Month: २०७९ माघ १७ मंगलवार

सिन्धुपाल्चोकको बाह्रबिसे नगरपालिका बाह्रबिसे बजारका एक युवक आफ्नै घरको बरन्डामा झुन्डिएको अवस्थामा मृत फेला परेका छन् । ईलाका प्रहरी कार्यालय बाह्रबिसेका प्रहरी निरीक्षक मुकेश न्यौपानेका अनुसार मृत अबस्थामा फेला परेका युवा १९ वर्षका नवीन शाक्य रहेका छन् । मृतक शाक्यको छातीमा सिउरिएको पत्रको विवरण हेर्दा आत्महत्या गरेको हुन सक्ने प्रहरीले प्रारम्भिक अनुमान गरेको छ । ‘पत्रमा उल्लेख गरिएका कुरा हेर्दा सुसाइड नोटजस्तो देखिन्छ, आत्महत्या गरेको हुन सक्ने सुरुआती अनुमान गरेका छौँ, पोस्टमार्टमपछि थप विवरण खुल्ने प्रहरी निरीक्षक न्यौपानेले बताउनुभयो । घटनाको बारेमा थप अनुसन्धान भईरहेको इन्स्पेक्टर न्यौपानेले जानकारी दिनुभयो । मृतक न्यौपानेको ४६ वर्षीय उनका पिता आइतराजको घरको भ¥याङबाट लडेर मृत्यु भएको थियो ।...

चौतारा साँगाचोकगढी नगरपालिका नगर स्वास्थ शाखाले सञ्चालन गरेको जेष्ठ नागरिक क्लिनिक कार्यक्रम प्रभावकारीसँगै अन्तिम चरणमा पुगेको छ । मंगलबार नगरपालिकाको प्रमुख कृष्ण प्रसाद सापकोटाले वडा नम्बर – ९ कदमबासमा निशुल्क स्वास्थ्य परीक्षण उद्घाटन गरि कार्यक्रम सम्पन्न भएको छ । वडाध्यक्ष बिमल श्रेष्ठका अनुसार कदमबासमा जम्मा २५० जनाले उक्त सेवा लिएका छन । जम्मा विरामी संख्या – २५० जना रहेकोमा आँखा परीक्षण संख्या – २०७ जना,जसमा मोतियाविन्दु भएको –४ जना,रक्त परीक्षण गरिएको –२३५ जना,जसमा सुगर बढेको – ९ जना,क्षयरोगको शंकास्पद – २ जना,गर्भवती महिलाको भिडियो एक्सरे– ९ जनाउच्च रक्त चाप भएको –२६ जनारहेको श्रेक्ष्ठले जानकारी दिनु भयो । उक्त कार्यक्रममा जनप्रतिनिधि , डाक्टर, स्वास्थ्यकर्मी चौतारा आँखा केन्द्रको समुह, सामुदायिक महिला स्वास्थ्य स्वयंसेविकाहरू, लगाएतको उपस्थितीमा स्वास्थ्य परिक्षण गरिएको हो । ...

रुपक पुरी (रासस) सिन्धुपाल्चोकको ईन्द्रावती गाउँपालिका – २ कुञ्चोकका महिलाहरु गाउँमै उत्पादन गरिएको सिस्नुका पाउडरलाई अर्गानिक ब्रान्ड बनाएर बिक्री गर्नका लागि एकजुट भएका छन् । जौडाँडा महिला बहुउद्देश्यीय सहकारी संस्थाका महिलाहरूले बाँझो बसेर खेर गइरहेको जग्गा तथा करेसाबारीमा सिस्नु खेती गरेका छन् । सुरुमा सिस्नु खेती गर्दा गाउँवासीले गिज्याए पनि अहिले यसले व्यावसायिक रूप दिएपछि अन्य महिला दिदीबहिनीहरू पनि यसतर्फ आकर्षित भएको निर्मला सुनारले बताउनुभयो । “अब सिस्नुको धुलो प्याकेटमा बिक्री गर्छौ चाहिएमा हरियो सिस्नु पनि उपलब्ध गराउँछौं,” उहाँले भन्नुभयो । अहिले स्थानीय नवलपुर बजारमा रहेका पसलबाट सिस्नुको धुलो बिक्री भइरहेको छ । माग आएअनुसार मेलम्ची र चौतारा बजारसम्म यहाँको उत्पादन पुग्ने गरेको छ । धेरै लगाएर सिस्नु बेच्ने भन्ने छलफल सहकारीमा चलेपछि महिलाहरूले यसको खेती सुरु गरेका हुन् । स...

