विपना तामाङ (गोले)
ईन्द्रावती गाउँपालिकाले विजया दशमी तथा नजिकिदै गरेको शुभ दिपावली, नेपाल संवत्, छठ, ल्होसार लगायतको चाडपर्वको अवसरमा शुभकामना आदान प्रदान तथा चियापान कार्यक्रम सम्पन्न गरेको छ । गाउँपालिकाको अध्यक्ष झम्क नाथ नेपालको अध्यक्षतामा भएको उक्त कार्यक्रममा निर्वाचित जनप्रतिनिधि, राजनितिक दलका प्रतिनिधि, संघ संस्थाका प्रतिनिधि, शुरक्षाकर्मी, पत्रकार लगायतको उपस्थिति रहेको थियो । कार्यक्रममा प्रमुख अतिथि नेकपा स्थायी कमिटी सदस्य एवम् पूर्वमन्त्री शेरबहादुर तामाङले शुभकामना दिनुहुँदै दशै पर्व सद्भाव र भाइचाराको सम्बन्ध विस्तार गर्दै सत्यको विजय भएको दिन महत्वपूर्ण रहेको बताउनुभयो । कार्यक्रममा विशेष अतिथि नेपाली कांग्रेसका नेता बिष्णु बिक्रम थापाले जनतालाई अधिक रूपमा सेवा दिने दायित्व जनप्रतिनिधिको भएको बताउनुभयो । “यस चाडपर्वले सोच बिचारमा परिवर्तन आवोस सुभकामना छ,” उहाँले भन्नुभयो । विजयादशमी नेपालीहरुको महान चाड रहेको बताउँदै खर्चिलो नबनाई घरमा भएको जे जस्तो परिवारमा छ उसैमा रमाइलो गर्नु पर्ने गाउँपालिकाका प्रवक्ता शशिनाथ आचार्यले बताउनुभयो । यसैगरी ईन्द्रावती गाउँपालिका इन्चार्ज डबले लामाले चाडपर्वमा अत्याधिक रुपमा माद्यपान सेवन गर्ने जुवा तास खेल्ने जस्ता कार्य नगर्न सम्पुर्ण गाउँबासीमा आग्रह गनुभयो । शुभकामना आदानप्रदान कार्यक्रममा बोल्दै गाउँपालिका अध्यक्ष झम्क नाथ नेपालले हाम्रा साँस्कृतिक चाडपर्वले सत्कर्मको बाटोमा लाग्ने प्रेरणा मिल्ने बताउनुभयो । साथै आफुले रचनात्मक आलोचनाको सधै स्वागत गर्ने समेत बताउनुभयो । घाटि हेरेर हाड निल्नुपर्छ भन्ने विचारको साथ आफ्नो गच्छेअनुसार दशै मनाउन आग्रह गर्नुभयो । शुभकामना शुभकामना मन्तव्यकै क्रममा पालिका 
उपाध्यक्ष शोभाना तामाङले संस्कृति र परमपरा भनेको कुनै समुदायले भन्दा पनि सबैले साझा पर्वको रुपमा मनाउनुपर्ने बताउनु भयो । कार्यक्रममा नवलपुर स्वास्थ्य चौकिका कर्मचारी लगायतले स्वागत गित मार्फत नृत्य प्रस्तुत गर्दै शुभकामना प्रदान गर्नुभयो । कार्यक्रममा विभिन्न राजनितिक दलहरूले शुभकामना आदानप्रदान गर्नुभएको थियो । गाउँपालिकाका अध्यक्ष झम्क नाथ नेपालको अध्यक्षतामा भएको कार्यक्रम प्रमुख प्रशासकीय अधिकृत राम प्रसाद शर्माले सञ्चालन गर्नुभएको थियो ।
