समाचार

  नेपाल राष्ट्रिय शिक्षक सङ्गठन मेलम्ची नगर समितिको आयोजनामा विद्यालय तहमा कार्यक्रम शिक्षकहरुका निम्ति पेसागत जागरण र सिर्जनात्मक सोचको विकासको उद्देश्य सहित एक दिने शिक्षक उत्प्रेरणा तथा पेशागत अभिमुखिकरण मङ्गलबार मेलम्चीमा सम्पन्न भएको छ । लेखक, उत्प्रेरक तथा शैक्षिक व्यक्तित्व आचार्य लक्ष्मण भण्डारीले सहजीकरण गर्नुभएको उक्त अभिमुखिकरणमा करिब एक सय जना शिक्षकहरुको सहभागिता रहेको थियो । भण्डारीद्वारा प्रकाशित असल शिक्षक, असल अभिभावक, जीवनदर्शन लगायतका विभिन्न उपयोगी पुस्तकहरु निकै लोकप्रिय रहेका छन् । संगठनका बागमती प्रदेश समिति सदस्य शारदा प्रसाद सापकोटाको प्रमुख आतिथ्यता सम्पन्न उक्त कार्यक्रममा शिक्षण कौशल एवम् क्षमता विकासमा शिक्षकहरुले अपनाउनु पर्ने व्यवहारिक सीपका बारेमा प्रशिक्षित गरिएको थियो । नगर समितिका अध्यक्ष लेखनाथ भट्टराईको अध्यक्षता भएको कार्यक्रममा वडाध्यक्षहरु ...

काठमाडौँ, १५ जेठ : अर्थमन्त्री वर्षमान पुनले सङ्घीय संसद्को संयुक्त बैठकमा आज आगामी आर्थिक वर्ष २०८१÷८२ का लागि रु १८ खर्ब ६० अर्ब ३० करोडको बजेट प्रस्तुत गर्नुभयो । बजेटमा कूल विनियोजनमध्ये चालुतर्फ रु ११ खर्ब ४० अर्ब ६६ करोडअर्थात् ६१ दशमलव ३१ प्रतिशत, पुँजीगततर्फ रु तीन खर्ब ५२ अर्ब ३५ करोडअर्थात् १८ दशमलव ९४ प्रतिशत र वित्तीय व्यवस्थातर्फ रु तीन खर्ब ६७ अर्ब २८ करोडअर्थात् १९ दशमलव ७४ प्रतिशत रहेको छ । यो खर्च अनुमान चालु आवको विनियोजनको तुलनामा छ दशमलव दुई प्रतिशतले बढी र संशोधित अनुमानको तुलनामा २१ दशमलव ५६ प्रतिशतले बढी हो । बजेट हेर्न यँहा थिच्नुहोस Budget-2081.082 कूल विनियोजनमा प्रदेश र स्थानीय तहमा वित्तीय हस्तान्तरणतर्फ रु चार खर्ब आठ अर्ब ८७ करोड विनियोजन गरिएको छ । आगामी आवका लागि अनुमान गरिएको खर्च व्यहोर्ने स्रोतमध्ये राजस्वबाट रु १२ खर्ब ६० अर्ब ३० करोड र वैदेशिक अनुदानबाट...

 सिन्धुपाल्चोकको लेखापढी कानुन ब्यवसायिहरूको क्षमता अभिवृद्धि गर्ने उदेश्यले अभिमुखीकरण कार्यक्रम गरिएको छ । नेपाल लेखापढी कानुन ब्यवसायी एसोसियसन जिल्ला कार्यसमितिको आयोजना र नेपाल बार एसोसियसन सिन्धुपाल्चोकको समन्वयमा भएको कार्यक्रममा ३५ जनाको सहभागिता रहेको थियो । जिल्ला बारका अध्यक्ष भुपेन्द्र बहादुर थिङले सहजिकरण गर्नुभएको कार्यक्रमको सभापतित्व लेखापढी कानुन ब्यवसायीको जिल्ला अध्यक्ष दिपककुमार श्रेष्ठले गर्नुभएको थियो । अधिवक्ता प्रेमकुमार श्रेष्ठले सञ्चालन गर्नुभएको कार्यक्रमको औचित्यवारे कार्यसमिति सदस्य माधवप्रसाद ढकाललले प्रष्ट पार्नुभएको थियो । कार्यक्रममा लेखापढी कानुन ब्यवसायी एसोसियनका प्रदेश सदस्य ईन्द्रप्रसाद दुलाल, पुर्व जिल्ला अध्यक्ष रामप्रसाद गौतम लगायतको सहभागिता रहेको थियो ।...

