समाचार

काठमाडौँ, ९ असोजः मौसमविद् राजन लामिछानेले आगामी दुई दिन अझै पश्चिमी क्षेत्रमा वर्षाको गतिविधि बढ्ने बताउनुभएको छ । बङ्गालको खाडीमा विकसित न्यून चापीय प्रणालीको प्रभावले देशका अधिकांश भूभागमा वर्षा भइरहेको छ । नेपाल मौसम विज्ञान विभागका मौसमविद् राजन लामिछानेले पछिल्लो २४ घण्टामा कोशी, बागमती, गण्डकी र लुम्बिनी प्रदेशका अधिकांश स्थानमा भारी तथा केही स्थानमा धेरै भारी वर्षा भएको जानकारी दिनुभएको छ । उहाँले पाल्पाको अर्चले मौसम मापन केन्द्रमा १४० मिलिमिटरभन्दा बढी वर्षा मापन भएको बताउनुभयो । पछिल्ला दुई दिनदेखि विभिन्न स्थानमा लगातार वर्षा भइरहेको र कतिपय क्षेत्रमा भारीदेखि धेरै भारी वर्षा भएकाले बाढी तथा पहिरोको जोखिम बढेको उहाँको भनाइ छ । “हाल न्यून चापीय प्रणाली भारतको छत्तीसगढ र आसपासको क्षेत्रमा अवस्थित रहेको र क्रमशः नेपालतर्फ सर्दै जाने र त्यसको प्रभाव आजदेखि पश्चिमी भूभागतर्फ सर्दै ज...

अविरल वर्षाका कारण पहिरो जाँदा बिपी राजमार्ग अवरुद्ध भएको छ । आज बिहान ४ः३० बजे बिपी राजमार्गअन्तर्गत रोशी गाउँपालिका–७ स्थित चारसयबेँसी र रोशी–८ गिम्दीमा पहिरो खस्दा सडक अवरुद्ध भएको जिल्ला प्रहरी कार्यालयले जनाएको छ । यसैबीच, जल तथा मौसम विभागको प्रक्षेपणलाई मध्यनजर गर्दै बिहीबारदेखि रातको समयमा बिपी राजमार्गअन्तर्गत काभे्रपलाञ्चोक सडकखण्डलाई बन्द गराइएको छ ।  जिल्ला प्रशासन कार्यालयले बाढीपहिरोको अवस्था हेरी दिउँसो पनि बन्द गर्नसक्ने जनाएको छ भने हाललाई आइतबारसम्म रातको समयमा सवारी आवागमनमा रोक लगाएको हो । कार्यालयको बैठकको निर्णयअनुसार बिपी राजमार्गको काभ्रेपलाञ्चोक खण्डमा असोज ८ गतेदेखि १२ गते बिहानसम्म साँझ ५ः०० बजेदेखि बिहान ५ः०० बजेसम्म सवारी आवागमनमा रोक लगाइने भएको प्रमुख जिल्ला अधिकारी गोपालकुमार अधिकारीले बताउनुभयो ।  वर्षा तथा बाढी, पहिरोको अवस्था मूल्याङ्कन गरी दिउँसोसमेत सव...

