Author: लोकप्रिय समाचार

काठमाडौँ उपत्यका खानेपानी लिमिटेड, आयोजना कार्यान्वयन निर्देशनालय (पिआईडी) ले काठमाडौँको बालाजु र नागार्जुन नगरपालिकामा मेलम्चीको पानी बितरणका लागि प्रक्रिया सुरु गरेको छ । खानेपानीमन्त्री प्रदीप यादवको निर्देशन पश्चात आयोजना कार्यान्वयन निर्देशनालय (पिआईडी) ले काठमाडौँ महानगरपालिका–१६ अन्तरगत बालाजु, बसपार्क, चापाकोट, च्याङली, लाजिमपाट, बेलकोटे, शिवपुरी, खोकन तथा नागार्जुन नगरपालिका अन्तरगतको वडा नं १ र २ का कागेश्वरी मनोहरा, नागार्जुन वन, वृन्दावन महादेव लगायतका क्षेत्रमा मेलम्चीको पानी बितरणका लागि प्रक्रिया सुरु गरेको हो । काठमाडौँ उपत्यकामा पानीको आपूर्तिमा थप सुधार गर्नु र नागरिकलाई सफा र प्रशोधन गरिएको पानी उपलब्ध गराउने उदेश्यले बालाजु र नागार्जुन नगरपालिकामा मेलम्चीको पानी बितरणका लागि प्रक्रिया सुरु गरिएको आयोजना कार्यान्वयन निर्देशनालय (पिआईडी) का प्रमुख टिकाबहादुर चौधरीले ज...

मेलम्ची नगरपालिकाले सडक आश्रित बालबालिकाको पुनःस्थापनामा उल्लेखनीय सफलता हासिल गर्दै, आफ्नो क्षेत्रलाई सडक बालबालिका मुक्त स्थानीय तहको रूपमा घोषणा गरेको छ । यो उपलब्धि सामाजिक विकास मन्त्रालय, बागमती प्रदेशको निर्देशनअनुसार बैशाख ५ गते प्राप्त पत्रको आधारमा नगरपालिकाले बैशाख १० गते सबै वडाहरूमा पत्राचार गरी सडक आश्रित बालबालिकाको खोज तथा पुनःस्थापनाको व्यवस्थापन गरेपछि सम्भव भएको हो । वडास्तरीय छलफलहरू मार्फत नगरपालिकाले आफ्नो क्षेत्रमा कुनै पनि सडक आश्रित बालबालिका नरहेको निष्कर्ष निकालेको छ । यस निष्कर्षलाई नगर कार्यपालिकाको बैठकले पनि पुष्टि गरेको छ । प्रमुख प्रशासकीय अधिकृत निमेष मिश्रद्वारा हस्ताक्षरित पत्रमा मेलम्ची नगरपालिकाले बागमती प्रदेश सरकार अन्तर्गतको सामाजिक विकास मन्त्रालय, जिल्ला समन्वय समिति सिन्धुपाल्चोक, नेपाल नगरपालिका संघ, र गाउँपालिका राष्ट्रिय महासंघलाई समेत सडक आ...

चौतारा साँगाचोकगढी नगरपालिकाले निम्न वर्गीय परिवारहरूलाई लक्षित गर्दै निःशुल्क स्वास्थ्य बीमा कार्यक्रम सुरु गरेको छ । यस योजनाले जनयुद्ध र जनआन्दोलनका सहिद, बेपत्ता तथा घाइतेका परिवारहरूलाई प्राथमिकतामा राखेको छ । दोस्रो प्राथमिकतामा दीर्घरोगी, अपांगता भएका व्यक्ति र महिला स्वास्थ्य स्वयंसेविका छन्। तेस्रो प्राथमिकतामा दलित, सीमान्तकृत समुदाय, ६० वर्षमाथिका ज्येष्ठ नागरिक र नगरभित्रका खेलाडीहरू समावेश छन् । १६औँ नगरसभाबाट पारित नीति अनुसार, नगरपालिकाले प्रत्येक लाभग्राहीको तर्फबाट वार्षिक ३,५०० रुपैयाँ प्रिमियम तिरेको छ । यस योजनाअन्तर्गत, लाभग्राहीहरूले देशभरका अस्पतालहरूबाट वार्षिक एक लाख रुपैयाँसम्मको निःशुल्क उपचार सेवा प्राप्त गर्न सक्नेछन् । यो पहलले स्वास्थ्य सेवामा पहुँच नपाएका वर्गहरूलाई लक्षित गर्दै संविधानमा उल्लेखित “स्वास्थ्य सबैको अधिकार हो“ भन्ने मर्मलाई व्यवहारमा उतार्ने ...