सिन्धुपाल्चोक जिल्ला चौतारा साँगाचोकगढी नगरपालिका शिक्षा, युवा तथा खेलकुद शाखाद्वारा वनदेवी मा.वि. भुलभुलेमा आयोजना गरिएको नगर स्तरीय नृत्य प्रतियोगितामा इर्खु माध्यमिक बिद्यालय इर्खु प्रथम भएको छ । नगरभित्रको आधारभूत तह ४–८ कक्षाका बिद्यार्थीहरुबिच प्रतिस्पर्धा गराईएको थियो । यसरी गरिएको प्रतियोगितामा १३ वटा बपद्यालयको सहभागीता रहेको थियो । प्रतियोगितामा सेतीदेवी मा.वि. स्याउले द्दितिय, वनदेवी मा.वि. भुलभुले तृतीय र रामदेवी मा.वि. हर्रे र सेतीदेवी मा.वि., ठुलोसिरुवारीले सान्त्वना स्थान हासिल गरेको छ । प्रतियोगिताको मुल्यांकन सिन्धु कला मन्दिरको कलाकारहरु चन्द्र सिं घले, मिना थापा र निर्मल बस्नेततले गर्नुभएको थियो । प्रतियोगितामा प्रथम , दितीय, तृतीयलाई १५ हजार, १० हजार ५ हजार नगद प्रमाणपत्र बितरण गरिएको थियो । उनिहरुलाई नगरउपप्रमुख सीता थापा, सामाजिक बिकास शाखा संयोजक रामप्रसाद गौतम शि...

काठमाण्डौँ उद्योग, वाणिज्य तथा आपूर्तिमन्त्री दामोदर भण्डारीले त्रिपुरेश्वरस्थित उद्योग परिषरमा आज छड्के अनुगमन गर्नुभएको छ । मन्त्रालयका सचिव दिनेशकुमार घिमिरेसहित परिषर पग्नुभएका मन्त्री भण्डारीले उद्योग विभाग, कम्पनी रजिष्ट्रारको कार्यालय, विशेष आर्थिक क्षेत्र प्राधिकरण, गुणस्तर तथा नापतौल कार्यालय काठमाडौँलगायतका कार्यालयका प्रमुख तथा कर्मचारी र सेवाग्राहीसँग भेट तथा कुराकानी गर्नुभएको थियो । सो क्रममा मन्त्री भण्डारीले सेवाग्राहीको प्रतिक्रिया पनि लिनुभएको थियो । सेवाग्राहीले उक्त कार्यालयहरुबाट हुने सेवा प्रवाहका विषयमा उहाँ समक्ष गुनासा सुनाउनुका साथै सकारात्मक कामका विषयमा पनि जानकारी गराएका थिए । अनुगमनका क्रममा उद्योग विभागका महानिर्देशक यज्ञ कोइराला, कम्पनी रजिष्ट्रार दिपक पहाडी, विशेष आर्थिक क्षेत्र प्राधिकरणका प्रमुख तुलसी मरासनी, गुणस्तर तथा नापतौल कार्यालयका प्रमुख राकेश...

मेलम्ची नगरपालिकाको आर्थिक सहयोग तथा मेलम्ची नगर बाल संजालको समन्वयमा शनिवारबाट सुरु भएको उद्घोषण तथा नेतृत्व बिकास तालिम मेलम्चीमा सम्पन्न भएको छ । वाल संजालका पदाधिकारीहरुलाई उद्घोषण तथा नेतृत्व विकासका लागी आयोजना गरिएको तालिममा मेलम्ची नगरपालिका भित्रका १३ वटा वडाका बाल संजालका दुई जना पदाधिकारी र नगर बाल संजालका पदाधिकारी सदस्य गरी ४१ जनाको सहभागीता रहेको थियो । तालिमको समापन गर्दै मेलम्ची नगरपालिकाका प्रमुख आइतमान तामाङले सिकेका कुराहरुलाई जोस जाँगरका साथ आगामी दिनमा विद्यालय,वडा,नगरपालिका लगायतका विभिन्न कार्यक्रमहरुमा उद्घोषण तथा मन्तव्य राख्ने बानीको विकास गर्न आग्रह गर्नुभयो । उहाँले बालबालिकाको क्षमता तथा नेतृत्व विकासका लागी नगरपालिकाले विभिन्न सिर्जनात्मक कार्यक्रमहरु गरिरहेको उल्लेख गर्दै समाज परिवर्तनको संवाहकको रुपमा काम गर्न सुझाउनुभयो । कार्यक्रममा उपप्रमुख उमा प्रधानले ...