पाँचखालमा आयोजित रक्तदान कार्यक्रममा ५४ जनाले रक्तदान गरेका छ्न । सिन्धु विकास बैंकका प्रमुख कार्यकारी अधिकृत रामकुमार गिरीका अनुसार सिन्धु विकास बैंक कर्पोरेट कार्यालय बनेपाको समन्वय तथा पाँचखाल शाखाको आयोजनामा भएकोे रक्तदानमा बैंकका कर्मचारी , स्थानीय लगायत ५४ जनाले रक्तदान गरेका थिए । बैंकको संस्थागत सामाजिक उत्तरदायित्व अन्तर्गत उक्त कार्यक्रम आयोजना गरिएको प्रमुख कार्यकारी अधिकृत गिरीले बताउनुभयो । रक्तदान कार्यक्रममा प्राबिधिक सहयोग रेडक्रस काभ्रेले गरेको थियो । रक्तदातान कार्यक्रममा बैंकका प्रमुख कार्यकारी अधिकृत गिरी, नायव महाप्रबन्धक प्रमोद न्यौपाने लगायत बैंकका उच्च पदस्त कर्मचारी लगायतको उपस्थिती रहेको पाँचखाल शाखा प्रबन्धक सिताराम दुलालले जानकारी दिनुभयो । सिन्धुपाल्चोककै पहिलो विकास बैंकको रुपमा स्थापित सिन्धु विकास बैंकले सिन्धुपाल्चोक ,काभ्रे, दोलखा, मकवानपुर तथा चितवन जिल...

नेपाली काँग्रेसका प्रतिनिधिसभा सदस्य एवम् पूर्व सुचना तथा सञ्चार मन्त्री मोहन बहादुर बस्नेतले भौतिक संरचनासँगै गुणस्तरिय शिक्षा बिकासका लागि पनि सबैबाट सहयोग हुन पर्ने बताउँनु भएको छ । उहाँले सिन्धुपाल्चोक जिल्लाको बाह्रबिसे नगरपालिका–७, थगाम स्थित सरस्वती शङ्कर माध्यमिक विद्यालयको भवन उद्घाटन गर्दै यस्तो बताउँनु भएको हो । नव निर्मित भवनको उद्घाटन तथा बार्षिक उत्सव समारोहलाई सम्बोधन गर्दै प्रतिनिधिसभा सदस्य एवम् पूर्व सञ्चार तथा सूचना प्रविधि मन्त्री मोहन बहादुर बस्नेतले गुणस्तरीय शिक्षाका लागि विद्यालयमा भौतिक पूर्वाधारको विकास अपरिहार्य भएको समेत बताउनुभयो । उँहाले विद्यालय भवन निर्माणमा जसरी स्थानीय समाजसेवीहरुले सहयोग गरेका छन । त्यसरी नै शिक्षा सिकाइमा पनि आफुहरुले सकेको सल्लाह र सुझाब दिएर सहयोग गर्न पर्ने बताउँनु भयो । बस्नेतले एक समारोहका बिच विद्यालयको ६४औँ वार्षिकोत्सवको अवसरमा स...

मुटुरोगको रोकथाम, निदान, उपचार तथा हृदयरोगीको पुनःस्थापनाका लागि आवश्यक उच्चस्तरीय स्वास्थ्य सेवा सर्वसुलभरुपमा स्वदेशमा नै प्रदान गरी हृदयरोगीलाई मानवोचित जीवनयापन गर्न सक्षम तुल्याउन तथा हृदयरोगसम्बन्धी उच्चस्तरीय अध्ययन र अनुसन्धानका लागि आवश्यक दक्ष जनशक्ति तयार गर्ने मुल उद्देश्य लिइ २०५२ सालमा यस केन्द्रको स्थापना भएको हो । स्थापनाकालमा नौ श्ययाबाट आफ्नो सेवा सुरु गरेको यस केन्द्रमा हाल दुई सय ७० श्यया सञ्चालनमा रहेको छ । प्रारम्भमा मुटुरोगसम्बन्धी सामान्य उपचारबाट सेवा सुरु गरेको यस अस्पतालले समयको अन्तरालसँगै मुटुरोगसम्बन्धी विभिन्न किसिमका गुणस्तरीय विशेषज्ञ उपचार सेवाहरु सर्वसुलभरुपमा उपलब्ध गराउँदै आइरहेको छ । सीमित स्रोत र साधनबाट सुरु भएको यस केन्द्र हाल वैज्ञानिक प्रविधि, दक्ष जनशक्ति तथा विश्वस्तरीय अत्याधुनिक उपकरणले उच्चस्तरीय विशिष्टिकृत कार्डिक केन्द्रका रुपमा आफूलाई स्थ...

