Author: लोकप्रिय समाचार

चौतारा (सिन्धुपाल्चोक), ३० असार : सिन्धुपाल्चोकमा निर्माणाधीन ४० मेगावाटको भोटेकोसी–१ जलविद्युत् आयोजनाको डिसेन्डर स्ल्याबको ढलान भत्किँदा थिचिएर मृत्यु भएका दुई कामदारका परिवारलाई प्रवद्र्धक कम्पनीले आर्थिक सहायता प्रदान गर्ने भएको छ । भोटेकोशी गाउँपालिका–४ मा निर्माणाधीन आयोजनाको प्रवद्र्धक इलेक्ट्रोपावर कम्पनी लिमिटेडले मृतक कामदार बर्दियाको ठाकुरबाबा नगरपालिकाका रामजीन थारू र सुमन थारूका परिवारलाई प्रतिपरिवार रु ३० लाख आर्थिक सहयोग प्रदान गर्ने भएको हो । लेट्रो पावरका आयोजना प्रबन्धक उमेश पराजुलीका अनुसार आयोजना निर्माणको ठेक्का लिएका ‘सब–कन्ट्र्यक्टर’ कम्पनी बीएमआर कन्स्ट्रक्सन प्रालिका प्रतिनिधि र मृतक परिवारको तर्फबाट वडा अध्यक्षले आर्थिक सहायता दिने लिखित सम्झौतामा हस्ताक्षर गरेका छन् । सहायता रकम १५ दिनभित्र उपलब्ध गराउने सम्झौता भएको छ । मृतक दुवै कन्ट्र्याक्टर कम्पनीका तर्फबाट आ...

काठमाडौँ, २८ असारः अविरल वर्षाका कारण गत जेठ २८ गतेदेखि देशका विभिन्न स्थानमा बाढीपहिरोलगायत भएका विपद्का घटनामा एक सय तीन जनाको मृत्यु भएको छ । केन्द्रीय प्रहरी समाचारकक्षका अनुसार बाढी, पहिरोलगायत विपद्मा परी काठमाडौँ उपत्यकामा एक जना, कोशी प्रदेशमा १९ जना, मधेस प्रदेशमा पाँच जना, बागमती प्रदेशमा छ जना, गण्डकी प्रदेशमा ३८ जना, लुम्बिनी प्रदेशमा २३ जना, कर्णाली प्रदेशमा चार जना र सुदूरपश्चिम प्रदेशमा सात जना गरी एक सय तीन जनाको मृत्यु भएको हो । काठमाडौँ उपत्यकामा तीन जना, कोशी प्रदेशमा ३१ जना, मधेस प्रदेशमा ८ जना, बागमती प्रदेशमा चार जना, गण्डकी प्रदेशमा २८ जना, लुम्बिनी प्रदेशमा नौ जना, कर्णाली प्रदेशमा १५ जना र सुदूरपश्चिम प्रदेशमा ११ जना गरी एक सय नौ जना घाइते भएका छन् । कोशी प्रदेशमा ४१ र गण्डकी प्रदेशमा १२ जना गरी ५३ जनाको उद्धार गरिएको छ । बाढी पहिरोमा परी कोशी प्रदेशमा दुई जना, बाग...

