परेकाले काममा बाधा सेजना भएको उहाँको भनाइ छ । १० दिनसम्म १२ वटा डोजर र २२ वटा ट्रिपरले काम गर्दासम्म हेडबक्स फेला नपरेको उहाँले बताउनुभयो । ‘ठूला ढुँगाहरु आएकाले काम गर्न केही कठिनाइ भएको छ । हेडबक्स फेला पार्न नै समस्या भइरहेको छ,’ उहाँले भन्नुभयो । ठूला ढुङ्गाहरु फेला परेकाले फुटाउनलाई अहिले ब्रेकर प्रयोग भइरहेको तर, ब्रेकरले नसकेपछि विस्फोटक पदार्थ प्रयोग गरेर ढुँगा फुटाउने योजना रहेको पन्तले बताउनुभयो । पुनर्न...

मेलम्ची खानेपानी आयोजनाका संरचना मर्मत गरी वैशाखसम्म काठमाडौंमा पुनः पानी ल्याउन अहिले मुहान सफाइ चलिरहेको छ । गत १ असार र १५ साउनको बाढी–पहिरोले ‘हेडवक्र्स र सुरुङ गेग्रान तथा ढुंगाले पुरिएको १४ माघदेखि दैनिक पाँच सय टिपर गेग्रान पन्छाइँदै छ । १० दिनदेखि दैनिक पाँच सय टिपरका दरले हटाइरहेका छौँ,’ मेलम्ची खानेपानी आयोजना विकास समितिका प्रवक्ता राजेन्द्रप्रसाद पन्तले भन्नुभयो ‘सफा गर्ने क्रममा ठूला ढुंगा पनि भेटिएका छन् । ती ढुंगा हटाउन विस्फोट नै गर्नुपर्ने अवस्था छ । जनशक्ति र स्रोत पर्याप्त मात्रामा उपलब्ध भए वैशाखसम्म पानी काठमाडौं ल्याउन सक्छौँ ।’ आयोजना पुनः सञ्चालन कार्ययोजना अन्तर्गत हेडवक्र्स क्षेत्रको सफाइ र अस्थायी क्याम्प बनाउने जिम्मा समितिलाई छ । हेडवक्र्सुम्म पुग्ने अस्थायी बाटो र पुल हेलम्बु गाउँपालिकाले निर्माण गरिसकेको छ । मेलम्ची बजारदेखि हेडवक्र्स क्षेत्र अम्बाथानसम्मको...