सिन्धुपाल्चोक– नगरप्रमुख आइतमान तामाङको अध्यक्षतामा सथानीय विपद् तथा जलवायु उत्थानशील कार्ययोजना (LDCRF) तर्जुमा सम्बन्धी एकदिने सूचना सङ्कलन तथा क्षमता अविवृद्धि कार्यक्रम सम्पन्न भएको छ । कार्यक्रम नगरपालिकाको सभाहलमा बुधबार आयोजना गरिएको हो ।
कार्यक्रमलाई सम्बोधन गर्दै नगरप्रमुख तामाङले विपद् व्यवस्थापन कार्यमा स्थानीय सरकार नागरिकसँग सबैभन्दा नजिकको तह भएकाले वडा तहको भूमिका अत्यन्त्र महत्वपूर्ण रहने बतायनुभयो । उहाँले स्थानीय स्तरमा विपद् जोखिम न्यूनीकरण तथा जलवायु उत्थानशील योजना निर्माणका लागि यस्ता कार्यक्रम प्रभावकारी हुने उल्लेख गर्दै प्राप्त सुझाव, अनुभव तथा सूचनालाई व्यवहारिक कार्यान्वयनमा जोडिने विश्वास व्यक्त गर्नुभयो ।
कार्यक्रममा सहभागीहरुले विपद् जोखिम न्यूनीकरण, जलवायु परिर्वतनका असर तथा स्थानीय तहमा अपनाउनुपर्ने पूर्वतयारीका विषयमा छलफल गरेका थिए । साथै स्थानीय आवश्यक्ता अनुसार कार्ययोजना निर्माण गर्न तथ्यगत सूचना सङ्कलन र समन्वयलाई प्राथमिकता दिनुपर्नेमा जोड दिइएको थियो । 
राष्ट्रिय विपद् जोखिम न्यूनीकरण तथा व्यवस्थापन प्राधिकरण, सिन्धुपाल्चोकको आर्थिक सहयोगमा आयोजित कार्यक्रममा उपप्रमुख उमा प्र्धान, प्रमुख प्रशासकीय अधिकृत निमेष मिश्र, विभिन्न वडाअध्यक्षहरु नगेन्द्र प्रसाद खतिवडा, पासाङ दोङ, र चन्द्र बहादुर तामाङ लगायत सरोकारवालाहरुको उल्लेख्य सहभागिता रहेको थियो ।
