ठूलोसिरुवारी साना किसान कृषि सहकारी संस्था लिमिटेडद्धारा आयोजित मावि स्तरीय निबन्ध लेखन प्रतियोगितामा सेतीदेवी माविका कक्षा १० मा अध्ययनरत छात्र प्रशान्त पुरी प्रथम हुनुभएको छ । “कृषि आधुनिकीकरणमा कृषि सहकारीको भूमिका” विषयक निबन्ध लेखन प्रतियोगितामा द्धितीय कुण्डलादेवी माविका कक्षा १० मा अध्ययनरत छात्रा सुनिता ढुङ्गेल, तृतीय स्थान सोही विद्यालयको कक्षा ८ मा अध्ययनरत छात्रा सहारा ढुङ्गेल र कक्षा ९ मा अध्ययनरत छात्रा प्रतिक्षा फुँयालले सान्त्वना स्थान हासिल गर्न सफल हुनुभएको हो ।
सोमबार चौतारा साँगाचोकगढी नगरपालिका सामाजिक विकास समितिका संयोजक तथा १३ नं. वडाका वडा अध्यक्ष रामप्रसाद गौतमको प्रमुख आतिथ्यता तथा संस्थाका अध्यक्ष होमनाथ चौलागाईको सभापतित्वमा भएको कार्यक्रममा सेतीदेवी मावि र कुण्डलादेवी माविका ४/४ जना गरि ८ जना विद्यार्थिहरुको सहभागिता रहेको थियो ।
कार्यक्रममा प्रथम, द्वितीय, तृतीय र सान्त्वना स्थान हासिल गर्ने विद्यार्थीहरुलाई क्रमश रु. २,०००।–, रु. १,५००।–, रु. १,०००।– र रु. ५००।– नगद तथा प्रमाण–पत्र सहित सम्मान गरिएको संस्थाका अध्यक्ष होमनाथ चौलागाईले जानकारी दिनुभयो ।
