हिरा खड्का, सिन्धुपाल्चोक जिल्लाको बाह्रबिसे नगरपालिका क्षेत्रमा निर्माणाधीन कालिका हाईड्रोपावर लि. अन्तर्गत भोटेकोसी–५ जलविद्युत परियोजना विरुद्ध स्थानीयवासी प्रभावितहरुले आज बृहत विरोध कार्यक्रम गरेका छन्।
परियोजनाले सुरुङ निर्माणका क्रममा ब्लास्टिङका आवज र भुकम्पका जस्तै कम्पन्नको बाह्रबिसे नगरपलिका वडा न–५,३,४,८,९ र त्रिपुरासुन्दरी गाउँ पालिका वडा न.–३ का केही बस्तीहरुको घरहरू चर्किन थालेको,बृद्धबृद्धा,अपाङ्ग, अशक्त तथा बालबालिकामा त्रास फैलिएको भन्दै स्थानीयवासी आन्दोलनमा उत्रिएका हुन्। सुरुङमा पड्काउने ब्लास्टिङका कारण पशुपन्छीमा समेत प्रत्यक्ष असर परी नियन्त्रण गरि राख्न कठिन भएको स्थानिय बिन्दरे तामङ्ले गुनासो गरेका छन्। विरोध कार्यक्रममा सहभागीहरूले परियोजना विरुद्ध नाराबाजी गर्दै प्रभावित क्षेत्रका नागरिकको जिउ धनको शान्ति सुरक्षा सुनिश्चित गर्न माग गरेका थिए। आन्दोलनका क्रममा बाह्रबिसे पुल क्षेत्रमा केही समय सवारी साधनको आवतजावत समेत रोकिएको थियो,जसका कारण यातायात सेवा प्रभावित बनेको थियो।
प्रभावित क्षेत्रका युवा स्याङ्बो तामङले आफूहरूको समस्या तत्काल सम्बोधन नगरे थप कडा आन्दोलनमा उत्रिन बाध्य हुने चेतावनी दिनु भएको छ। उहाँहरूले परियोजनाको ब्लास्टिङ कार्य वैज्ञानिक र सुरक्षित ढंगबाट सञ्चालन गर्न तथा क्षतिग्रस्त घरको उचित क्षतिपूर्ति उपलब्ध गराउन माग गरेका छन् भने बाह्रबिसे नगरपालिकाका नगर प्रमुख बालकृष्ण बस्नेतले यहि जेठ ४ गते हाईड्रो पक्ष र आन्दोलनरत पक्षलाई सुचना प्रकाशन गरि बार्तामा बोलाएको छ ।