काठमाडौँ  महालेखापरीक्षकको ६२औँ वार्षिक प्रतिवेदन २०८२ सार्वजनिक भएको छ । तीनवटै तहका सरकार र तिनको मातहतमा रहेका सार्वजनिक निकाय तथा सङ्गठित संस्थाको आर्थिक वर्ष २०८०/८१ को लेखापरीक्षणबाट देखिएको बेरूजुको स्थिति, लेखापरीक्षण प्रतिवेदनको कार्यान्वयन स्थिति तथा भविष्यमा गर्नुपर्ने सुधारलगायतका विषय समेटेर प्रतिवेदन सार्वजनिक गरिएको हो । महालेखापरीक्षक तोयम रायाले आजै उक्त प्रतिवेदन राष्ट्रपतिसमक्ष पेस गर्नुभएको थियो । महालेखापरीक्षकको ६२औँ प्रतिवेदनअनुसार सङ्घीय सरकारी कार्यालय, प्रदेश सरकारी कार्यालय, स्थानीय तह र संस्थातर्फ लेखापरीक्षणबाट औँल्याइएको अद्यावधिक बेरूजु रू सात खर्ब ३३ अर्ब १९ करोड नौ लाख बराबर छ । अद्यावधिक बेरूजु गत वर्षकोभन्दा ९ दशमलव ४५ प्रतिशतले बढेको छ । त्यस्तै, अतिरिक्त लेखापरीक्षण बक्यौता, राजस्व बक्यौता, शोधभर्ना लिनुपर्ने वैदेशिक अनुदान तथा ऋणको कारबाही गरी टुङ्ग...

सिन्धुपाल्चोक जिल्लामा सबैभन्दा कम बेरुजु इन्द्रावती गाउँपालिकामा रहेको छ । महालेखापरीक्षकको ६२औँ वार्षिक प्रतिवेदन अनुसार इन्द्रावतीमा कुल बजेटको १ दशमलव ४६ प्रतिशत अर्थात २ करोड ६३ लाखको बेरुजु रहेको छ । यस्तै नगरपालिकामध्ये मेलम्ची नगरपालिकामा कम रहेको छ । मेलम्ची नगरपालीकामा कुल बजेटको ४ दशमलव ८५ प्रतिशत अर्थात १६ करोड १७ लाख बेरुजु रहेको छ । चौतारा साँगाचोकगढी नगरपालिकाको कुल बजेटको ७ दशमलव ६७ प्रतिशत बेरुजु रहेको छ भनेबाह्रबिसे नगरपालिकाको कुल बजेटको ५ दशमलव ११ प्रतिशत बेरुजु रहेको छ । जुगल गाँउपालिकाको कुल बजेटको २ दशमलव ३५ प्रतिशत, त्रिपुरासुन्दरी गाउँपालिकामा कुल बजेटको २ दशमलव २४ प्रतिशत, पाँचपोखरी थाङ्पाल गाँउपालिकामा कुल बजेटको २ दशमलव ३० प्रतिशत, बलेफी गाँउपालिकामा कुल बजेटको ४ दशमलव ४४ प्रतिशत बेरुजु रहेको छ । यसैगरी भोटेकोशी गाँउपालिकामा कुल बजेटको १ दशमलव ७७ प्रतिशत, लिसं...