ग्रामीण स्वास्थ्य र शिक्षा सेवा गुठी (रेष्ट), पैरवी समूह र अलम समूह सिन्धुपाल्चोकले मेलम्ची नगरपालिकाको बाहुनेपाटी र फटकशिला र इन्द्रावती गाउँपालिका वडा नं १२ को श्री भिमेश्वरी मा.वि. हाताभित्र वृक्षारोपण कार्यक्रम सम्पन्न गरेको छ। विद्यालय क्षेत्रलाई सुन्दर र हराभरा बनाउनको लागी वर्षे विदाको समयलाई सदुपयोग गर्दै श्री राजेश्वरी मा.वि र श्री भिमेश्वरी मा.वि. का छात्राहरु, रेष्ट पैरवी समूह, अलम समूह र रेष्ट जिल्ला कार्यालय सिन्धुपाल्चोकले संयुक्त आयोजनामा यस कार्यक्रम सम्पन्न गरेको हो। रेष्ट अल्मुनाई,अलम समूह रेष्टको बालीका शैक्षिक सहयोग कार्यक्रम अन्तर्गत कक्षा १० पास गरीसकेका छात्राहरुको संगठन हो भने समुदायस्तरमा बालविवाह, बालश्रम, मानवबेचबिखन जस्ता विषयमा सचेतना जगाउने, पैरवी गर्ने उद्देश्यले संगठित समूह रेष्ट पैरवी समूह हो। यी समूहहरुले रेष्टको कार्यक्षेत्र रहेका सिन्धुपाल्चोक जिल्ला भि...

दमौली (तनहुँ), २८ असार : तनहुँका विभिन्न ठाउँमा पहिरो जाँदा पृथ्वी राजमार्ग अवरुद्ध भएको छ । बिहीबार रातिदेखि परेको वर्षाका कारण आज बिहान विभिन्न ठाउँमा पहिरो खस्दा राजमार्ग अवरुद्ध भएको हो । तनहुँको बन्दीपुर गाउँपालिका–५ याम्पामा, व्यास नगरपालिका–१२ घाँसीकुवा, म्याग्दे गाउँपालिका–६ मौरीओडारमा आज बिहान पहिरो खस्दा राजमार्ग अवरुद्ध भएको छ । याम्यामा बिहान ४ बजे गएको पहिरो हटाइए पनि रुख ढलेर पुन ःराजमार्ग अवरुद्ध भएको छ । निर्माणाधीन मुग्लिन पोखरा सडक योजना (पूर्वी खण्ड) को निर्माण कम्पनीको सहयोगमा पहिरो पन्छाउने काम भइरहेको जिल्ला प्रहरी कार्यालय तनहुँले जनाएको छ । यस्तै बन्दीपुर गाउँपालिका–५ नयाँपुल नजिकसमेत पहिरोले सडक अवरुद्ध भएको छ । पहिरोका कारण व्यास –१२ कमलबारी नजिकसमेत बाटो अवरुद्ध भएको प्रहरी नायब उपरीक्षक दीपक रायले जानकारी दिनुभयो । यस्तै व्यास–१२ घाँसीकुवामा पहिरो खस्दा यो खण्डस...

चितवन, २८ असार : नारायणगढ–मुग्लिन सडकको सिमलतालमा लेदोसहितको पहिरोले दुईवटा बस बगाउँदा त्रिशूली नदीमा बेपत्ता भएका छन् । ती बसमा चालकसहित ६५ जना रहेका बताइएको छ । घटनास्थलमा पुग्नुभएका चितवनका प्रमुख जिल्ला अधिकारी इन्द्रदेव यादवका अनुसार आज बिहान ३ः३० बजे काठमाडौँबाट रौतहटको गौर जाँदै गरेको गणपति डिलक्स र वीरगञ्जबाट काठमाडौँ जाँदै गरेको एञ्जल लेखिएको बस पहिरोले बगाउँदा त्रिशूलीमा खसेका हुन् । प्रजिअ यादवका अनुसार गौर जाँदै गरेको बसमा ४१ र काठमाडौँ जाँदै गरेको बसमा २४ जना रहेका थिए । उहाँले भन्नुभयो, “हामी घटनास्थलमा छौँ । पानी परिरहेकाले छ । उद्धारको काम थालिएको छ । पहिरो पन्छाउन सुरु गरिएको छ ।” उहाँले ती बसमा रहेका यात्रुको यकिन विवरण प्राप्त भइ नसकेको बताउनुभयो । रासस...

