चौतारा साँगाचोकगढी नगरपालिकामा रहेको एक मात्र निजी माध्यमिक विद्यालय जुगल बोर्डिङ हाइ स्कुलले ३४औँ वार्षिकोत्सव तथा अभिभापक सम्मेलनको अवसरमा अन्तर माध्यमिक तहको हाजिरी जवाफ प्रतियोगिता सम्पन्न भएको छ । प्रतियोगितामा गोल्मादेबी मावि कदम्बासाका विद्यार्थीले प्रथम स्थान हासिल गरेका छन् । प्रतियोगितामा दोस्रो इर्खु मावि इर्खु र कालिकादेवी मावि देउरालीका विद्यार्थी तेस्रो भएका छन् । प्रतियोगितामा नगर भित्रका १० माध्यमिक विद्यालयको सहभागिता रहेको थियो ।
विद्यालयका प्रधानाध्यापक ओमप्रकाश उप्रेतीको अध्यक्षतामा औपचारिक रुपमा सञ्चालन भएको थियो । हाजिरी जवाफ प्रतियोगितामा समसामयिक खण्ड, विज्ञान तथा प्रविधि खण्ड, नेपाली साहित्य, धर्म र संस्कृति खण्ड, खेलकुद खण्ड, ईतिहास खण्ड, भुगोल खण्ड र गाउँखाने कथा खण्डबाट प्रश्न सोधिएको थियो । प्रत्येक खण्डको प्रश्न सोधिसकेपछि अडियो र भिडियो राउण्ड समावेश गरिएको थियो भने यी सबै सोधेपछि अन्तिममा र्यापिड राउण्ड समेत रहेको थियो जसमा १ मिनेटमा १० वटा प्रश्नको उत्तर दिनुपर्ने थियो । जसमा प्रत्येक प्रश्नको सहि उत्तर बापत ५ अंक सहभागी पाएको थियो ।
¥यापिड राउण्ड अघि सम्म २९ अंकसहित सिद्धिगणेश मा.वि अग्र स्थानमा रहेको थियो भने २८ अंक सहित गोल्मादेवि सिद्धिगणेश मा.विलाई पछ्याइरहेको थियो । तर ¥यापिड राउण्डमा ५ अंकमै खुम्चिनु पर्दा मुखैमा आएको गाँस खुस्किएर गोल्मा देवी मा.विले जम्मा ५३ अंक सहित प्रथम भएको थियो भने ४९ सहित ईर्खु मा.वि दोस्रो स्थानमा र ४८ अंक प्राप्त गरि कालिकादेवी मा.वि तृतीय स्थान हासिल गरेको थियो ।
प्रतियोगितामा सबै राउण्डका प्रश्न सोधिसके पछि प्रधानाध्यापक उप्रेतीले अति धेरै टिम सहभागी भइ प्रतिस्पर्धात्मक रुपमा हाजिरीजवाफ खेल्नु भएकोमा बधाई व्यक्त गर्नुहुदै प्रतियोगिता जित्न मात्र नभई सिक्न पनि आयोजना गरेको बताउनुभयो ।
उहाँले सहभागी विद्यार्थीले केही नयाँ ज्ञान सिकेको छ भन्ने कुरामा विश्वास व्यक्त गर्नुभयो । प्रतियोगितामा सोधिएको ईतिहास खण्डको एउटा प्रश्न सोध्ने क्रममा मिलाउनेलाई विशेष पुरस्कारको व्यवस्था छ भन्दै सहभागी विद्यार्थीलाई हौसला प्रदान गरिएको थियो भने उक्त प्रश्नको उत्तर मिलाए बापत कालिकादेवी मा.विका टिमलाई कार्यक्रम समापनमा रु ५०० प्रदान गर्नुभयो । आगमी फागुण १७ गते हुने वार्षिकोत्सवको समारोहमा पुरस्कार वितरण गर्ने कुरा जानकारी गराउनुहुदै भव्य कार्यक्रममा गरिमामय उपस्थिति भई कार्यक्रम सफल बनाउन सबैलाई निन्त्रणा समेत गर्नुभएको थियो ।
