Month: २०७९ जेष्ठ १ आईतवार

सिन्धुपाल्चोक जिल्ला चौतारा साँगाचोकगढी नगरपालिका नजिकै पर्ने दारेगौडा भिरबाट बा.५३ प ८२५६ नं. को मोटरसाईकल खसेको समाचार प्राप्त भएको छ । मोटरसाईकल दुर्घटना हुँदा दुईजना गम्भीर घाईते भएका छन् । चौताराबाट १ किलोमिटर माथी दारेगौडा भिरबाट अन्दाजी ३ सय मिटर तल बाईक झर्दा बाईकमा सवार सोही नगरपालिका अन्तर्गत मेलचौर कल्लेरीका वर्ष १६ का रवि दंगाल र बर्ष १७ का निरोज श्रेष्ठ गम्भीर घाईते भएका छन । जिल्ला प्रहरी कार्यालय सिन्धुपाल्चोकका प्रहरी टोलीले घाईतेलाई तत्काल उद्दार गरी चौतारा अस्पतालमा लगिएको छ ।...

बाह्रबिसे नगरपालिका वडा नम्बर ३ मा नेपाली कांग्रेसका जीवन भण्डारीको प्यानल विजयी भएको छ ।

सिन्धुपाल्चोक चौतारा साँगाचोकगढी नगरपालिका –४ को अन्तिम मत परिणाम सार्वजनीक भएको छ । नेकपा माओबादी केन्द्रको तर्फबाट १२०७ मत ल्याएर कुमार शर्माको प्यानलनै विजयी भएको छ ।

ईन्द्रावती गाउँपालिका वडा नं. ३ मा नेकपा एमाले तर्फबाट भिमसेन थापाले विजय हात पारेको छ । उहाँले ४०३ मत ल्याएर विजयी हुनुभयो भने उहाँको प्रतिद्वन्द्वी नेपाली कांग्रेस उम्मेदवारले ३४९ मत प्राप्त गरेका थिए । त्यस्तै माओवादी केन्द्रका उम्मेदवारले २१२ मत प्राप्त गरेका छन । नेकपा एमाले थापाको प्यानलनै विजयी भएको छ ।...

सिन्धुपाल्चोकको जुगल गाउँपालिका–२ को अन्तिम मत परिणाम सार्वजनिक भएको छ । १ मतको अन्तरले अध्यक्ष पदमा हार जित भएको हो । एमालेका चन्द्रकाजी लामा ६०८ मत ल्याउँदै विजयी भएको छ । उहाँका  प्रतिद्वन्द्वी प्रताप लामाले ६०७ मतमै चित्त बुझाउनु भएको छ ।

हामीलाई प्राप्त मतगणनाको परिणाम अनुसार सिन्धुपाल्चोक चौतारा साँगाचोकगढी नगरपालिका–१ मा नेकपा एकीकृत समाजवादीले विजयी हासिल गरेको छ । समाजवादीका उम्मेदवार युवलाल श्रेष्ठ विजयी भएका हन् । उहाँले निकटतम प्रतिद्वन्द्वी एमालेका उम्मेदवार सानुकान्छा श्रेष्ठलाई २३ मतले पछि पारे । ६६८ मत ल्याएर विजयी श्रेष्ठ बन्नुभयो । चौतारा सागाचोकगढी नगरपालिका २ मा नेकपा एमालेबाट सुदिप श्रेष्ठ विजयी भएका छन् । त्यसैगरी चौतारा साँगाचोकगढि नगरपालिकाको नेकपा एमालेबाट वडा नं ३ का वडाध्यक्ष उम्मेदवार टेकबहादुर तामाङको प्यानलनै विजयी भएको छ । ३ नं. वडाले नगरकै पहिलो जित निकालेका हुन् । तामाङले ५५४ मत ल्याएर विजयी भएका छन् भने तामाङका प्रतिद्वन्दी कांग्रेसका उम्मेद्वारले दिपक कटुवालले ५१९ र माओवादी केन्द्रका उम्मेद्वार रामकुमार तामाङले ४०६ मत प्राप्त गरेका छन् । तामाङ अघिल्लो निर्वाचनमा समेत सोही वडामा विजयी हुनुभएको ...