नेपालका महान राष्ट्रनिर्माता पृथ्वीनारायण शाह का विश्वासिला, साहसी तथा कुशल सेनापतिमध्येका एक तत्कालीन प्रधान सेनापति काजी केहरसिंह बस्नेत नेपाली इतिहासमा राष्ट्र एकीकरण अभियानका एक वीर योद्धाका रूपमा अमर रहनु भएको छ । गोरखा राज्य विस्तार तथा आधुनिक नेपालको निर्माण अभियानमा उनले आफ्नो अदम्य साहस, युद्धकौशल र राष्ट्रप्रतिको समर्पणद्वारा महत्वपूर्ण योगदान पु¥याएका थिए। विभिन्न युद्धमा गोरखाली सेनाको नेतृत्व गर्दै उनले राष्ट्रिय एकताको जग मजबुत बनाउन खेलेको भूमिका इतिहासमा सदैव स्मरणीय रहनेछ।यिनै ऐतिहासिक तथा राष्ट्रभक्त व्यक्तित्व काजी केहरसिंह बस्नेतको पूर्णकदको सालिक ऐतिहासिक एवं पर्यटकीय महत्व बोकेको रमणीय स्थल नगरकोट मा स्थापना गरिएको छ। पूर्व प्रधान सेनापति प्रेमसिंह बस्न्यात को विशेष पहल, अथक प्रयास तथा नेतृत्वमा निर्माण गरिएको उक्त सालिकको भव्य अनावरण नेपाली सेनाका प्रधान सेनापति अशोकराज सिग्देल बाट जेठ २५ गते सम्पन्न गरिएको हो।
पूर्व प्रधान सेनापति प्रेमसिंह बस्न्यात नेपाली सेनाका अनुभवी, अनुशासित तथा राष्ट्रप्रेमी व्यक्तित्वका रूपमा परिचित हुनुहुन्छ । नेपाली सेनामा दीर्घकालीन सेवा गर्दै उहाँले नेतृत्वदायी भूमिका निर्वाह गरेगर्नु भएको थियो । राष्ट्र, राष्ट्रियता, नेपाली इतिहास तथा वीर गोरखालीहरूको गौरवगाथालाई संरक्षण र प्रवद्र्धन गर्न लागी परिरहनु भएका प्रेमसिंह बस्नेतको बिशेष अगुवाइका कारण यस्ता ब्यक्तीत्वहरुको खोजी गर्दै इतीहास देखाउँने काम भइरहेको छ । विशेषगरी नेपालको एकीकरण इतिहास र राष्ट्रिय स्वाभिमानसँग जोडिएका विषयमा अध्ययन, अनुसन्धान तथा जनचेतना फैलाउन उहाँले महत्वपूर्ण योगदान रहेको छ। काजी केहरसिंह बस्नेतको सालिक निर्माणमा देखिएको उहाँको समर्पणले इतिहासप्रतिको सम्मान र राष्ट्रप्रेमको भावना स्पष्ट झल्काउँछ।भक्तपुर र काभ्रेपलाञ्चोक जिल्लाको सीमामा अवस्थित नगरकोट डाँडामा राष्ट्र एकीकरणका वीर योद्धा काजी केहरसिंह बस्नेतको सालिक स्थापना भएपछि उक्त क्षेत्रको ऐतिहासिक गरिमा अझ बढेको छ। नेपाल एकीकरण अभियानमा गोरखाली सेनाले पु¥याएको अतुलनीय योगदानको स्मरणस्वरूप निर्माण गरिएको यस सालिकले नेपाली इतिहास, वीरता, राष्ट्रिय एकता र स्वाभिमानको सन्देश प्रवाह गरेको छ।सालिक अनावरण कार्यक्रममा सहभागी वक्ताहरूले दरबार, सेना र जनताको एकता नै राष्ट्रको सबैभन्दा ठूलो शक्ति भएको उल्लेख गर्दै यही एकताका कारण नेपाल एकीकरण सम्भव भएको धारणा व्यक्त गरेका थिए। बक्ताहरूले नेपाली वीर गोरखालीहरूको साहस, बलिदान र राष्ट्रप्रेमकै कारण नेपाल विश्वसामु गौरवशाली राष्ट्रका रूपमा चिनिन सफल भएको बताएका छन । साथै, मातृभूमिका लागि जीवन अर्पण गर्ने पुर्खाहरूको योगदानलाई सम्मान गर्दै भावी पुस्तालाई इतिहासप्रति सचेत, प्रेरित र जिम्मेवार बनाउन आवश्यक रहेकोमा विशेष जोड दिइएको थियो।उक्त सालिक निर्माण कार्यमा पूर्व प्रधान सेनापति प्रेमसिंह बस्न्यात, सेनानी थम्मनबहादुर बस्नेत, धनमानसिंह बस्न्यात, पृथ्वीमानसिंह बस्न्यात, पूर्व राजदूत निरञ्जनमानसिंह बस्न्यात, उपरथी शेखरसिंह बस्न्यात, सहायक रथी डा. प्रेमसिंह बस्न्यात, सुदीपसिंह बस्न्यात, सुरेशकुमार बस्न्यात, डिल्लीविक्रम बस्न्यात, लक्ष्मी बस्न्यात, इमानसिंह बस्न्यात, दुर्योधन बस्न्यात, रामशरण बस्न्यात, विनोद बस्न्यात, कुलदीप बस्न्यात लगायत श्रीपाली बस्न्यात समूहको महत्वपूर्ण सहयोग रहेको बताइएको छ।यो सालिक केवल एक ऐतिहासिक व्यक्तित्वको सम्मान मात्र नभई नेपाली वीरता, राष्ट्रिय एकता, स्वाभिमान र पुर्खाहरूको गौरवशाली इतिहासप्रतिको उच्च श्रद्धाञ्जलीका रूपमा स्थापित भएको छ।सालिक अनाबरण कार्यक्रममा स्थानीय लगाएत देसका बिभिन्न स्थानबाट बर्तमान तथा पुर्ब सेनाहरुको व्यापक उपस्थिती रहेको थम्मन बहादुर बस्न्यातले जानकारी दिनु भयो । फोटो पुर्ब सैनिक भुपेन्द्र थापा बाट