मौसम पूर्वानुमान महाशाखाले सिन्धुपाल्चोक जिल्ला लगाएतका ४३ जिल्लामा मनसुनी वर्षाको उच्च जोखिम रहेका भन्दै सतर्क रहन भनेको छ । जल तथा मौसम विज्ञान विभागअन्तर्गतको मौसम पूर्वानुमान महाशाखाले मनसुन विशेष बुलेटिन जारी गर्दै कर्णाली र सुदूरपश्चिम प्रदेशबाहेक अन्य प्रदेशका अधिकांश जिल्लामा विपद प्रतिकार्यका गतिविधि तत्काल गर्नुपर्ने चेतावनी दिएको हो । आज राति कोशी, बागमती र गण्डकी प्रदेशका थोरै स्थानसहित मधेश, लुम्बिनी र सुदूरपश्चिमका १ र २ स्थानमा मुसलधारे वर्षा हुने महाशाखाको बुलेटिनमा उल्लेख छ । काठमाडौँ उपत्यका र अन्य २३ जिल्लामा मध्यम जोखिम रहेको मौसम पूर्वानुमान महाशाखाले जनाएको छ । आगामी ३ दिन, बाढी, पहिरो, डुबान तथा नदीमा पानीको सतह बढ्ने जोखिम रहेको भन्दै महाशाखाले आवश्यक पूर्वतयारी गर्न आह्वान गरेको छ । मनसुनी न्यूनचापीय रेखा हिजो रातिबाट अझै नेपालतिर सर्ने सम्भावना रहेको र आजदेखि नेप...

नारायणगढ मुग्लिन सडकको सिमलतालमा शुक्रबार बिहान साढे तीन बजे तिर पहिरोमा परेर दुईवटा यात्रुवाहक बस बगेको चितवन जिल्ला प्रहरी कार्यालयले जनाएको छ । त्यसैगरी सोही सडक खण्डको १७ किलोमा अर्को यात्रुबसमा पहिरोबाट झरेको ढुंगाले लागेर चालकको निधन भएको पनि प्रहरीले जनाएको छ । सिमलतालमा दुईवटा बस पहिरोमा बगेको भन्ने जानकारी आएपनि एउटा बसको केहि भाग मात्र देखिएको चितवन जिल्ला प्रहरी कार्यालयका प्रवक्ता डीएसपी भेषराज रिजालले बताउँनु भएको समाचार प्राप्त भएको छ । । हामिलाई प्राप्त समाचार अनुसार काठमाडौंबाट गौर जाँदै गरेको गणपति डिलक्स र बिरगञ्जबाट काठमाण्डौ आउँदै गरेको एन्जल बस भएको बसबाट हाम फालेका ३ यात्रुले बताएपछी बसको पहिचान भएको छ । चितवनका प्रमुख जिल्ला अधिकारीका इन्द्रदेव यादवका अनुसार सिमलतालमा बगेका दुई बसमध्ये वीरगन्जबाट काठमाडौँ गइरहेको एन्जल बसमा २४ जना र काठमाडौंबाट गौर आइरहेको गणपति डिल...

जिल्ला अदालत सिन्धुपाल्चोकले आर्थिक वर्ष २०८०/०८१ मा ६ सय ८३ वटा मुद्धा फछ्यौट गरेको छ । एक आर्थिक वर्ष विभिन्न प्रकृतिका ६ सय ८३ वटा मुद्धा फछ्यौट गर्ने लक्ष्य लिएको जिल्ला अदालतले सम्बन्ध विच्छेद मुद्धातर्फ ३९९ वटा, बालबालिकातर्फ ३ वटा, थुनुवातर्फ २४ र फैसला कार्यन्वयन सम्बन्धि १ सय ५० वटा मुद्धा फछ्यौट गरेको जानकारी दिनुभएको छ । बिहिबार पत्रकारसँगको अन्तरक्रिया कार्यक्रममा जिल्ला अदालत सिन्धुपाल्चोकका माननीय जिल्ला न्यायधिस भगवती शर्मा ढुङ्गानाले विभिन्न मुद्धाका १ वर्ष भित्रको २ सय ५९ वटा, १ वर्षदेखी १८ महिनाभित्रको १३ वटा, १८ महिना नाघेको १ वटा मुद्धा गरी २ सय ६३ वटा मुद्धा फछ्यौट हुन बाँकी रहेको जानकारी दिनुभयो । उहाँका अनुसार सो आर्थिक वर्षमा ७१.६७ प्रतिशत मुद्धा फछ्यौट भएको छ । अदालतमा धेरैजसो सम्बन्धविच्छेदका मुद्दा पर्ने गरेको न्यायधिस ढुङ्गानाले बताउनुभयो । त्यसमा पनि अधिकांश मह...

