चौतारा साँगाचोकगढि नगरपालिका वडा १२ मा रहेको प्रयास महिला वचत तथा ऋण सहकारी संस्था लिमिटेडको चौथो अधिवेशन, नवौं साधारण सभा तथा १०औं वार्षिक उत्सव सम्पन्न भएको छ ।
अधिवेशनले धामो तामाङको अध्यक्षतामा नयाँ कार्यसमिति समेत निर्वाचित गरेको छ । कार्यसमितिको उपाध्यक्षमा मनमाया नेपाल, सचिवमा अस्मीता विक, कोसाध्यक्षमा नानिमाया राना, सह –सचिवमा विनु रिसाल र सदस्यहरुमा विन्दा पौडेल र यसोदा गिरी रहनुभएको छ ।
सो कार्यक्रमका प्रमुख अतिथि वाग्मति प्रदेशका पुर्व सामाजिक मन्त्री युवराज दुलालले संस्थाको संस्थागत र भौतिक विकासका लागी आफुले आवश्यक पर्ने वजेट विनियोजनमा पहल गर्ने प्रतिवद्धता ब्यक्त गर्नुभयो । उहाँले सहकारी महिलाहरुको भावना उच्च वनाउने कार्यमा लागेको र सवैको सहयोगले नै यसको गरिमा उच्च हुने समेत बताउनुभयो ।
कार्यक्रममा चौतारा साँगाचोकगढि नगरपालिका उपप्रमुख जानुका पराजुली लगायतले शुभकामना मन्तव्य राख्नुभएको थियो ।
संस्थाको अध्यक्ष सुनिता रखालको अध्यक्षतामा भएको सो कार्यक्रममा उत्कृष्ठ वचतकर्तालाई सम्मान गरिएको थियो ।