काठमाडौँ, ८ असोजः देशभर जारी वर्षाका कारण सिर्जित सम्भावित जोखिमबाट नागरिकको धनजन जोगाउन सरकार पूर्णरूपमा उच्च सतर्कताका साथ सक्रिय भएको छ । प्रधानमन्त्री वालेन्द्र शाहले संयुक्त राष्ट्रसङ्घको महासभामा सहभागी हुन अमेरिका प्रस्थान गर्नुअघि नै सम्पूर्ण आवश्यक सावधानी अपनाउन दिएको निर्देशनअनुसार सम्बन्धित मन्त्रालय र मातहतका निकायहरू तीव्रताका साथ पूर्वतयारी तथा प्रतिकार्यमा जुटेका हुन् ।आज कार्यवाहक प्रधानमन्त्री एवं अर्थमन्त्री डा स्वर्णिम वाग्लेले सम्बन्धित मन्त्रीहरूसँग विपद् पूर्वतयारीबारे छलफल गर्नुहुँदै मानवीय र भौतिक क्षति रोक्न सरकारका सबै मन्त्रालय एवं तिनका निकायहरूलाई पूर्ण रूपमा उच्च सतर्कताका साथ परिचालन गरिएको बताउनुभएको छ । साथै उहाँले स्थानीय तहहरूलाई विपद्पछिको प्रतिकार्यका लागि आफ्नो स्रोत प्रयोग गर्न कुनै कञ्जुस्याइँ नगर्नसमेत आग्रह गर्नुभएको छ । साथै गृह मन्त्रालयले ७७ वट...

सिन्धुपाल्चोक जिल्ला लगाएत देसका बिभिन्न क्षेत्रमा आज बिहानै देखी वर्षा भइरहेको छ । यसै सन्धर्भमा जिल्ला प्रशासन कार्यलय सिन्धुपाल्चोकले पनी जिल्लाका विभिन्न स्थानहरूमा आज दिनभरदेखि निरन्तर वर्षा भइरहेको जनाउँदै सबैमा सतर्कता अपनाउँन अन्ुरोध गरेको छ । हाल पनि वर्षा जारी रहेको छ। यसका कारण नदी आसपासका क्षेत्र तथा अन्य जोखिमयुक्त स्थानहरूमा बाढी, पहिरोको जोखिम हुन सक्ने भएकाले सम्पूर्ण जिल्लावासीमा उच्च सतर्कता अपनाउन जिल्ल प्रशासन कार्यलय सिन्धुपाल्चोकले अन्ुरोध गरेको छ । यसका साथै जिल्ला प्रशासन कार्यालय, सिन्धुपाल्चोकले अरनिको राजमार्गमा आज साँझ ८ः०० बजेदेखि भोलि बिहान ५ः०० बजेसम्म सवारी आवागमन पूर्ण रूपमा बन्द रहने जनाएको छ।उक्त व्यवस्था आगामी असोज १२ गतेसम्म लागू हुने भएकाले राजमार्ग हुँदै यात्रा गर्ने सम्पूर्ण यात्रु तथा सवारी चालकहरूले सोहीअनुसार आफ्नो यात्रा व्यवस्थापन गर्न अनुरोध गर...

नेपाली कांग्रेस चौतारा साँगाचोकगढी नगर कार्यसमितिको १५औँ नगर अधिवेशनले युवा नेता निर्मल श्रेष्ठलाई नगर सभापतिमा सर्वसम्मत निर्वाचित गरेको छ । नेपाल विद्यार्थी संघको राजनीतिमा सक्रिय रहँदै आउनुभएका श्रेष्ठ खेलकुद क्षेत्रमासमेत क्रियाशील हुनुहुन्छ । युवा पुस्तामाझ परिचित श्रेष्ठको सर्वसम्मत नेतृत्व चयनसँगै चौतारा नगर कांग्रेसमा नयाँ पुस्ताको नेतृत्व स्थापित भएको छ । नगर सभापतिको जिम्मेवारी पाएसँगै श्रेष्ठले युवालाई संगठनमा थप सक्रिय बनाउँदै सबै पुस्तालाई समेटेर कांग्रेसको संगठन सुदृढ गर्ने अपेक्षा गरिएको छ । बदलिँदो राजनीतिक परिवेशमा युवा पुस्ताको सहभागिता र नेतृत्व विकासलाई प्राथमिकता दिँदै संगठनलाई थप चलायमान बनाउने चुनौती नयाँ नेतृत्वसामु रहेको छ । श्रेष्ठको नेतृत्वमा नगर कांग्रेसमा सहमति, सहकार्य र एकतालाई मजबुत बनाउँदै संगठन विस्तार तथा सुदृढीकरणमा नयाँ ऊर्जा थपिने अपेक्षा गरिएको छ ।...

