Author: लोकप्रिय समाचार

काठमाडौँ, ८ जेठ: हाल देशमा स्थानीय र पश्चिमी वायुका साथै विहार आसपास रहेको न्यूनचापीय प्रणालीको आंशिक प्रभाव रहेको जल तथा मौसम विज्ञान विभागले जनाएको छ । देशका पहाडी भागमा आंशिकदेखि साधारणतया बदली रही बाँकी भेगमा मुख्यतया मौसम सफा र रहेको छभने कोशी ,मधेस र लुम्बिनी प्रदेशका केही स्थानमा मेघगर्जन, चट्याङसहित हल्का वर्षा भइरहेको छ । विभागका अनुसार आज दिउँसो देशभर आंशिकदेखि साधारणतया बदली रहने छ । कोशी र लुम्बिनी प्रदेशलगायत देशका पहाडी भागका केही स्थानमा मेघगर्जन, चट्याङ र हुरीबताससहित हल्कादेखि मध्यम वर्षाको सम्भावना छ । साथै उच्च पहाडी तथा हिमाली भागका केही स्थानमा हल्का हिउँ पर्नसक्नेछ । त्यसैगरी, आज राति देशका पहाडी भागमा आंशिकदेखि साधारणतया बदली हुने अन्य बाँकी क्षेत्रमा आंशिक बदली भई मुख्यतया मौसम सफा रहने छ । कोशी, कर्णाली र सुदुरपश्चिम प्रदेशका केही स्थान र बाँकी प्रदेशका पहाडी भागका...

सिन्धुपाल्चोक जिल्लाको चौतारा साँगाचोकगढी नगरपालिकाले नगर भित्रका स्वास्थ्य कर्मीहरुलाई ६ दिने आधारभुत तालिम दिएको छ । समुदायमा आधारित नवजात शिशु तथा बालरोग एकीकृत व्यवस्थापन सम्बन्धी स्वास्थकर्मीहरुका लागि गत जेठ ३ गते विहिबारदेखि तालिम दिइएको नगर स्वास्थ्य शाखा प्रमुख शिव पुरीले जानकारी दिनुभयो ।     उहाँका अनुसार जेष्ठ ३ गते नगर प्रमुख कृष्ण प्रसाद सापकोटाको अध्यक्षतामा उपप्रमुख सिता थापा, प्रमुख प्रशासकीय अधिकृत पोषण लामिछाने लगाएतको बिशेष उपस्थितीमा सुरु भएको तालिम ८ गते मगंलबार समापन हुने भएको छ । सहभागी स्वास्थ्यकर्मीहरुलाई प्रशिक्षण दिदै राष्ट्रिय प्रशिक्षक विर बहादुर बोहोराले ५ बर्ष मुनीका बालबालिकाहरुको मृत्युदर कम गर्न, स्वास्थ्य कर्मीहरुको ज्ञान र सिपलाई अध्यावधिक गर्न विरामी परेका बालवालिकाहरुलाई राष्ट्रिय निर्देशिका (परिमार्जित २०७८ं) बमोजिम उपचार र प्रेषण गर्नका लागि र पा...

गर्मीयाम सुरु भएसँगै सामुदायिक वनमा आगलागी हुने क्रम बढ्ने गरेको छ । वन डिभिजन कार्यालय सिन्धुपाल्चोकका डिभिजनल वन अधिकृत मदन कडेल वनडढेलो लागेपछी निभाउँनु भन्दा पनि लाग्नै नदिने उपायहरुको खोजी गरिरहेको छ ।यसको उपाय भनेको गाउँगाउँमा पत्कर सुकेका घाँसहरु सङ्कलन गर्नु पहिलो उपाय रहेको बताउनु हुन्छ । वन डढेलो लगाउनु अपराध भएकोले यस्ता अपराधीहरुको खोजी गरी कार्वाही गरिरहेको भएता पनि डढेलोको नियन्त्रण नभएकाले यो उपाय पनी प्रभावकारी हुने बताउँनु भएको छ ।उहाँले डढेलो नियन्त्रण तथा वन संरक्षणको लागी निजी तथा कबुलियती वन खोरिया फठानी तथा भु–संक्षणको दृष्ट्रीले संबेदनशील क्षेत्रलाई कृषी वनमा रुपान्तरण गरि उत्पादनमुलक काममा लगाउँन पर्ने, बिजुलीका हाइटेनसन लाइन मुनी साना साना होचारुख बिरुवाहरु, लगाउँने ब्यवस्था हुन सके पनी यस्ता वनहरुको व्यवस्थ ागर्न सकिने बताउँनु हुन्छ ।मुख्य कुरा भनेको सामुदायक वनहर...

