Author: लोकप्रिय समाचार

बैंकिङ कसूर मुद्दाका एकजना फरार प्रतिवादीलाई काठमाडौं महानगरपालिका – ६ को बौद्ध कुमारीगालबाट प्रहरीले पक्राउ गरेको छ । सिन्धुपाल्चोक जिल्ला मेलम्ची नगरपालिका – १ बस्ने ४० वर्षिय देवी प्रसाद चौलागाईलाई प्रहरीले बिहिबार पक्राउ गरेको हो । उनलाई वैकिङ कसूर मुद्दामा २०७६ भदौ २ मा ७ दिन कैद र जरिवाना रु १,००,०००।– (एक लाख) रुपैयाँ जरिवानाको फैसला सुनाएको थियो । उनलाई फैसला कार्यान्वयनका लागि बिहिबार नै सिन्धुपाल्चोक जिल्ला अदालत पेश गरि कैद जरिवाना सजाँय असुल उपरका लागि जिल्ला कारागार कार्यालय चौतारा चलान गरिएको प्रहरीले जनाएको छ ।...

नेपाल पत्रकार महासंघ सिन्धुपाल्चोकले सूचनाको हक विषयक अन्तरक्रिया कार्यक्रम गरेको छ । चौतारा साँगाचोकगढी नगरपालिकाको आर्थिक सहयोग र राष्ट्रिय सूचना आयोगको समन्वयमा भएको कार्यक्रमको प्रमुख अतिथि राष्ट्रिय सूचना आयोगको आयुक्त कमला ओली थापाले उद्घाटन गर्नुभएको थियो । कार्यक्रमलाई सम्बोधन गर्दै आयुक्त ओलीेले सही सूचनालाई राज्यले पनि सही ढंगबाट सम्वोधन गर्ने र मुलुक पनि परिवर्तनको मार्गमा अगाडी बढ्ने विश्वास व्यक्त गर्दै गलत सूचनाले समाजमा विग्रह हुने भएकाले सही सूचना संप्रेषणका लागि सञ्चारकर्मीहरु प्रतिवद्ध भएर लाग्न पनि अनुरोध गर्नुभयो । नेपाल पत्रकार महासंघका अध्यक्ष जीवन श्रेष्ठको सभापतित्वमा भएको कार्यक्रममा सहायक प्रमुख जिल्ला अधिकारी निराजन श्रेष्ठले सूचनाको हकलाई कार्यान्वयन गर्दा गोपनीयताको पक्षलाई भूल्न नहुने बताउनु भयो । बिहिबार जिल्लाका संचारकर्मीको सहभागिता रहेको उक्त कार्यक्रममा स...

सिन्धुपाल्चोक जिल्लाको सुनकोशीमा मोटरसाइकल मर्मत तालिम सम्पन्न भएको छ । सुनकोशी गाउँपालिकाको आर्थिक सहयोगमा दुई महिने सीप मुलक मोटरसाइकल मर्मत कार्यक्रम बुधबार सम्पन्न भएको छ । कार्यक्रमको प्रमुख अतिथि सुनकोशी गाउँपालिका अथ्यक्ष टपिन्द्र प्रसाद तिमल्सिनाले तालिमका सहभागीहरुलाई प्रमाण पत्र तथा आबश्यक उपकरणका सामग्रीहरु हस्तान्त गर्दै तालिम अवधिभर सिकेको सिपलाई व्यवहारमा उतार्न आग्रह गर्नुभयो । बढ्दो सवारी साधनलाई मध्येनजर गर्दे युवाहरुलाई मोटरसाइकल मर्मतको तालिम दिएको गाउँपालिका अध्यक्ष तिमल्सिनाले बताउनुभयो । तालिम समापन कार्यक्रममा गाउँपालिका उपाध्यक्ष कान्छी लामा ,प्रमुख प्रशासकीय अधिकृत पुर्ण प्रसाद दुलाल ,वडा नम्बर ३ का वडा अध्यक्ष इश्वर लामा लगायतको उपस्थिती रहेको थियो ।...

भूकम्प र कोरोनाले सबै संरचनामा क्षति पुगेर खस्किएको हेलम्बुको पर्यटन व्यवसाय पहिलेकै अवस्थामा फर्किएको छ । भूकम्पले क्षति पु¥याएका व्यक्तिको घर, गुम्बा, होटल र होमस्टेको पुनर्निर्माणपछि हेलम्बु आउने आन्तरिक तथा बाह्य पर्यटकको संख्या बढेको हो । बाटैभरि बौद्ध धर्मावलम्बीको सेता आकर्षक माने, रंगिन ध्वजापताकाले सिंगारिएको सिंगो गाउँ, आँखै अगाडि मनै लोभ्याउने सेता हिमाल । गर्मी महिनामा सिरसिर हावा चल्ने मनमोहक डाँडाकाँडा र हिमाली वनस्पती र वन्यजन्तु हेलम्बुका आकर्षण हुन् । पर्यटकीय गाउँ हेलम्बु आइपुगेका जाउलाखेल ललितपुरका विपुल शाक्य यहाँको सौन्दर्य देखेर छक्कै पर्नुभयो । राजधानीको प्यास मेटाउने मेलम्ची खानेपानीको सुरुङ हेर्ने बहानामा हेलम्बु आईपुग्नुभएका उहाँले आँखै अगाडि पहिलोचोटी हिमाल देखेर दंग पर्नुभएको थियो । भूकम्पले गुम्बाको सहर भनेर चिनिने हेलम्बुको धार्मिकस्थलको ग्राउन्ड जिरो बनायो ...

