Author: लोकप्रिय समाचार

तामाङ समुदायको नयाँ वर्ष सोनाम ल्होछारको अवसरमा सिन्धुपाल्चोकको लिसंखुपाखर गाउँपालिकाले तीन दिन सार्वजनिक बिदा दिने निर्णय गरेको छ । माघ १५ गते सोमबार बसेको गाउँ कार्यपालिकाको बैठकले २८६०औँं (डुक ल्हो) सोनाम ल्होछारको अवसरमा गाउँपालिका कार्यालय र त्यसअन्तर्गतका सरकारी कार्यालयमा तीन दिन सार्वजनिक बिदा दिने निर्णय गरेको प्रमुख प्रशासकीय अधिकृत दिल कृष्ण श्रेष्ठले जानकारी दिनुभयो । सांस्कृति र पहिचानलाई विशेष रुपमा मनाउन माघ २६ गतेबाट २८ गतेसम्म बिदा दिएको गाउँपालिकाका अध्यक्ष राजु लामाले बताउनुभयो । उहाँका अनुसार पालिकाभरका सबै सरकारी कार्यालय, बैंक, वित्तीय संस्था, सार्वजनिक निकायलाई तीन दिन बिदा दिएको छ । तामाङ समुदायले पुरानो वर्षलाई विदाई गरेर नयाँ वर्षको स्वागत गर्दै ल्होछार पर्व मनाउने गर्दछन् ।  ...

सिन्धुपाल्चोक जिल्लाको जुगल गाउँपालिकामा ग्रामीण आँखा केन्द्र सञ्चालनमा आएको छ । द फ्रेड हलोज फाउन्डेशन अष्ट्रेलियाको सहयोग, नेपाल रेडक्रस सोसाइटी, सिन्धुपाल्चोकको समन्वय र तिलगंगा आँखा प्रतिष्ठानको सहकार्यमा सो केन्द्र सञ्चालनमा ल्याइएको हो । आइतबार गाउँपालिका अध्यक्ष रेशम स्याङ्बोले पालिकाको प्रशासनिक काम हुने चनौटेमा जुगल ग्रामीण आँखा केन्द्रको उद्घाटन गर्नुभएको छ । गाउँपालिका स्तरिय आँखा केन्द्रमा ८० प्रतिशत आँखा रोग को उपचार गर्न सकिने अध्यक्ष स्याङ्बोले बताउनुभयो । जिल्लाकै विकट मध्येको एक जुगलमा आँखा उपचार केन्द्र सञ्चालनमा आएपछि दुरदराजका आम नागरिकले सहज रुपमा आँखा उपचार पाउने विश्वास गरिएको छ ।...

राष्ट्रिय स्वतन्त्र पार्टी रास्वपाले मेलम्चीबाट दबाब यात्रा सुरु गरेको छ । आईतबार पार्टी सभापति रवि लामिछानेले २१ वटा गाग्री हस्तान्तरण गर्दै मेलम्ची खानेपानी आयोजनाको लागी दबाब यात्रा शुभारम्भ गर्नुभयो । घण्टी बजाएर कार्यक्रमको उद्घाटन गर्दै लामिछानेले यहाँका समस्या समाधानका लागी संसदमा ध्यानाकर्षण गराउने बताउनुभयो । उहाँले यो उपस्थिति नयाँ पुस्ताको उपस्थिति मात्र नभएर आउने पुस्ताको लागी मार्गनिर्देश गर्ने योजना सहितको उपस्थिति रहेको बताउनुभयो । जनतालाई सुख दिने र नेतालाई जिम्मेवारी बनाउने उदेश्यले कार्यक्रम आयोजना गरेको बताउदै सभापति लामिछानेले भनेर हैन गरेर देखाउने भएकाले आफैं यो अभियानमा होमिएको प्रष्ट पार्नुभयो । हिजोको रातो क्रान्तिमा रगत बग्यो अब निलो क्रान्ति हरुमा पसिना बगाउने अभियानको सुरुवात भएको उहाँले बताउनुभयो । जनताले दिएको शक्ति लिएर जनतालाई नै पेल्ने दमन गर्ने राजनीतिक सं...

सिन्धुपाल्चोकको बाह्रबिसे नगरपालिकामा निर्माणाधीन उच्च क्षमताको सबस्टेसन निर्माण अन्तिम चरणमा पुगेको छ । दुई महिनाभित्र पूरा गर्ने लक्ष्यसहित २२०÷१३२ केभी क्षमताको सबस्टेसन निर्माण सक्ने गरी काम अघि बढाइएको नेपाल विद्युत् प्राधिकरणले जनाएको छ । प्राधिकरणका अनुसार सबस्टेसनमा राखिने २२०÷१३२ केभी, १६० एमभीए र १३२÷११ केभी, ५ एमभीएका पावर ट्रान्सफर्मरहरु जडान भइसकेका छन् । ग्यास इन्सुलेटेड प्रणाली (जिआइएस) प्रविधिमा आधारित सबस्टेसनका उपकरणहरु जडान अन्तिम चरणमा छ । नियन्त्रण कक्षमा रहने सम्पूर्ण उपकरणहरु निर्माणस्थलमा आपूर्ति भइसकेका छन् । “उपकरणहरुको जडान धमाधम भइरहेको छ । २२०÷१३२ केभी सबस्टेसन निर्माणको समग्र प्रगति करिब ९५ प्रतिशत छ । बाह्रबिसेमै चार सय केभीको अर्को सबस्टेसन पनि निर्माणाधीन छ”, प्राधिकरणका कार्यकारी निर्देशक कुलमान घिसिङले भन्नुभयो । विद्युत प्राधिकरणको सहायक कम्पनी चिलिमे ज...

