वैदेशिक राेजगारीमा जाने क्रममा जानकारी नहुँदा मानव बेचविखनकाे घटनाहरु बढ्न थाले

मेलम्ची नगरपालिकाका प्रमुख आइतमान तामाङले असंगठित रुपमा वैदेशिक राेजगारीकाे शिलशिलामा जाने क्रममा प्रयाप्त जानकारी नहुँदा मानव बेचविखनकाे घटनाहरु बढ्न थालेकाले यसकाे न्युनिकरणका लागि श्रमिककाे रुपमा विदेश जानेहरुलाई सचेतनामुलक कार्यक्रम सञ्चालन गर्नुपर्ने बताउनुभएकाे छ । आइतबार मेलम्ची नगरपालिकाकाे समन्वय तथा सुनिता फाउन्डेसनको आयाेजनामा मानव बेचविखनबाट प्रभावित व्यक्तिहरुकाे सशक्तीकरणका लागि साझा प्रयास समन्वय वैठकमा आफ्नाे धारणा राख्दै उहाँले प्रभावितहरुकाे सहयाेगमा नगरले आबश्यक सहयाेग गर्ने बताउनुभयाे । उपप्रमुख उमा प्रधानले थप निति तथा कार्यक्रम बनाउन आवश्यक निर्माण गरिने बताउँदै महिला संगै पुरुषको पनि समस्या हुने भएकाले यस तर्फपनि ध्यान दिनुपर्ने बताउनुभयो । संस्थाका प्रबन्ध निर्देशक स्वस्तिका दनुवारले संस्थाले डोनरले सहयोग गर्दा सम्म मात्र कार्यक्रम सञ्चालन गर्न सक्ने भएकाले स्थानीय सरकारले यसलाई निरन्तरता दिनुपर्नेमा जोड दिनुभयो । नगरपालिकाका महिला विकास निरीक्षक लक्ष्मी परियारले मेलम्ची नगरपालिकाले गरिरहेका कामको बारेमा जानकारी गराउनुभयो । नगरका शाखा प्रमुखहरु, इलाका प्रहरी कार्यालय मेलम्चीका प्रहरी निरीक्षक सुकदेव पौडेल , सराेकारवालाहरुकाे सहभागिता रहेकाे वैठकमा फाउन्डेसनले मेलम्चीमा सञ्चालन गरेका कार्यक्रमहरुकाे बारेमा परियोजना अधिकृत संगीता नेपालीले जानकारी गराउनुभएको थियो ।