बजारमा हल्ला फैलिए जस्तो ब्रोइलर कुखुराको रोग मानिसमा पनि लाग्न सक्ने तथ्यमा कुनै सत्यता नरहेको नेपाल भेटेरिनरी एशोसिएशनले स्पष्ट पारेको छ । एशोसिएशनका अध्यक्ष डा. रामकृष्ण खतिवडा र महासचिव डा. केदार सुवेदीले संयुक्त रूपमा जारी गरेको विज्ञप्तिमा सामाजिक सञ्जालमा ‘ब्रोइलर कुखुरामा लागेको रोग मानिसमा पनि देखापरेको छ’ भन्ने भनाइमा कुनै सत्यता नरहेको स्पष्ट पारिएको छ । केही व्यक्तिले वैज्ञानिक तथ्य र कारणबिना नै सामाजिक सञ्जालमा भ्रामक पोष्ट गरी जनमानसमा त्रास सिर्जना गरेको विज्ञप्तिमा उल्लेख छ । ‘बोइलर कुखुराको मासु सेवनबाट बजारमा हल्ला फैलिए जस्तो कुनै पनि रोग मानिसमा सर्दैन,’ विज्ञप्तिमा भनिएको छ । त्यस्ता नकारात्मक र गलत जानकारीमा विश्वास नगर्न पनि एनभिएले आग्रह गरेको छ । भ्रामक र अवैज्ञानिक जानकारीलाई सामाजिक सञ्जालमा सम्प्रेषण गर्ने काम तत्काल बन्द गर्न र गलत जानकारी प्रवाह गर्ने व्यक्...

काठमाण्डौं मिलन शाह–शंकरको उपन्यास कृति ‘कर्ना’ लोकार्पण गरिएको छ । काठमाडौंको बत्तीसपुतलीस्थित शिल्पी नाटकघरमा एक विशेष समारोहबीच प्राडा.इतिहासविद सुरेन्द्र केसीको प्रमुख आतिथ्यतामा उक्त कृति लोकार्पण गरिएको हो । प्रमुख अतिथि केसी वरिष्ठ पत्रकार एवं साहित्यकार प्रा.पुरुषोत्तम दाहाल, महाकाव्यकार खेमनाथ दाहाल, लेखककी आमा कमला शाह शंकर, साहित्यकार लेखनाथ पोख्रेल, वरिष्ठ संगीतकार राजु सिंह, रेडियो नेपालका बोर्ड सदस्य तथा गायक सीताराम पोख्रेल, कृतिका सम्पादक कृष्ण भुसाललगायतले कृतिको लोकार्पण गर्नुभएको थियो । सो अवरमा अनावरण प्रमुख अतिथि तथा अतिथिहरूबाट आमा कमला फाउण्डेशनको पनि अनावरण गरिएको थियो । यो फाउण्डेशन स्रष्टा शाह–शंकरले आफ्नी आमा कमलाका नाममा स्थापना गर्नुभएको हो । सो अवसरमा राजुसिंह, सीताराम पोख्रेल, प्रकाशचन्द्र परियार, राजेन्द्र रिमाल, कमला डिसी, दीपेन्द्रसिंह दर्नाल, जितबहादुर र...

काठमाडौँ, ६ जेठः उपप्रधान तथा गृहमन्त्री रवि लामिछानेले आरोप–प्रत्यारोपको शृङ्खला अन्त्य गरेर सहमतिका साथ अघि बढ्न आह्वान गर्नुभएको छ । प्रतिनिधिसभाको आजको बैठकमा आफ्ना भनाइ राख्नेक्रममा उहाँले सदनलाई मर्यादित रुपमा अगाडि बढाउन सबै दलहरु जिम्मेवार बन्नुपर्ने बताउनुभयो । “सदनलाई मर्यादित रुपमा अगाडि बढाऔँ । सदनमा झडपको अवस्था सिर्जना हुनु राम्रो होइन, देशलाई आशा र भरोसा जगाउन सबै जिम्मेवार बनौँ । हूलहुज्जत र बल मिचाइले सदन चन्दैन”, उहाँले भन्नुभयो । सहकारी संस्थाहरुको रकम अपचलन भएको विषयमा संसदीय छानबिन समिति गठन गर्दा व्यक्तिविशेषलाई केन्द्रित नगरी समग्र समस्या हल गर्नेगरी गरिनुपर्ने उहाँको भनाइ छ । प्रमुख प्रतिपक्षी दल नेपाली कांग्रेसले उपप्रधानमन्त्री लामिछानेलाई विभिन्न सहकारी संस्थाको रकम अपचलन गरेको आरोप लगाउँदै आएकामा लामिछानेले भने त्यसको प्रतिवाद गर्नुभयो । “सहकारीका विषयमा अदालतमा...

हिमालयन लघुवित्त वित्तीय संस्था लि. शाखा कार्यालय किउल सिन्धुपाल्चोकले बीमा दाबी भुक्तानी गरेको छ । सिन्धुपाल्चोक जिल्ला हेलम्बु गाउँपालिका वडा नं ०२ स्थित केन्द्र नं ००७ समूह नं १ मा रहनु भएको सदस्य पवित्रा कार्की घर्तीको श्रीमानको मृत्यु पश्यात सदस्यलाई बीमाको क्षतिपूर्ति रकम उपलब्ध गरेको छ । सदस्यले संस्थाबाट ५० हजार कर्जा लिएकोमा श्रीमानको मृत्यु पश्यात संस्थाको नियम अनुसार ५० हजार बीमा रकम र काजक्रिया खर्च बाफत कर्जाको २५% हुन आउने रकम १२ हजार पाँच सय जम्मा गरेर ६२ हजार पाँच सय रकम चेक मार्फत शाखा प्रमुख सक्षम घोरसैनीले उपलब्ध गराउनु भयो ।...