जनस्वास्थ्य कार्यालय सिन्धुपाल्चोकको आयोजनामा बिश्व जनसंख्या दिबस मनाइएको छ । जिल्ला समन्वय समितिको हलमा मनाइएको कार्यक्रममा जिल्ला स्थित सुरक्षा निकायहरु सरकारी तथा गैर सरकारी संघ संस्थाहरको सहभागिता रहेको थियो । जिल्ला समन्वय समितीका प्रमुख बालकृष्ण श्रेष्ठको प्रमुख अतिथ्यतामा र बागमति प्रदेश स्वास्थ्य निर्देशनालयका निर्देशक दिपक तिवारीको सभापतित्वमा कार्यक्रम सम्पन्न भएको हो । कार्यक्रममा प्रमुख अतिथिको आसनबाट बोल्दै जिल्ला समन्वय प्रमुख बालकृष्ण श्रेष्ठले प्रत्येक बिकासको सुचाङ्कमा समावेशीतालाई अंगालेर जनसंख्याको आधारमा काम गर्न सकेमात्र सार्थक हुने बताउँनु भयो । कार्यक्रममा सहायक प्रमुख जिल्ला अधिकारी जीत बहादुर भण्डारीले कुनै पनि राष्ट्रको जनसंख्या कति आवश्यक, पारिवारिक, आर्थिक अवस्था कस्तो रहने भन्ने कुराले विशेष महत्व लिने बताउँनु हुँदै वर्तमान अवस्था चुनौतिपूर्ण रहेको भन्दै जनसंख...

यौन तथा प्रजनन स्वास्थ्य अत्यन्तै गम्भिर बिषय भएको जिल्ला सम्मन्वय प्रमुख बालकृष्ण श्रेष्ठले बताउँनु भएको छ । सिन्धुपाल्चोक जिल्ला स्वास्थ्य कार्यालयले बुधबार यौन तथा प्रजनन स्वास्थ्य सम्बन्धी गरेको अन्तरक्रिया कार्यक्रममा यस्तो बताउँनु भएको हो । जनस्वास्थ्य कार्यालय सिन्धुपाल्चोकको आयोजनामा स्थानिय तहका उपाध्यक्ष, विद्यालय शिक्षक, विद्यार्थी लगायत सरोकारवालासँग गरिएको अन्तरक्रिया कार्यक्रममा बोल्दै श्रेष्ठले स्वास्थ्य शिक्षा अन्र्तगत यौन र प्रजनन स्वास्थ्य सम्बन्धि अहिले पनि बिद्यालय र समुदाय स्तरमा खुलेर बहस हुने गरेको पाइदैन, यसलाई लुकाएर लजाएर राखिने गरेको छ । यसकारण स्वास्थ्यमा गम्भीर समस्या आइपरेको छ । छात्रछात्रा दुबैमा यौन तथा प्रजनन स्वास्थ्यका बारेमा जानकारी आबश्यक छ । यसका लागि स्थानीय तहका सरकारबाटै सबैलाई जानकारी गराउँन पर्ने आबश्यकता भएको बताउँनु भयो । जिल्ला भित्रका गाउँपा...