नेपाली कांग्रेसले आज देशैभर पालिका तहको अधिवेशन गर्दैछ । सो पार्टीको १५औँ महाधिवेशनअन्तर्गत स्थानीय तहको सांगठनिक संरचना निर्माण गर्ने क्रममा पालिका अधिवेशन हुन लागेको हो । केही छिटपुट स्थानबाहेक देशभरका वडामा उत्साहजनक र शान्तिपूर्ण रूपमा नेतृत्व चयन सम्पन्न भइसकेको कांग्रेस केन्द्रीय निर्वाचन समितिले जनाएको छ । बाढीपहिरोबाट प्रभावित नुवाकोट र धादिङका सबै वडामा मङ्गलबार अधिवेशन सम्पन्न भएको छ । त्यस्तै, मधेस प्रदेशका सिरहा, सप्तरी, सर्लाही र पर्साका केही वडामा पनि अधिवेशन सफलतापूर्वक सकिएको निर्वाचन समितिले जनाएको छ । बाढीपहिरोका कारण ठूलो मानवीय तथा भौतिक क्षति बेहोरेको रसुवा जिल्लामा भने विशेष परिस्थितिलाई ध्यानमा राखी केही दिनपछि मात्र अधिवेशन गर्ने तयारी मिलाइएको निर्वाचन समितिका सदस्य सचिव राजु कटुवालले जानकारी दिनुभयो । नयाँ विधान र निर्वाचन निर्देशिकाअनुसार आज हुने पालिका ...

आगामी असोज ९ देखि ११ गतेसम्म भारी वर्षा हुने सम्भावना रहेको भन्दै जिल्ला प्रशासन कार्यालय सिन्धुपाल्चोकले जिल्लावासीलाई उच्च सतर्कता अपनाउन आग्रह गरेको छ । मंगलबार साहयक प्रमुख जिल्ला अधिकारी कृष्ण प्रसाद शर्माद्धारा जारी विज्ञप्तीमा नेपाल मौसम विज्ञान विभागको विशेष मौसम बुलेटिनअनुसार जिल्लाका विभिन्न स्थानमा मेघगर्जन, चट्याङसहित भारी वर्षा हुनसक्ने भएकाले बाढी, पहिरो र डुबानको जोखिम बढ्ने जनाएको छ । प्रशासनले अत्यावश्यकबाहेक रातिको समयमा यात्रा नगर्न, जोखिमयुक्त सडक तथा पहिरो सम्भावित क्षेत्रमा सावधानी अपनाउन र खोला तथा नदी किनारका बस्तीका बासिन्दालाई विशेष सतर्क रहन आग्रह गरेको छ । यस्तै, स्थानीय तह, सुरक्षा निकाय र विपद् व्यवस्थापनसँग सम्बन्धित निकायलाई आवश्यक तयारी अवस्थामा रहन तथा जोखिममा रहेका नागरिकलाई सुरक्षित स्थानमा सार्ने व्यवस्था मिलाउन आग्रह गरिएको छ ।...

 अपाङ्गता भएका व्यक्तिहरूको पहुँच, अधिकार र समावेशीकरण अभिवृद्धि गर्ने उद्देश्यले मेलम्ची नगरपालिकामा सञ्चालित चारवर्षे परियोजनाको प्रगति तथा आगामी कार्ययोजनामाथि छलफल गरिएको छ । ह्याण्डीक्याप इन्टरनेशनलको सहयोगमा टुकी संघ सुनकोशीले सञ्चालन गर्दै आएको ‘अपाङ्गता भएका व्यक्तिहरूको पहुँच वृद्धि परियोजना’ अन्तर्गत स्थानीय परियोजना सल्लाहकार समितिको बैठकमा हालसम्म भएका कामको प्रगति समीक्षा गर्दै आगामी वर्षका कार्यक्रमबारे छलफल गरिएको हो । चार वर्षका लागि सञ्चालनमा रहेको परियोजनाको कुल बजेट २ करोड ४ लाख ३ हजार ९ सय ४ रुपैयाँ रहेकोमा हालसम्म १ करोड ५७ लाख २१ हजार ८ सय १४ रुपैयाँ खर्च भएको जानकारी बैठकमा दिइएको थियो । परियोजनाअन्तर्गत मेलम्ची नगर अस्पतालमा फिजियोथेरापी तथा शारीरिक पुनर्स्थापना सेवा, आर्थिक तथा वित्तीय समावेशीकरण, जलवायु परिवर्तन अनुकूलन तथा विपद् उत्थानशीलता अभिवृद्धि, सामाजिक सुर...

