सिन्धुपाल्चोकको मेलम्ची नगरपालिका वडा नम्बर ६ बतासेमा मंसिर ८ गते शनिबार इम्प्याक्ट म्याराथन हुने भएको छ । म्याराथन आयोजक इम्प्याक्ट म्याराथन र तार्गेट हिमाmलयको संयुक्त आयोजानमा म्याराथन गर्न लागिएको तार्गेट हिमालयका अध्यक्ष सुजन तामाङले जानकारी दिनुभयो । स्वास्थ्य र पर्यटनका लागी दौड भन्ने आदर्श वाक्य सहित मेलम्ची नगरपालिका वडा नम्बर ६ र आसपास रहेका पर्यटकीय स्थलहरुको प्रचारप्रसार गर्ने र म्याराथनमा स्थानियलाई समेत सहभागीता गराउने उद्धेश्यले कार्यक्रम आयोजना गरिएको तामाङले जानकारी दिनुभयो । मेलम्ची नगरपालिकाको धौले,थानकुनेभञ्ज्याङ लगायत पर्यटकीय स्थलहरुको परिक्रमा गर्दै म्याराथन गराइने आयोजकले जनाएको छ । म्याराथनलाई तिन समहुमा विभाजन गरिएको छ । स्थानिय युवा विद्यार्थीहरुको लागी लागी १० किलोमिटर,स्थानिय युवा तथा स्वदेशि एवम् विदेशी खेलाडीहरुको लागी २१ किलोकिटर र अन्य इच्छुक खेलाडीको लागी ४२ किलोमिटरको रुट तय गरिएको आयोजक दावा तामाङले जानकारी दिनुभयो । म्याराथन बतासेबाट सुरु भई थकनी,थानकुने भञ्जाङ हुँदै धौले परिक्रमा गरि पुःन बतासेमै आएर समापन हुने छ । म्याराथनमा सहभागी हुन चाहानेले जुगल बचत तथा ऋण सहकारी संस्था मेलम्चीबाट फर्म भर्न सकिने आयोजकले जनाएको छ । दर्ताशुल्क ५सय रुपैयाँ तोकिएको छ ।