सिन्धुपाल्चोक जिल्ला चौतारा साँगाचोकगढी नगरपालिका वडा नं. ९ स्थिर मुलखर्कमा मुलखर्क तामाङ समाजले एक सांस्कृतिक कार्यक्रमको आयोजना सम्पन्न गरेको छ । तामाङ समुदायको नयाँ वर्ष अर्थात् सोनाम ल्होसारको अवसरमा सिन्धुपाल्चोक चौतारा साँगाचोकगढी नगरपालिका–९ मुलखर्कमा शुभकामना आदानप्रदान तथा बृहत सांस्कृतिक कार्यक्रम भएको हो । नगर प्रमुख कृष्ण प्रसाद सापकोटाको प्रमुख अतिथ्यतामा र पुर्ब नगरप्रमुख अमानसिंह तामाङ, वडा नं ९ का वडा अध्यक्ष बिमल श्रेष्ठ वडा नं. ७ का वडाअध्यक्ष डम्बर बहादुर तामाङ, वडा नं. १० का वडाअध्यक्ष निल बहादुर तामाङ लगायतको अतिथ्यतामा भएको कार्यक्रममा राष्ट्रिय तथा स्थानीय कलाकारहरु स्थानीय नागरिकको कलाहरु प्रस्तुती गरिएको थियो । मुलखर्क तामाङ समाजका अध्यक्ष पञ्चबहादुर तामाङको अध्यक्षतामा भएको कार्यक्रममा स्वागत मन्तव्य समाजका कोषाध्यक्ष भिम बहादुर तामाङले राख्नु भएको थियो भने कार...

नेपाल सरकार पूर्व उपप्रधानमन्त्री एवं उर्जामन्त्री तथा राष्ट्रिय प्रजातन्त्र पार्टी (राप्रपा) का अध्यक्ष राजेन्द्र लिङदेनले राष्ट्रिय प्रजातन्त्र पार्टी निकट युवा संगठन नै देशको वैकल्पिक शक्ति भएको बताउनुभएको छ । शनिबार राष्ट्रिय प्रजातान्त्रिक युवा संगठन सिन्धुपाल्चोक जिल्ला अधिवेशनको उद्धघाटन गर्दै उहाँले यस्तो बताउनुभएको हो । कार्यक्रमलाई सम्बोधन गर्दै देशको नेतृत्व गर्ने असल नेतृत्व नहुँदा देश र जनताले दुःख पाएको बताउनुभयो । उहाँले राष्ट्रबादी शक्ति राप्रपा भएकाले अवको युवाहरुले राप्रपाको नेतृत्वलाई विश्वास गर्न आग्रह समेत गर्नुभयो । उहाँले स्थानीय चुनावमा आफ्ना पार्टीका जनप्रतिनिधिहरुलाई भ्रष्ट्राचार गर्नु आमाको रगत खानु सरह हो भनि कसम खुवाउन एजेण्डा बोकेर अघि बढ्नुभएको थियो । कार्यक्रममा केन्द्रिय सदस्य दईन्द्र बहादुर ठकुरीले पाटी भित्र कुनै बिबाद नभएको पाटीमा लागेर बिभिन्न समयमा असन...

पेनाल्टी सुटआउटमा गोलरक्षक सन्देश दंगाल नायक बनेपछि ज्ञानमन्दिर नमुना माविले दोस्रो चौतारा स्पोर्टिङ क्लव नगरस्तरीय ७ए साइड फुटबल प्रतियोगिताको उपाधि जितेको छ । शनिबार चौतारास्थित मिनिरंगशालामा सम्पन्न फाइनल खेलमा ज्ञानमन्दिरले सेतीदेवी मावि स्याउलेलाई पेनाल्टी सुटआउटमा २–० गोलले पराजित गर्दै ज्ञानमन्दिरल उपाधि जितेको हो । उपाधिसँगै बिजेता ज्ञानमन्दिरले नगद ३० हजार रुपैयाँ पुरस्कार पायो भने उपबिजेता बनेको सेतीदेवीले नगद २० हजार रुपैयाँमा चित्त बुझायो । यसअघि निर्धारित समयको खेल २–२ को बराबरीमा सकिएको थियो । रोमाञ्चक तथा प्रतिस्पर्धात्मक फाइनलमा सुरुवाती अग्रता भने ज्ञानमन्दिरले लिएको थियो । आत्मघाती गोल खाएपछि पुनः मेलचौरले लिएको अग्रता खेलको अन्तिम समयमा गोल फर्काउँदै सेतीदेवीले बराबरीमा पु¥याएको थियो । पेनाल्टी सुटआउटमा ज्ञानमन्दिरका गोलरक्षक सन्देश दंगाल हिरो बने । उनले सेतीदेवीका द...

