सिन्धुपाल्चोक जिल्ला चौतारा साँगाचोकगढी नगरपालिका ०९मा रहेको गोल्मादेवी माध्यमिक विद्यालयले आफ्नो ४३औँ वार्षिकोत्सव तथा १७औँ अभिभावक भेला सम्पन्न गरेको छ । चौतारा साँगाचोकगढी नगरपालिकाका नगर प्रमुख, कृष्ण प्रसाद सापकोटाको प्रमुख अतिथ्यतामा वडा नम्बर ९ का वडा अध्यक्ष बिमल श्रेष्ठ को बिशेष अतिथ्यतामामा र , पूर्व वडा अध्यक्ष विष्णु लामा तथा पूर्व विद्यालय व्यवस्थापन समिति अध्यक्ष जितबहादुर भारती को आतिथ्यतामा कार्यक्रम भएको थियो । कार्यक्रममा अक्षय कोषका दातागण, वर्तमान तथा पूर्व जनप्रतिनिधिहरू, विभिन्न विद्यालयका प्रधानाध्यापकहरू, संघ–संस्थाका प्रतिनिधिहरू, समाजसेवी, बुद्धिजीवी, शिक्षाप्रेमी महानुभावहरू र अभिभावकहरूको उल्लेखनीय उपस्थिति रहेको थियो। कार्यक्रमलाइ सम्बोधन गर्दै प्रमुख अतिथि कृष्णप्रसाद सापकोटाले विद्यालयले स्थानीय तहको शैक्षिक विकासमा खेलेको भूमिका प्रशंसनीय रहेको उल्लेख गर्नुभयो। उहाँले शिक्षालाई समाज रूपान्तरणको प्रमुख माध्यमका रूपमा व्याख्या गर्दै गुणस्तरीय शिक्षाका लागि नगरपालिका सधैं सहयोगी रहने प्रतिबद्धता व्यक्त गर्नुभयो। साथै, विद्यार्थीहरूलाई अनुशासन, परिश्रम र सकारात्मक सोचका साथ अगाडि बढ्न प्रेरित गर्नुभयो।
विशेष अतिथिहरूले पनि विद्यालयको ४३ वर्षे इतिहासलाई स्मरण गर्दै यसले उत्पादन गरेका सक्षम नागरिकहरू समाजका विभिन्न क्षेत्रमा योगदान दिइरहेको उल्लेख गर्नुभयो। पूर्व पदाधिकारीहरूले आफ्नो कार्यकालका अनुभव साझा गर्दै विद्यालयप्रतिको आत्मीयता व्यक्त गर्नुभयो।
कार्यक्रममा विद्यार्थीहरूको प्रतिभा प्रस्फुटन तथा सांस्कृतिक प्रस्तुति थियो। विद्यार्थीहरूले विभिन्न सांस्कृतिक नृत्य, गीत, नाटक, कविता वाचन तथा अन्य सिर्जनात्मक प्रस्तुतिहरू मार्फत उपस्थित सबैलाई मन्त्रमुग्ध बनाएका थिए। स्थानीय कला, संस्कृति र परम्परालाई समेटेर प्रस्तुत गरिएका कार्यक्रमहरूले विद्यालयको सांस्कृतिक विविधता र सिर्जनात्मक क्षमतालाई उजागर गरेको थियो।
यस अवसरमा विद्यालयको अक्षय कोषमा योगदान पु¥याउने दाताहरूलाई सम्मान गरिएको थियो। उँहाहरूको योगदानले विद्यालयको दीर्घकालीन शैक्षिक उन्नतिमा महत्वपूर्ण टेवा पु¥याएको उल्लेख गर्दै कदरपत्र तथा सम्मान प्रदान गरिएको थियो। त्यसैगरी उत्कृष्ट वर्ष शिक्षक सम्मानमार्फत समर्पण, लगनशीलता र नवप्रवर्तनशील शिक्षण पद्धतिका लागि एक जना शिक्षकलाई विशेष सम्मान गरिएको थियो। पूर्व शिक्षकहरूलाई पनि विद्यालयप्रतिको अमूल्य योगदानका लागि सम्मान गर्दै कृतज्ञता ज्ञापन गरिएको थियो।
शैक्षिक तथा अतिरिक्त क्रियाकलापमा उत्कृष्ट प्रदर्शन गर्ने विद्यार्थीहरूलाई पनि पुरस्कृत गरिएको थियो। कक्षागत रूपमा प्रथम, द्वितीय र तृतीय स्थान हासिल गर्ने विद्यार्थीहरूलाई पुरस्कार तथा प्रमाणपत्र प्रदान गरिएको थियो। अतिरिक्त क्रियाकलाप अन्तर्गत खेलकुद, वक्तृत्वकला, हाजिरीजवाफ, चित्रकला, नृत्य तथा अन्य विधामा उत्कृष्टता हासिल गर्ने विद्यार्थीहरूलाई समेत सम्मानित गरिएको थियो। यसले विद्यार्थीहरूमा प्रतिस्पर्धात्मक भावना, आत्मविश्वास र थप उत्कृष्टता हासिल गर्ने प्रेरणा जगाएको छ।