गरगहना चम्काउने बहानामा ठगि गर्ने दुई जनालाई प्रहरीले पक्राउ गरेको छ । पक्राउ पर्ने दुबैजना भारतिय नागरिक रहेका छन् । सिन्धुपाल्चोक मेलम्ची नगरपालिका वडा नं.९ चाङखु टोल बस्ने मान वहादुर तामाङ समेतका ८ जना मानिसहरुको घरमा गई भारतीय २ जना मानिसहरुले सुनचाँदीका गरगहना तथा तामा पित्तलका भाँडाकुँडाहरु चम्किलो र सफा गरि दिने बहानामा सुनका गरगहनाहरु सफा गरि दिई कम तौलको बनाई दिई ठगि गरि फरार भएको भएको थियो । उक्त सूचनाको आधारमा ठगि गर्ने कार्यमा संलग्न मानिसहरुको खोजतलास गर्ने क्रममा बुधबार सिन्धुपाल्चोक जिल्ला ईन्द्रावति गाँउपालिका वडा नं. ४ स्थित नवलपुर बजारमा फेला पारि प्रहरीले नियन्त्रणमा लिन सफल भएको प्रहरी नायव उपरिक्षक दक्ष कुमार बस्नेत बताउनुभयो । पक्राउ परेका दुबैजनालाई न्यायिक हिरासतमा राखी अनुसन्धान गर्नलाई सिन्धुपाल्चोक जिल्ला अदालत चौताराबाट १० दिनको म्याद थप गरी अनुसन्धान भई रहेको र उहाँहरुले यसअघि कुनकुन स्थानमा चोरी गरेका रहेछन् सो बारे पनि अनुसन्धान भइरहेको जिल्ला प्रहरी कार्यालयले जनाएको छ । यसैगरी गाडीमा सिसौको विभिन्न साईजका १० थान गोलिया काठ फेला पारेर प्रहरीले नियन्त्रणमा लिएको छ । बुधबार साझा ९ः३० बजेको समयमा सिन्धुपाल्चोक चौतारा साँगाचोकगढी न.पा. वडा नं.९ कोदारी स्थितमा बा २१ च ६७२५ नम्बरको बोलेरो गाडीमा फेला परेपछि प्रहरीले नियन्त्रणमा लिएको हो । नियन्त्रणमा लिएको बोलेरो आवश्यक कार्वाहीका लागि सव–डिभिजन वन कार्यालय चौतारामा बुझाएको छ ।
