सिन्धुपाल्चोक जिल्ला ट्राफिक कार्यालय अधेँरीले बुधबार २ सय भन्दा बढी सबारीका चालकहरुको स्वास्थ परीक्षण गरेको छ। जिल्ला ट्राफिक कार्यालय अधेँरीले सवारी सञ्चालन गरिरहेका सवारी चालकहरुको स्वास्थ्य परिक्षण गरेको जिल्ला ट्रफिक प्रहरी प्रमुख उत्तम आचार्यले बताउनु भयो।स्वास्थ्य परीक्षणमा वल्र्ड प्रेसर,आँखा जाँच गरिएको थियो । स्वास्थय परिक्षण कार्यक्रममा बलेफि गाँउपालिकाका अध्यक्ष गंगा बहदुर तामाङ स्थानिय र प्रहरीको उपस्थिति रहेको थियो । जिल्ला ट्राफिक प्रहरी कार्यालय सिन्धुपाल्चोकले सवारी दुर्घटना न्युन होइन शुन्यमा ल्याउँन पर्छ भन्दै आचार्यको नेतृत्वमा सडकको दाँया बाँया मा रहेका फोहोर समेतलाइ सफा गरी सडक सफा गर्ने, सवारी साधनहरुको निरिक्षण गर्ने ,
यात्रीलाइ भाडा बढी लिएको छ की छैन भनेर छड्के जाँच गर्ने लगाएतका जनसरोकारका पक्षमा काम गरिरहेको छ । खास गरी सवारी सञ्चालनमा कसरी व्यबस्थीत गर्ने भनेर सरोकारवालाहरु सँग छलफल गरी काम गर्ने गरेको अधेरी ट्राफिक कार्यलयले समय समयमा सवारी चालक र सहचालकको स्वास्थ्य परिक्षण समेत गर्ने गरेको र आँखा कम्जोरी भएका र प्रेशर भएकाहरुलाइ उपचार पश्चात मात्र सवारी सञ्चालन गर्न सल्लाह दिइएको आचार्यले बताउँनु भयो । ट्राफिक कायृलय अधेरीले गत हप्ता पनि सवारीसाधनको यान्त्रिक चेक गरेको थियो।सडक दुर्घटना नहोस् भन्ने हेतुले सडक दाँयाबाया झाडी सफा गर्ने देखि सडक पेटिहरू समेत सफा गर्ने अभियान चलाएको ट्राफिक कार्यालयले पछील्लो दिनहरुमा निजी प्रयोजनका लागी प्रयोग गरिएको निजी सवारी साधनलाइ भाडाको यात्री बोक्न रोक लगाएको छ।