जिल्ला शिक्षक महासंघ सिन्धुपाल्चोकको दोस्रो जिल्ला परिषद् कार्यक्रम भव्य, सभ्य र उत्साहपूर्ण वातावरणमा सम्पन्न भएको छ।सिन्धुपाल्चोक जिल्लाको शैक्षिक क्षेत्रलाई सुदृढ, व्यवस्थित र शिक्षक अधिकारका विषयलाई थप सशक्त बनाउने उद्देश्यका साथ जिल्ला शिक्षक महासंघ सिन्धुपाल्चोकको दोस्रो जिल्ला परिषद् सम्पन्न गरेको हो ।
चौतारा बहुमुखी क्याम्पसको सभाहलमा शनीबार आयोजित उक्त कार्यक्रमले जिल्लाका शिक्षकहरूबीच एकता, सहकार्य र साझा दृष्टिकोण निर्माणमा महत्वपूर्ण योगदान पु¥याएको शिक्षक ज्ञान बहादुर तामाङले जानकारी दिनु भयो ।उँहाका अनुसार कार्यक्रमको उद्घाटन नेपाल शिक्षक महासंघका केन्द्रीय अध्यक्ष लक्ष्मी किशोर सुवेदीले परम्परागत रूपमा पानसमा बत्ती बालेर गर्नु भएको थियो। जिल्ला अध्यक्ष कुमार प्रसाद खतिवडाको सभापतीत्वमा भएको कार्यक्रलाइ सम्बोधन गर्दै प्रमुख अतिथि केन्द्रीय अध्यक्ष लक्ष्मी किशोर सुवेदीले नेपालको शैक्षिक क्षेत्रका वर्तमान चुनौतीहरू, शिक्षकहरूको अवस्था तथा सुधारका सम्भावनाहरूको बारेमा विस्तृत रूपमा चर्चा गर्नुभयो। उहाँले शिक्षा क्षेत्रको विकास बिना देशको समग्र विकास सम्भव नहुने बताउँदै शिक्षकहरूको भूमिका राष्ट्र निर्माणमा अत्यन्त महत्वपूर्ण रहेको धारणा व्यक्त गर्नुभयो। साथै उहाँले शिक्षकहरूको पेशागत सुरक्षा, उचित पारिश्रमिक, स्थायित्व तथा सम्मानजनक वातावरणको सुनिश्चितताका लागि महासंघले निरन्तर पहल गरिरहेको जानकारी दिनुभयो।उहाँले संघीय संरचनामा शिक्षा क्षेत्रको व्यवस्थापन, स्थानीय तहसँगको सहकार्य, र शिक्षकहरूको पेशागत अधिकारका विषयमा स्पष्ट नीति आवश्यक रहेको बताउनुभयो। साथै, शिक्षकहरूलाई प्रविधिमैत्री बनाउँदै आधुनिक शिक्षण पद्धति अपनाउन पनि उहाँले जोड दिनुभयो। कार्यक्रमका सभापतीत्व गरिरहनु भएका जिल्ला अध्यक्ष कुमार प्रसाद खतिवडाले शिक्षक महासंघले शिक्षकहरूको हक, हित र पेशागत मर्यादाका लागि निरन्तर संघर्ष गर्दै आएको उल्लेख गर्नुभयो। उहाँले जिल्लाभरिका शिक्षकहरूलाई एकताबद्ध भई शैक्षिक गुणस्तर अभिवृद्धि गर्न र विद्यालय शिक्षा सुधारमा अग्रसर हुन आग्रह गर्नुभयो। उहाँको भनाइले कार्यक्रममा उपस्थित शिक्षकहरूलाई प्रेरित गर्नुका साथै आगामी दिनमा महासंघको भूमिकालाई अझ प्रभावकारी बनाउन आवश्यक मार्गनिर्देशन प्रदान गरेको थियो।कार्यक्रममा विभिन्न विद्यालयबाट सहभागी भएका शिक्षक प्रतिनिधिहरूले पनि आफ्ना धारणा राखेका थिए। उनीहरूले विद्यालय स्तरमा देखिएका समस्या, शिक्षण सिकाइ प्रक्रियामा भएका चुनौतीहरू तथा समाधानका उपायहरूबारे आफ्ना अनुभव साझा गरेका थिए। यसले कार्यक्रमलाई अझ सहभागीमूलक र अन्तरक्रियात्मक बनाएको थियो।कार्यक्रममा पूर्व जिल्ला अध्यक्षहरूको सम्मान गरिएको थियो। महासंघको स्थापना र विकासमा महत्वपूर्ण योगदान पु¥याएका पूर्व जिल्ला अध्यक्षहरूलाई सम्मानित गरिनु कार्यक्रमको भावनात्मक तथा गौरवपूर्ण क्षण बनेको थियो। सम्मान ग्रहण गर्ने क्रममा उहाँहरूले आफ्नो अनुभव, संघर्ष र सफलताका कथाहरू साझा गर्दै नयाँ पुस्ताका शिक्षकहरूलाई प्रेरणा दिनु भएको थियो। कार्यक्रममा शिक्षकहरूको सेवा सुविधा वृद्धि, अस्थायी तथा राहत शिक्षकहरूको समस्या समाधान, शैक्षिक पूर्वाधार सुधार, प्रविधिको प्रयोग विस्तार तथा गुणस्तरीय शिक्षा सुनिश्चित गर्ने विषयहरू माथी छलफल भएको थियो । परिषद्ले शिक्षकहरूबीच सहकार्य र समन्वयलाई अझ मजबुत बनाउने अपेक्षा गरिएको छ। कार्यक्रममा उठाइएका विषयहरूलाई कार्यान्वयनमा लैजान महासंघ प्रतिबद्ध रहेको जानकारी गराइएको थियो। साथै, शिक्षकहरूको पेशागत विकासका लागि तालिम, कार्यशाला तथा क्षमता अभिवृद्धि कार्यक्रमहरू सञ्चालन गर्ने योजना पनि प्रस्तुत गरिएको थियो।कार्यक्रमको सञ्चालन व्यवस्थित र प्रभावकारी रूपमा गरिएको थियो। उपस्थित सम्पूर्ण अतिथि, शिक्षक तथा प्रतिनिधिहरूको सक्रिय सहभागिताले कार्यक्रमलाई सफल बनाएको थियो। समग्रमा हेर्दा यो परिषद् केवल औपचारिक कार्यक्रम मात्र नभई शिक्षकहरूको साझा मञ्चका रूपमा उभिएको थियो, जहाँ विचार आदानप्रदान, समस्या पहिचान र समाधानका उपायहरू खोज्ने प्रयास गरिएको थियो।सिन्धुपाल्चोक जिल्ला शिक्षक महासंघको दोस्रो जिल्ला परिषद् कार्यक्रम सफलतापूर्वक सम्पन्न भएको छ। यो कार्यक्रमले शिक्षकहरूको एकता, सहकार्य र साझा लक्ष्यप्रतिको प्रतिबद्धतालाई अझ सुदृढ बनाएको छ। आगामी दिनमा यस्ता कार्यक्रमहरूले शिक्षा क्षेत्रको विकासमा सकारात्मक प्रभाव पार्ने विश्वास गरिएको छ।