मेलम्ची नगरपालिकामा एमालेले अग्रता बढाएको छ । वडा नम्बर १ र १३ को मतगणना गर्दा एमालेका मेयरका उम्मेदवार बालकृष्ण देउजाले २८४ मतले अग्रता लिएका छन् । उहाँले १६ सय ६५ मत ल्याएका छन् ।उहाँलाई कांग्रेसका मेयरका उम्मेदवार आइतमान तामाङले पछ्याइरहेका छन् । उहाँले १३ सय ६१ मत ल्याएका छन् । यस्तै एकीकृत समाजवादीका नानीराम चौलागाईले ११७४ मत प्राप्त गरेका छन् । उपमेयरमा भने माओवादीका उम्मेदवारले अग्रता लिएका छन् । माओवादीका देवेन्द्र घोरासैनीले ११४ मतले अग्रता लिइरहेका छन् । उहाँले अहिलेसम्म १६ सय १५ मत ल्याएका छन् । यस्तै एमालेको उमा प्रधानले १५ सय १ मत ल्याएका छन् । राप्रपाको कुमारी स्याङ्तानले ९५० मत ल्याएका छन् । मेलम्चीमा कांग्रेस र राप्रपा तथा समाजवादी र माओवादीको गठबन्धन भएको हो ।