 कविता श्रेष्ठ कम्प्युटर एसोसिएसन नेपाल महासंघ (क्यान) सिन्धुपाल्चोकको आयोजनामा र बलेफी गाउँपालिकाको समन्वयमा विद्युतीय शासन प्रणाली तथा साइबर सुरक्षा सम्बन्धी अन्तरक्रिया कार्यक्रम सम्पन्न भएको छ । “सूचना र प्रविधिको अभियान, डिजिटल नेपाल निर्माण“ भन्ने मूल नाराका साथ आयोजित उक्त कार्यक्रममा स्थानीय सरकारी अधिकारी, सूचना प्रविधि विज्ञ, र समुदायका प्रतिनिधिहरूको सहभागिता रहेको थियो । क्यान सिन्धुपाल्चोकका महासचिव तथा अनुसन्धानकर्ता सुवास कुँवरले कार्यक्रमलाई सम्बोधन गर्दै विद्युतीय शासन प्रणाली र साइबर सुरक्षासम्बन्धी प्रस्तुति दिनुभयो । उहाँले सामाजिक सञ्जाल, विशेषतः फेसबुक ह्याकिङबाट बच्ने उपायहरू, पासवर्ड सुरक्षाको महत्व, र सरकारी तथा व्यक्तिगत इमेल सुरक्षामा ध्यान दिनुपर्ने विषयमा प्रकाश पार्नुभयो । साथै, सरकारी कार्यालयहरूमा आर्थिक कारोबारसम्बन्धी कुराकानी फेसबुक जस्ता सामाजिक सञ्ज...

दर्शन सुनार/लोकप्रिय राष्ट्रिय दैनिक “आपसी सहयोग सद्‍भाव र एकता, सामाजिक सेवामा हाम्रो प्रतिबद्धता” भन्ने मुल नाराका साथ कतारमा सनः २०१८ मा स्थापना भएको सामाजिक संस्था नवलपरासी सेवा समाज कतारले रक्तदान कार्यक्रम गर्ने भएको छ । नेपाली रक्तदाता संघ कतार र लुम्बिनी प्रदेश समन्वय परिषद कतारको समन्वयमा समाजले शुक्रबार हमद हस्पिटलको ब्लड डोनेसन सेन्टरमा बृहत् रक्तदान कार्यक्रमको आयोजना गर्न लागेको हो । “रक्तदान जिवनदान” जस्तो मानविय तथा परोपकारी कार्यमा सहभागी भई कतारमा स्थापित विभिन्न बैचारिक संगठन,प्रदेश परिषद,विभिन्न सामाजिक संघ संस्था,ब्यवसायी,समाजसेवी लगायत कतारबासी सम्पुर्ण नेपाली दाजु भाई तथा दिदीबहिनीहरुलाई रक्तदान गरिदिन समाजका अध्यक्ष दुर्गा हमाल ठकुरीले अनुरोध समेत गर्नु भएको छ । शुक्रबार बिहान ८ बजेदेखि दिनको १ बजे सम्म रक्तदान चल्ने कार्यतालिका रहेको छ । कार्यक्रममा सादर सहभागि...

