नेपाल पत्रकार महासघंले तीनकुनेमा भएको हिंसात्मक प्रदर्शनमा सञ्चारमाध्यम र सञ्चारकर्मीमाथिको आक्रमण र पत्रकार रजकको हत्याका सम्बन्धमासरकारलाई दिएको सात दिने अल्टिमेटम सकिएको सन्दर्भमा महासंघको उपलब्ध केन्द्रीय समितिको बैठकले आन्दोलनको तैयारी गरिरहेको छ ।
नेपाल पत्रकार महासघंको बैठकले त्यस सम्बन्धमा बिभिन्न निर्णय गरेको महास३का महासचिब राम प्रसाद दाहालद्धारा जारी बिज्ञेप्तीमा जनाइएको छ ।उँहाद्धारा मङ्गलबार जारी बिज्ञेप्तीमा यही चैत १५ गते काठमाडौंको तीनकुनेमा भएको हिंसात्मक प्रदर्शनका क्रममा सञ्चारमाध्यम र सञ्चारकर्मीमाथि भएको आक्रमण र पत्रकार सुरेश रजकको हत्याका सम्बन्धमा स्वतन्त्र छानबिन गरी सात दिनभित्र प्रेस स्वतन्त्रता हननमा संलग्नहरूमाथि कानुनी कारबाही, रजकका परिवारका साथै क्षति पुगेका सञ्चारगृहलाई यथोचित क्षतिपूर्ति र घाइते पत्रकारको निःशुल्क उपचारका लागि नेपाल पत्रकार महासंघले यही चैत १८ गते नेपाल सरकारलाई ध्यानाकर्षणपत्र बुझाएकोमा सरकारले हालसम्म महासंघको माग पूरा नगरेकोप्रति महासंघ गम्भीर भएको जनाइएको छ ।सरकारलाई दिएको सात दिने अल्टिमेटम यही चैत २५ गते सकिएको सन्दर्भमा आज बसेको महासंघको उपलब्ध केन्द्रीय समितिको बैठकले आफ्ना माग पूरा गराउन सरकारलाई थप दबाब दिनुपर्ने अवस्था सिर्जना भएको निष्कर्ष निकालेको छ । महासंघका उपाध्यक्ष उमिद बागचन्दको अध्यक्षतामा बसेको बैठकले दिवंगत पत्रकार सुरेश रजकप्रति शोक व्यक्त गर्न केन्द्रीय समितिले चैत २७ गते बुधबार काठमाडौंको माइतीघर मण्डलामा साँझ ६ बजे दीप प्रज्वलनसहित श्रद्धाञ्जली सभा गर्ने , श्रद्धाञ्जली सभामा सहभागी हुन महासंघका उपत्यका, प्रतिष्ठान र एसोसिएट प्रदेश समिति र शाखा तथा संस्थाहरूलाई सहभागी हुने ।उपत्यका बाहिरका जिल्ला शाखाहरूलाई यही प्रकृतिको कार्यक्रम गर्न निर्देशन दिने । चैत २९ गते शुक्रबार रजकको हत्याका सम्बन्धमा स्वतन्त्र छानबिनका लागि राष्ट्रिय मानवअधिकार आयोगलाई ध्यानाकर्षणपत्र बुझाउने । प्रदेश समिति र शाखाहरूले पनि सोहीबमोजिम गर्ने । चैत ३१ गते सरकारलाई ‘नेपाल पत्रकार महासंघले यही चैत १८ गते प्रस्तुत गरेका माग पुरा गर’ भन्ने सन्देश विभिन्न माध्यमबाट गृहमन्त्रीसमक्ष पठाउन देशभरका पत्रकारहरूलाई आह्वान गर्ने । तीनकुनेमा भएको प्रेस विरोधी गतिविधिलाई लिएर २०८२ बैशाख २ गते सम्पादकहरूसँग छलफल गर्ने । वैशाख ४ गते सञ्चारगृहका सञ्चालक आबद्ध रहेका प्रमुख संस्थाहरूसँग छलफल गर्ने ।वैशाख ६ गते महासंघका पूर्व सभापति÷अध्यक्षहरूसँग छलफल गर्ने । प्रदेश र जिल्ला शाखाले पूर्व सभापति÷अध्यक्षसहित अग्रज पत्रकारहरूसँग छलफल गर्ने ।उल्लेखित समयावधिभित्र सरकारले महासंघका माग सम्बोधन नगरे देशब्यापी आन्दोलनको घोषणा गर्ने जानकारी गराइन्छ बिज्ञेप्तीमा जनाइएको छ ।