सिन्धुपाल्चोक जिल्लाको चौतारासँँगाचोकगढीमा रहेको घमानेडाँडा स्थित थानबारेगढी जन्मत्सोव पार्कमा रोपीएको बिरुवाहरु गोड्रदै बज्रयोगिनी अपागं मैत्री सहकारी सस्थाको १४ साधरण सभा सम्पन्न भएको छ । चौतारासाँगाचोकगढी वडा नं १४को सामुदायक भवनमा साधरण सभाको समुदघाटन भएको थियो ।   १४ नंवडाका वडा अध्यक्ष तथा नगर लेखा समितीका संयोजक उद्धव नेपालले साधरण सभाको उद्धघाटन गर्दे नगरपालिकामा अपागंता क्षेत्रमा रहेको एकमात्र सहकारी सस्था बज्रयोगिनी अपागं मैत्री सहकारी सस्थाले हाल सम्म गरेका कामहरुको प्रशंसा गर्देै सिन्धुपाल्चोकमा कृषी क्षेत्रमा सहजीकरण गर्नका लागी नेत्रज्योती कृषीसहकारी सस्था सँग सहकार्य गरी पहीलो पटक खेत जोत्ने टेक्टर ल्याइएको र कृषकलाइ सहयोग गरेको बताउँनु भयो । उँहाले अपागंता क्षेत्रमा काम गर्ने नगरमा रहेको एक मात्र सस्था बज्रयोगिनी अपागं मैत्री सहकारी सस्थाले नगरका सबै क्षेत्रमा गइ सुबिधा दि...

नेपाली कांग्रेस सिन्धुपाल्चोक क्षेत्र नं. २ का क्षेत्रीय सभापति आइतमान तामाङले पार्टीको १५औँ महाधिवेशनलाई गुट–उपगुटभन्दा माथि उठेर सक्षम, जिम्मेवार र इमानदार नेतृत्व चयन गर्ने अवसरका रूपमा उपयोग गर्न आग्रह गर्नुभएको छ। कांग्रेस केन्द्रीय कार्यसमितिले १५औँ महाधिवेशनको कार्यतालिका सार्वजनिक गरिसकेको अवस्थामा पार्टीलाई थप सशक्त, जिम्मेवार र गतिशील बनाउन वडा तहदेखि नै योग्य नेतृत्व चयन गर्नुपर्ने उहाँको भनाइ छ। मुलुक संकटपूर्ण अवस्थामा रहेका बेला लोकतान्त्रिक पार्टी गुट–उपगुटको जञ्जालमा फस्न नहुनेमा उहाँले जोड दिनुभएको छ। प्रेस विज्ञप्ति जारी गर्दै तामाङले पार्टीलाई वर्तमान अवस्थासम्म ल्याउन अग्रज तथा समकालीन नेता–कार्यकर्ताको महत्वपूर्ण योगदान रहेको उल्लेख गर्नुभएको छ। विगतमा कमजोर अवस्थाबाट स्थानीय तह, प्रदेश तथा संघमा सम्मानजनक मत प्राप्त गर्ने अवस्थामा पार्टी पुग्नुमा कार्यकर्ताको मे...