मेलम्चीमा सञ्चालित दुई दिने दलित हक र अधिकार सम्बन्धि अभिमुखिकरण कार्यक्रम आइतबार मेलम्चीमा सम्पन्न भएको छ । मेलम्ची नगरपालिकाको आर्थिक सहयोग र मेलम्ची नगरस्तरीय दलित साझा संजालको आयोजनामा कार्यक्रम गरिएको हो । समापन कार्यक्रममा मन्तव्य राख्नुहुँदै प्रमुख अतिथि मेलम्ची नगरपालिका उपप्रमुख उमा प्रधानले आर्थिक समृद्धि हुने प्रकृतिका कार्यक्रम अबको आबश्यकता रहेको बताउनुभयो । यस्ता कार्यक्रममा नगरपालिकाले सहयोग गर्ने बताउँदै भावि दिनमा महिलाका योजनाहरूलाई प्राथमिकतामा राख्ने र दलित समुदायका समस्या र आवश्यक योजना पूरा गर्नका लागि आफ्नो तहबाट पुर्ण रूपमा लाग्ने कुरा बताउनुभयो ।उहाँले कानुन बनेपनि यसको कार्यान्वयन हुन नसक्दा दलितका हक अधिकार प्राप्तिमा समस्या भएको बताउनुभयो । अभिमुखिकरण कार्यक्रमको सहजीकरण राजु विक र उमेश विश्वकर्माले गर्नुभएको थियो । दलित अधिकार, दलित सम्बन्धी कानुनी कुरा, नेतृ...

गण्डकी, ६ जेठ : पोखरा महानगरपालिका–१६ अर्मलाका महिलाहरू सामूहिक कृषितर्फ आकर्षित भएका छन् । प्रगति कृषि समूह गठन गरी जग्गा भाडामा लिएर महिलाहरू सामूहिक कृषिखेतीमा लागेका हुन । समूहकी अध्यक्ष चिनमाया सुवेदी श्रेष्ठले दुई रोपनी जग्गामा मौसमअनुसार आलु, मुला, केराउ, काँक्रोलगायतका नगदेबाली गर्दै आएका र वर्षाको समयमा सोही जग्गामा परीक्षणकारूपमा विभिन्न छ जातका धान रोप्ने तयारी भइरहेको बताउनुभयो । “स्यालघारी फाँटको जग्गामा यतिखेर लटरम्म काँक्रा फलेका छन् । फागुन महिनामा लगाएका भक्तपुरे जातको काँक्राका एक सय ३२ वटा बिरुवाले उत्पादन दिन सुरू गरेका छन् । वैशाखको अन्तिम सातादेखि उत्पादन सुरू भएको काँक्रा बिक्रीबाट रु १५ हजारभन्दा बढी आम्दानी गर्न सफल भएका छौँ”, अध्यक्ष सुवेदीले भन्नुभयो । हाल प्रतिकेजी ८० मा बारीबाटै काँक्रा बिक्री हुने गरेको छ । उहाँले समूहमा आवद्ध महिलाहरूले नै बारीबाट काँक्रा खरि...

रौतहट, ५ जेठः प्रेस काउन्सिल नेपालका अध्यक्ष बालकृष्ण बस्नेतले प्रकृतिको संरक्षण भएमात्र मानवजीवन सुरक्षित हुने धारणा राख्नुभएको छ ।तराई विकास तथा सञ्चार केन्द्र नेपालद्वारा आयोजित ‘जन्मदिनलाई सत्कर्ममा जोडौँ’ अभियानअन्तर्गत आज रौतहटको चन्द्रपुर नगरपालिका—९ चेतनगर, मरधर, सिन्धुरेघारीमा भएको वृक्षारोपण कार्यक्रममा अध्यक्ष बस्नेतले त्यस्तो धारणा राख्नुभएको हो । उहाँले जलवायु परिवर्तनका कारण नेपालमा गम्भीर असरले परिरहेकाले यसको न्यूनीकरणका लागि सञ्चारमाध्यमले पनि सचेतनावृद्धिमा प्रभावकारी भूमिका निर्वाह गर्नुपर्ने आवश्यकता औँल्याउनुभयो ।नेपाल पत्रकार महासङ्घका केन्द्रीय सचिव गोबिन्द चौलागाइले समाजमा रहेका प्रत्येक नागरिकले आफ्नो जन्मदिनमा कम्तिमा एउटा बिरुवा रोपेर पर्यावरण जोगाउन सकारात्मक सन्देश फैलाउनुपर्ने बताउनुभयो । उहाँले अभियानलाई देशका ७७ जिल्लाका सात सय ५३ स्थानीय तहमा पुर्याउन आवश्य...