Author: लोकप्रिय समाचार

काठमाडौँ, २३ चैतः सत्ता पक्ष र प्रतिपक्षका सांसदहरूले वैचारिक विविधतालाई थाँती राखेर राष्ट्रियताको पक्षमा एकताबद्ध आवाज उठाउन एक हुनुपर्नेमा जोड दिनुभएको छ । प्रतिनिधिसभाको आजको बैठकको विशेष समयमा सत्ता र प्रतिपक्षका सांसदहरूले सांसदलाई जनताको आवाज मुखरित गर्ने थलोका रूपमा विकास गरिनुपर्ने बताउनुभयो । राष्ट्रिय स्वतन्त्र पार्टीका सांसद कविन्द्र बुर्लाकोटीले सदन, सरकार र समग्र व्यवस्थालाई समन्नुत बनाउन सभामुखले भूमिका खेल्ने विश्वास गर्नुभयो । “सदनमा नयाँ अनुहार मात्रै छैन, मुलुक परिवर्तन गर्ने दृढता भएका सांसदको उपस्थिति छ । नवनिर्वाचित सभामुखको नेतृत्वमा सदनले जनअपेक्षा पूरा गर्न सकोस्”, उहाँले भन्नुभयो । रास्वपा सांसद मनिष झाले संसद चिया चौतरी मात्रै नभई गुरुकुल र विश्वविद्यालय हुनुपर्नेमा जोड दिँदै सांसदले जनताको पक्षमा सक्रिय भूमिका निर्वाह गर्नुपर्ने बताउनुभयो । “सदनमा जनताको प्रश्नको...

पूर्वप्रधानमन्त्री केपी शर्मा ओली र पूर्वगृहमन्त्री रमेश लेखकको पक्राउविरुद्द दायर गरिएको बन्दी प्रत्यक्षीकरण रिटमाथि सर्वौच्च अदालतमा सुनुवाइ जारी रहेको छ । न्यायाधीश विनोद शर्मा र सुनिलकुमार पोखरेलको संयुक्त इजलासमा मुद्दा विचाराधीन छ । आइतबार नै प्रारम्भ भएको सुनुवाई  त्यतिबेला नसकिएपछि सोही इजलासमा ‘हेर्दाहेर्दै’ मा राखिएको थियो उक्त दिन निवेदक पक्षका कानुन व्यवसायीहरुले बहस पूरा गरेका थिए भने आज सरकारी पक्षबाट महान्यायाधिवक्ताको कार्यालयका वकिलहरुले आफ्ना तर्क प्रस्तुत गरिरहेका छन् । दुवै पक्षको वहस आजै सकिएमा अदालतबाट उनीहरुलाई रिहा गर्ने वा हिरासतमै राखिराख्नेबारे आदेश आउने सम्भावना देखिएको छ । उक्त रिट चैत १५ गते सवौच्च अदालतमा दर्ता गरिएको थियो । पक्राउ प्रक्रिया गैरकानुनी भएको दाबी गर्दै आलीको पत्नी राधिका शाक्य र लेखककी पत्नी यशोदा लेखकले अलगअलग निवेदन दिएका हुन् । जेन्जी आन्दोल...

सरकारले पेट्रोल तथा डिजेलबाट चल्ने सवारीसाधानलाई विद्युतीय गाडीमा रुपान्तरण गर्न आवश्यक कानुनी आधार तयार गर्ने निर्णय गरेको छ । हिजो बसेको मन्त्रिपरिषद् बैठकले यस्ता गाडीलाई विद्युतीय प्रणालीमा रुपान्तरण गर्न स्पष्ट कानुनी व्यवस्था मिलाउने निर्णय गरेको हो । यसअघि पनि सरकारले परम्परागत हन्धनबाट चल्ने सवारीलाई विद्युतीयामा रुपान्तरण गर्न सकिने नीति लिएको थियो । तर स्पष्ट मापदण्ड अभावका कारण कार्यान्वयनमा विभिन्न समरुया देखिँदै आएको थियो । विशेषगरी दर्ता, नवीकरण तथा प्राविधिक मापदण्डसम्बन्धी अस्पष्टताले गाडीधनीलाई झन्झट व्यहोर्नु परेको थियो । नयाँ निर्माणसँगै अब पुराना सवारीसाधनलाई तुलनात्मकरुपमा कम खर्चमै विद्युतीयामा रुपान्तरण गर्न सक्ने अपेक्षा गरिएको छ । यसले वातावरणीय प्रदुषण घटाउनुका साथै इन्धनमा हुने विदेशी निर्भरता पनि कम गर्ने विश्वास गरिएको छ । सरकारले स्वदेशमै उत्पादित स्वच्छ उर्जा...