  कुमार बस्नेत (अधिराज) नेपालमा पहिलो पटक सिन्धुपाल्चोकको यमुनाडाँडा स्वास्थ्य चौकीका फिजियो थेरापी सेवा सुरु भएको छ । सुनकोसी गाउँपालिका वडा नम्बर ४ मा निर्माण गरिएको नवनिर्मित स्वास्थ्य चौकीको शनिवार उद्घाटन गर्दै स्वास्थ्य तथा जनसंख्या मन्त्री मोहनबहादुर बस्नेतले फिजियो थेरापी सेवा सुभारम्भ गर्नु भएको हो । मन्त्री बस्नेतले सो अवसरमा फिजियो थेरापीका सामग्री हस्तान्तरण गर्नु भएको हो । देशभरिका स्वास्थ्य चौकीमध्ये यमुनाडाँडामा सुरु भएको फिजियो थेरापी सेवा संभवतः पहिलो हो । कार्यक्रममा बोल्दै स्वास्थ्य मन्त्री बस्नेतले नव निर्मित स्वास्थ्य चौकीमा थप सेवा सुरु हुनु खुशीको कुरा भएको बताउँदै बिकास निर्माणका काममा आफू सधै क्रियाशिल रहने बताउनु भयो । स्वास्थ्य चौकीमा तला थपेर स्वास्थ्यकर्मीको क्वाटर बनाएर सहज सेवा उपलब्ध गराउन स्वास्थ्य मन्त्रालयले थप ३८ लाख रुपैयाँ बिनियोजन गरेको बताउदै यहा...

 सिन्धुपाल्चोक जिल्लाको चौतारा साँगाचोकगढी नगरपालिका–७ सानोसिरुवारी स्थित सिद्धिगणेश माध्यमिक विद्यालयले बिभिन्न सहयोगीहरुलाई सम्मान गर्दै आफ्नो ६२औं वार्षिकोत्सब मनाएको छ । बागमती प्रदेश भौतिक पुर्वाधार विकास मन्त्री युवराज दुलालको प्रमुख आतिथ्यतामा र चौतारा साँगाचोकगढी नगरपालिका नगर उपप्रमुख सिता थापाको बिशेष अतिथ्यतामा समारोह सम्पन्न भएको हो । एक लाख २० हजारको अक्षयकोष स्थापना गर्नु भएका रमेश धिताल लगायत सहयोगीहरु तथा बिद्यालयका उत्कृष्ट शिक्षक, शिक्षीका, बिद्यार्थीहरुलाई समेत सम्मान गरिएको थियो । जिल्लाकै पहिलो चाटर्ड एकाउण्टेन्टको रुपमा परिचित धितालले यसअघि पनि जिल्लामा हुने गरेका विभिन्न कार्यक्रमहरुमा आर्थिक सहयोग उपलव्ध गराउदै आउँनु भएको छ । कार्यक्रमको उद्धघाटन गर्दै मन्त्री दुलालले क ख नपढेका हाम्रा अभिभावकले कुटो कोदालो गरेर हामीलाई पढाएका तर हामी शिक्षीतले पढाएका बालबालिका प्र...

सिन्धुपाल्चोक जिल्ला चौतारा साँगाचोकगढी नगरपालिका – १४ मा रहेको श्री डडुवा भवानी शंकर माध्यमिक बिद्यालयको पूर्व बिद्यार्थीहरुको भेलाले नकुल नेपाललाई अध्यक्ष बनाउँदै भुपु बिद्यार्थी समाज गठन गरेको छ । माघ १९ गते शुक्रबार भएको छलफलमा समाजको अध्यक्षमा नकुल नेपाललाई चयन गरिएको छ भने उपाध्यक्षमा छन्द प्रसाद नेपाल, सचिबमा सरोज बोहरा सह–सचिबमा तोक बहादुर तामाङ, कोषाध्यक्षमा सुजन बस्नेत रहनु भएको छ । यसैगरी सदस्यहरुमा शुशिल रिसाल, रोशन नेपाल, मिरा श्रेष्ठ, शशि कुमार तामाङ, दुर्गा न्यौपाने नेपाल, पुर्ण कुमार तामाङ, हिरामान माझि, अर्जुन थापामगर, बिमल तामाङ, सुबास तामाङ, नारायण नेपाल, कृष्ण बहादुर श्रेष्ठ रहनु भएको छ । भने सल्लाहकार संयोजकमा लक्ष्मण नेपाल रहनु भएको छ । डडुवा भवानि शंकर माध्यमिक बिद्यालयको उपलब्ध भुपु बिद्यार्थिहरुको भेलाबसी भवानि शंकर भुपु बिद्यार्थि समाजको तदर्थ समिति निर्माण गरिएक...