अभिभावक भेलाको क्रममा अभिभावकहरूले विद्यालयप्रति आफ्नो विश्वास र समर्थन व्यक्त गरेका थिए। उनीहरूले विद्यालयले अपनाएको अनुशासन, शिक्षण पद्धति तथा विद्यार्थी केन्द्रित गतिविधिहरूको प्रशंसा गर्दै आगामी दिनमा पनि निरन्तर सहकार्य गर्ने प्रतिबद्धता जनाएका थिए। विद्यालय र अभिभावकबीचको सुदृढ सम्बन्धले विद्यार्थीको समग्र विकासमा सकारात्मक प्रभाव पार्ने विश्वास व्यक्त गरिएको थियो।कार्यक्रम सफलतापूर्वक सम्पन्न गर्न शिक्षक मित्रहरू, विद्यार्थी भाइबहिनीहरू, विद्यालय व्यवस्थापन समिति, कर्मचारी वर्ग तथा सहयोगी हातहरूको महत्वपूर्ण भूमिका रहेको थियो। कार्यक्रम व्यवस्थापन, मञ्च सजावट, अतिथि सत्कार, सांस्कृतिक अभ्यासदेखि सम्पूर्ण व्यवस्थापनमा सबैले जिम्मेवारीपूर्वक भूमिका निर्वाह गरेका थिए। विद्यालय परिवारले कार्यक्रम सफल बनाउन प्रत्यक्ष तथा अप्रत्यक्ष रूपमा सहयोग गर्ने सम्पूर्णमा हार्दिक आभार प्रकट गरेको छ।४३औँ वार्षिकोत्सव केवल उत्सव मात्र नभई विद्यालयको विगत, वर्तमान र भविष्यलाई जोड्ने सेतुका रूपमा रहेको देखिएको छ। यसले विद्यालयको गौरवमय इतिहासलाई स्मरण गर्दै आगामी दिनमा अझ सशक्त र गुणस्तरीय शिक्षण–अध्यापनतर्फ अग्रसर हुने दृढ संकल्प व्यक्त गरेको छ।कार्यक्रम विद्यालय व्यवस्थापन समितिका अध्यक्ष श्री रेशम तामाङ ज्यूको सभापतित्वमा सम्पन्न भएको थियो।कार्यक्रमको शुभारम्भ राष्ट्रिय गान तथा दीप प्रज्वलनसँगै गरिएको थियो। स्वागत मन्तव्यका क्रममा विद्यालय परिवारले उपस्थित सम्पूर्ण अतिथिहरूलाई हार्दिक आभार प्रकट गर्दै विद्यालयको निरन्तर प्रगति र उन्नतिका लागि प्राप्त सहयोगप्रति कृतज्ञता व्यक्त गरेको थियो।कार्यक्रमको मुख्य आकर्षणका रूपमा विद्यालयका प्रधानाध्यापक ज्ञान बहादुर तामाङले वार्षिक प्रगति प्रतिवेदन प्रस्तुत गर्नुभएको थियो । प्रतिवेदनमार्फत गत शैक्षिक सत्रमा विद्यालयले हासिल गरेका उपलब्धिहरू, विद्यार्थीहरूको शैक्षिक नतिजा, भौतिक पूर्वाधार विकास, अतिरिक्त क्रियाकलापहरू, शिक्षकहरूको व्यावसायिक विकास, सूचना प्रविधिको प्रयोग, तथा समुदायसँगको सहकार्यका विषयमा विस्तृत जानकारी गराइएको थियो। विद्यालयले सीमित स्रोतसाधनका बाबजुद गुणस्तरीय शिक्षामा ध्यान केन्द्रित गर्दै निरन्तर सुधारका कदम चालेको कुरा प्रतिवेदनमा उल्लेख गरिएको थियो।प्रधानाध्यापकले आगामी शैक्षिक योजनाहरू पनि सार्वजनिक गर्नुभयो। 
आगामी वर्षहरूमा शैक्षिक गुणस्तर अभिवृद्धि, प्रविधिमैत्री कक्षाकोठा निर्माण, पुस्तकालय तथा प्रयोगशाला सुदृढीकरण, अतिरिक्त क्रियाकलाप विस्तार, तथा अनुशासन र नैतिक शिक्षामा जोड दिने योजना प्रस्तुत गरिएको थियो। साथै, अभिभावक र समुदायको सक्रिय सहभागिता विना विद्यालयको समग्र विकास सम्भव नहुने उल्लेख गर्दै सबैलाई सहकार्यका लागि आह्वान गरिएको थियो।श्री गोल्मादेवी माध्यमिक विद्यालयले विगत चार दशकभन्दा बढी समयदेखि स्थानीय समुदायमा शिक्षाको ज्योति प्रज्वलित गर्दै आएको छ। आज सम्पन्न भएको ४३औँ वार्षिकोत्सव तथा १७औँ अभिभावक भेला कार्यक्रमले विद्यालयको निरन्तर प्रगति, सामूहिक एकता र उज्ज्वल भविष्यप्रतिको प्रतिबद्धतालाई पुनः पुष्टि गरेको छ। शिक्षा, संस्कार र संस्कृतिको समन्वयमार्फत सक्षम, जिम्मेवार र नैतिक नागरिक उत्पादन गर्ने आफ्नो लक्ष्यतर्फ विद्यालय निरन्तर अग्रसर रहने विश्वास व्यक्त गरिएको छ।फोटो ज्ञान बहादुर तामाङ बाट