लुम्बिनी, २२ चैतः प्रधानसेनापति अशोकराज सिग्देलले नेपाली सेनाले देशको स्वतन्त्रता, सार्वभौमसत्ता, भौगोलिक अखण्डता, स्वाधीनता र राष्ट्रिय एकतालाई अक्षुण्ण राख्न इतिहासदेखि नै अतुलनीय योगदान पु¥याउँदै आएको बताउनुभएको छ । नेपाली सेनाले आफ्नो ऐतिहासिक परम्परालाई कायम राख्दै वर्तमान र भविष्यका चुनौतीहरूलाई सामना गर्न सक्ने सक्षम संस्थाका रूपमा थप विकास गरी भावी पुस्तामा हस्तान्तरण गर्दै लैजानु सबैको साझा दायित्व भएको स्मरण उहाँले गराउनुभएको छ । नेपाली सेनाद्वारा मध्य पश्चिम मुख्यालय बुटवलमा आयोजित भूतपूर्व सैनिक सम्मेलनको आज उद्घाटन गर्नुहुँदै प्रधानसेनापति सिग्देलले देशको सार्वभौमिकताको रक्षाका लागि सेनाले निर्वाह गरेको भूमिकालगायत आन्तरिक सुरक्षा, विकास निर्माण, विपत् व्यवस्थापन तथा अन्तरराष्ट्रिय शान्ति स्थापनाले नेपाली सेनालाई स्वदेश र विदेशमा एक विश्वसनीय एवं सम्मानित संस्थाका रूपमा स्थापि...

काठमाडौँ, २२ चैतः सरकारले शनिबार र आइतबार सार्वजनिक बिदा दिने निर्णय गरेको छ । मन्त्रिपरिषद्को आजको बैठकले उक्त निर्णय गरेको हो । प्रधानमन्त्री तथा मन्त्रिपरिषद्को कार्यालयका अनुसार यो निर्णयसरकारी कार्याल र सबै शैक्षिक संस्थामा भोलिदेखि लागू हुनेछ । बैठकले ‘डिजिटल नेपाल ट्रान्सफरमेसन’ परियोजनाका लागि एसियाली विकास बैङ्क र विश्व बैङ्कबाट नौ करोड अमेरिकी डलर सहुलियतपूर्ण ऋण स्वीकार गर्ने निर्णय गरेको छ ।  दिगो र समावेशी वित्त परियोजनाका लागि विश्व बैङ्कबाट नौ करोड ५० लाख अमेरिकी डलर सहुलियतपूर्ण ऋण स्वीकार गर्ने निर्णय भएको शिक्षामन्त्री एवं सरकारका प्रवक्ता सस्मित पोखरेलले बताउनुभयो । बैठकले सबै मन्त्रालय, सचिवालय, आयोग र अन्तर्गतका निकायको सङ्गठन तथा व्यवस्थापन सर्वेक्षण (ओएनएम) गर्न स्वीकृति दिएको छ । यसैगरी, बैठकले राससका कार्यकारी अध्यक्ष धर्मेन्द्र झाले दिनुभएको राजीनामा स्वीकृ...

मेलम्ची नगरपालिका–१० मा शिक्षा क्षेत्रलाई आधुनिक र गुणस्तरीय बनाउने उद्देश्यसहित महत्वपूर्ण तथा ऐतिहासिक निर्णयहरू गरिएको छ। आज हिरादेवी आधारभूत विद्यालयमा सम्पन्न वडा शिक्षा समिति मेलम्ची–१० को बैठकले शैक्षिक सुधारका लागि बहुपक्षीय निर्णयहरू पारित गरेको हो । बैठकमा वडा अन्तर्गतका सबै विद्यालयका प्रधानाध्यापक, विद्यालय व्यवस्थापन समिति अध्यक्ष तथा शिक्षकहरूको उल्लेख्य सहभागिता रहेको थियो । बैठकले आगामी शैक्षिक सत्र २०८३ देखि कक्षा नर्सरीदेखि कक्षा ५ सम्म सबै विद्यालयहरूमा अंग्रेजी माध्यमबाट पठनपाठन सञ्चालन गर्ने निर्णय गरेको हो । त्यसैगरी, विद्यालयहरूमा आवश्यक पाठ्यपुस्तक तथा होमवर्क डायरी खरिदका लागि वडा कार्यालयले आर्थिक सहयोग गर्ने निर्णय गरिएको छ। विद्यार्थीहरूको समग्र प्रस्तुति सुधार गर्न ड्रेस, जुत्ता, मोजा, टाइ, बेल्ट र परिचयपत्र (ID Card) अनिवार्य गर्ने तथा यसबारे अभिभावकलाई जानकार...

सिन्धुपाल्चोक जिल्लाको चौतारा साँगाचोकगढी नगरपालिका वडा नम्बर २ बतासेमा गोलभेडा, काउली तथा अन्य विभिन्न तरकारी उत्पादन र अचार बनाउने तालिमको उद्घाटन गरिएको छ। स्थानीय कृषि उत्पादनलाई प्रवर्द्धन गर्ने तथा आयआर्जनका अवसर विस्तार गर्ने उद्देश्यले आयोजना गरिएको उक्त तालिम २२ गतेदेखि वैशाख ३ गतेसम्म सञ्चालन हुने जनाइएको छ। कार्यक्रममा वडा नम्बर २ का वडा अध्यक्ष सुदीप श्रेष्ठ, नेत्रज्योति सहकारी संस्थाका अध्यक्ष, वडाका जनप्रतिनिधिहरू, सञ्चारकर्मी, सहकारीका प्रतिनिधिहरू तथा स्थानीय बासिन्दाहरूको उल्लेख्य उपस्थिति रहेको थियो। सहभागीहरूले तालिमले स्थानीय स्तरमै उत्पादन हुने गोलभेडा, काउली, कोइरालो, आप लगायतका कृषिजन्य वस्तुको सदुपयोग र बजारीकरणमा महत्वपूर्ण भूमिका खेल्ने विश्वास व्यक्त गरेका छन्। विशेषगरी, उत्पादन भएको तरकारी तथा फलफूल खेर जान नदिई त्यसलाई प्रशोधन गरी अचार लगायतका परिकारमा रूपान्तर...

