दर्शन सुनार/ लोकप्रिय समाचार, कतार
“संसार भर छरिएर रहेका रोल्पालीहरु गोलबन्द हौ“ भन्ने मुल नाराका साथ २०७५ सालमा स्थापना भएको रोल्पाली सेवा समाज कतार शाखाले आगामी शुक्रबार बिविध साँस्कृतिक कार्यक्रमको आयोजना गर्ने भएको भएको छ ।
दाङ घोराही उपमहानगर पालिकामा रहेको वाल शान्ती गृहलाई “मानव सेवा आश्रम सहयोगार्थ“ गर्ने हेतुले आयोजना गरिएको कार्यक्रममा दशै तिहार तथा छठ पर्व शुभकामना आदान प्रदान तथा विविध साँस्कृतिक कार्यक्रम २०८१ को आयोजना गर्ने भएको हो ।
समाजका वरिष्ठ उपाध्यक्ष तथा कार्यक्रम संयोजक दुर्गा बहादुर खड्काले कार्यक्रमको तयारी अन्तिम चरणमा पुगेको जानकारी दिनुभयो । कार्यक्रममा कतारमा स्थापित विभिन्न संघ संस्था तथा नेपाली दाजुभाई तथा दिदीबहिनीहरुलाई उपस्थितिको लागी रोल्पाली सेवा समाज कतारका अध्यक्ष गोपाल डांगीले अनुरोध समेत गर्नुभएको छ ।
साँस्कृतिक संयोजक मानसिङ परियारले कार्यक्रममा साहित्य अनुरागीहरु पनि समेटिएको र कतारमा रहेका स्थानीय कलाकारहरुको बेजोड सांगीतिक प्रस्तुति रहने जानकारी दिनुभयो ।
आगामी शुक्रबार सनैयामा अवस्थित फुलवारी रेष्टुरेन्टको सभाहलमा बिहान ११ बजेदेखी कार्यक्रम सूरु हुने कार्यतालिका रहेको छ । भने लोकप्रिय समाचार राष्ट्रिय दैनिक समेत उक्त कार्यक्रमको सञ्चार सहयोगीको रुपमा रहेको छ ।