आगलागी पीडितलाई गाउँपालिकाद्धारा ५ लाख सहयोग
सुनकोशी गाउँपालिका–२ ठोकर्पामा सञ्चालित ठोकर्पा पशु तथा कृषि फर्मका आगलागी पीडितलाई सुनकोशी गाउँपालिकाले ५ लाख सहयोग गरेको छ । एक साता अघि कृषि फर्मममा आगलागी हुदा ५० लाख बढीको क्षती भएको थियो । फर्ममा १२० बाख्रा रहेका थिए । आगलागीमा परेर ८१ बाख्रा मरेको थियो ।
स्थानीय युवाहरुको सक्रियतामा गाउँमा नै आयआर्जन गर्ने उदेश्यले करोडौको लगानीमा सञ्चालन भएको कृषि फर्ममा आगलागी भएपछि युवाहरुको उत्साहलाई कायम नै राख्नका लागि गाउँपालिकाले सहयोग गरेको अध्यक्ष टपिन्द्र तिमिल्सिनाले जानकारी दिनुभयो । गाउँपालिका मार्फत अन्य सहयोग पनि उपलब्ध गराउनका लागि पहल गर्ने अध्यक्ष तिमिल्सिनाले बताउनुभयो ।
गाउँपालिका अध्यक्ष तिमिल्सिना,उपाध्यक्ष कान्छी लामा,प्रमुख प्रशासकीय अधिकृत पूर्णप्रसाद दुलाल,वडाध्यक्षहरु लगायतको टिमले कृषि फर्मका सञ्चालक जालबहादुर खत्रीलाई आगलागी भएको स्थानमा नै पुगेर सहयोग हस्तान्तरण गरिए...