स्थानीय निर्वाचन नजिकिँदै गर्दा राष्ट्रिय प्रजातन्त्र पार्टीले जिल्लामा बिभिन्न दलहरु तथा स्थानीय तहसँग छलफल गर्नका लागी वार्ता समिती गठन गर्दै बिभिन्न पदाधीकारी तथा सदस्य मनोनित गरेको छ । राप्रपा सिन्धुपाल्चोक जिल्ला निर्वाचन क्षेत्र नं २ अन्तरगत प्रदेश सभा (ख) कार्य समितिको नियमित बैठक बसि अध्यक्ष गोबिन्द गुरुङले पार्टीको बिधान बमोजिम तपसिलका पदाधिकारी तथा सदस्यहरु मनोनित गर्नु भएको हो । समितीको उपाध्यक्षमा बोल बहादुर तामाङ गोपाल गुरुङ र सदस्यहरुमा कृष्ण बहादुर पण्डित बुर्लामा तामाङ सूर्य तमाङ र समीर तामाङ मनोनित हुनु भएको छ । त्यस्तै प्रदेश सभा (ख) कार्य समितिको सल्लाहकार समितिको संयोजकमा निबर्तमान जिल्ला कार्य समिति सचिव नातिकाजी सापकोटा चयन हुनु भएको क्षेत्रीय सचिब देब राज गुरुङले जानकारी दिनुभयो । यसैबीच राप्रपाले प्रदेश सभा (क) र (ख) को संयुुक्त बैठक पनि सम्पन्न गरेको छ । बैठकले क्षेत्रीय अध्यक्ष कुमारी तामाङको संयोजकत्वमा प्रदेश क प्रमुख बाबुराम खड्का र प्रदेश ख प्रमुख गोबिन्द गुरुङ रहेको गठबन्धन गर्न र राप्रपालाई जिताउँनको लागी बिभिन्न निकाय सँग सम्मन्वय गर्न तिन सदस्यलाई जिम्मा दिने संयुक्त बैठकबाट निर्णय गरिएको क्षेत्रीय सचिब गुरुङले जानकारी दिनुभयो । आसन्न स्थानिय निर्वाचनको लागि उमेदवार छनौट, स्थानिय तह पालिका र नगरपालिका भित्र रहेका ४९ वटा वडामा राप्रपाको बिजय सुनिश्चित गर्नको लागि भुगोलको आबश्यकतालाई मध्यनजर गरि वडा कार्यसमिति, गाँउपालिका कार्यसमिति र नगरपालिका कार्यसमिति सँग समन्वय गरि सहमति, सहकार्यको लागि क्षेत्रीय अध्यक्ष कुमारी तामाङ, प्रदेश क प्रमुख बाबुराम खड्का र प्रदेश ख प्रमुख गोबिन्द गुरुङलाई जिम्मा दिने संयुक्त बैठकबाट निर्णय गरिएको समेत सचिब गुरुङले जानकारी दिनुभयो ।
