शिक्षा,खेलकुद,सङ्गित लगायत क्षेत्रमा नगरपालिका सहयोग गर्न तयार ,प्रमुख आइतमान तामाङले

मेलम्ची नगरपालिकाका प्रमुख आइतमान तामाङले शिक्षाबाट कोहि पनि विद्यार्थी बन्चित हुन नपर्ने बताउनुभएको छ । नगरपालिकाले शिक्षा क्षेत्रमा उल्लेख्य लगानी गरिरहेको उल्लेख गर्दै नगर प्रमुख तामाङले कोहि पनि ब्यक्ति आर्थिक अभावले शिक्षा बाट बन्चित हुन नपर्ने बताउनुभएको हो । इन्द्रेश्वरी माध्यमिक विद्यालयको कक्षा ११ का विद्यार्थीहरुलाई स्वागत कार्यक्रमलाई सम्बोधन गर्दै प्रमुख तामाङले शिक्षालाई हल्का रुपमा नलिन सुझाव दिदै शिक्षक गुरुले देखाएको बाटोमा लाग्न आग्रह गर्नुभयो । उहाँले भविष्यको रेखाकोर्ने समय अहिलेनै भएकाले मिहिनेती बन्न सुझाउनुभयो । प्रमुख तामाङले शिक्षा,खेलकुद,सङ्गित लगायत क्षेत्रमा नगरपालिका सहयोग गर्न तयार रहेको बताउनुभयो । विशेष अतिथि मेलम्ची नगरपालिकाका उपप्रमुख उमा प्रधानले विद्यार्थीको गहना भनेकै अनुशासन भएकाले अनुशासित भएर अगाडि बढ्न आग्रह गर्नुभयो । उहाँले यसै विद्यालयमा अध्ययन गर्ने विद्यार्थीहरुले अहिले उच्च ओहदामा पुगेको उल्लेख गर्दै आफ्नो उज्ज्वल भविष्यको लागी मिहेनत गर्न आग्रह गर्नुभयो । वडा नम्बर ११ पुर्व वडा अध्यक्ष रुद्रप्रसाद दुलाल विद्यालयमा कक्षा ११ भर्ना भइ आएका विद्यार्थी हरुलाई शुभकामना व्यक्त गर्दै सफल भविष्यको कामना गर्नुभयो । विद्यालयका पुर्व प्रधानाध्यापक तथा इन्द्रावती बहुमुखी क्याम्पसका प्रमुख राधाकृष्ण श्रेष्ठले विज्ञान बिषय,प्राबिधिक धार तर्फ समेत राम्रो पढाई भइरहेकाले आगामी दिनमा कानुन बिषय थप गर्नपर्ने आवश्यकता रहेको बताउनुभयो । कार्यक्रम विद्यालय व्यवस्थापन समितिका सदस्य छेसाङ तामाङको अध्यक्षतामा भएको हो । कार्यक्रममा विद्यार्थीहरुले आफ्नो प्रतिभा प्रस्तुत गरेका थिए ।