विश्वभर छरिएर रहेका गायन र नृत्यका नेपाली प्रतिभाको प्रतिस्पर्धा गराइने पहिलो अन्तर्राष्ट्रिय ‘रियालिटी शो’ मेरो भ्वाइस युनिभर्स र मेरो डान्स युनिभर्स अमेरिकाको ओहायोबाट सुरु भएको छ । इन्ट्रा–नेसनल वेलफेयर एण्ड सपोर्ट फाउण्डेसन अफ अमेरिकाको आयोजनामा हुने यी दुवै शोको संसारभरका लागि पहिलो अडिसनको फाउण्डेशनका अध्यक्ष डिल्ली अधिकारीले शनिबार राति अमेरिकाको ओहायो राज्यको कोलम्बस सहरमा उद्घाटन गर्नुभएको हो । अमेरिका र क्यानडाका विभिन्न सहरबाट कोलम्बसमा भेला भएका प्रतिस्पर्धी, उनीहरुका आफन्त र स्थानीय नेपालीभाषी समुदायको उपस्थितिमा उद्घाटन भएका दुवै शोको पहिलो अडिसन आइतबार साँझ सम्पन्न भएको हो । अमेरिका र क्यानाडाका गरी गायनमा एक सय ८७ र नृत्यमा ७६ प्रतिस्पर्धीले सहभागिताका लागि आवेदन दिएका थिए । नेपालको पहिलो अन्तर्राष्ट्रियस्तरको यो पहिलो अडिसनमध्ये गायन विधामा सर्वाधिक अङ्क ल्याउने १५ प्रतियो...

प्रधानमन्त्री पुष्पकमल दाहाल ‘प्रचण्ड’ले शहीद दिवसका अवसरमा आज लैनचौरस्थित शहीद स्मारकमा पुगेर सम्मान अर्पण गर्नुभएको छ । आज देशभर विभिन्न कार्यक्रम आयोजना गरी शहीद दिवस मनाइदैछ । सोही क्रममा प्रधानमन्त्री दाहालले स्मारकमा पुष्पगुच्छा अर्पण गर्दै सम्मान प्रकट गर्नुभयो । शहीद दिवसका अवसरमा शान्ति वाटिकादेखि लैनचौरसम्म प्रभातफेरीको आयोजना गरिएको थियो । त्यस अवसरमा प्रधानमन्त्री दाहालले संघीय लोकतान्त्रिक गणतन्त्र शहीदको त्याग र बलिदानबाटै सम्भव रहेको बताउनुभएको थियो । यस्तै, प्रधानमन्त्रीले आजै गोकर्णस्थित जगडोलमा निर्माण गरिएको शहीदपार्कको उद्घाटन गर्नुहुने कार्यक्रम छ ।रासस...

सिन्धुपाल्चोक जिल्लाको चौतारा साँगाचोकगढी नगरपालिका वडा नं.१२ ले नमुना काम गरेर चर्चा बटुल्न थालेको छ । स्थानीय सरकारले लक्षीत बर्गाका लागी छुट्याइएको बजेट बाट कार्यक्रम गर्ने नाममा प्रायजसो स्थानिय तहले चिया, बिस्कुट, खाजा खुवाएर भेला गरेर सक्ने गरेको पाईएपनि यस वडाले भने लक्षीत बर्गलाई प्रत्यक्ष सहयोग र सेवा पुग्ने काम गरिरहेको छ । आर्थिक वर्ष ०७९÷०८० मा वडा अध्यक्ष दिपेन्द्र नेपालले वडा भित्रका जेष्ठ नागरिकलाई सामाजीक सुरक्षा बापत पाँउने भत्ता लिनका लागी चौतारा जान आउँन समेत असहज भएको भन्दै बस नै रिजर्भ गरेर सामाजिक भत्ताका लिन सहज बातावरणकोे सिर्जना गरिदिनुभएको छ । वडा कार्यलयले करिब १ सय ६० जना जेष्ठ नागरिकको लागि न्यानो कपडा बितरण समेत गरेको छ । यसका साथै वडा भित्र कुनै पनी नागरिकको निधन हुँदा शव व्यवस्थापनका लागी तत्काल रु तिन हजार रुपैयाँ शववहान भाडा समेतको व्यवस्था गरेको कार्यपाल...

प्रत्येक वर्ष माघ १६ गते मनाइने शहीद दिवस प्रजातन्त्र स्थापना एवं पुनस्र्थापना तथा विभिन्न कालखण्डका स्वतन्त्रताका लागि जीवन आहुति दिने शहीदको सम्झनामा विविध कार्यक्रम गरी आज देशभर मनाइँदैछ । शहीदलाई प्रत्येक वर्ष माघ १६ गते सम्झने गरे पनि सपना पूरा गर्न हुनुपर्ने जति काम नभएको गुनासो यस अवसरमा हुने गरेको छ । यस दिन हुने औपचारिक कार्यक्रममा जिम्मेवार अधिकारीहरुबाट शहीदको सपना पूरा गर्न लागिपरेको प्रतिबद्धता भने निरन्तर आउने गरेको छ । यही माघ १० देखि १६ गतेसम्म विभिन्न कार्यक्रमका साथ शहीद सप्ताह मनाउने घोषणा गरी विविध कार्यक्रम हुँदै आएको छ । विसं २०१२ देखि नै तत्कालीन काठमाडौँ नगरपालिकाको संयोजकत्वमा प्रत्येक वर्ष माघ १६ गते शहीदको सम्झनामा दिवस मनाउन थालिएको हो । स्वतन्त्रताको माग गर्दा विसं १९९७ मा शहीद शुक्रराज शास्त्रीलाई माघ १० गते काठमाडौँको टेकुस्थित पचलीमा, माघ १३ गते धर्मभक्त म...