पृथ्वीजंग पाण्डे / पिस्कर सिन्धुपाल्चोकको त्रिपुरासुन्दरी गाउँपालिका – ३ धुस्कुनको महेन्द्रप्रताप माध्यमिक विद्यालयमा सामुदायिक विद्यालयको शिक्षाको गुणस्तर सुधार गर्न दुईदिने कार्यशाला आइतबार सम्पन्न गरिएको छ । शैक्षिकसत्र सुरु हुनुभन्दा अगाडि शिक्षामा परिवर्तन ल्याउने उद्देश्यले कार्यशाला गरिएको हो।गाउँपालिका अध्यक्ष भक्तध्वज बोहराले कार्यशालाको उदघाटन गर्नुभएको थियो भने विशिस्ट अतिथि तथा शिक्षाविद बिद्यानाथ कोइराला र स्थानीय अनुभवी सहजकर्ता चक्रबहादुर बस्नेतले कार्यशालामा सहजीकरण गर्नुभएको थियो । महेन्द्रप्रताप माबिका शिक्षक बलराम नेपालले संचालन गर्नु भएको कार्यक्रम वडा शिक्षा समितिका अध्यक्ष तथा वडा अध्यक्ष शिवकुमार कार्किको सभापतित्वमा कार्यक्रम भएको थियो । वडा नं. ३ धुस्कुनका ६ वटा विद्यालयको सम्पुर्ण शिक्षकहरु तथा विद्यालय व्यावस्थापन समितिको अध्यक्षहरुको उपस्थिति रहेको थियो । दुई द...

\सुख्खा मौसमको सुरुवातसँगै सिन्धुपाल्चोकका एक सय ९९ हेक्टर जङ्गल डढेलोका कारण नष्ट भएको छ । जिल्ला वन कार्यालयका अनुसार चौतारा साँगाचोकगढी नगरपालिका वडा नम्बर –५ को सोपडाडा सामुदायिक बनको ७ हेक्टर, वडा नम्बर –६ को सिता माहादेब सामुदायिक बनको ११ हेक्टर, वडा नम्बर –७ को सिद्धी गणेश सामुदायिक वनको २५ हेक्टर , वडा नम्बर –७ बाजबिसौना मुनि सामुदायिक बनको ३१ हेक्टर जङ्गल डढेलोले सखाप भएका छन् । त्यसैगरी चौतारा साँगाचोकगढी नगरपालिका –६ मा रहेको भिरकुना सामुदायिक बनमा ५ हेक्टर , पिपलडाँडा सामुदायिक वनमा २० हेक्टर , वडा नम्बर – १३ को श्रीछाप सामुदायिक बनको १७ हेक्टर जङ्गलमा डढेलो लागेको छ । जिल्लाकै सुनकोशी गाउँपालिका वडा नम्बर –३ मा रहेको उखुबारी झिंगेटार कल्लेरी सामुदायिक बनको १५ हेक्टर, वडा नम्बर – ६ को गोल्मे सामुदायिक बनको ३५ हेक्टर, वडा नम्बर –३ को थुम्कीपाखा सामुदायिक बनको ७ हेक्टर जङगल डढे...

सिन्धुपाल्चोक जिल्ला स्थित चौतारा साँगाचोकगढी नगरपालिका–१४ मा रहेको जनहित दुग्ध उत्पादक सहकारी संस्था लिमिटेडको २४ औ साधरण सभा सम्पन्न गरेको छ । साधरण सभामा वडा अध्यक्ष उद्धव नेपालको प्रमुख अतिथ्यतामा र सहकारी संस्थाका अध्यक्ष बद्री प्रसाद नेपालको सभापतित्वमा सम्पन्न भएको हो । कार्यक्रमको उद्घा टन गर्दै वडा अध्यक्ष उद्वब प्रसाद नेपालले डडुवालाई तरकारी पकेटक्षेत्र बनाउँन लागिएकोमा सबैले यस तर्फ सहयोग पुग्ने गरी कार्यक्रम गर्न अनुरोध गर्नुभयो । उहाँले दुग्ध उत्पादनमा समस्याहरु समाधान गर्दै नगरपालिकाले दुग्ध उत्पादाक कृषकलाई सुत्केरी प्रोत्साहन दिएको र दुधमा समेत अनुदान दिएकोले यसको सहीसदुपयोग गर्न समेत सबैलाई अनुरोध गर्नुभयो । वडामा रहेको जनहित दुग्ध उत्पादक सहकारी संस्थाले किसानहरुको छरिएर रहेको दूधलाई सङ्कलन गरेर एक मुष्ट बिक्री गरि कृषकलाई सहयोग गरिरहेकोमा बिशेष धन्यबाद दिनुभयो । कार्यक्...

