गुणस्तरीय शिक्षाका साथ व्यवहारिक र प्रयोगात्मक शिक्षामा जोड दिँदै बाह्र्बिसेको किस्टोन पब्लिक एकेडेमी”

हिरा खड्का बाह्रबिसे-सिन्धुपाल्चोक जिल्लाको बाह्रबिसेमा अवस्थित किस्टोन पब्लिक एकेडेमी बि.स.२०६६ सालमा स्थापना भई हाल सम्म निरन्तर रूपमा शैक्षिक सेवा प्रदान गर्दै आएको छ। स्थापना कालदेखि नै गुणस्तरीय शिक्षा दिने लक्ष्य लिएको यस विद्यालयमा हाल प्ले ग्रुप देखि कक्षा ९ सम्म अध्ययन गराइँदै आएको छ। प्राकृतिक रूपमा सुन्दर,शान्त तथा रमणीय वातावरणमा अवस्थित यस विद्यालयले विद्यार्थीहरूलाई बालमैत्री वातावरणमा पठनपाठन गराउँदै आएको छ। हरियाली डाँडाकाँडा, स्वच्छ हावा र सुरक्षित परिसरले विद्यार्थीहरूको मनोबल बढाउने र सिकाइलाई थप प्रभावकारी बनाउने विद्यालय प्रशासनको विश्वास रहेको छ। विद्यालयले व्यवहारिक र प्रयोगात्मक शिक्षामा जोड दिदै गुणस्तरीय र प्रभाबकारी शिक्षाको लागि अभिभावक सङ्ग समय समयमा बैठक गरि सुझाब संकलन गरिनुका साथै उक्त सुझाबलाई कार्य योजनामा रुपान्तरण गरि कार्यन्वयको अबस्था समेत अभिभावक र विद्यार्थीलाई जानकारी दिने गरिएको छ । आफ्ना वालवालिकाको पढाई सम्बन्धमा अभिभाबकले कक्षा कोठामा नै बसेर पठनपाठनको बारेमा अवलोकन गर्न सकिने बिद्यालयका सहायक प्रेन्सिपल शत्रुधन कपालीले बताउनु भयो । यस विद्यालयमा अध्यन गर्ने विद्यार्थीहरुले बाह्रबिसेको मुख्य सडक वारपार गर्नु पर्ने जोखिम तथा समस्या नरहेको र बजारमा हुने विभिन्न किसिमको होहल्लाले समेत असर नगर्ने,भोटेकोसी नदीको जोखिम समेत नरहेको हुँदा निर्धक भएर सुरक्षित महशुष गरि आफ्ना वालवालिका बिद्यालय पठाउने गरेका बिद्यालयका प्रेन्सिपल सुमिना लामाले बताउनु भयो । विद्यालयमा नियमित रूपमा प्रार्थना,अतिरिक्त क्रियाकलाप,अनुशासन, प्रयोगात्मकका साथै व्यवहारिक शिक्षामा विशेष जोड दिईएको प्रेन्सिपल लामाले बताउनु भयो । विद्यार्थीहरूलाई केवल पुस्तकिय ज्ञान मात्र नभई नैतिक शिक्षा,सामाजिक व्यवहार तथा सिर्जनात्मक क्षमताको विकासमा पनि ध्यान दिइएको विद्यालयका अध्यक्ष ईन्द्रलाल श्रेष्ठले जानकारी दिनु भयो । स्थानीय अभिभावक तथा समुदायको विश्वास जित्न सफल किस्टोन पब्लिक एकेडेमीले आगामी दिनमा कक्षा १० हुँदै १०+२ सम्म अध्ययन विस्तार गर्ने योजना समेत बनाएको विद्यालय स्रोतले जनाएको छ।