सिविएम नेपालको साझेदारीमा सप्रोस नेपालले सञ्चालन गरेको समुन्नती परियोजना अन्तर्गत पालिका स्तरिय समावेशी विपद ब्यवस्थापन क्षमता विकास तथा योजना निर्माण सम्बन्धि दुई दिने कार्यशाला हेलम्बुमा सम्पन्न भएको छ ।
हेलम्बु गाउँपालिकाका प्रमुख प्रशासकिय अधिकृत बिष्णुहरी तिमल्सिना को प्रमुख आतिथ्यतामा कार्यशाला सम्पन्न भएको हो । कार्यशालाको सहजीकरण शुनिल सन शाक्यले गर्नुभएको थियो ।
कार्यशालामा प्रकोप र विपदका बारेमा छलफल गर्दै हेलम्बु गाउँपालिकामा देखिएका १४ प्रकारका प्रकोपहरु बारे छलफल गरिएको थियो । यस्तै वडा गत रुपमा प्रकोपहरुको जोखिम क्षेत्रहरु पहिचान गरी सूचना बनाई उक्त जोखिमको क्षेत्रलाई विपद ब्यवस्थापन गर्ने योजनाहरु तयार गरी समावेसि योजना निर्माण गर्ने छलफल समेत गरिएको छ ।
यसका साथै पालिका संग भएका ऐन, नियम तथा समावेशी विपद ब्यवस्थापन क्षमता विकास तथा योजना निर्माण सम्बन्धी नीति नियमको बारेमा छलफल गरी अब बनाउने नीति र नियममा समावेशिता राख्ने तयारी समेत गरिएको छ । समावेशी विपद योजना एवम् अपांगता समावेशी योजनामा समेट्न र अपांगता लगायत समावेशी वर्गहरुलाई पालिकाका हरेक नीति, नियम र विकासका प्रक्रियामा सामेल गराउने कुरा समेत कार्यशालामा राखिएको सप्रोस नेपालका बरिष्ठ सामाजिक परिचालक सुरज न्यौपानेले बताउनुभयो ।
कार्यशालामा ३० जनाको सहभागिता रहेको थियो । ८ जना सरकारी कर्मचारी, वडा अध्यक्ष र सदस्य गरि ८ जना, नेपाल प्रहरी बाट ३ जना, सप्रोस नेपाल बाट ३ जना र सप्रोस नेपालको सहजिकरणामा गठन भएको अपाङ्गता समावेसि स्वाबलम्बन समुहबाट समूह बाट ५ जनाको सहभागीता रहेको थियो ।