सिन्धुपाल्चोक जिल्लाको बलेफी गाउँपालिकाले बिभिन्न कारण शिक्षाबाट बञ्चित भएका बालबालिकालाई बिद्यालयमा ल्याउने प्रयास गर्न थालेको छ । सिन्धुपाल्चोक जिल्ला बलेफी गाँउपालिका वडा नं. ३ स्थित श्री भिमसेन मा.वि. मा पढिरहेका ४ जना विद्यार्थीले गत असारको विदापछि विद्यालय छाडेको खबर प्राप्त भएपछि उहाँहरुलाई पुनः पढ्न फर्काउनका लागि उपाध्यक्ष सरु लामा तामाङ वडा अध्यक्ष एवं विद्यालय व्यवस्थापन समितिका अध्यक्ष रितेस तामाङ च्यानडाँडा आ.वि. का विद्यालय व्यवस्थापन समितिका अध्यक्ष यसीम गोले र सञ्चार कर्मी प्रितम गोले सहतिको टोली उहाँहरुकै घरघरमा जानु भएको थियो । बिचमा पढाइ छोडेर बस्नु भएकाहरुको घरमै पुगेर अभिभावक सहीत बिद्यार्थीहरुसँग पढाइ छाड्नुको कारणका बारेमा सोधपुछ गरिएको थियो । यसरी सोधपुछ गर्ने क्रममा घरपरिवारले पढ्नुपर्छ भनेर विद्यालय जान आफुले दबाव दिएपनि विद्यार्थी नामानेको बताएका थिए भने जनप्रतिनिधिहरुले कुनै समस्या भए हामी जिम्मा लिन्छु भन्दा समेत बिद्याथीहरु भने बिद्यालय जान नमानेको देखिएको प्रितम गोलेले जानकारी दिनुभयो ।
गाँउपालिकाका उपाध्यक्ष सरु लामा तामाङले विद्यालय उमेरका बालबालिकालाई बिद्यालयमा पठाएर शिक्षा सिकाइमा सहयोग गर्न अभिभावकलाई अनुरोध गर्दैे बालबालिकालाई बिद्यालय जानका लागी कुन कारणले मन नलागेको हो यस सम्बन्धमा आफुलाई जानकारी दिन समेत उपाध्यक्षले अभिभावकहरुलाई अनुरोध गर्नु भएको थियो ।