सिन्धुपाल्चोक जिल्लाको सदरमुकाम समेत रहेका चौतारा साँगाचोकगढी नगरपालिकालाई अनिवार्य तथा निःशुल्क शिक्षा नगर घोषणा गरिएको छ । आईतबार बागमति प्रदेश, सामाजिक विकास मन्त्रालय, शिक्षा विकास निर्देशनालयका महानिर्देशक दीपेन्द्र सुवेदीको प्रमुख आथिथ्यतामा चौतारा साँगाचोकगढी नगरपालिकालाई अनिवार्य तथा निःशुल्क शिक्षा नगरपालिका घोषणा गर्नुभएको हो । यससँगै चौतारा साँगाचोकगढी नगरपालिका औपचारिकरुपमा अनिवार्य तथा निःशुल्क शिक्षा कार्यान्वयन घोषणा गर्ने सिन्धुपाल्चोकको पहिलो स्थानीय तह भएको छ । यसअघि बागमती प्रदेश सरकार शिक्षा विकास निर्देशनालय हेटौडाको ४५ लाख बजेटको योजनामा चौतारा साँगाचोकगढी नगरपालिकाले अनिवार्य तथा निःशुल्क शिक्षा अभियान चलाइएको थियो । सो अभियान अन्तरगत अभिभावक शिक्षा, बालग्राम देखि १० ओटा ई कक्षा ब्यवस्थापन, तथ्याङ्क संकलन लगायतको कार्य गरीएको नगर शिक्षा शाखाले प्रमुख बसन्त राज जोशीले...

पोलियोविरुद्ध ‘आइपिभी’ खोप अभियान सतहत्तर वटै जिल्लामा खोप अभियान प्रारम्भ भएको छ । अभियानअन्तर्गत १४ लाख ६२ हजार सात सय १२ बालबालिकालाई खोप लगाइने छ । “सतहत्तर वटै जिल्लामा खोप अभियान प्रारम्भ भएको छ, नियमित खोप कार्यक्रम सञ्चालन भएका खोप केन्द्रमा पनि ‘आइपिभी’ को व्यवस्था गरेका छौँ”, अभियान सुरु भएको जानकारी दिँदै केन्द्रीय खोप अभियानका प्रमुख अभियान गौतमले भन्नुभयो । यही जेठ २६ गतेसम्म सञ्चालन हुने खोप अभियानमा २०७३ देखि २०७५ सम्म नियमित पोलियो खोप लगाउन छुटेका बालबालिकालाई समेटिने उहाँले बताउनुभयो । वि.सं २०७१ देखि नेपालमा खोप लगाउन सुरु गरिए पनि २०७३ देखि २०७५ सालसम्म विश्वभर आइपिभी खोपको अभाव हुँदा देशभरका बालबालिका खोपबाट वञ्चित भएकाले अभियान सञ्चालन गरिएको उहाँले जानकारी दिनुभयो । नियमित खोप सञ्चालनका क्रममा बालबालिकालाई जन्मिएको दिनदेखि १५ महिनाभित्र सातपटक १३ वटा रोगबाट बच्ने खो...

काभ्रेपलाञ्चोक अरनिको राजमार्गअन्तर्गत काभ्रेपलाञ्चोकको साँगादेखि धुलिखेलसम्मको सडक विस्तारले तीव्रता पाएको छ । तीन वर्षमा सम्पन्न गर्ने गरी सूर्यविनायक(साँगा र साँगा(धुलिखेल सडक विस्तार गर्न छुट्टाछुट्टै दुई वटा ठेक्का लागेको थियो । सोही ठेक्का अनुसार विसं २०७९ फागुन १६ गतेदेखि साँगाबाट सडक विस्तार सुरु भएको हो । सूर्यविनायक(धुलिखेल, धुलिखेल(सिन्धुली(बर्दिवास सडक आयोजना कार्यालयका अनुसार उक्त राजमार्ग निर्माणको २५ वर्षपछि सूर्यविनायक(धुलिखेल सडकखण्ड चार लेनमा विस्तार गर्न लागिएको हो । आयोजना प्रमुख राजेन्द्रप्रसाद दासका अनुसार सडक विस्तार तीव्र रुपमा भइरहेको छ । प्रारम्भिक चरणमा सूर्यविनायकदेखि धुलिखेलसम्म सडक छेउमा पर्खाल निर्माण भइरहेको छ । उहाँले सडक विस्तार अन्तर्गत बनेपा बजार क्षेत्रमा सडक चौडा बनाउन काम सुरु गरिएको जानकारी दिनुभयो । यसअघि धुलिखेलदेखि बनेपा तथा साँगादेखि बनेपा...