काठमाडौँ, २२ चैतः धादिङको ज्वालामुखी गाउँपालिकामा २०३१ साल भदौ ६ गते जन्मनुभएका राष्ट्रिय स्वतन्त्र पार्टीका उपाध्यक्ष डोलप्रसाद अर्याल प्रतिनिधिसभाको दसौँ सभामुखमा निर्विरोध निर्वाचित हुनुभएको छ । गत फागुन २१ गते सम्पन्न प्रतिनिधिसभा सदस्य निर्वाचनमा उहाँ काठमाडौँ क्षेत्र नं ९ बाट निर्वाचित हुनुभएको थियो । निरन्तरको सङ्घर्षबाट वैकल्पिक राजनीति यात्रामा होमिनुभएका अर्यालले श्रम, रोजगार तथा सामाजिक सुरक्षा मन्त्रीको जिम्मेवारी वहन गरिसक्नुभएको छ । नवनिर्वाचित सभामुखमा अर्यालले जापानलगायत विभिन्न देशमा अध्ययन, अनुसन्धान, रोजगारी तथा व्यवसाय सञ्चालन गर्नुभएको थियो । वर्षदेखि स्वदेशमै केही गर्न सकिन्छ भन्ने विश्वासका साथ विगत २५ वर्षदेखि पर्यटन, शिक्षा र वित्तीय क्षेत्रमा उहाँ क्रियाशील हुनुहुन्छ । व्यवसाय र राजनीतिलाई सँगसँगै अघि बढाउनुभएका अर्यालले २०७९ सालमा राष्ट्रिय स्वतन्त्र पार्टी स्थाप...

सिन्धुपाल्चोकको हेलम्बु गाउँपालिका वडा नम्बर ३ स्थित जय बागेश्वरी मन्दिर क्षेत्रमा आज रक्तदान कार्यक्रम सम्पन्न भएको छ । समाजसेवी धनबहादुर पाण्डेको समन्वयमा आयोजित उक्त कार्यक्रममा १७ जनाले रक्तदान गरेका छन् । कार्यक्रममा उल्लेखनीय रूपमा नेपालमा सबैभन्दा धेरैपटक रक्तदान गर्ने व्यक्तिका रूपमा परिचित प्रेम सागर कर्माचार्यले पनि सहभागिता जनाउँदै रक्तदान गर्नुभयो । कर्माचार्यले आजसम्म १८६ पटक रक्तदान गरिसक्नुभएको जानकारी दिँदै उहाँको योगदानले अन्यलाई पनि प्रेरणा दिएको सहभागीहरूले बताएका छन् । आगामी दिनमा पनि यस्ता सामाजिक कार्यक्रमलाई निरन्तरता दिने पाण्डेले बताउनुभयो ।...

सिन्धुपाल्चोक– जबरजस्ती करणीसम्बन्धी मुद्दालाई मिलापत्रमा टुंग्याउन पीडित पक्षमाथि दबाब दिने कार्यमा संलग्न सात जनालाई प्रहरीलाई नियन्त्रणमा लिएको छ । जिल्ला प्रहरी कार्यालय सिन्धुपाल्चोकका अनुसार ती व्यक्तिहरुले पीडित र उनका आफन्तलाई प्रभावमा पार्दै रकम लेनदेन गरी मुद्दा मिलाउने प्रयास गरेका थिए । यससम्बन्धी सूचना पाएपछि खटिएको प्रहरी टोलीले उनहिरुलाई पक्राउ  गरेको हो । पक्राउ पर्नेहरु जुगल गाउँपालिका— २ का विभिन्न उमेर समूहका व्यक्तिहरु रहेको प्रहरीले जनाएको छ । उनीहरुले धम्की, दबाब तथा किभिन्न माध्यम प्रयोग गरी गैरकानुनी रुपमा पैसा उठाउन खोजेको प्रारम्भिक अनुसन्धानबाट खुलेको छ । प्रहरीले पक्राउ परेकाहरुलाई अदालतबाट म्याद थप गरेर अनुसन्धान अघि बढाउको जनाएको छ । उनीहरुमाथि प्रचलित कानुनअनुसार कारबाही प्रक्रिया अगाडि बढाइएको छ । घटनासँग सम्बन्धित रुपमा प्रहरीले नगद रकम, केही चेक र मोबाइल फ...