मण्डन देउपुर नगरपालिका ६ सिपाघाटमा आयोजित रक्तदान कार्यक्रममा ५४ जनाले रक्तदान गरेका छन् । नेपाल भारत मैत्री संघ काभ्रे शाखा गठन तथा कार्यालय उद्घाटनको अवसरमा शनिबार नेपाल भारत मैत्री संघ काभ्रे शाखाको आयोजनामा इन्द्रावती सामुदायिक सेवा केन्द्र सिपाघाटमा बृहत् रक्तदान कार्यक्रममा गरेको हो । मण्डन देउपुर नगरपालिको उपप्रमुख बिष्णुमणी नेपाल, वडा नम्बर ६ का अध्यक्ष सोमप्रसाद ढकाल लगायत , स्थानीय , शिक्षक, कर्मचारी लगायत ५४ जनाले रक्तदान गरेको स्थानीय रमेश ढकालले जानकारी दिनुभयो । नेपाल भारत मैत्री संघका केन्द्रिय अध्यक्ष ओमप्रकाश सरावगीको उपस्थितिमा बिश्वराम श्रेष्ठको अध्यक्षतामा काभ्रे शाखा पनि गठन गरिएको छ । सचिवमा सुर्यप्रसाद ढकाल, कोषाध्यक्ष उत्तम लामा सहित ७ सदस्य समिती गठन गरिएको नेपाल भारत मैत्री संघका केन्द्रिय अध्यक्ष सरावगीले बताउनुभयो । सोही अवसरमा ६० जनाले संघको आजिवन सदस्यता लिनुभ...

सबै विज्ञापन एकद्वार प्रणालीमा लैजाने प्रयासमा छौं ः सञ्चारमन्त्री शर्माकाठमाडौं, वैशाख ८ –सञ्चार, सूचना तथा प्रविधि मन्त्री रेखा शर्माले सबै विज्ञापन एकद्वार प्रणालीमा लैजाने प्रयास भइरहेको बताउँनु भएको छ । नेपाल पत्रकार महासंघ प्रतिष्ठान प्रदेश समितिले मन्त्री शर्मालाई सिंहदरवारमा ज्ञापनपत्र बुझाउने क्रममा सरकारी विज्ञापनमा भएको चुहावट रोक्नेगरी सरकारले गृहकार्य अघि बढाएको बताउँनु भएको हो । सरकारी विज्ञापनमा देखिएको चुहावट र विचौलियापन रोक्न सकेमात्र नेपाली सञ्चार माध्य र सञ्चारकर्मीले भोग्दै आएको समस्या समाधान महत्वपूर्ण योगदान पुग्ने उहाँले बताउँनु भयो । सरकारी विज्ञापनमा ८० देखि ९० प्रतिशतसम्म डिस्काउन्ट र विचौलिएर पैसा लिने गरेको आफुले पाएको बताउँदै मन्त्रीले त्यसलाई मात्र रोक्न सकियो भने सञ्चारमाध्यमले अहिले भोग्दै आएको एक हदसम्मको आर्थिक समस्या समाधान हुनेछ । त्यसले श्रमजीवी पत्रका...

काठमाडौँ, ८ वैशाख (रासस) : सङ्घीय राजधानी काठमाडौँको आकाश पछिल्लो एक सातादेखि धुलोयुक्त बाक्लो तुवाँलोले ढाकेको छ । मौसममा आएको फेरबदलले काठमाडौँको अधिकतम तापक्रम वृद्धि भई ३३ डिग्री हाराहारी पुगेको छ । मौसम बदलीसँगै अधिकतम तापक्रम निरन्तर बढिरहेकाले काठमाडौँमा निकै गर्मी महसुस गरिएको छ । जल तथा मौसम विज्ञान विभागका अनुसार एक सातादेखि अधिकतम तापक्रम बढेर तराई क्षेत्रमा ४० देखि ४३ डिग्री हाराहारी पुगेको छ । आज सबैभन्दा बढी भैरहवाको अधिकतम तापक्रम ४२ दशमलव ३ डिग्रिसेल्सियस छ । नेपालगञ्ज र जनकपुरको तापक्रम ३९ डिग्रिसेल्सियस पुगेको छ ।ण् आज काठमाडौँको अधिकतम ३३ र न्यूनतम तापक्रम १६ डिग्री सेल्सियस छ । बिहीबार काठमाडौँको अधिकतम तापक्रम ३३ डिग्रीसेल्सियस र न्यूनतम तापक्रम १५ दशमलव ८ डिग्रिसेल्सियस रहेको थियो । काठमाडौँमा पछिल्लो एक सातादेखि अधिकतम तापक्रम ३० देखि ३३ पुगेको छ । तापक्रम बढेकाले तर...