मोरङ, ३० वैशाख : गृहमन्त्री रमेश लेखकले नेपाल राष्ट्र बैंकको गभर्नर चाँडै नियुक्त हुने बताउनुभएको छ । विराटनगर विमानस्थलमा आज सञ्चारकर्मीहरूसँगको कुराकानी गर्दै उहाँले नेपाली कांग्रेस र नेकपा (एमाले) बीच सहमतिका आधारमा गभर्नर चाँडै नियुक्त हुने जानकारी दिनुभयो । गृहमन्त्री लेखकले मुलुकमा राजनीतिक स्थिरता एवं आर्थिक समृद्धिका लागि एमाले र कांग्रेसबीच सहमतिका आधारमा निर्माण भएको गठबन्धनको सरकार पूर्ण कार्यकालसम्म सञ्चालन हुने दाबीसमेत गर्नुभयो । उहाँले वर्तमान सरकार जनतामा छाएको निराशालाई चिरेर आशाको किरण दिन गठन भएको बताउनुभयो । गृहमन्त्री लेखकले संविधान र वर्तमान व्यवस्थाविरूद्ध राजावादीका कुनै पनि गतिविधि सह्य नहुने स्पष्ट पार्नुभयो । उहाँले नेपाली जनताको ठूलो सङ्घर्ष, त्याग एवं बलिदानबाट आएको सङ्घीय लोकतान्त्रिक गणतन्त्रको विकल्पमा अन्य कुनै निरङ्कुश व्यवस्था व्यवस्था हुन नसक्ने बताउनुभय...

चण्डिका नेपाली सिन्धुपाल्चोक मेलम्ची नगरपालिका वडा नं. ११ स्थित जरायोटार साना किसान कृषि सहकारी संस्थाको भवन शिलान्यास गरिएको छ । मंगलबार बागमती प्रदेश सभा सदस्य युवराज दुलालले उक्त भवनको शिल्यान्यास गर्नुभएको हो । भवनको शिल्यान्यास गर्दै प्रदेश सभा सदस्य दुलालले सामाजिक र आर्थिक विकासका लागि सहकारीसँग समन्वयको आबश्यकता रहेको बताउनुभएको छ । उहाँले विकासको प्राथमिकता दिंदा नागरिकले प्रत्यक्ष लाभ पाउने ठाउँ हेर्नुपर्ने समेत बताउनुभयो । यस्तै कार्यक्रमलाई सम्बोधन गर्दै मेलम्ची नगर प्रमुख आइतमान तामाङले सहकारीको माध्यमबाट नगरलाई आर्थिक समृद्धिको दिशामा अघि बढाउनु पर्ने बताउनु भयो । उहाँले भवन निर्माण पछि सहकारीलाई सर्वसाधारणको सेवा प्रवाहमा सहज हने बताउनुभएको थियो । प्रदेश सरकारसँग मेलम्ची नगरपालिकाले साझेदारी गरेर ५५ लाख रुपैया बजेटमा भवन निर्माण हुन लागेको वडाअध्यक्ष चन्द्रबहादुर तामाङले...

ऊर्जा, जलस्रोत तथा सिँचाइमन्त्री दीपक खड्काले सिन्धुपाल्चोकको मेलम्ची र हेलम्बु क्षेत्रमा बाढीले पु¥याएको क्षतिको पुनःनिर्माणमा सरकार लागिपर्ने बताउनुभएको छ । मेलम्ची र हेलम्बु क्षेत्रको आज स्थलगत अनुगमन गर्दै उहाँले बाढी प्रभावित क्षेत्रको पुनःनिर्माणमा सरकारले काम गर्ने बताउनुभएको हो । मन्त्री खड्काले मेलम्ची र हेलम्बु क्षेत्रमा सिँचाइ व्यवस्थापनका लागि विशेष योजना अघि बढाउने घोषणा गर्नुभयो । “बाढीपछिको हेलम्बु र मेलम्चीको पुनःनिर्माणका लागि म प्रतिबद्ध छु, यो ऐतिहासिक ठाउँको विकासमा सबै मिलेर अगाडि बढौँ,” उहाँले भन्नुभयो । पहाडी क्षेत्रका उर्वरभूमिको सदुपयोग गर्न सिँचाइ व्यवस्थापनलाई सरकारले प्राथमिकतामा राखेको उहाँको भनाइ थियो । सिन्धुपालचोकको इन्द्रावती गाउँपालिका–भीमटारमा इन्द्रावती नदीको पानी ल्याएर सिँचाइका लागि विस्तृत परियोजना प्रतिवेदन (डिपिआर) तयार गरिने मन्त्री खड्काले ब...